قصة جبروت العشق🥀بنية تنغصب تتزوج ابن عمها الشيخ ويتحول الاجبار والظلم إلى عشق عظيم ❤️

قصص فصلية حقيقية
قصص فصلية عراقية
قصص عراقية غوايش
روايات Hk
راهب ابو غضب
قصة ضحية لمن لايرحم
وضاقت الارض بي
قوارير من فضة
أساور الفضة
بين يدي اربعيني
غرور ضابط

[@roqaia333]

مرحبااا حبايبي كلما خليتوا للفيديو لايكات اكثر كلما انزل اسرع 😉 اتفقنا وصلوا عالقليل 500 لايك 👍 جبروت العشق بقلم الاميرة الموسوية..... صهيب بعد ما قنع امه انو يسوون الفاتحه ابيت جده .. كال للشيخ انو امه موافقه. من الصبح الكل طلعو متوجهين للقريه ....! طبعاً صهيب وأمه وأخته بسيارتهم طلعوو والبقيه كلمن وسيارته .. بس الشيخ كال الفيصل انو لازم يروح بسيارة بيت عمه لانو ميندلون واخاف يصير ازدحام ويتايهون!! طبعاً هو اله بيها مأرب اخرى بس محد كان يعرف! فيصل ما كان حاب يشوف يُسر او حتى يلتقي بيها بعد الي صار البارحا ، لان هو اصلا ممتأكد من نفسه اذا شافها راح يكدر يتحمل وما يقتلها خلاص ع الي سوته! فحاول بكل الطرق انو يغير رأي الشيخ وميروح بسيارة اهل يُسر بس مثل متعرفون الشيخ كلمته متصير اثنين! اضطر فيصل ينزل من سيارته ويروح يركب ويا صهيب وأهله .. طبعا فيصل كان لابس دشداشه سوده خليجيه ، مفصله عليه تجنن ... وهو جسمه رياضي ومعضل مو ضخم حيل و اوفر .. لا جسمه مرتب وطويل ، بشرته مو سمره حيل ولا بيضه يعني سماره حلو ، طويل وشعره اسود ليل وناعم ، لحيته مرتبه دائما يحددها بترتيب ، عيونه لونهم عسلي فاتح ، ملامحه حاده وكُلها رجوله .. يعني من الاخير شخص وسيييييم وهيبته تخطف الانفاس ، حلم كل بنيه بالقريه .. حتى بالجامعه البنات جانن ميتات عليه بس هو مينطي مجال ابد ، مو تكبر او غرور بس ميريد يضحك على بنات العالم ، والسبب الاهم انوو گلبه كان ملك لوحده وبس!!!!!! ( هم بعدين حتعرفوها منو ) المهم .. راح فيصل وصعد بالسياره مالت صهيب ، فتح الباب وكعد ابد ما التفت ولا باوع عليها .. كال السلام عليكم وسكت !! طول الطريق بقى يحجي ويا صهيب ويسولفون بس ابد ما باوع ليوره ولا حتى بالمرايه مالت السياره حتى ميلمحها اصلاً ، لان من صدك گلبه يفور نار عليها كلما يتذكر اشون شافها تحجي ويا هذا المهتلف ابن خالتها دمه يغلي غليان ، حاول يشغل نفسه بأي موضوع ويحجي ويا صهيب حتى ميحس بوجودها ولا يفكر بيها وبألي صار! الطريق طويل حييييل من المدينه للقريه وهم طالعين من الصبح .. صارت الدنيا الظهر كولش ، الشيخ اتصل بفيصل .. كاله خلي انزل الجماعه حتى يتغدون لان خطيه مماكلين شي من الصبح! فيصل كاله اي صحيح شيخ هسه اكو مطعم كدامه وننزل ان شاء الله . صدك بعد مسافه وصلو يم مطعم ع الطريق .. نزلو الزلم كلهم فيصل اول ما وكفت السياره نزل .. ما صدك بس يريد ينهزم من يمهم .. صاح صهيب وكاله امك وأختك يبقون بالسياره لان كلها زلم واحنا ما عدنا نسوان تطلع كدام الزلم ، وخصوصا امك وأختك سافرات . صهيب اتفاجأ من كلام فيصل لان همه اصدقاء والي يعرفه فيصل مو همجي ولا معقد حتى يحجي هيج ! بس هم حقه لانو فعلا كلها زلم وزحمه امه وأخته كاعدات بنصهم. رجع صهيب للسياره وكاللهن متنزلن من السياره اني راح اجيب الاكل لهنا.. انتصار كانت تعبانه وما بيها حيل تحجي اصلا وما رادت تسوي مشكله لان تعرف الشيخ هو الي طلب يبقون بالسياره فسكتت مكالت شي ، و يُسر كانت ميته من البجي ومقهوره على ابوها لان كان مدللها هي وأخوها وتحبه اكثر من كولشي بحياتها ، ممصدكه ابوها راح وعافهم 💔 بقت بس تبجي ... وهي اصلا ما الها عين تحجي بعد الي صار البارحا مو خوف بس خجلانه من هذا الي شافها واكفه يم ابن خالتها وضربها .. هي لحد الان متعرفه منوو! فسكتت معترضت ع كلام اخوها وبقت بالسياره . راح فيصل طلب نفرين كباب ومقبلات وعصاير ، انطاهم لصهيب كاله هاي لاهلك وديها خلي يتغدون. اخذ صهيب الاكل .. اتغدو الكل وكملو رادو يكملون طريقهم .. رجع صهيب للسياره بس فيصل بقى يحجي ويا الشيخ انتصار اكلت كم لكمه بالكوه وبعدين نامت لان حيل تعبانه ومقهوره على زوجها ، و يُسر ما الها نفس تاكُل ابد ، اول ما شافت صهيب اجه لوحده بسرعه صاحت عليه وكالتله .. يُسر .. صهيب عفيه اريد اروح للتواليت بعد مااتحمل! صهيب .. وين تنزلين متشوفين الزلم هذولي ، تردين الشيخ يذبحني بس يشوفج نازله انتي وبنطرونج بنصهم ، هذولي مو مثلنه عدهم عيب المره تنشاف اصلا.

[@roqaia333]

١.يُسر .. فدوه صهيب الله يخليك بس اروح اغسل وأجي ما اتأخر بس ثواني وارجع. صهيب .. اووووف منج يا ربي ، انتظري خلي يدخلون يغسلون وانزلي بسرعه ، بس ديري بالج يشوفج الشيخ لو فيصل ترى موتج يصير عمل شعبي ! يُسر .. ايييي والله ما أتأخر بس اروح للحمامات وارجع بسرعه. راح صهيب باوع ماكو احد .. اجه بسرعه فتح باب السياره وكاللها يلا بسرعه بسرعه ماكو احد انزلي بسرررررعه! دتريد تنزل يُسر .... وجااااان يلمحها فيصل من بعيد! فيصل كان ديحجي ويا الشيخ التفت شافها دتنزل من السياره بسرعه صاااح صهييييب!!!!! صهيب من شافه كاللها انتظري يسُر خلي اشوف شيريدون واجيج! راحله صهيب ... فيصل .. هاي شنو صهيب شدتسوي متشوف الزلم منا اشلون تنزل اختك؟!! صهيب .. فيصل اشبيك ، يُسر اتريد تروح للحمام واني شفت محد ما اكو وكلت تنزل ومحد يشوفها . فيصل .. اي خليها تروح بس مو تنزل بهذا لبسها ع الاقل تخلي شي عليها خلي تلبس عباية امها . صهيب .. امي متلبس عبايه ، اشلون منين اجيبلها عبايه هسه؟!! فيصل .. ابقى هنا هسه اجيك ولتنزل اختك اذا ما اجي . راح فيصل لسيارته فتحها وطلع منها عبايه رجاليه كشخه ، طبعاً هم ميلبسها الا نادراً بس هو الزي مالتهم الي يلبسو بالمضايف دشداشه وعبايه رجاليه وعكال ، هو ميحب يلبس مثلهم لان اكثر لبسه رسمي او ملابس مثل اهل المدينه لان هوخلص اغلب وقته بالمدينه خصوصاً دراسته وشغله هم مهندس يعني ميلبس هذي الملابس بس من يروح ويا ابو .. لان هو ابن الشيخ فلازم يلبس هشكل. المهم .. طلع العبايه مالته واخذها لصهيب كاله هاك خلي تلبس هاي . صهيب ضحك بداخله لان يعرف اخته لو تموت متلبس هذا الشي ! بس سكت محجه شي اخذه من فيصل وراح للسياره انطاها لاخته ... يُسر .. شنو هذي؟!! صهيب .. هذي عباية فيصل البسيها يلا تنزلين لان الشيخ ميقبل تطلعين كدام الزلم هيج عيب. يُسر .. صهيب انت اشبيك انجنيت شنو هذي الي جايبها وتريد البسها ؟!! اشو ما ألبسها وانزل غصباً عن الكل خلي اشوف شنو يسوون بلا. فتحت الباب ورادت تنزل ...ما حست نفسها غير دتندفع لسياره وانطبك الباب بقوه!!!!!!!!! باوعت كدامها وجاااان تشوفه واكف كدامها ...!! هذا نفسه الي ضربها البارحه وجرها بقوه من كانت واكفه يم ابن خالتها؟! دمها كام يفور رادت تلزمه وتكطعه بسنونها من اتذكرت الي سوا بيها البارحه واشون ضرب ابن خالتها وسبحه بدمه.. وفوكاها هسه هم دفعها للسياره بقوه منو شايف نفسه ويسوي هيج وياي؟!! منو هو اصلا حتى يمد ايده عليه مرتين ؟! بكل عصبيه وبصوت حاد كالتله .... يُسر .. انت منو حاسب نفسك حتى تمد ايدك عليه ؟!! فيصل .. ما انتبه الها ولا عبرها اصلا كال لاخوها .. صهيب كل لاختك صوتها ميعلى احسنلها ترى لحد الان انت واكف بعيني والا اعرف اشون اتصرف ،واذا تريد تنزل تلبس العبايه لو متنزل اصلا .. احنا مو بغداد وتتمشى بالبنطرون كدام الزلم . صهيب .. خجل من كلام فيصل ، كلامه صحيح واخته صدك علت صوتها عليه .. كاله احسبها عليه خويه ، ترى يُسر متعرفك انت منو لذلك ضاجت لان لزمتها هسه اني افهمها . فيصل عافهم وراح ولا التفت اصلا ، هي كلبها احترك من الغضب اشون لبسها ولا كأنو موجوده !! لا وفوكاها صهيب يعتذر منه ويكوله احسبها عليه؟!!! صاحت لاخوها بكل عصبيه بس بصوت ناصي وكالتله .. يُسر .. صهيب انت اصلا اشون تقبلها على نفسك واحد يلزم اختك كدامك وانت ساكت ؟!! وفوكاها تعتذر منه؟! شنوووووو اتخبلت انت فهمني اشبيييييك؟! صهيب .. لج بابا هذا فيصل ابن عمنا الشيخ طه ، واني كلتلج ميقبلون تنزلين بهذا لبسج وعاندتي وهو ميصير عدهم المراة تكسر كلام الرجال ، وفوكاها تعلين صوتج عليه؟!! يُسر الله يخليج لتسوين مشاكل اتحملي هالكم يوم وانرجع على ما تخلص الفاتحه. يُسر .. ابتسامه خفيفه انرسمت على وجها .. شنووو هذا فيصل؟!! ولا عرفته .. قبل كم سنه چنه نلعب سوه شبسرعه صار هالكبره؟! بعدين اتذكرت تصرفاته وياها اختفت ابتسامتها والعصبيه رجعت ع ملامحها .. وهو شدعوه عليه هيج عصبي ، اني شعرفني هو ابن عمي اذا صاير بكبر الفي... ! خزرها صهيب وسكتت. صهيب .. انتي اشلوووووون باللسانج ، فهميني ؟!! بهذي الاثناء كعدت انتصار ع صوتهم .. كالتهم اشبيك شصاير لويش دتتعاركون؟! كاللها صهيب لا ماما ماكوو شي ومدا نتعارك بس يُسر اتريد تروح للحمامات . انتصار .. اي لعد متروح اشبيها؟!!

[@roqaia333]

٢.يُسر .. خلص بطلت مااروح ، بس فضوني اشوكت نوصل طلعت رووحي من هالروحه السوده. بنفس اللحظه اجه فيصل دخل للسياره وكال لصهيب يلا امشينا خلي نطلع كدامهم. طلعوا هم قبل السيارات والباقين اتحركو وراهم ، هذي المره طول الطريق فيصل بقى ساكت ما حجه ولا كلمه. قبل ليوصلون كال الصهيب انطيني اني اسوق لان انت متندل واحنا اول سياره. صدك نزل صهيب واخذ مكانه فيصل هو يسوق .. صارت المرايه الاماميه بوجهه من صعد للسياره صارت عينه بعينها !! خزرهااا وهي دارت وجها بسرعه .... بعد ما باوع بالمرايه ابد حتى ليشوفها. بقى يسوق ونفس الوقت يفكر بكلامها ويا لما رادت تنزل اشون صيحت عليه .. نار وتشتعل بي فززه من تفكيره صوت صهيب وهو يسأله.. صهيب .. اشبيك فيصل اشو متغير من البارحه لليوم احسك صاير عصبي ومتتحمل أي كلمه ، صاير شي؟!! فيصل .. بسرعه رفع عينه للمرايه وباوعلها .. لا مصاير كلُشي ماكو بس البارحه شفت شي ضوجني لذلك اشويه اعصابي متوتره . صهيب .. شنو هذا الشي الي شفته ابيتنا؟!!!! فيصل .. ماكو شي صهيب وان شاء الله اني اعرف اشون أأدبه هذا الشخص ع هذا التصرف الي سوا الا اكسر راسه ، ويباوع بالمرايه ويخزرها. صهيب .. هاي شنو فيصل مو هذا الشخص وشنو الي شفته احجيلي بلا أللغاز فيصل .. ماكو شي خويه وداعتك ، شي تافه ميسوى اصلا احجي ، ومو يمكم السالفه ابد. صهيب .. شافه ميريد يحجي ما حب يلح عليه لأن خاف تطلع شغلة عائليه وميصير يتدخل ، فسكت وكاله براحتك ان شاء الله محلوله. اشويه و وصلوا لبستاااان كبيييييركُلش وباب عالي حيييل دك هورن فيصل وجان ينفتح الباب طلاگتين .. ويطلعون زلم ملثمين لابسين دشاديش وسلاحاتهم على اكتافهم ... فتحوا الباب واستقبلوا فيصل وكولهم يصيحون ... هلا بالشيخ هلا بالشيخ !! كال فيصل وصلنا بسلامتكم الحمدلله ، بس خلي ندخل للبيت حتى تنزلون براحتكم . ام صهيب كالتله الله يسلمك ابني وصهيب همينه . دخلهم للبيت شافوا الحديقه مالت البيت شكبرها اتجنن كُلها ورود واشجار زينه تخبل ، على طول الطريق الي يودي للبيت وبالنص نافورا كُلش كبيره والمي يجري بيها و وبنص هذي الحديقه بيت ع بالك قصر شكبره وعاااالي حيل بناء حديث وكوله حجر ومرمر من الخارج !! انتصار انصدمت من شافت البيت والفخامه .. متوقعت بيتهم هيج فخم وكبير لان هي ما جايه غير مره وحده قبل ليصير عدها اطفال من أول ما تزوجت وبعد ما اجت ابد. بقت مبهوره بجمال البيت والمكان ، ع بالك عايشين بنص الجنه ولا تكول قريه وريف!! المهم .. نزل فيصل وكاللهم يلا اتفضلو والجنط عوفوها هم ينزلوها.. نزلو ودخلهم للبيت الي انصدمو بي أكثر! اثاث كوله تركي حديث والبيت نظيف والتحفيات كولها اتجنن ، البيت كبيييير بكل ما للكلمه من معنى ع بالك قصر من قصور الامراء . دخلهم فيصل وكاللهم اتفضلو خلي اصيح الوالده وأجي .. كعدو ينتظرون ومصدومين من الخير والعز الي ديشوفوا بس بنفس الوقت كانو مكسورين والحزن ماليهم على ابوهم ، يسُر منتبهت للبيت اصلا ولا باوعت بس تبجي وتتذكر بأبوها. اشويه واجه فيصل كال لصهيب امشي خلي نروح للمضيف يم الزلم والنسوان يبقن هنا ، لان اخواتي يردن يجن يسلمن على امك واختك ويستحن منك. كاله صهيب اي يلا امشينا ، خليهن ياخذن راحتهن. اخذه فيصل وطلعو للمضيف ، اجت ام فيصل سميه وبناتها شهد و رفل ، ونسوان ولدها ونسوان اخوة ابو صهيب ياسين وبناتهن واقاربهم سلمو على يسُر وأمها وكعدن يبجن ويلطمن ... بعدين سوو العزا وبقن 3 ايام على هذا الحال بس بجي ولطم ، نسوان تجي تعزي وتروح .. وبالليل يجي صهيب يم أمه وأخته يشوفهن خاف محتاجات شي او يردن شي ، طبعاً ارتاحو كُلش هنا وما حسو بالغربه لو بالضوجه اهل ياسين واسووهم وما قصرو وياهم ابد يُسر شافت بنات عمها اخوات فيصل شهد و رفل حبتهم كُلش وهما هم حبوها بس بنات عمها الباقيات مو هالكد حبتهن لان حستهن متكبرات وضايجات منها متعرف لويش. المهم خلصت ال 3 ايام والعزا انتهى .....! وقرر صعيب ياخذ اهله ويرجعون لبغداد بس الي سمعه من الشيخ صدمه..........! يتبع

[@roqaia333]

٣.بالبدايه خلي اعرفكم بنفسي ..... اسمي فيصل عمري29 سنه خريج هندسه وحالياً متعين بشركة مالتنا مو حكوميه لان اني شخصيتي ومكانتي متسمحلي انو اشتغل عند احد ، اني ما عندي تكبر ولا اي اعتراض انو اتعين بشركه ثانيه بس هذي أوامر الوالد .. لان هو شيخ ومعروف فصعبه عليه ابنه يشتغل موظف عند الناس. المهم .. اني بشكل عام انسان هادئ مااحب المشاكل ولا اكره احد ، شكلي اعتبره مقبول مع العلم هواي يكولولي انت حلوو انت صاك انت وسيم من هذي السوالف طبعاً هذا مو مدح لا ابد (لانو من مدح نفسه فقد ذمها ) بس هذي الحقيقه وبالنسبه الي الرجل مو بجماله ولا بشكله لا الرجوله اخلاق ومواقف. ترتيبي قبل الاخير بين اخواني اثنين الكبار متزوجين وعدهم اطفال ، واني واخويه الصغير بعدنا ، وعندي اخوات 2 وحده متزوجه و وحده بعدها صغيره صف خامس اعدادي انريدها تكمل لان شاطره ما شاء الله ، اكيد هسه البعض يستغرب اشلون نخلي بنيه تكمل دراستها؟!! احنا مو معقدين ولا همجيين مثل ميحجون عنه اهل المدينه لا بالعكس حالياً الوقت اختلف والعالم بدت تتطور وتغير عاداتها المتخلفه ، بس احنا ناس محافظين .. يعني .... ما عدنا انفلات وحريه زايده مثل اهل المدينه .. انواكب التطور والانفتاح بس بحدود ، وبنفس الوقت محافظين على عاداتنا وتقاليدنا. اتركونا من هذا الموضوع هسه لان اذا حجيتلكم بي مراح نخلص بعد .. خلوني احجيلكم قصتي حتى تتعرفون عليه اكثر وأكثر قبل 15 سنه اني كان عمري تقريبا 14 سنه كنا ننجمع ابيت جدنا الكبير شيخ عبدالله اني واخواني وجهال اعمامي كلهم .. نلعب سويه ونتونس ، مره دنلعب لعبة الغميضه بالبستان كل واحد ختل بمكان بعدين خلصت اللعبه والكل طلع ما عدا بنت عمي الصغيره ( يَسر ) عمرها كان بوقتها يمكن 6 سنوات لو 7 مااتذكر المهم طلع الكل وخي ماكو؟!! البستان كبير وصارت الدنيا المغرب وهي ماكو.. بدينا اندور عليها كل مجموعه راحو لمكان بس اني رحت لوحدي لان اني مااخاف من صغري .. بقيت ادور عليها ادور واصيح بأسمها وهي ماكوو ، وصلت لمنطقه بالبستان حيل بعيده عنهم وعن البيت ، ادور عليها بس اريد الكاها ماااااكوو الشمس بدت تغيب ويحل الظلام ، وصلت لمرحله فقدت الامل وكلبي حسيته وكف من القلق صح اني كنت طفل بس كل تفكيري انو هي عرضي واني مسؤول عنها ولازم الكاها ، تعبت واني ادور عليها وهي ماكوو بعدين وكفت بنص الزرع وصفنت مااعرف شسوي و وين اروح؟!! بحركه عفويه مني وبدون اي تفكير رفعت راسي للسماء ووالدموع اتجمعت بعيني .. كلت ربي دخيلك اريدها من عندك .. واذا ما الكاها اخذ روحي بهاي اللحظه! نزلت راسي ودموعي نزلت وياي ... درت وجهي ورجعت للبيت بس شرجعت بلا روح .. روحي عفتها بمكاني الي حاجيت ربي بي واجيت ، بعدلي مسافه قليله واوصل ..... جان اسمع صوتي مثل البجي!!!!!! كلبي حسيته كام يرجف بقيت اتلفت وادور ادور ادور .... وبين الزرع والگصب لكيتها كاعده مخليه راسها بين رجليها وتبجي!!!! بهذيج اللحظه مااعرف اشصارلي ، شعور بعد ما حسيته من عمري 14 سنه الى هذي اللحظه ، فد احساس اول مره احسه .. بدون وعي صحتلها بكل خوف وقلق وغضب وحزن كل العواطف اتجمعت بي كلتلها .... يُسر؟!!!!!!!!! بس الي صار بعدها نساني حتى اسمي ، اني كنت مراهق اذا مو طفل اصلا بس صدكوني المشاعر متعرف طفل ، والشعور الي حسيته بوقتها لو عيش مليون سنه هم مااكدر اوصفه. من صحتلها رفعت راسها بسرعه لون الشمس الاحمر صار بعينها شفت الدموع ماليه عيونها وتبجي ، مااعرف شصارلي بس كلبي انقبض واختنكت .. هي ركضت بكل سرعتها حضنتني وتصيح فيصل لتعوفني فيصل لتعوفني ! اللللللله يا هذيج اللحظه لو تتكرر يمكن اموت من قوة الاحساس الي عشته وبرائته بقت ملزمه بملابسي وتصيح لتعوفني ،، حظنتها كلتلها لتخافين مااعوفج امشي خلي نرجع للبيت ، ردت ابعدها عني حتى نمشي بس هي ما قبلت تعوفني حاضنه رجليه كل قوتها !! دنكت عليها هي ناعمه وصغيرونه واني طويل وضعيف جنت شلتها ، خلت راسها بنص رگبتي ودموعها تنزل عليه ! حسيت جسمي كله قشعر بوقتها .. مااعرف شنو من مشاعر دااختبرها غريبه وأول مره احسها. بقيت حاضنها ورجعت للبيت اول ما وصلنا دخلت لكيت الكل مخبوص ويدور عليها ... ابوها اول ما شافني شايلها انزعج وعصب حيل ركض عليه جرها مني وضربني راشدي!!! ياسين .. وين اخذتها وشسويتلها؟!! فيصل .. بقيت مصدوم من تصرف عمي ياسين مااعرف شحجي!! بقى يصيح ويغلط عليه ويكول كلام مااعرف شنو ولا افهمه .. بهالاثناء طلع ابويه وجدي الله يرحمه ، بقو يحجون عليه ويهدأون بي بس هو ولا ع بالك بس يصيح ويغلط. مااطول عليكم بعد نقاااش طويل وصياح وهوسه ع بالهم اني مسوي شي وياها..!! ابويه كال فيصل ابني مربى ومايسوي المكسوره واذا صدك هذا الكلام هسه ادفنه هنا ....!! ابوها يهدد ويصيح بجهة و عمامي يصيحون بجهه ، اجه جدي كاللهم الكل تسكت ومااريد اسمع اي كلام. كعدهم كُلهم وكال صيحولي البنيه خلي نفتهم منها شصار ؟! هي طفله وما تفتهم الكذب اكيد راح تحجي الي صار.... صدك جابو يُسر تبجي وعيونها صايره حمره من البجي وخشمها هم صاير طماطايه اجتي تمشي وهي قزمه اشكدوتها ودبدوبه ،شعرها اشگر يجنن وسرح مسويه ستوتات اتذكر بوقتها حافظ كل تفاصيلها من هذاك اليوم منسيتها ومستحيل يجي يوم انساها.. المهم ... اجتي كعدت بحظن جدي وصاحني اني هم كعدت كدامهم وعمامي كاعدين ، كعدها جدي وانطاها جكليته حتى تسكت ، اشويه وسكتت سألها جدي ... الجد .. حبيبتي جدو وين اخذج فيصل وشسويتو؟!!

[@roqaia333]

٤.فيصل من كاللها هيج حسيت سجينه وغرسها بنص كلبي من كلامه .. معقوله لهدرجه تقكيرهم قذر ويظنون انو اني ممكن اسوي هيج شي بطفله؟!!! كلبي اشتعل نار بحيث حسيت النار دتطلع من عيوني .. بس سكتت وانتظرت لحد ما تطلع الحقيقه وتحجي يُسر بعدين اني اعرف اشلون اتصرف. كالتله يُسر بكلماتها المكسره .. اني ثنت العب وياهم عميضه وكعدت يم الذرع انتظرهم يجوني بس محد اجاني وثارت ظلمه بقيت ابجي وحفت بعدين اجه فيثل ورجعني للبيت. الجد .. اهااا يعني فيصل هو الي رجعج ومسوالج شي؟! يُسر .. لا ما سوالي شي بس اني كلتله يشيلني لان حايفه. باسها الجد وكاللها يلا جدو روحي لماما وبعد لتطلعين للبستان حبابه. راحت يُسر .. وفيصل النار مشتعله بگلبه متنطفي .. عمه ياسين دنك راسه وما حجه ولا كلمه بيا وجه يحجي بعد الي سوا؟! الجد كال لياسين ابو صهيب .. ابني انت غلطت بحق فيصل وابو كوم اعتذر منهم وبعد لتعصب قبل ما تفتهم الموضوع ترى العصبيه مو حل ومتسوي غير المشاكل.. يلا ابني كوم بوس راس اخوك الچبير واعتذر منه. كام ياسين باس راس اخو طه واعتذر منه واجه راد يبوس فيصل بس فيصل ما انطا مجال وكام بسرعه...! فيصل بصوت حاد وكله قهر كال .. لا عمي لتبوسني ولا شي انت مهما يكون اكبر مني وحقك هاي بنتك ، بس المفروض انت عمي وبمكانة ابويه وتعرف شنو تربيتي ومنو الي رباني ، انت بتصرفك هذا ما أسأت الي .. لا انت أسأت لاخوك وابوك لان اني تربيتهم ، فالمفروض تعتذر من ابوك وابوي اما اني فيكفيني ثقة ابويه وثقتي بنفسي ، ويلا من رخصتكم. كام فيصل وطلع من المضيف بس هو مشتعل نار من الي صار. مر يومين ع الحادث وفيصل حابس نفسه بغرفته ميطلع ولا يشوف احد ولا يحجي ويا احد من المدرسه للبيت .. بس كان اكوو شي شاغله ومتعب تفكيره!!!! وهو (يُسر) وألي صار بالبستان هذاك اليوم .... ميكدر ينسى ولا يطلع من باله ، دائماً اول شعور صعب ينسي. من هذيج اللحظه روحي تعلقت بـ يُسر اخذت گلبي وعقلي وكل شي بيه ، بحيث كمت احسها تصعد وتنزل ويا النفس الي اتنفسه.. بس بعد الي صار عمي ياسين بقى كم يوم يمنا وبعدها اخذ جهاله وراح .. كام ميجي غير مره وحده بالسنه ومحد يجي ويا بس هو ، ومرات يجيب ويا صهيب! هذا الشي دمرني دمار كنت انتظر جيته على احر من الجمر بلكي تجي ويا وأشوفها .. بس كل مره يخيب ظني . قررت اكمل دراستي واحقق حلمي انو اصير دكتور بس للأسف هم ما صار الي اريده وطلعت معدل هندسه ، اني مااحب الهندسه بس شسوي بعد هذا النصيب واني ما عندي نصيب بأي شي! كملت دراستي واتخرجت وحالياً داافكر اروح اقدم ع كلية القوه الجويه اريد اصير طيار.. بس الوالد اشويه معاند بالموضوع لان يخاف عليه واني ما اريد اكسر كلمته المهم .. بقت يسر ساكنه گلبي ومتربعه بي .. اشكد حاولت اطلعها من حياتي انساها ، احب غيرها ... ماكووو اي فايده ما أكدر ، احسها مثل اللعنه صارت بيه! الى ان اجه اليوم الي اتوفى بي عمي ياسين وشفتها واكفه هي وهذا الحقير ابن خالتها .. حسيت السماوات السبعه كُلها وكعت على راسي بلحظتها .. مااعرف شنو من شعور سيطر عليه اتمنيت اقتلها بنفس اللحظه وأنتقم لگلبي الي بقى عايش على املها وينتظرها كل هاي السنين .. اثاريني طلعت انتظر وهم ، سراب اختفى من حياتي بيوم وليله! كل حبي الها ومشاعري تحولت الى كره وغضب عظييييم ميطفي غير موتها وبس. بس يا ترى اذا ماتت يرتاح گلبي لو يموت وراها؟!!!! ................

[@roqaia333]

٥.سمعتو من الكل وتعرفتو ع كل الشخصيات تقريباً ... هسه اجه دوري حتى تتعرفون عليه! اسمي (يُسر) عمري 19 سنه طالبه جامعيه مرحله اولى قانون ، طبعا اني مااحب القانون ولا كنت ناويه اروح بي بس مشكلتي اكره الرياضات اتخبل منه لذلك رحت أدبي والحمدلله طلعت معدل زين ورحت اعلى شي بالادبي القانون. شكلي ... طولي متوسط (مااريد اكول قزمه 🤭 ) .. مو سمينه ولا ضعيفه يعني جسمي مرتب ونازك .. لون عيوني اخضر ع صفار يعني اخضر فاتح ، شعري اشگر وطويل و سرح بس اني اسوي كيرلي دائما لانو وجهي دائري فيلوكلي ملامحي ناعمه كولش ، بابا يكولي انتي طالعه ع اهلي ، وماما اتكول لا طالعه ع اهلي! ومااعرف ع منو طالعه ههههه بس اعتقد ع اهل بابا لانهم اكثرهم شگران وحلوين حتى بابا شكله يجنن وملامحه حلوه. المهم .... حياتي كانت كولش حلوه وسعيده عايشين اني واخويه وماما وبابا مرتاحين والحمدلله اني كنت المدللة مالت البابا ، هو سبورتي وروحه حلوه تجنن ابد ميعصب ولا يرفضلي طلب عكس الماما الي دائماً تعصب ع اتفه شي ! المهم مااريد ادوخكم بمشاكلنا العائليه .. اني لما كنت طفله كنت اعاني من مشكله بصراحا ما اتذكرها زين لانو عمري وقتها كان 5 او 6 سنوات يعني بعدني ممسجله بالمدرسه اصلا ، بس الي اتذكره انو اني كنت متعلقه بأبن عموو (فيصل) هواي بصغري ، بس مره صارت مشكله وماما قررت بعد منروح لبيت جدو ابداً اني لما سمعت بقيت بس ابجي وحتى الاكل تركته ، وتمرضت لانو بعدوني عن بيت جدو وبالاخص ابن عمو فيصل .. لان هو اتذكره كان الوحيد الي يحبني ويلعب ويايه ويهتم بيه كولش بحيث ميخلي احد يجيسني او يتقربلي .. فأني حالتي اتدهورت كولش لدرجه دخلوني للمستشفى ، بعد تعرفون الطفل من يتعلق بشي ميعوفه ولا ينسى ابد ، واني هذا الي صارلي! وهذا الشي خلا ماما تتشدد بالاكثر ، لدرجه انو ولا مره رحت لبيت جدو من 14 سنه !! ولا شفتهم بابا كان يروح وحده ، ومرات ياخذ ويا اخويه صهيب ، بس اني ميخلوني اروح. عدت الايام واني بديت اتقبل الوضع وحالتي تتحسن الى ان نسيته نهائيا .. كبرت وصار بحياتي هواي ناس وهواي اهتمامات ، صديقاتي ومدرستي ودوامي .... انتهت مرحلة فيصل من حياتي! اول ما صار عمري 18 سنه اتقدملي ابن خالتي سرمد!! طبعاً هو بالنسبه الي مثل اخويه صهيب وأني ما أفكر اصلا بالزواج بهذا العمر .. اريد اكمل دراستي وابني مستقبلي الخاص بيه بدون ميتحكم بيه احد واذا فكرت بيوم ارتبط بشخص فأكيد حيكون من اختياري مو انجبر عليه لانو اني ممكن اتقبل كولشي وارضى بكولشي الا الزواج مستحيل ارتبط بشخص ما اريده. فلما تقدملي سرمد اني بدون اي تفكير رفضته! بالبدايه هو متقبل هذا الشي ، وانزعج كولش لانو رفضته حاولت اكعُد ويا وافهمه انو الزواج قسمه ونصيب واني مو نصيبه ، وانو اني اعتبره مثل اخويه مااكدر ارتبط بي.. وفعلا لما حجيت ويا اتقبل الموضوع وسحب طلبه ، هذا الشي خلا يكبر بعيني هواي وأحترمه اكثر! صرنا اني ويا اصدقاء وفعلا مثل الاخوان بس ماكو أي شي بينا الله شاهد غير الاحترام والاخوه. هو انسان طيب وحباب بكل ما للكلمه من معنى ، بعد فتره اتعرف ع بنت ويا بالجامعه ، اتقدملها والحمدلله اهلها وافقوا وهسه هم مخطوبين. بيوم وفاة بابا من اجانه الخبر وتأكدنا انو فعلا مات حسيت حياتي انتهت ، ومحد بقالي بعد، لانو بابا كولشي بحياتي واني بدونه ولا شي ، كولشي بداخلي انكسر من صدوك حسيت باليتم وعرفت شنو شعور اليتيم 💔 لاول مره بحياتي المهم بعد ما اجوي اهل بابا وراحوا يدفنوا ، اني انهاريت حسيت سندي بالحياة راح .. بقيت ابجي والطم ، لليل اتصل عليه سرمد .. اني ما كان عندي خلك احجي اصلا بس سرمد مثل اخويه واعرف بي مقهور عليه ويريد يتطمن لذلك ديتصل ! بيه ما بيه جمعت نفسي وكمت .. طلعت شفته يخابر ومن شافني سد الموبايل بسرعه اكيد ديحجي ويا خطيبته ومن شافني استحه لانو يعرف اني مقهوره ومو وقتها يخابر هسه..! المهم وصلت يمه سلم عليه عزاني واخذ ما بخاطري .. طبعاً هو من نوع سبورت ميانه بينا حيل كبيره اني ويا ، كُل كلامنا حياتي وعمري وحبيبتي وحبي واني هم اكوله عمري وحياتي يعني متعودين ع هيج شي .. يعني عدنا عادي هذا الشي فمن رحت حجيت ويا بهذا اليوم وشاف حالتي حيل انقهر عليه ، وراد يهديني.. اني مكنت اعرف انو اكو واحد ديراقبنا ولو اني ممسويه شي بس مثل ميكولون الي ميعرفك ميثمنك .. يعني اذا شافني واحد بهيج وضع اكيد يشك انو بيني وبين سرمد شي!! خصوصاً الوقت ابد مو مناسب وفاة بابا والدنيا مخبوصه ،، المهم صار الي صار دنحجي اني وسرمد وجان يطلع واحد من الحديقه بالظلمه اتقرب من سرمد وضربه!! سرمد وكع بالكاع خشمه كام ينزف! اني نصدمت من الي صار .. يعني حتى اذا واحد يريد يتدخل او عنده شي اكو اسلوب ويحجي بي مو يهجم بهالشكل الهمجي بدون ميعرف شي! اني معرفته منو هذا الشخص ، بس ملامحه ابد مو غريبه عليه ، ع بالك اعرفه او شايفته من قبل بس الدنيا ليل وظلمه ممبين زين !! كتله منو انت مجاوبني .. لزمني من ايدي بقوه .. كالي اذا اشوفج بعد اذبحج ، من لزمني مااعرف بشنو حسيت مثل الرجفه بكل جسمي وكلبي كام يدك سريع!! مااعرف خوف لو شنو هذا الشعور الغريب؟! اني ما ردت اتناقش واتعارك ومو وقتها ابد ، كلت هذا اكيد واحد من ولد اعمامي الهمجيين لو من اقارب بابا ، لان اني من زمان مشايفتهم ! هاا نسيت اكوللكم .. بعد ما صارت المشكله الي كلتلكم عليها لما كنت صغيره .. ماما كامت بس تحجي ع بيت جدو وعمامي كدامنا اني وخويه ، بحيث كرهتنا بيهم .. جانت اتكول هذولي همجيين ، ويردوكم تصيرون مثلهم ، ، ولترحولهم ، حتى مره كالتلي هذولي بيت جدج متخلفين واذا ترحين ويشوفوج بس تكبرين ينهون عليج وياخذوج لترحيلهم !! اني خفت هواي لا صدوك يسوون هشكل ... ومرحت ابد بعد بحيث خلتنا من صدوك نكرهم .. حتى اخويه صهيب كام ميروح ويا بابا لبيت جدو! فأني صرت اكره شي اسمه بيت جد ومن يجيبون طاريهم اختنك ، واخاف منهم. والي خوفني اكثر الموقف الي صار بالليل وهذا الي ضرب سرمد بدون سبب .. اكدلي انو كلام ماما صحيح!

[@user-qt7eh4ry5y]

لا ترى هاي مو سالفه ،، ضليت اكمز من الفرحه حتى اهلي عبالهم تخبلت😂لج عاش اموت على هيج قصص فدوه لكلبج😭💞اموت بيج

[@Jouri4]

محتواي

[@zinabkareemalsaede5243]

يا اختي حته اني واقع حال😂😂😂

[@user-zl6sq9ym1v]

ا

[@badboy-uu6uk]

بنات شنو معنى كلمه عوذريه لن خبصونه بيه بلروايات ؟

[@badboy-uu6uk]

حبي ممكن تردين لن راح اموت من لفضول

[@dania-0000.]

من عرف الله في الرخاء عرفه الله في الشدة .

[@user-lt5bq8sg3z]

هاي ولد العم الزينه لعد شبيهم ولد عمي 😒 الله غاسلهم غسل ومطيح حضهم 😁 ع كل حال كلش حلوه القصه اتخبل استمري عمري 🌹🌹🌹🌹🌹🌹🌹

[@user-cr2es5sn6b]

رجاءاًانطيني قلب حتى تنفتح القصة

[@Jouri4]

يارب جميع بنيه ينكسر تلفونها اذا متشوف لمحتوئ 😂😂😂😂😂🤲

[@user-mp8kt7gk6t]

ليش ولج عز حرام هس شتريته 🥺😭😂😂😂😂😂😂

[@user-og7ox4iy9j]

انته اول وحده هههه

[@user-xw1gh7re3d]

هههههههه

[@user-od9es2mk4q]

القصة كلش حلوة وبيها عبرة انو ليختارة الله النا حتى لو منحبة هو بلاخر زين النا وهو الصح وكلش حبيتها تجنن حبيبتي استمري بنشر هيج قصص بيها عبرة بالتوفيق وردة😘😘

[@evalene5381]

استمري عزيزتي؛؛ روعةةةة؛؛ كلش حبيت القصة؛؛ والقصة ممتعة

[@rqawyalmhbwbh129]

كملي كملي بل تعليقات بين ماتخلصيهن اني اجي وره يومين او اكثر احسن ومن تخلصين حطيلي قلب

[@user-ft8mv6rh3i]

عاشت الايادي القصه كلش حلوه وحيل حبيتها وعجبتني 😍😘

[@umahmed9475]

حبي يعجز اللسان عن وصفك .قصصج كله من الواقع ربي يوفقك ويعطيك الصحة والعافية لكتابة المزيد

[@roqaia333]

تسلميلي عمري كلج ذووق 😍❤️❤️❤️

[@user-wb7nc7kw9k]

@@roqaia333 عفية القصة حقيقية لو لا

[@user-zl6sq9ym1v]

يب

[@yaqonalali8999]

الله عليج وعلى جمال قصصج ننتظر التكمله فدوه 👍♥️

[@hamhamch]

روووعه استمري حبيبتي الله يوفقج وتصيرين من اكبر القنوات😊👌🌹🌹🌹

[@roqaia333]

تسلميلي ياعمري والج بالمثل ياااارب ❤️❤️😍

[@jojehstar5485]

يمة فدوة حبيبتي اسمتمري ابد لا دكطعين بهيج قصص

[@user-mh8nj1zc4x]

كل قصصك حلوه ومبدعه بس الاحلى تخليهن بالتعليق المثبت منوره

[@omzainabomzainab9712]

عاشت ايدج يامبدعه❤️❤️❤️❤️❤️❤️❤️❤️القصه روعه تجنن

[@jode5958]

واخيرأ خلصت القصه 😩 عاشت ايدج لقصه كلش حلوه 😊 استمري❤❤

[@user-gf8ce1xe4p]

شلون طلعت/ي الاجزاء الباقيه اني بس الجزء الاول طلعته الباقي ماكو

[@user-zw2bg5sh6j]

أّلَفِّ شٍګر وِتّقِدِيِّر أّلَيِّ مَدِيِّرتّ أّلَقِنِأّتّ عٌلَئ هِأّذّهِ تّعٌبِ وِأّلَمَجِوِلَ أّلَيِّ حٌَّسنِ مَعٌأّمَلَتّهِ فِّيِّ أّلَحٌدِأّثّ وِقِصٌصٌ أّلَفِّ تّحٌيِّهِ خَأّصٌهِ مَنِ بِغٌدِأّدِ أّلَشٍمَأّلَ

[@user-fk5fs5xd2g]

حبي روعه القصه كلش عجبتني🌷

[@user-nk4jw4np7d]

اكمل دراستي وارجع اقرا القصه 😂

[@user-zi1yg2un7r]

عاشت ايدج حلوه💕 بليزز لأول مره اطلب يا ريت تنزلين قصة (قضية لم شمل) صراحة اني مقاريتهه بس كم قصة قريتهه وجانو ذاكريهه بالتعليقات فهواي تحمستلهه وكلت ما اقراهه لا بواتباد ولا بأي قناة فقط هنا اقراه اتمنه تنزليهه وإذا تردين اقريهه ونزليهه لطولين علينه بليييز 😊😍🥀🙏

[@elephone3213]

عفية البارتات مدتنفتح عندي ممكن اعجاب

[@jhfbufa5215]

لا توجد كلمات توصف روعه وجمال القصة يااااملكة الابداع

[@evalene5381]

وينك عزيزتي كملي الرواية نريد نسهر ع روايتك الحلوى اليوم

[@user-px6fi6qk1t]

كتيرر حلووو التكمله

[@user-vk5lo7ih3u]

اروح اغسل الموعين واجي اكمل القصة 😂

[@user-il8wu7qp5h]

😂😂

[@lenalola]

احلى لايك ومشاهده كامله گلبي ♥️♥️

[@roqaia333]

واحلى طلة وحضور منورتني عمري 😍😘❤️❤️❤️❤️❤️

[@dania-0000.]

"نوح أغرقَ الكرة الأرضية كلها بدعاء من ثلاث كلمات: " أنّي مغلوبٌ فانتصرْ " بينما أمتلكها سليمان كلها بدعاء من ثلاث كلمات: " و هَبْ لي مُلكاً " لا تحتاج للكثير من الكلمات لتُحدث الأثر والتأثير ، بل تحتاج إلى الصدق والإخلاص مع الله فقط ، واعلم أن الله يريد من دعائك قلبك وليس صياغتك."

[@user-zy1mp8ol5j]

كلش حلوة وهواي تأثرت بيها عاشت ايدج حبي واستمري🥺♥

[@user-gr1ov9ln9g]

هلا والله منورة روايات وقصتها🌷🌷🌺🌺🌺

[@Jouri4]

محتواي رجائن

[@kingline8243]

اريد،تكملة،القصة،كلش،حلوة👌😍

[@user-jy6re6xs8f]

يعمري انتي القصه كولش حلووو واكثر من روووعة😘😍 استمري حبي

[@user-gs9iz4bz7k]

استمري يعمري 🌹🌺 هسة يالله نور اليوتيوب 💞 بس لتطولين علينه بالتكملة فدوة ✍️💝 اشكرج كولش هوااااي على هذا المجهود الي تبذلي النه ❤❤

[@user-od9es2mk4q]

التكملة موجودة بالتعليق الأول

[@user-jg9zr4qt2u]

كلش حلوه القصه والسرد والمواقف تجنن تبجي وتضحك بنفس الوقت وعاش خيالج المبدع في كتابة هذه القصه احسنتي

[@evalene5381]

ياااي إبداع 👏👏👌👌🥀🥀💞💞💞✨✨

[@madmad7627]

طبعا القصه روووووعه فعلا شنو هاي الاحداث المثيره فعلا اهنيج على هاي القصه المثيره يارب دوم النجاح وتنشرينه قصه حلوه مثل هاي

[@user-zg2mn8vw7s]

عاشت ايدج وانه كلش احب القصص لان انه حياتي عباره عن قصه وكاتبتهه بدفتر مذكراتي وماعندي اي مانع تنشرينه بس مراعاة تغير الاسماء

[@zahraa_ali5884]

حلو انتي نفسي

[@user-zg2mn8vw7s]

ليش انتي هم كاتبه قصه حياتج عبالي انه الظروف الي عشته بحياتي خلتني مريضه من اروح لغرفتي وابدي اسجل تفاصيل اليوم الي عشته جنت اصور نفسي مريضه بس مراة من اضوج اقرا بيهم اقراء اشياء ناسيتهن ولا جن ماره عليه هاي الامور بس والله قصتي حلو رغم المراره الي عشته بطفولتي بس فارس احلام غير كل حياتي

[@user-ey9vy7gw8v]

يي يله نزلي التكمله فدوووووه ليش اتشلعين كلبي الزغير لايتحمل هااي القصصص

[@user-wo4ys9qx5f]

بليززززز لتخرين بل تكمله وعاشت يدج

[@user-pf7ph8bm8g]

صلوا على النبي صلى الله عليه وسلم ق استغفر الله العظيم واتوب اليه

[@evalene5381]

روووعة استمري؛؛ متحمسة للأحداث

[@saraki1531]

ج

[@user-ti8qb7cc5r]

أني جنت اكول ادوس على كلبي 💗 وما ابوع بعد قصص بس كلبي داس عليه ورجعت اقرا صحيح القصه مجانت واقعيه بس بيه من من واقعنه المرير من صدك عاشت ايدج على القصه لوتشوفون شون ساعة بجي وساعة ضحك 😂 لاوخالي ايك الاهلي اخذو الموبايل من بتكم لوتخضوهه مستشفى أمراض عقلية من صدك القصه حلوة خصوصن حنيه رب العالمين بجمعت فيصل ويسر ورزقه الذرية وشهد حبه صهيب

[@saraki1531]

مم

[@user-fb8bs3ye7t]

استمري،😊❤️

[@zahraazh7301]

حلوه عاشت ايدج

[@user-xn7si4wm2p]

القصة بقمة الروعة والجمال 😘😘😘

[@user-co7ot3qg7u]

👏👏👏👌👌👌القصه وااااااااااو روووووووووووووووعه وربي 😍😍 استمري ورده ❤️❤️❤️

[@user-ud3hy4ts5q]

مبدعة والله 😘😘

[@user-cr2es5sn6b]

بلا زحمة انطيني قلب حتى تنفتح القصة

[@sudaru33ayato47]

كملي القصه حبيبتي منتظرين

[@maream3475]

قناتج احلا صدفه تم الاشتراك 😂💕💕

[@user-iw9bi1wb2v]

لما قالت فيصل مات ياربي والله نفجرت من البكي بس طلع حلم 🥺استمري حبيبتي 😘

[@user-ce4ni2bf8q]

تجننن القصه وبيه عبره ان الانسان ماهما يكون الحب بس اهم شي التفهم يكون بينتهم قوي وِتّجِنِنِ حٌيِّلَ 🥰😜❤️😘

[@user-mp8kt7gk6t]

عادي باجر اكمل

[@user-uc3td1rd2e]

القصة تجنن هسة كملتها بعد استمري كل شوية زوجي يصخرني لو يحجي وياية واني اكله ها يكلي انت وين شنو بغير عالم ممنتبه علية شنو احجي

[@smsom8596]

♥️♥️

[@user-od9es2mk4q]

بس ليش كتبتي التكملة بلتعليقات ليش ما سويتي بارت وكملتيها لأن اني بالبداية دورت على البارحة الثاني ومالكيت اله شفت التعليقات يلا لكيت التكملة بس القصة روعة كلش حلوة 😘😘

[@albableyakram656]

روعه القصه💖💖💖💖

[@user-xf8xx9ns1f]

شنو شنو قصه الجن روعه روعه روعه حلوه قصه تخبل روعه روعه روعه

[@user-mv2yx1sk4e]

منور

[@user-bp9wt8or7b]

القصة اجنن ورومانسية الى ابعد الحدود اشكرج على هاذ مجهودج❤❤❤

[@user-xr7ok8ti8o]

تجنن استمري 🥰🥰

[@noorila7983]

قصة جميل جدا دائما ذوق بختيار القصة

[@user-dm4pz5yp7r]

وين لتكمله

[@azalmokdad5982]

عاشت ايدج الاسلوب كلش حلو رجاءاً كملي للاخير

[@jasmenyousef902]

القصة حلوة كتير وحبيتها وتمنيت يكون في هيك حب بالدنيا حقيقي كتير حلو هل الحب ويكون نهياتو الزواح والولاد كتير تاثرت وبكيت مع البطلة تحياتي الك من سوريا

[@roqaia333]

😍😘❤️❤️❤️❤️❤️

[@rameyaldoski6219]

ف

[@user-ut8pm1xj5t]

عاشت ايدج حلو استمري روعة

[@user-pu5ug9hy7q]

فدوه كملي قصه جبروت العشق راح اموت من الفضول متحمسي اقراها

[@roqaia333]

كاملة القصة بالتعليق المثبت

[@sosojk7216]

عاشت ايدج جننننن رَبّـ❤ـيٌ يحفظهم البعض بجاه محمد ❤️❤️

[@user-in7rd4sy9k]

ما اقدر اوصفلج القصه هي أكثر من حلوه

[@user-oy9ee6eg8s]

عاشت ايدج كلبي استمري وربى ايوفقج

[@user-ze5cz5xy8m]

مااكدر اقررة القصة لان عندي امتحانات 😔 اكمل امتحانات واقراها ان شاء الله 🥺🥺 بالاضافة الئ انوو قصصج اتجنن عاشت ايدج ورردة 🌹

[@rqawyalmhbwbh129]

والله مثلج اني مااستغنه عن قصص عشقي عندي دراسه وعايفته وجايه على يوتيوب اجاني اشعار منه شفته وان شاء الله وره امتحانات اقره القصص كله

[@roqaia333]

ياااا عمري كل التوفيق الج ولجميع الطلاب يااارب ان شاء الله تجون تفرحوني بنجاحكم باعلى الدرجات ❤️ حاليا ابتعدوا عن القصص ٦٠٠٠٠ متر 😂

[@fatima_20s]

@@rqawyalmhbwbh129 حالي حالج عايفه امتحان وجايه علقصه😂

[@user-sw5oy9vx8t]

يا روحي انتي استمري وكملي القصة حبابه 🥺

[@Jouri4]

شوفي محتواي وردة

[@user-wc7pl3ib1h]

رووووعه تجنن عاشت الايادي احسنتي استمري بالتوفيق ان شاء لله

[@user-gw8wr2yw5z]

حبابه شكرا الج والله يرزقج على تعبج بس اريد الجزء الثاني بسرعه متحمسين

[@user-tg3jy6fb8g]

الله انتي ذوق وابداع وجمال بااختيار القصه

[@Kkgx]

قصه كلش ححلوه استمري عاشت ايدج حبيبتي

[@aadhd9439]

عاشت ايدج

[@user-jh9xc2uv4d]

روعه فدوه الكلبج وعاشت ايدج القصه كلش، حلوه استمري غاليتي

[@Zainab-dv6eu]

زين اني كوووووولش احبج واحببب كول القصص شكرااا جزيلا والله يصبرج بلكتابه😀🥰🥰🥰🥰🥰🥰🥰

[@abasrataj7304]

حبيبتي ممكن تزلي قصة غرام الفهد حبابة 💖💖😘

[@nonoprincess4485]

أجمل روايه قريتها وعاشت ايذج تعبتي هواااي بيها

[@Fa____tima313-m]

قصص روعه وسرد حلو للأحداث استمري في الكتابه باالتوفيق

[@user-rr5gu2nu1p]

ابجي واضحك والله وكلبي وكف وياهم الحمد لله رجع بسلامة والله يحفضهم سوا احلى قصة سمعتهة😍

[@user-hf1bf8up4g]

ربي يوفقج حبيبتي وتكوني القاصه الاولى

[@roqaia333]

نورتي غاليتي ام وليد 😍❤️ التوفيق للجميع إن شاء الله

[@zozaqueen4478]

القصة كلش حلوة

[@aayaaaya2311]

عاشت ايدج قصص ولا اروع بس الجزء الثاني منزل؟؟؟

[@user-yj9qk7wr6o]

عاشت ايدج كلش حلوه

[@Gawah709]

الحمدلله اليوم خلصت القصه بس شكد بنفسي ازوج على حب هسه بطلت ازوج على حب اريد ازوج زواج رسمي كلش حبيت هاي لقصه ودخلت في كل اعماق انفسي عنجد حلووو كضيت ليلي ونهاري بس اقراء بيه حبيبتي ستمري ان شاءلله اشوفج بالحسن بهذى البداع♥♥♥ورفعلج قبعه👩🏻‍🎓

[@user-uf4xk1yc6m]

كمليها فدوة كولش عجبتني القصه

[@smrtgoobo1153]

خرب.كل.منو

[@user-ry1io6ge9n]

حبيبتي حيييل عجبتني القصة 😘😘😘❤️

[@user-ke7zf8nq2q]

اي كجلار جوك كوزال عاشت الأيادي حلوة مثلج

[@user-dg8dj7qu6s]

هلا بل المبدعه منتظرتج❤️❤️

[@Jouri4]

محتواي فدوة

[@maream3475]

ممكن تنزيل باقي الأجزاء على شكل فيديو لان التعليقات ماجاي تفتح أو تسوين التعليقات منفصلة يعني مو بالردود حته تفتح بليز لان القصة حلوة💔☹️

[@user-vf8bb6lg3h]

شنو هالذوق باختيار الجمل عاشت ايدج

[@user-ro9cg2qz2b]

اذا نزلتي قلب فدوو مو تنسين

[@user-pu5ug9hy7q]

شكرااا يكلبي القصه كليش حلوه واستمر بالكتابه 💓🥰

[@jwanhamid83]

عجبني قصه كلش حلوه عاشت ايدج

[@user-ym5ug3jl9s]

روعههههه...💓💓💓👍💓💓💓🌷🌷🌷🌷

[@user-xs9fx3fn1y]

رووووووووعة عاشت الأنامل المبدعة

[@athraa7029]

السلام عليكم عيني صاحبه القصه وينج ليش ما كملتيها كل ساعه اشوف نزلتي تكمله القصه وراح نضوج تمام

[@user-ki1ww1jg4p]

كلش عجبتني القصه حلوه با البدايه هووي سوء فهم بيها بس با الاخير الحب والتسامح حلو 💕