قصة مهرة والقدر/بنية عمرها ١٩ سنة ويموت زوجها ياترى راح يعوضها القدر🤔

[@roqaia333]

مساء الورد حبايبي النت يمي ضعيف بشكل مو طبيعي وميفتح التعليقات 😑 حبايب كلبي وصلوا الفيديو الف لايك حتى اكمل القصة باسرع وقت لو ما استاهل 🥺💞

[@roqaia333]

١.بقلم فيد عبد الله مهرة،،احس گلبي كام يركض، ،شنوو شتريد ريسان،،مااريد اتطمن عليج وانطيج مصرف مهرة،،روح الله يخليك اصلا حرام تشوفني اني بالعدة وبعدين ما محتاجة شي اني انزل الله يخليك ريسان،مهرررة شبيج مهرة،،هسة اصيح عمي ترة والله روح ريسان،،رايح رايح خلص مهرة،،نزل واني گلبي يدك بسرعة ،،شيريد هذا كعدت عالجرباية اشرب مي خايفة ياربي خير شسوي هسة ربي لا تعوفني وحدي يارب شوية واسمع صوت جوة وكع كلبي بس لا احد شافة يمة ادفن روحي والله شنو هالضيم هذا ما طلعت اصلا ولا فتحت باب غرفتي،،سكتت همين وماكلت لامي الي يومين مااجتني نايمة بالفراش من سكرهة كلبي نار عليهة واني حتى موبايل ماعندي ممنوع نلزم موبايلات ومن اجتني وشفت تعبهة ومرضهة الي كلة ادري بسببي وبسبب وضعي وحكم عمي وضعفنة سكتت ما ردت ازيد عليهة بس حلفت اذا تتكرر الحالة اگول حتى لعمي صدك مرت ايام وماكو واني بنفس حبستي ووضعي وامي تعبت وصارت مو يومية تجيني واني هم بديت اهدء واتقبل الواقع واسمع واعبر واسكت كلشي اعدي لخاطر ابني القربت ايامة وافرح بي يارب تعوضني بي خير طبيت التاسع وامي جهزت لابني كلشي فدوة بس بقتهن يمهم جابتلي بس جنطة زغيرة من نروح للمستشفى ولو حتى هاية ما قبلت كالت خاف عيالج ياخذوج وميخابروني عاد من غراضة يمي يخابروني مجبروين ما قبلت اتوسلت بيهة روحي طاگة عالاقل اتونس من اتخيلة بيهن صرت يومية بالليل اطلعهن من الجنطة وابوس بيهن ومرات اشبع بچي لان عدنان ما شافة شكد جان متشوقلة الله يرحمة يارب،،امي حاجت عمي كالتلة تجيب يمي سكت ما علق كللهة يصير خير بساعتهة واني متأملة اجيب واروح لاهلي ودعوتي الوحيد عمي يقبل متتصورون شون تدمرت نفسيتي هالفترة الانسان بهيج محنة يريد ناس تقويه تنطيه امل بالحياة تخفف وجعة واني محد حاس بية انركنت عالرف وكلهة كملت حياتهة بعيد عني عبالك اني بية مرض لو فد نقص حتي البنات يلتمن ويكعدن ويسولفن ومحد من الولد بالبيت محد تكلف روحهة تفگدني تكول مرت اخونة خطية ميلاء ما يوم كالت هالمسكينة والبطنهة جاعت عطشت والله العظيم تجي مرات اموت جوع والفواكه والحلويات التجيبهن امي ميسدن جوعتي بس واخاف انزل والولد هنا لو اعطش والمي خلصان اروح عالدرج بلكي واحد من جهال ريسان يجون ويجيبولي واتحملت لخاطر ابني بس يطلع بسلامة مااريد غير اشيلة بايدي سالم كملت اسبوعين من التاسع وماكو شي وطبعا ماامشي هواي فصاعد بعدة. جنت كاعدة بالليل ارجع بملابس ابني بالجنطة واندك الباب خفيف عرفتة هوة النذل ما رديت اصلا وسكنت ما طلعت صوت،،سمعتة يهمس ريسان،،مهرة بس حاجيني. اسمع صوتج بس شسويتي بية بس كليلي صرت ماانام الليل من وراج مهرة،،صبت دموعي بحرگة،،نذل خسيس شلون هيج يفكر شلوون،،احس اختنكت من القهر والخوف رجع دك الباب مرتين على كيف ما رديت اصلا وبودي اگوم اتفل بوجهة حشاكم ثواني واسمع صوت عمتي يم باب غرفتي همست ام ريسان،،ولك ريسااان رجعت هسة اصيح ابووك والله ريسان،،صوتج يمة نازل نازل مهرة،،اختفة الصوت، ،واني ملخت روحي ادك والطم خررب غيرتك يا ناقص يا نذل للصبح ما نمت ولا شفت النوم نزلت اسوي الريوك ورة الصلاة واحاجي عمتي جانت عمتي كاعدة تسبح بالمطبخ مثل عادتهة صبحت عليهة وبست راسهة تباوعلي وبچت حضنتهة وكعدت ابجي واشهك،،عمة والله ما علية عمة شلون خلصيني منة ام ريسان،،سمعت وشفت كلشي وكلت لابوه هالناقص الحقير اخوه ترابة اخضر وهوة ....استغفر الله مهرة،،ما علية بشي والله عمة بس خلصوني منة فدوة ام ريسان،،ادري عمة ادري اني وعمج كلشي نعرف وعمج راح يحط حد بس اسكتي ودير بالج عالبطنج هذا ريحة المرحوم مهرة،،صدك عمة اي والله مااريد اني بس الستر ام ريسان،،ان شاء الله يمة كافي لا تكعد ذيج وتشك بشي مهرة،،اي اي عمة،،غسلت ورجعت اسوي بالريوك كملت سويت لفة وكوب چاي وصعدت،،نزلت ورة ما طلعوا الولد وكعدت اطبخ ميلاء كملت البيت والطرمة غسلتهة وراحت لاهلهة بقيت يم عمتي كاعدة شوية اختنكت من الغرفة ام ريسان،،بطنج نازلةاليوم بلكت الله وتجيبين ميتة على شوفة ابن عدنان مصبرة روحي والله لخاطرة مهرة،،ان شاء الله عمة،،احاجيهة واني اكل اصب قبلهم كل مرة واصعدة فوك بس من تروح ميلاء براحتي لان لو هية موجودة تطلع سم وزقوم،،سمعت الباب انفتحت ركضت فوك اكيد الولد موعد جيتهم،،،اسمع عمتي تصب واني محضرة كلشي حتى المواعين مددت شوية وتوني غفيت واسمع صوت و صياح واسمي بالموضوع وعياط غسان وعمي يغلط علية كمت قريب للباب وفتحتة شوية غسان،،شنو يابة مو حچي هذا مااگدر اخذهة مالي نفس گوة تدمر حياتي حجي محمد،،غصبا عليك تاخذهة مرت اخوك هاي وابنة. ببطنهة تريدة يربة برة بيت جدة غسان،،مااكدر يابة اشوفهة اختي والله شلون اخذهة گلي حجي محمد،،لا تاخذهة وغصبا ماعليك غسان،،ماكو شي غصبا ما علية رم ريسان،،يمة استهدة بالرحمن بعدين البنية ما ناقصهة شي حلوة وحبابة ومؤدبة وابن اخوك يظل بنصنة غسان،،شنو تحليهة بعينة يمة هاي اختي سامعين اختي ريسان،،خلص اني اخذهة اذا انتة ما تريدهة اني اريدهة حجي محمد،،انت تنچب ياناقص من ورة سوايتك الناقصة اني هيج سويت بعدين انتة مو متصخم متزوج ومخلف تريد تهجم بيتك

[@roqaia333]

٢.ريسان،،واذا شكو بيهة اني رايدهة غسان،،ولك نا** مرت اخوك هاي حق** شلون تحطهة ببالك ريسان،،ما عليك بية اني وقناعتي حجي محمد،،تنج*ب وتنساهة وانتة غصبا ما عليك تتزوجهة غسان،،ما اتزوجهة محد يجبرني حجي محمد،،اذا متتزوجهة اتبرة منك ليوم الدين غسان،،يااابة ام ريسان،،استهدة بالرحمن ابني دكعد اكعد حجي محمد عوفنة نحجي بهداوة مهرة،،اسمع كل حجيهم وهمة يذبوني واحد عاللخ عبالك اني قطعة ملابس لو اثاث زين همة سالوني شافوا رأيي شيحجون ذولة وين يردون يودوني وين يخلوني احس كمت ارجف خاصة من شفت غسان سكت وهدء راح يقبل راح يغصبوني ويلون ذراعي بابني ما لازم انطيهم هالفرصة ابد احس حيلي كلة بختض صار هذا حاط عينة علية وهذا يريد يزوجونياه غصب، ،شوية وطب عمي. واني مدنكة ابچي منتهية حجي محمد،،اسمعي بنتي اني الله الشاهد رايدلج الخير ومستعز بيج ومااريد تطلعين من بيتي لذلك قررت اخذج لغسان وهو موالمج حتى ما بيناتكم بس سنة انتي اكبر وهم ابن اخوه يربيه ومحد احن عليه من عمة مهرة،،عمي شتگول شلون هذا اخوية مااباوعلة غير هيج حجي محمد،،يوووه يا هوة اللزمتة وكال اخوية محد راضع وية الثاني هاي هية اني كلت حجاية وتتنفذ ورة متجيبين تتزوجون وخلصت مهرة،،هااتزوج عمي حرام عليك لا تضلمني حجي محمد،،كلت تتزوجون وخلص مهرة،،والله مااخذة لو على جثتي،،مااحس الا ضربني راشدي طير خدي بي حجي محمد،،ادب ** طلعت عينج كلت حجايتي وخلص، ، مهرة،،نزل وعافني واني احس النار اشتعلت بية اتخبلت واحد يركض وراي وعمي ضربني ويريد يغصبني اتزوج ابنة المو طايقتة ولا طايقني لا لهنا وهذا حدهة ،،اخذت عباتي وخماري ونزلت اتسحب كلهة بغرفهة طلعت للطرمة ركض وگلبي يدك الف دگة بالدقيقة لبست شون ما جان وطلعت ركض لبيت اهلي بعدهة ظهرية والشوارع فارغة تقريب وصلت كوة احس حيلي يعيني دكيت الباب بخبال فتحهة فارس واني حضنتة وانهاريت ابچي فارس،،شكوو ولج مهرة شكوو مهرة،،امي وين اريد امي فارس،،ببيت خالتي تخربطت واخذوهة للمستشفى شبيج ولج راح تجيبين مهرة،،لا لا بس طببني اشرب مي،،طبيت للمطبخ شربت مي وغسلي فارس وجهي فارس،،احجي شبيج راح تموتين مهرة،،هالظالم عمي يريد يجبرني اتزوج غسان فارس،،شتگولين انتي مهرة،،وذاك النذل ريسان يگلة اني اخذهة عبالك طوبة بنصهم اني فارس،،ايا انذال الا افلش بيتهم اليوم مهرة،،فاارس فاارس والله اذا طلعت احرگ روحي هسة كافي راح امووت من الخوف فارس،،كومي وياي كوومي مهرة،،وين ولك فارس،،امشي بسرعة هسة تعرفين مهرة،،لبس بسرعة واجة جرني من ايدي،،فارس وين والله مابية اوكف فارس،،تعاي وتعرفين لا والله اروح افلش بيتهم هسة بساااع مهرة،،نزلت خماري وكمت وياه اعصابة فالتة مو مال اناقشة وهو طايش يروح يتهور ويتأذة شجاني وحجيتلة شجاني اباوعلة دمار رگبتة مبين كدما صاك سنونة بعصبية،،اجر تكسي وطلعنة مشت السيارة هواي المنطقة بعيدة نزلت واباوع مكتب المحامية غصون ال.......،،لطمت على خدي،،همست فارس وين جايبني فارس،،هاي اخت مدرس علينة حباب ومتواضع وهي هم حبابة مرة طالب صديقي تعارك وراد ينفصل ويقيمون عليه دعوة وهية حلتهة هسة نطبلهة بس نسولفلهة الصار ونعرف شنتصرف ذولة عيالج مومال واحد يسكتلهم مهرة،،عزة فاارس وين جايبني ،،هسة امي تگلب الدنيا علينة فارس،،دمرني خوفج انتي وامج امشي كدامي لا هسة اخذج سحل مهرة،،اباوعلة مخنزر وضاغط حيل على ايدي همست يلا يلا جاية، ،مشينة وهو لازم ايدي طبينة للمكتب جان اكو سكرتير برة فارس،،بلا زحمة الاستاذة غصون موجودة السكرتير،،اي نعم موجودة،،اكو موعد فارس،،بس كللهة من طرف استاذ..عندنة استشارة قانونية السكرتير،،ان شاء الله مهرة،،كعدنة واني احس الم بضهري وببطني صار يروح ويرجع اكيد كدما انقهرت وخفت وبچيت شوية واجة السكرتير كال تفظلوا دخلنة للمكتب جانت البنية مو جبيرة يطلع عمرهة بنهاية العشرينات غصون،،اتفضلوا استريحوا مهرة،،كعدت وفارس كبالي

[@roqaia333]

٣.غصون،،رفعي نقابج حبيبتي محد هنا مهرة،،شلتة باوعتلي وابتسمت غصون،ماشاء الله تبارك الله شنو هالجمال عليمن مذبلة هالعيون الحلوات بالدموع،،شسمج فارس،،مهرة اسمهة غصون،،عاشت الاسامي غريب وحلووو،،اي مهرة سولفيلي فارس،،استاذة غصون عيال اختي اذوهة هواي غصون،،اخوهة انتة فارس،،نعم غصون،،اهلا وسهلا،،وليش مثلا زوجج وين ما الة موقف فارس،،توفة ما صارلة تلث شهور غصون،،يا عمري البقية بحياتج مهرة،،نزلت دمووعي وامسح بيهن بسرعة غصون،،اي كملي فارس،،اي ما خلوهة تجي يمنة تلزم العدة وهسة يردون بس تجيب يزوجوهة لحماهة غصب غصون،،هممم،،مهرة ليش متحجيلي انتي تفاصيل مهرة،،باوعت لفارس الي لو احجي كدامة هسة يروح يذبحهم باوعتلهة ودنكت غصون،،بلا زحمة تگدر تعوفنة وحدنة شوية فارس،،ليش غصون،،اكو تفاصيل خاصة اريد اعرفهة فارس،،ماشي،،مهرة اني برة لا تخافين كلشي احجي الا اندمهم والله مهرة،،طلع فارس وست غصون ابتسمت غصون،،عصبي وبطل، ،اي مهرة احجيلي ليش رافضة الزواج هذا وليش يردون يغصبوج وليش هالتحكم بحياتج رابطينج بالطفل البطنج موو مهرة،،اي،،ودنكت غصون،،احجي كلشي حتى اعرف افيدج مهرة،،اي من توفة زوجي و...... ،،،،، فارس،،بلا زحمة اكو حمامات هنا السكرتير،،بهاية البناية فارس،،نزلت ما اندليت رجعت للسكرتير،،بلا زحمة بس دليني دقايق السكرتير،،ماشي بسرعة الست متقبل ،،،،،،،،،،،،،،،،، غيث،،اسمي الغيث بس يختصروه الكل بغيث جدي سماني هالاسم لان بصيرتي نزل مطر عالكيعان حياهة وسگاهة بس ما جان المطر مگطوع الموسم كلة وبليلتهة اني صرت فسموني الغيث، ،،الابن الثاني اكبر مني اخوي طارق دكتور جراح واني لا كملت قانون واصغر مني مصطفى ومهدي وعندي 3خوات،،من سكنة البصرة عندنة تجارة خاصة بينة وحالتنة خير من الله ابوية حب يستقل عن جدي وترك الفلاحة والزرع واشتغل بالتجارة والله فتحهة عليه ووفقة اني حبيت هالمهنة من ابوية رغم اختصاصي بعيد عنهة بس عفت المحاماة ولزمت تجارة ابوية وسيطرت عليهة فسلمني ابوية كل الشغل خاصة بعد ما انجلط وكعد بالبيت واتوفة ورة سنتين صرت اني الامشي امور الشغل كلهة محد يدري بالشغل اني الاركض منا ومنا ومن كبر مصطفى شوية واتخرج سحبتة وياي للشغل عمري ثمانية وعشرين سنة ورافض الزواج لان ما لاگي الاقتنع بيهة ولا الي مجال ووقت اصلا،،،بيوم رحت لبغداد بشغل ومريت اشوف ابن خالتي قائد الي اعتبرة صديقي واخوي وهو محامي وياي بنفس الكلية والدفعة ومتزوج بنية هم جانت ويانة بالقسم ،فعلاقتي بيهم قوية كلش ودائما نطلع سوة نتعشى وعلاقتة خوة كلش حلوة احب كعدتهم تذكرني بايام الدراسة خابرتلة كال طالع لغصون تعالي لمكتبهة رحت صدك وصلت المكتب فارغ واسمع غصون تسولف صوتهة قريب للباب غصون،،لا تخافين حبيبتي بس تجيبين اني اوكفهم عند حدهم،،اشوف اخوج افهمة شسمة مهرة،،فارس غصون،،فتحت الباب،،اخ فا....،،،،غييييث هلاووووو غيث،،هلا غصون،،عيوني اتسمرت على بنية كاعدة عالكرسي ورة غصون منزلة عيونهة وجهة قررص دائري ابيييض ورموشهة كثيفة مبللة بدموع رفعت راسهة عيني صارت بعيونهة السووود رأسا هية ارتبكت ونزلت خمار على وجهة والله حقهم اهلج يلبسوج خمار غصون،،شعجب اليوم منور المكتب غيث،،هاا قائد كال انتظرني هنا غصون،،هاا كل الهلا كملت بس هالبنية عندي، ،هاا فارس اتفضل افهمك عالقضية،،من رخصتك غيث دقايق فارس،،السلام عليكم غيث،،وعليكم السلام،،طب الولد وكعدت وابالي هالبنية شكد شايف بنات بس مثلهة طبعت ببالي ماكو،،الفضول اخذني شعندهة هنا لازم اعرف من غصون مبينة زغيرة واخوهة زغير شجابهة مكاتب محاماة مهرة،، ارتبكت من نظرات هالولد كلش اني اصلا اي ولد اسمع صوتة من بعيد ولا يمي ارتبك عود هذا الفصلني بعيونة،،،شرحت ست غصون لفارس القضية وهو مبتسم واني احس كلشي ما اسمع من الوجع العندي صار كملت وكمنة لزمت ايد فارس حيل ومنزلة النقاب مشيت خطوة والثانية واحس الم فضيع اخترق ظهري لزمت ايد فارس حيل وهمست،،فاارس يمكن حجيب، ،،،،يتبع

[@roqaia333]

٤.فارس،،شبيج مهررة غصون،،شكو حبيبتي شبيج مهرة،،احس حجيب الالم موتني،فارس ولزمت ايدة بقووة غصون،،الله لا يوفق عمج ثواني بس اجيب سيارتي واخذج للمستشفى فارس،،لا ست اني اخذ تكسي غصون،،يا تكسي امي البنية منتهية، مهرة،،احس حتى اختنكت من الالم لزمت ايدي ست غصون وطلعتني ساندتني هي من جهة وفارس من جهة غصون،،غيث فدوة سيارتي بالكراج بس جيبلياهة غيث،،شكو غصون شبيهة البنية غصون،،ولادة غيث،،امشي بسيارتي بسرعة،،نزلت شغلت السيارة مخبوص وهية نزلت وية غصون واخوهة كوة تمشي والله انكسر گلبي عليهة شهالضيم تجيب بمكتب المحامية الله واعلم شنو قضيتهة بس مبينة فقيرة،،الطريق كلة لازمة ايد اخوهة حيل وتبجي صوت ما طلعلهة رغم يكولون اقوى الم. هو الولادة مهرة،،احس انتهيت من الالم ومااكدر اطلع صوت عيب من الولد غصون،،فارس ارفع نقابهة اختنگت مهرة،،همست لفارس لاحرام بعدني بالعدة فارس،،لچ يا عدة راح تختنگين غيث،،اخترقت اذني الحجاية،،استغفر الله هاية وينهة ووين العدة انوب بهالوضع وتدور حلال وحرام رفع اخوهة النقاب وطلع قرص وجهة يشع ابيض وجهة عرگان وخدودهة حمررر ودموعهة مخلوطة بعرگ وجهة استغفر ربي وشلت عيني،،وصلتهم ونزلنة دخلت وياهم لان اخوهة زغير وكلت هم خاف ما مستعد لهيج موقف خطية وما شيل فلوس طبت وياهة غصون واخوهة ظل يمي فارس،،تعبناك مشكور غيث،،لا خوية الناس للناس ما تشرفنة بالاسم فارس،،اسمي فارس غيث،، والنعم،محسوبك الغيث فارس،،كل الهلا نتشرف، ،اخذ راحتك هسة اخابر الوالدة غيث،،شسالفة عمي ما تكاطعت الدنيا فارس،،الله يديمك خوية غصون،،ها دكتورة الدكتورة،،ولادة قيصرية فورا الطفل على مقعدة ونازل كلش مهرة،،عزة ست غصووون اريد ماما حبابة غصون،،لا تخافين حبيبتي هسة تجي بين ما نوقع وتدخلين،، طلعت ها فارس فارس،،ها ست غصون بشري غصون،،عملية هسة فورا نبلش بالاجراءات غيث،،يلا بسرعة لعد كليلهم يجهزوهة واحنة نكمل الاجراءات،،رحنة اني واخوهة بسرعة نكمل بالاجراءت ووقع همزين مكمل السن القانوني جان ورطة،،شوية واجتي مرية جبيرة بالعمر ام مهرة،،ها فارس وين اختك فارس،،دخلوهة عمليات يووم ام مهرة،،عززة عمليات ليش فارس،،غير من ورة عيالهة سالفة طويلة يمة بالبيت نسولف ام مهرة،،ان شاء الله خير غيث،،طلعت غصون، ،ها غصون دخلت غصون،،اي دخلت ام مهرة،،منو ذولة امي فارس فارس،،يووم المحامية غصون والاستاذ غيث ام مهرة،،ايي شجابك عليهم انتة واختك غصون،،ام مهرة بس ارتاحي هسة وكلشي نسولف من تطلع مهرة،،من رخصتكم احنة هنا راح نوگف غيث،،اسمهة مهرة غصون،،اي غريب وحلو مووو،،الوو ها قائد احنة بمستشفى... اي. دخلت عمليات خطية، ،اي اي نفسة الجبت بي حسوني لا عليمن هسة نرجع وياي غيث سالفة طويلة نرجع ونسولف غيث،،شسالفتهة هاي البنية غصون،،اوه سالفة تگطع القلب بعدين اسولفلكم،،هذا يمكن عمهة خلي ننسحب غيث لا نسببلهة مشاكل حجي محمد،،خوش ربيتي ام مهرة خوش ربيتي فارس،،اسكت لا تخلينة نتجاوز هنااا ادري بسواية ولدك كلهة خليني ساكت غصون،،هذا عمهة اوووف كون اذبحة،،اخذني غيث لاارتكب جريمة،،اوكف اوكف طلعوا النونو اوووي فدوة شلون حلوو غيث،،اباوعلة من بعيد ناعم واحمر يبجي وصوتة يخبلنلقطة ضعفي الجهال ، ،،احممم يلا غصون اهلهة يمهة بعد، ،طلعنة وصلنة الباب وسمعنة فارس فارس،،استاذ غيث دقايق

[@roqaia333]

٥.غيث،،ها فارس محتاج شي كول خوية فارس،،لا مشكور رحم الله والديك ردت اتشكر منكم تعبناكم شكرا ست غصون،،اكيد النة كعدة بعد ما جابت غصون،ان شاء الله رقمي عندكم اتصل بية بأي وقت غيث،،شتحتاج لا تتردد فارس رقمي عندك ورقمك عندي مبرروك يتربة بعزكم،،مع السلامة،،طلعت وفد موجة احاسيس مخربطة ضاربتني مدري شبية،،رجعنة وغصون ما سكتت تحجي عالبنية والمرت بي خطية انكسر گلبي عليهة كللش ششافت هاي اكو ناس لهدرجة بلا انسانية يردون يعدموهة بالحياة خو من گالت واحد من حموينهة حاط عينة عليهة مدري شبية نار وشبت بضلوعي،،،احم وتالي غصون،،تالي شاردة منهم وبوجهة هية واخوهة علية متشوف شلون صارت عندهة ولادة من القهر مالتهم غيث،،الله يقويهة ويوفقهة لا تعوفيهة غصون خطية غصون،،لا شعوف منهة الا اطلع حقهة من عيونهم ناس باطلة غيث،،وصلت غصون للمكتب وقائد ينتظرنة كعدت يمهم شوية واترخصت قائد،،وين ما شفناك غيث،،لا والله تعبان وعندي شغل هنا الصبح اروح ارتاح،،طلعت للشقة المشتريهة هنا دائما اجي اخلص شغل هنا فاحتاج ابات اشتريت شقةاريحلي من الفندق لان مااحب اثگل على احد ،،طبيت طلبت عشا وطبيت اسبح خلصت واتعشيت ووكفت ادخن بالبالكون واتذكر بملامحهة شبيك غيث البنية بيا حال بيا وضع لا تحطهة ببالك تتعبهة وتتعب متوالمك ظروفهة صعبة تاذيهة لو اتقربتلهة صافن على روحي شبيك غيث شجاك ،،هاي تعاطفت وية وضعهة،،اي اي هيج. ،،،،،،، مهرة،،صحيت من البنج واحس الالم يموت عبالك مذبوحة من الوجع، ،مامااا ام مهرة،،ها امي عيوني انتي مهرة،،ماما ابني وين ام مهرة،،هذا نايم يخبل مهرة،،وينة جيبيلياه ام ريسان،،بالعافية بنتي بالعافية يخبل فدوة ام مهرة،،يشبهج من جنتي صغيرة ناعم وابيض مهرة،،جابتة امي خلتة بصفي اباوعلة ودموعي تصب، ،ماما يخبل هذا ابني ام ريسان،،اي هذا محمد بعد مهرة،،شنو محمد ام ريسرن،،جدة سماه محمد مهرة،،نزلت دموعي ،،بس عدنان جان يريدة علي عمة ام مهرة،،يلا هم حلو هالاسم على سيدنا محمد(ص) مهرة،،اممم،،سكتت بس احس من القهر حطك كمت غسلت وابچي بالحمام، ،ماما شفتي حتى هاي استكثروهة علية اسمي اني ام مهرة،،ميخالف،،كوليلي وين جنتي انتي واخوج صدك ما خذج للمحامية وانتي حضرتج طالعة من بيت عيالج شاردة اجة عمج يدور واني متبلعمة مااعرف اصلا انتي وين مهرة،،ماما اذوني ام مهرة،،حجالي فارس بس غلط تصرفج وتصرف اخووج طيبي ونكعد نحجي حسابك عندي مهرة،،اي ماما لا تزعلين مني حبابة ام مهرة،،هاي هية صارت والله گدرني اسد الموضوع كدام عمج ،،،تعاي اتمشي تمشيت ورجعت عمتي يم محمد مگابلتة وكاعدة شوية واندكت الباب وطب عمي حجي محمد،،وين محمد خل اشوفة حتى نروح مهرة،،باوعتلة حتى ما سلم ولا اتحمدلي السلامة ترة السواه بية مو شوية مو شوية يسلب ارادتي وحق اختياري وفوكاهة يضربني حجي محمد،،ليش جبتوهة لهاي المستشفى شبي الحكومي اني ما عندي ادفع هالكد تكاليف مهرة،،اباوعلة صدك احترگت حرگ لك خاف الله مو حتى فلوس الفصل عندك شصار لو تدفع منهن مو ابنكم هذا بس عود نطقت كلمة بس الدموع تصب شاف محمد ورجعة لمكانة حجي محند،،اطلعي والنة كعدة سوايتج متروح هيج ام مهرة،،ما سوت شي اعرفوا الغلط بيمن ام ريسان،،مو وكت هالحجي يابة خل نطلع من المستشفى والله كريم حجي محمد،،يلا ام ريسان مهرة،،طلع عمي وعمتي ظلت تسوي بشالهة تعدل بي طلع قبلهة نزعت محبسهة من ايدهة جبير وخلتة بيدي ام ريسان،،بيعي يمة تكاليف العملية هواي وهذا ابنة نذبة قابل بس الحجي ضايج لان طلعتي بلا علمنة مهرة،،عمة مو تدرين ام مهرة،،خلي محبسج عندج حبيبة مستورة بتنة احنة نداريهة

[@مچهولالقبر]

واني قصتي تشبهج نوعن ما همين توفى زوجي وعمري كان 19 سنة ولحين 24 وصار كولشي بحياتي والا اخرهي كنت احب العطر هسة من امشي وشم عطر عيني تدمع ولا ضليت البس لبس حلو ولا اسمع موسيقى حتى اتفادء الحزن ولا خنت العشرة صدك بجيت من وين طلعتي اليوم

[@n_n200]

الله يصبرج يروحي والله بحياتج لا تزوجين لن الحب الاول ما يتعوض😭

[@TahaAPl]

الله يصبرج حياتي مع الأسف مجتمعنه جدا فاشل والمرأة مالهه اي حقوق عقليتهم مريضه 😔😔😔💔💔

[@TahaAPl]

حبيبتي الله يعوضج انشالله بالاحسن اصبري الصبر مفتاح الفرج واحنه العراقيات متعلمات على الضيم والقهر والحزن صارن يمشن بدمنه

[@zahrahameed8896]

اني هم مثلج حبيبتي الله يصبرج

[@ليسلدياسم-م4ز]

الله يصبرج ياروحي انتي 💔💔😢😢

[@user-qn1gl6yz6f]

شكر لانج مهتمة لطاباتنة وانو خلتيهة بلتعيق المثبت عاشت ايدك على القصة اتخبل 😍💯💋

[@batool6866]

احلى شي من تنزلهه بالتعليق المثبت احس طعم بالقصة 😂😂😂 شايفه من يجيني إشعار من عدهه يبوو ع الفرحة ☹️💔😂

[@user-lo6db9wq3f]

اي ههه ولله

[@رقوشتحبك]

@@batool6866 هههههههه ولله اني مثلج

[@نفركلششمتفائله]

‏لا يشبهُ تفاصيلك اللطيفة،سِوى الوࢪد💗🎗.

[@user-bu2vt5ud1n]

العشگ مثل الـورد 🥀 يرادلــه امــدارات اذا مالــك خلــگ لاتـــزرع وتمشي 💔 .

[@baninbanin7341]

🖤🖤🖤

[@user-vu2wk4ho5h]

اي والله العشك مثل الورد يرادله مداراه

[@user-zn8ft4ij3j]

💔💔😖 ي والله

[@NsjjdbdIxjj-ht4eg]

كلام جميل ❤

[@walaa_gazi]

جاي اتابع قصه فصليه شيخ سيف ومن شفت اشعار طفرت علئ هاي 😜😏😂

[@exol-kh5kg]

واخيرا كنت انتظرك القصة تجنن انتي الكاتبة الوحيدة الي أقرا قصصها لأن يكونن مميزات👌💓

[@عٌأّشٍقِةّأّلَحٌَّسيِّنِ-ث1ث]

صحيح صحيح كاتبة مميزة

[@همسةامل-ش1ف]

قصة جميلة لكن وين نلكة تكملتها

[@عٌأّشٍقِةّأّلَحٌَّسيِّنِ-ث1ث]

والله اني اشكرج على قصصج الحلوة صرنا مدمنين على قراءة القصص الي انت تنشريه ربي يوفقج استمري يامبدعة بس رجاءا لتتاخرين علينه بلتكملة كون فيديو حبابة نريد نزله خيتو

[@عليالعراقي-ل9ب3ه]

كن گالحياه. رافق الجميع.لاكن لاتتمسك بأحد🤗

[@nooriahodi7559]

استمري حياتي حتئ ماما متابعتج 😂💞وماما اذا شفتي تعليقي احبج 😂💞

[@aminalraqe3792]

عفيه كمليها لا تخلينا ننتظر هوايه قصه كلش حلووووووه

[@الشيخههنا]

شكرا حياتي على هاي القصص الحلوه مثل وجهج الحلو والله العظيم صرت مدمنه على قصص ما لاتج

[@فاطمهفاطمه-ن4ب8ه]

اووف ياربي والله شبعت بجي واني زوجي توفه قبل ٨ أشهر ولسه ممصدكه راح مني بساع بساع والله هوه كلشي بحياتي احبه واموت عليه بس شسوي القدر فرقنه والله اتمنه الموت باليوم الف مره بس الكاسر ضهري بناتي وصاني بيهن الله يرحمك ويغفر لك ينور عيوني 💔💔💔

[@عسولهعسوله-ط3غ]

عفيه كمليهه لئن متحمسه القصه كولش 😊😂🥀

[@ويبقىالأمل-ك4ك3م]

كلش أحبة هاي القصة هاي ثاني مرة اقرأه 🌺حبي مشتاقيلج غبتي هواي

[@aaidasalman9602]

قصة تجنن خاصة شخصية البطلة ادب وحشمة واخلاق مثال للفتاة الشرقية المحترمة

[@ليثالوحش-خ7ث]

يسلمو حياتي على هاي القصص الحلوة مثلج. والله صايرة مدمنة بالقصص مالاتج شوكت التكملة بسرعة بلازحمة

[@LeeDongWook1017]

هلو عاشت ايدج القصه مبينه حلوة وراح انتظرج على نار تنزلين التكمله بلييييززز

[@بنتالنجف-خ7غ]

منوره يا ورده انتي والله اليوم اجيتي على بالي او هم شفت فيديو من فيديوهاتج او هم ما ردت القصه تخلص لان قصصج كلش حلوه او هسه اجاني اشعار انو انتي نزلتي فيديو كلش فرحت استمري يا عسل

[@user-hx1nk1xo7p]

اووووف القصة كلشش حزينه وبعدني ماكملته احته اگول حلوه او لا بس والنبي گول قصة اقراه لازم اعيش الحزن والقهر الي بيها 😔😔💔

[@zkbn]

ياليتني من اهواه عني يعلم اني مشوق والفؤاد مغرم وليته يروي عيوني بطلة وليته يأتي بالوصل فيرحم...

[@exol-kh5kg]

التكملة عفية بسرعة شنو راح يصير مهرة راح ترفض الزواج من غيث وريسان شنو راح يسوي بأبنها متحمسة كلش 🔥🔥😫

[@حيدرمعن-ل4ج]

عفيه التكمله من اتنزليهه دزيلي قلب حته اشوفه حبابه بسرعه موتتخرين والله القصه اجنن حبابه

[@ننوو-ن2ز]

نزلي تكمله ب تعليق لمثبت فدواا صار كومه انتظر احسن من لفيديؤ، فدوا خلؤ لايك حته تشؤف التعليق

[@حساماياد-غ7ج]

القصه كولش حلوه حبيتها وعاشت ايدج حياتي اما غيث ومهره ربي يحفظكم ويسعدكم انشالله 🥰❤

[@Shamam-fm1lq]

اتمنى تنزلين روايه عن التملك (يعني يكون ضابط ويغار على بت خاله او هيج شي )😭💘

[@roqaia333]

تدللون عالجايات 😘❤️

[@Shamam-fm1lq]

@@roqaia333 حبيبيِ شكرا 😩💓

[@ijij7330]

عاشت ايدج قصه ..ممتعه..نزلي باقي القصه

[@mustafaaljebory9498]

دا أباوع بقصه العنيده و المتملك و أجاني أشعار منج 😂🦋💞..

[@user-hj4oj8pd5n]

افتارك نعسان😂😂

[@mustafaaljebory9498]

@@user-hj4oj8pd5n أفتارج * يبب 😭😂🦋..

[@illkillyou9947]

يااا انتة هم تحبها هاي القصة إلي إني ادمنت بيها😂😂😂😂

[@walaa_gazi]

@@illkillyou9947 ههه

[@askramo7668]

المتملك والعنيدة الصغيرة من احلى القصص إلي قريتها بحياتي كلللش حبيتهم 🥺❤

[@user-lg6xd5wq5b]

عاشت ايدج كلشش حلؤؤؤ القصه جننن روعات استمري احلى مبدعه الله يساعده مهر ه على الضيم الشافته بحياته فقدان سنده اخوه امه شبعت بجي الله يصبره ويعوضه غيث وابنه 🌷💘🌷💘🌷💘🌷💘

[@علىمبتغاياللهمصلعلىمحمدوآلمحمد]

حلوة القصة استمري يامبدعة على هذا التميز

[@حبحياتي-ب7ع]

القصه حييل حلـِۈۋ‏وھّ بس تعبتني حيل هاي صارلي اربع ايام بيها واليوم خلصتها واخيرا 😍💝

[@ggss6426]

ليش وين التكملة

[@هاتاكيكاكاشي-ص2ط]

مبينة كلش حلوة القصة إنشاالله تكون نهاية هم حلوة

[@ملاكهيبه]

استمري في الكتابه و ربنا يوفقك ان شاء التكمله ممكن

[@walaa_gazi]

قصصج جنننن •اللّـہ̣̥ يحفضج استمري نشر

[@basimrenad7937]

من تنزلين الجزء الثاني حطيلي قلب حبابة القصة اجنن

[@user-ig6wi7rb2i]

يخيةة روياتج إدمااااااان😭💔📌 استمري ححبيبي🍃💞.. ععسا نشونج اجمل راويه عمري👈🏻👉🏻🐇. والقصةة واقعيه وتشققق🙇🏻‍♀️☹️💕•

[@مصطفىالجمالي-ط1ض]

الله الله على قصصج استمري وانشالله توفيق 🌹🌹

[@roqaia333]

للجميع يااارب شكرا 🌹🌹🌹

[@zozozuz7049]

تموت القصه عاشت ايدج فدوه كملي من البارحه لليوم انتظر على نار

[@batool6866]

كملي القصة فدووه ++احبج واحب قصصج 🥺💗

[@batool6866]

من البارحة منتظره راح اموت 😂😂💔

[@user-hr5fv1vl9f]

عمري انتي كل قصصج حلوة الله يوفقج تكمله بسرععععع

[@aminalraqe3792]

القصه كلش حلووووه واتمنالك كل الموفقيه ياغاليه 🌹🌹🌹🌹💐💐😘

[@ياقائمالمحمد-ص5ل]

بعد عمري قصه تخبل موفقه نشالله

[@وردهالامل-ح7ح]

شوكت التكمله 😭💘

[@زينبجبار-م8ش]

فدوه كملي احبج 😭😭

[@اناقةفتاه-ج2ل]

اني مشاركه جديده وحبيت القصص مالاتج استمري وعفيه كملي القصه يلا التشريه لأن اعصابي تتوتر لمن تكمليه

[@ليثالوحش-خ7ث]

يلة فدوة كملي القصة والله متشوقة

[@عقيلاحمد-ش5ر]

حبيبي اتخبل القصة فدوة كمليهه

[@جبارالجبوريابوشنين]

قصه حلوة حل نريد التكملة رجاءا

[@user-jd9gv3lr5x]

قصصج دمار اشلون بيه مدمنه عليهن 😊😊

[@roqaia333]

عمري 😘😍❤️❤️❤️

[@user-jr4ip8bs5h]

عيوني كملي فدوة منتظرين قصصج روعة

[@زهہرآء-ص4ه]

فدوة فدوة كمليهه للقصه بعد ماعدنه صبر

[@وارث-ع4غ]

ثبتيهه بلتعليق المثبت عفية اموت على قصصج😘

[@امحسينامحسين-ز3ي]

مرحبا يا مبدعه قصه جميله أين البارت الثاني

[@alimostafa3250]

حبي من ابداع الى ابداع استمري اول مره اعلق من متابعينج

[@مهديالزركاني-ي5ج]

قصه كولش حلوه روعه نزليه بسرعه قلبي نتضرج

[@dadedade461]

فدوة كملي القصة حبابة لا تخلينا انتاني اتشوقينة وتعوفينة

[@imyourhopeyuormyhope8601]

الله يسعدج يامهره ويوفق ويشافي غيث

[@شوقالاحبه-ض1د]

يمن صدقه لعيونج مبدعه ماشاء الله

[@mllakaskri7549]

حبي إذا نزلتي البارت الجديد عفيه انطيني قلب ♥️♥️

[@ijij7330]

عاشت ايدج قلبي .كملي باقي القصه

[@سارةالجبوري-ج4ف]

اتصدكين احس بمهرة انها اصيلة واحس الله عوضها خير وحبيت القصة واقعية يعني من واقع العراق ياما بيوت اهدمت من ورا الانفجارات وياما نيتمو ومابقاهم احد بس رب العباد من ساعات داقره وما ريد يخلص اريد اعرف ادق التفاصيل بحيانهم والله يوفقج

[@رحيقالورد-ك6د]

رجعوني م̷ـــِْن تكمل القصه 😱 حبابين

[@user-ry1io6ge9n]

القصة حيييل حلوة يعمري الله يوفقچ 😘😘🌹

[@fangirlj.h223]

والله قصصچ كلش حلوة إستمرري🌺🍒😁😁

[@الزهرةالبيضاء-ذ7ص]

شوكت التكملة كلش حلوه القصه استمرري ورده .

[@aya-ps6zl]

اكيد حلوة بس ما اكدر اقراهه لان عندي دوام 😪😭🥺

[@اناقةفتاه-ج2ل]

اشوكت تنزلين باقي القصه عفيه

[@حيدرمعن-ل4ج]

حبيبي فدوه بس التكمله من تنزل دزيلي قلب حته اعرف اذا ممكن

[@عليالموسوي-ف7ط3ت]

عاشت الأيادي الي تكتب قصص حلوه وجميله موفقه حبيبي

[@عٌأّشٍقِةّأّلَحٌَّسيِّنِ-ث1ث]

اشكرج على القصة قمة في الروعة بس اريد اطلب منج طلب ممكن الكتبتي بلتعليقات تسوي فيديو رجاءا احب هيج قصص واريد انزله بس براحتج يمت ماتسوينه لان قرنا يمت ماتفرغيلة عادي شهر لان احنه قرينا بس احب انزله

[@أمنيه-ز1ق]

قصة حلوة ومرة هاذي حياة العراقيين نفجارات وحزن وفراگ شكد شهداء اني اخوي ستشهد لأحد الان ماحس ل حياة طعم الله يرحم الجميع💔☹️

[@ففطو-س6ض]

؏ُـمݛʊ̤ فـــدوۿ كملي القصة بالفيديو الجاي 💞

[@user-xs8bk2ru6n]

عمري دنتضر ولو تعبناج بس قصصج روعه 😘😘

[@FA5FQ]

ﭑستمٛࢪييٰٖہَ حبييٰٖہَ

[@sajasaadi9647]

هلو عادي تنزلين قصه قضيه لم الشمل بليز 🙏🏻🙏🏻🙏🏻🙏🏻

[@user-gm9tq5rx8d]

طبعااا القصه تجنن 😍😍والنهايه بعد احلئ

[@شوگ-ك5ث]

وين شفتي نهايه جاي ادور عليها بس مالگيتها💔

[@lio-ck8rg]

روايات Hkفدوه حبي خليلي قلب اريد القصه تنفتح

[@user-rz3pk4gk8e]

مبدعه كل عاده 👏

[@user-ri8iy9qs5j]

التكملة بليززززز

[@FA5FQ]

ݪقصهَۃ فد شييٰٖہَ عاشت ﭑييٰٖدج

[@user-li8ew1zr4o]

عاشت ايدج استمري ورده ⚘

[@user-xs8bk2ru6n]

شكرا يا مبدعه الله ايوفقج

[@dadedade461]

فدوة العمرج والله تعبنة من النتضار شوكت تنزلين التعليق فدوة ردي

[@b_2n3o]

وين تكمله

[@حسابتجريبي-ز2ه]

بلا زحمة انطيني قلب حتى تنفتح القصة

[@AsmaaAli-sh5es]

عاشت ايدكي قصص حلوه كلش بس لا تاخري بتنزيل تكملة

[@شوقالاحبه-ض1د]

حلو حلو حلو االتكمله عفيه

[@مصطفىالجمالي-ط1ض]

نورتي 🌹😍

[@asel23]

قصصك روعه

[@العراقفيقلبي-و5ح]

من قرأت شخصيات حتفاركنه طفرت

[@الدرالمنثور-ك3ن]

القصة كلش حلوة باللهجة العراقية وبتفاصيل دقيقة لكن للاسف اكو مقاطع مفتحتلي بالتعليقات شوون تمرضت ام غيث والمقطع الي قبله

[@علىمبتغاياللهمصلعلىمحمدوآلمحمد]

حلوة القصة وعجبتنا استمري منتظرين البارتات الجاية

[@roqaia333]

التكملة بالتعليق المثبت ❤️

[@مرتضىعلاءهادي]

بل توفيق يارب الج

[@كوثر-و6ب]

موجودة ع واتباد لو لا

[@user-jr4ip8bs5h]

عفية كملي تكملة

[@ازهرالبديريابوحسين]

والله اشكد اتاثرت بالأحداث وشفته ما الها غير الغيث وحمايته الها

[@alialakbar383]

مساء الخير حبيبتي والله القصة كلش حلوة وعجبتنة هواية بس مع احترامي الكم ليس تزلون بلتعليقات اولا الكتابة كلش صغيرة وبلتعلقات نزلوهة قصة كاملة وحلوة ليش مستصغرين القصة وهية روعة من كل ناحية كاملة والقصة مناقصهة اي شي ومن تنزليهة عيني حتة لاتتخربط علينة بس بسرعة وتخلينة نتضر هواية وشكرأ لان طولت الرسالة

[@العلويةالعلوية-ج3و]

فدوة قصصج تجنن اريد شوية كون اقصر ل

[@محمدمونس-ض1ت]

ممكن الجزء الثاني 😻😻😻😍😍😍🙈🙈🙈🥰

[@بنتالناصرية-ث9ج]

أستمري يا مبدع 🤩🤩