قصة جديع العنزي مع زوجته اللي يحبها وماتت.

#قصة وقصيدة جديع بن سودان الخمشي العنزي في زوجته اللي يحبها وماتت اثناء الولادة بعد مضي اقل من سنه على زواجهم. وكان برحلة مقناص مع احد الامراء بالصمان وجاه خبر وفاتها وهو بالبر. وقام يطلع على رجم حولهم وكان فيه قبر فتهيض بالابيات التالية :
الشاعر\ جديع بن سودان رحيل الخمشي
يا رجم عديتـك وعدابـي البيـن
............. والقلب في راسـك تبيّـح كنينـه
الله لا يسقـي مفاليـك عاميـن
........... ذكرتني راع الطباع الحسينـه
مرحوم يا اللي جهزوا يوم الأثنين
......... العصر من فوق النعش شايلينـه
حطوا على خلي من الطين زافين
............. حطوا عليـه اللبـن وملحدينـه
يا ليت كفي حدر خده عن الطيـن
......... والكف الآخر فوق صافي جبينـه
وياليت يومي قبل يومه بيوميـن
............. والاّ المرض ما بيننـا قاسمينـه
لا يا حياة الشر عقب أريش العين
.............. لا وهنـي مـن شافنـا مقتفينه
وجدي عليها وجد راعي بعاريـن
......... أمسى خلاوي والسرق حايفينـه
هن راس ماله واشلعوهن شياطين
.......... وأصبح على الجرة يفرك يدينـه
أو وجد من لحقوه طلابة الديـن
............ صكت عمـي القايلـه لاحقينـه
لحقوه عصمان الشوارب مغنييـن
............. وتشاوحوه بكـل شلفـا سنينـه

[@Salemalshibani]

لا تحرف القصيده .. يقول هن راس ماله وشلعوهن شيابين ، واصبح على الجرة يفرك يدينه

[@user-vb3ni7ov9n]

انا سمعت القصه من شايب شمري نفس القصه بس فيها اختلاف يقول كانت مريضه زوجته ويوم وصله اخبر انه ماته صار سرحان ولا ينام وماهو يم اناس ولاحظ عليه الامير وقاله روح شف اهلك وراح لبيته وشاف ملابسها وشاف اغراضها مثل ماهي من وفاتها وراح قبرها وبعدها رجع لامير وصار مهو مثل اول سرحان وحالته حاله ولاحظ عليه الامير واساله وبعدها جديع قاله القصيده لامير هاذي اسالفه الحقيقه يقولها اشايب تحياتي لك طلال الرشيدي 🤚

[@op1iz]

يتبطح في الخليان ويقول وفاء ؟ ليته عاد رجع مع خوياه يوم راحوا للرياض كان شفعت له ، تارك حرمته وضارب الخرايم وهي في حروة ولادة وتقول وفاء الزوج ؟ بعض الكلام تستحي انك تقوله بينك وبين نفسك حتى.

[@user-vk9hk7pp6l]

ٌهذا كلام الأولين قبل لاتولد انت وجاي تتكلم خلك بحالك واترك الناس بحالها

[@op1iz]

@@Farki2023 ولد عمك كذاب وطقوع. وسلامتك.

[@op1iz]

@@Farki2023 امين.