【

📌 Qëllimi i krijimit të njerëzimit
✍🏻 Nga shejh Muhamed ibën Salih el Uthejmin
🔹 Pyetja: cili është qëllimi i krijimit të njerëzimit?
🔸 Përgjigjja: para se t’i përgjigjem kësaj pyetjeje, dëshiroj të tërheq vëmendjen ndaj një rregulli të përgjithshëm i cili është marrë nga thënia e Allahut tebareke ue teala:
هُوَ الْعَلِيمُ الْحَكِيمُ
“Dhe Ai është i Gjithëdituri, i Urti.” Jusuf: 83. Është marrë nga thënia e Tij:
إِنَّ اللَّهَ كَانَ عَلِيمًا حَكِيمًا
“Vërtet Allahu është i Gjithëditur dhe i Urtë.” El Ahzab: 1. Po ashtu është marrë edhe nga ajete të tjera që tregojnë dhe pohojnë urtësinë e Allahut azze ue xhel-le në lidhje me atë që krijon dhe e ligjëron; pra në dispozitat e Tija fetare dhe universale. Çdo gjë që Allahu azze ue xhel-le e ka krijuar e ka një urtësi, qoftë për krijimin e saj apo moskrijimin. Çdo gjë që Allahu subhanehu ue teala e ka ligjëruar e ka një urtësi; qoftë për obligueshmërinë e saj, ndalesën apo lejimin.
Mirëpo, këto urtësi që i përmbajnë dispozitat universale dhe fetare të Allahut, mund të jenë të njohura për ne dhe mund të jenë të panjohura. Ato mund të jenë të njohura për disa njerëz dhe të panjohura për disa të tjerë; kjo në varësi të diturisë dhe kuptimit që Allahu subhanehu ue teala i jep atyre. Nëse kjo u pohua, atëherë themi se: vërtet Allahu subhanehu ue teala i ka krijuar xhindët dhe njerëzit për një urtësi madhështore, për një qëllim fisnik, i cili është adhurimi i Tij tebareke ue teala, siç ka thënë:
وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ
“Xhindët dhe njerëzit i kam krijuar vetëm për të më adhuruar Mua.” Edh-Dharijat: 56.
Po ashtu i Lartësuari ka thënë:
أَفَحَسِبْتُمْ أَنَّمَا خَلَقْنَاكُمْ عَبَثًا وَأَنَّكُمْ إِلَيْنَا لَا تُرْجَعُونَ
“A mos menduat se Ne ju kemi krijuar kot dhe se nuk do të ktheheni tek Ne (për t’u gjykuar)?!.” El Mu’minun: 115.
Po ashtu i Lartësuari ka thënë:
أَيَحْسَبُ الْإِنسَانُ أَن يُتْرَكَ سُدًى
“Vallë, a mendon njeriu se do të mbetet pa përgjegjshmëri?!.” El Kijameh: 36. E të tjera ajete që tregojnë se Allahu i Lartësuar ka një urtësi shumë të madhe në krijimin e xhindëve dhe njerëzve, që është adhurimi i Tij.
Adhurimi është përulja ndaj Allahut azze ue xhel-le me dashuri dhe madhërim në zbatimin e urdhërave të Tij dhe në largimin nga ndalesat, sipas formës së ligjëruar nga Ai.
Allahu i Lartësuar ka thënë:
وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاءَ
“E megjithatë, ata qenë urdhëruar vetëm që të adhuronin Allahun me përkushtim të sinqertë, duke qenë në fenë e pastër (të Ibrahimit).” El Bejineh: 5.
Ky është qëllimi i krijimit të xhindëve dhe njerëzve. Bazuar mbi këtë, ai që nuk i bindet Zotit dhe tregohet mendjemadh ndaj adhurimit të Tij, ai e ka mospërfillur këtë qëllim për të cilin janë krijuar njerëzit. Veprimi i tij tregon [nënkupton] se Allahu i ka krijuar krijesat kot dhe pa qëllim; edhe pse ai nuk e deklaron këtë gjë, mirëpo kjo është rrjedhoja që nënkupton mospërfillja dhe mendjemadhësia e tij ndaj bindjes së Zotit.
📚 Burimi: Fik’hul ibadat fq. 15-16.
Përktheu: Hoxhë Besmir Cacani Allahu e ruajttë
t.me/medinarev...
•┈┈•┈┈•⊰✿🔹️✿⊱•┈┈•┈┈•
t.me/ehlusSunneh
#ehlusSunneh #ehlusSunnah #islam #islamifejaepejgambereve #esSelefijjeh #Daveti_Selefi #dijetarët_ehlusSunneh #PerzgjedhjeSelefijeh #ejub_hoxha #youtubeshorts #youtuber #youtube #tiktok #viral #fyp