قضية الأستاذ علي الذي فصل من منصبه في معسكر والصحفي الي حاول يستفزه

كنت حنكتب منشور فقط نوضح فيه القصة لكن للاسف بعد الحصة الاخيرة لي تكلم فيها الاستاذ لاحظت ان الصحفي ومن خلفه حابين عمدا يخرجوه غالط ، فكان لازم فديو خفيف وراح نحكي مستقبلا على أصل الخلاف في الموضوع من ناحية اللباس والتحرش ووو ان شاء الله
follow me on insta : / zaki.mohamed3
لدعم كاس تاي :
docs.google.co...
#الأستاذ_علي

[@ZakiAghaCasTea]

اشتركوا فالقناة وفعلوا الجرس وخبروني هل نكمل مرة مرة فالتعليق على الاحداث هك؟

[@Mohamed-bo2nd]

افضل كونسابت والله

[@ZakiAghaCasTea]

@Moussab Louahem تم

[@ZakiAghaCasTea]

@@Mohamed-bo2nd شكراا

[@dg-vj4si]

بارك الله فيك زاكي، طرح قيم جدًا. حقيقة الأمر أنو الهدف الوحيد هو باش يقولو ”أفكار متحجرة“، والأفكار المتحجرة طبعا كل ما له صلة بالدين.

[@bastostalking]

بارك اللّه فيك ... متضامن مع الأستاذ علي دالي، أهل الباطل في الجزائر تمادو كثيراً و أهل الحق صمتو كثيراً، علينا أن نتكاتف و ندعم أهل الحق بكل ما أوتينا من إمكانيات لأننا نواجه جراثيم تعمل ضمن تنظيمات متحدة .. بارك اللّه في الأخ زكريا مجدداً و راني درت أيضاً پودكاست حول الحكاية من زاوية اخرى، لي باغي يتفرج مرحبا و يعطيكم الصحة 🙏

[@ZakiAghaCasTea]

ارسلهلي فالخاص صاحبي

[@bastostalking]

@@ZakiAghaCasTea تم ✅

[@hadjiraben6787]

اصبحت الصحافة تساهم بشكل كبير في تضليل الراي العام بمفهماتهم العقيمة و الاستاذ بارك الله فيه و لو انهم قامو باحتضان الموضوع لا تضخيمه الان الاستاذ قد ضلم بقرار فصله التام من الضيفة

[@sarra5639]

هههههههههههه حجاب الميتوكوندري والله ضحكت 😂 زاكي كيما العادة.. تدخلاتك كافية ووافية ربي يبارك فيك 🙏

[@alwaleedbrh]

او ربما اعرض الاستاذ علي في حلقة كاس تاي.. كي يستفيد الجميع بطريقة الجميلة .🤍 وجزاك الله خيرا

[@chihabamiro399]

هذا النوع من المواضيع صار لازم نحكو فيها لأنو هناك جهد يبذل من أجل نشر الرذيلة والسعي من اجل تعطيل الامر بالمعروف والنهي عن المنكر وبالتالي واجب علينا نحن كذلك بذلك جهد من اجل الحفاظ على ثوابت الأمة والدفاع عنها. بارك الله فيك وفي جهدك وربي يجازيك كل خير

[@fromhumantosaiyan7958]

الله يبارك ... Sa fait plaisir كاين ناس تعرف تهدر و تمد des arguments posé يا خويا راني ابونيت تستاهل

[@Hkim77]

إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

[@coucou9569]

ربي يحفظك زاكي هذا الموضوع لازم كامل يهدرو عليه معليش مام يڨعدو يعاودو فالهدرة على خاطر راهي تظهر وحد الأفكار المغالطة لي تدعو "للتحرر" وماتستعرفش بالخطأ زعما عقلية جديدة و راهي تحوس تسلخ المجتمع من القيم و الهوية وهذا مرض لازم نحاربوه كثر مالكورونا ، شكرا ليك بزاف أحبك في الله

[@وردة-ذ7ز]

بارك الله فيك وفي والديك وفي من أحببت وجزاكم الله خيرا 🙏💐

[@ostadkhaled4931]

هههههه الله يعطيك الصحة،... شخصيا أطرد مباشرة التلميذ او التلميذة بسبب اللباس الغير محترم ... اما الاستاذ دالي فمع انه استعمل اسلوب النصح عوض الطرد، وقع له ما وقع ( قرار المدير التعسفي، صحفي يلعب دور المحقق، اخصائية نفسانية تحلل شخصيته...) حين يرى التلميذ المنزلة المتدنية للاستاذ في مجتمعنا ( الكل يحاسبه و يوبخه حتى مثل "ذلك الصحفي" ) فلن يحترم التلميذ احدا و سوف يكون عاقا لاستاذه بل و لوالديه اساسا (الا من رحم ربي) ... لمثل هذه الاسباب تركت شخصيا ما يسمى بالتعليم في المؤسسات العمومية حتى لا يأتي كل من هب ودب يحاسبني في بعض التلاميذ ناقصي التربية ... و الحمد لله الان التلميذ المحترم اعامله كالاخ اما التلميذ الذي لا يحترم فلا اضيع معه الوقت (لان التلاميذ كبار يفهمون كل شيء و ما يسمى بالمراهقة هو مجرد خزعبلات غربية يغتنمها الشباب للبقاء في منطقة الدلع و التواكل على اوليائهم في كل شيء ) فنحن نرى مثلا تلاميذ صغار بسبب فقرهم تجدهم يدرسون و يعملون و لهم روح المسؤولية و لهم نضج عالي الله يبارك، ثم ياتي تلميذ اخر يشوش و يفتعل المشاكل اثناء الحصة (متوكلا على دعم ابيه او امه ) وعندما يقوم الاستاذ بطرد مثل هذا العنصر الضار حتى لا يحرم زميله من التعلم تأتي الصحافة و المنظمات و اخصائية نفسانية تحلل شخصية الاستاذ و توبخه في اسلوب تعامله مع التلاميذ ... سحقا لمثل هذا النظام ...

[@bensaadaa]

الأمر مؤسف عندما وجدت طائفة مع الصحفي و ضد الأستاذ و كل ماهو إسلامي .

[@saidabouazaz4031]

قضية الاستاذ يعيش لها الاحرار الغيورين على دينهم.بوركت.

[@amelsaidhouari9194]

شكرا جزيلا على الپودكاست القيم Keep on the good work

[@benzwalid]

رسول الله ﷺ: يأتي زمان على أمتي القابض على دينه كالقابض على جمرة من النار لأسف لشديد هادا زمان لي وصلناله في بلاد الاسلام والمسلمين لازم الصحفي يفصل ويعتذر من على دالي

[@nedd31]

بارك الله فيك و حقا عندي مدة لم اتابع قنوات تلفزيونية و تفاجئت من ميوعة عقيدة الصحفيين خاصة الصحفي الذي استضاف الاستاذ كان جدا مستفز -انا اقصد الصحفي- و هذا يدل الاعلى شيئ واحد هو بدأ تسرب الافكار اللبرالية نحو المجتع عن طريق الاعلام اللهم احفظ امتنا من الفتن

[@hanisro6955]

كونك حيادي و الاحتكام الى العقل و ليس العواطف عندك الانحياز

[@hatemboussaada9334]

الصحفي من شدة الانوثة خاف علي يغلط فيه و يقله البسي حجاب شرعي

[@fereilhassen524]

بارك الله فيك وجزاك الله خيراً نحتاجو دعم لقضايا الامة كيما هذا الموضوع ربي يوفقكم

[@othmanebelkacemi23]

يعطيك صحة خيي زاكي كل ما ذكرته يبين على رجاحة عقلك وطيب أصلك " اعجبني تحسن جودة التصوير والاستوديو..الى مزيد من التوفيق ان شاء الله 🙏

[@ikbelmezroua5500]

Ya khoya 7abas podcast w blog videoat kima hado top rbi ybark

[@slimanmoumen]

مشاء الله تبارك الله مبارك الجودة الجديدة للفيديو والخلفية 😉

[@hadil_msdi]

يعطيك الصحة زاكي ، ربي يصلح لبلاد ولعباد . وهاذاك "لبنادم" ميستاهلش كلمة صحفي

[@ramiboushaba3495]

اول فيديو تاعك و باين بلي ليزوم اي واحد يهدر على المواضيع الاجتماعية بطريقة منطقية و يستدل بالقرآن و الحديث معنتها زعيم و لا عزاء لأعداء الدين &@$/هم

[@hanisro6955]

ما الارهاب يستدلو بالقرآن مام هوما ليزوم 😏

[@hanisro6955]

انت عندك الانحياز التأكيدي اي شخص يتكلم باسم الدين تدعمه حتى لو كان مجرما او ارهابيا

[@ramiboushaba3495]

@@hanisro6955 ماقصدتش هاكذاك انا قصدي أي واحد يعالج مواضيع اجتماعية و يستدل بالقرآن نشجعو لو قصدت واش قصدت نتا . القبايل حاشاك كي يهاجمو الدين مام هوما يجيبو آيات و يحرفو المعنى و يحوسو كيفاه يصنعو دين علماني على حسابهم زيد قولي نتا عندك فوبيا من القفايل حاشا خلق ربي نتا باينة عليك طبيب و تعرف بزاف هيه اي واحد يهدر و يستدل بالدين اني معاه انا مانيش مع صناع المحتوى التافه برك

[@Mohamed_fouad_DZ]

كلمة يظهر لحمها و جسدها في الثانوية ( عادي ) ... كلمة لحمها في حصة تلفزيونية ( تجرح و تصدم المشاهدين) .... هههههههه آآآيما على هذاك العقل

[@karimhassan5564]

5:30 التفكير المتحجر هو لما الأستاذ برر جريمة الإغتصاب بلباس المرأة.. و قبل ما يقول عبارة التفكير المتحجر ، يوسف احتج لرأيه و بين له بأن هناك قضايا اغتصاب ضحاياه محجبات و منقبات و حوادث اغتصاب في مدارس قرآنية

[@amizi-21]

عجبتني في قضية المفاهيم الفضفاضة وووو عندك الحق خصها فيديو

[@nourelkods5351]

لحد الآن مزال كاينة يطردو التلاميذ عالتحفيفة عاللباس الله يهدي

[@WalidART]

_ أظن أنو أحسن رد لهؤلاء المرتزقة الاعلاميين في قنوات الصرف الصحي ، و أفضل مساندة للأستاذ الشريف '' علي '' هو أن نستر بناتنا وأخواتنا و حتى ولادنا .

[@karimhassan5564]

1:43 صح اللباس المحتشم لفظ نسبي و كل شخص يراه بمنظوره الخاص .. لهذا يجب أن يكون مرجع ثابت لهذه النقطة و هو الشرع

[@dostofiskiamir1094]

الاسلام بدأ غريبا وسيعود غريبا.....

[@hocinesafia4511]

المشكلة انو زمان الآباء كانو يحرصو انو ولادهم يخرجو من الدار بلبس محتشم و دروك الآباء يدافعو على ابناءهم و يهاجمو اي واحد يحاول الاصلاح

[@danedana31]

انت واش دخلك في ولاد الناس و واش يلبسوا ؟

[@danedana31]

باغي دير الاصلاح بلادك عندها مشكل تاع بطاطا قعد انت تحوس ناس شا لبسوا

[@hocinesafia4511]

@@danedana31 علقت على محتوى الفيديو لي ما نظنش راه يهدر على البطاطا ؟؟؟؟

[@djasminemaliko6911]

الله يرحم الأستاذ سليمان يخليلي وحواراته الراقية

[@LicenceMiDz]

يعطيك الصحة❤️❤️❤️❤️❤️

[@asmaahaddou5380]

مشاء الله ❤️، تحليل أكثر من رائع ،تؤجر

[@mohfine11]

موضوع النسبية يحتاج حلقة كاملة لوحده

[@aminabensakhria2446]

متضامن مع الاستاذ على قول الحق والنصح

[@karimhassan5564]

12:18 يعني سافر إلى العاصمة و زد على ذلك الخسائر التي تكبدتها القناة من أجل أن لا تذاع الحصة ؟؟ كان المفروض لو تكلم معه بالهاتف فقطظ

[@nahil8372]

جمييل جدا تحليل هايل بالرغم من أني ما كنتش حابة ندخل في دوامة هذه الحكاية . راهي ولات موجة على الحجاب و المرأة و التحرش هذه المواضيع يحبوا يجيبوها ..عندهم هذاك الربط بلي الملتزمين كي يهدروا على الحجاب معناه رآه يفكر في جسد المرأة فقط و كذا عليها حب الصحفي أنه يهدر معاه في هذاك الموضوع لانه يجيب مشاهدات ما هولا على القضية لا والو . ثان بالنسبة لقضية الفصل الاستاذ نظن بلي مستخلف والمدير كي يكون الولي كاش حاجة يحب يرضي الأولياء يموتوا على رضاهم عليها ما دار لا انذار ما والو ماهم يمشوا لا على قانون لا والو. انا غاضني الحال و اعتب على هذاك الأستاذ كيفاش حتان قبل دعوتهم اصلا هوما جايبينوا على هذا ماكان ..وزيد هذيك الأسئلة مستفزة جدا كان قادر يخرج و يغادر .

[@محمدموح-ض5ن]

الرجال مايعيشوش في هاذي البلاد. تحية واحترام للاستاذ علي الشريف

[@AM-fc8kv]

ماشاء الله عليك زاكي كفيت و وفيت👍👍

[@karimhassan5564]

فهمتم الصحفي غلط .. الصحفي ليس ضد الحجاب و لا ضد الإسلام الصحفي أراد أن يدفع بالأستاذ للرد على تهم المدير و مجلس التأديب (و هي تهم ثقيلة و مهينة مثل التحرش الجنسي بالطالبات) و قرار الفصل التعسفي لكن الأستاذ بقي مركزا في نقطة الطالبتين. المدير في الفيديو يتهم الأستاذ بأعمال غير أخلاقية (ركزواعلى كلمة غير أخلاقية) لو لم يكن الأستاذ طرطور لقدم شكوى ضد المدير في قضية قذف (و عنده الفيديو كدليل مادي) و شكوى ضد أعضاء لجنة التأديب بسبب الاتهامات في شرفه و شكوى في المحكمة الإدارية بسبب قرار الفصل التعسفي بالإضافة إلى طعن في قرار الفصل (هذا ما كان يريد يوسف أن يوصله للأستاذ) لكن هذا الأستاذ بدون كرامة

[@daughtersdz2511]

بارك الله فيك اخى انا بنتى في مدرسة امريكية تلبس يونيفورم لازم يكون مستوور تحت الركبة من غير النظر على تسريحة الشعر و المايكاب ممنوع لكن كي جي فينا كمسلمين نولوا معقدين الله يهدينا

[@tubaines7667]

بارك الله فيك ربي يصلحنا ويصلح شبابنا واولادنا

[@nourdjihane2428]

بارك الله فيك تطرق شامل ورائع للموضوع 👏❤

[@bouba2567]

زيدنا فيديو على الاستاذ علي بارك الله فيك

[@realmadriddz7250]

أبونيتلك بزوج تع ليكونت فالقناة تاعك صديقي تستاهل متابعك من مدينة مغنية تلمسان🙂👍

[@karimhassan5564]

3:14 كانوا يطردون اولاد الفقراء تصور بنت ضابط أو فتيات البلاستك (و ما أكثرهم) تأتي بلباس فاضح .. يا ويل اي واحد يطردها

[@narimanekedida4954]

يسلم ذاك الفم و الله يخليلك هذاك العقل، انا جاتني ليكيداه لأنه كيفاه يفصلوا غير كي راه متعاقد ! وش الحقرة هاذي..كاين اللي يديروها باه يدخل فاميلتو للمنصب هذاك ..و الصحفي هذاك أو باين الهدف تاعو ..وش قال في اللايف ؟ قال الأستاذ هدر هدرة متليقش نحطوها في التلفزيون تشوفها طفلة صغيرة تقول عليها لحمها يبان ! يسما المنطق عند الصحفي عيب تقول لحمها يبان لكن مش عيب تشوف لحمها مش عيب حرية وش بيك !😒😒

[@abderrahmaneboualleg7924]

كفيت و وفيت 🖤

[@aichaboutata5974]

يعطيك الصحة ❤❤❤ You said it all

[@danedana31]

9:47 بصح هنا ماراكش في منطق الشرع راك في مدرسة عمومية تابعة للجمهورية الجزائرية لي عندها قوانينها

[@Djamil_Gasmi]

بارك الله فيك و جزاك الله عنا كل خير و دير دير مرة على مرة كيما هك

[@hassanhb9605]

بارك الله فيك زاكي

[@sarahcreate8254]

نعم ديرو جزء 2 ومتنساش تعلقوا على نفسانين لي جابو

[@meriemkhademallah]

كثر من الفديوهات هادو بارك الله فيك

[@hanisro6955]

المتحجر الجامعة حرام الثانوية حرام السيام حرام الابتدائي بدعة استاذ غير محتر و يزيد يرتدي لباس الكفار

[@hanisro6955]

مام الارهاب يتحدثون باسم الدين و القرآن

[@ANACONDA1981]

بارك الله فيك اخي زاكي كثر الله من امثالك و كم اتشرف بوجود نخبة واعية راقية في بلدي الجزائر الحمد لله على نعمة الاسلام و كفى بها نعمة 🌹🌹🌹🌹🌼🌼🌼🌺🌺🌺🌺

[@mosttoufik]

يا خاوتي هذا السيد شحال يدخل فالقلب عسل ما شاء الله

[@hayatmakehour9287]

سلام ، الله يعطيك الصحة ياخويا بردتلي قلبي قلت كامل الشىء الي كانو بزاف ناس حابين يقولوه !! حبيت تهدر plus على هاذاك الخنتى تاع الصحفي خسارة فيه اسم يوسف !!

[@dragonalgeri]

بارك الله فيك عجبتني في الهدرة و أصلا المحتوى الجزائري لي يتناول قضايا نتاع المجتمع راه قليل بزاااف فمهم تعلق على القضايا لي تمس المجتمع, لخاطر رانا رايحين للعلمنة أكثر و أكثر وحد النهار تفيق حتى تلقى الآذان ممنوع راه يزعج الناس نسأل الله العافية

[@djimidjau2238]

طريقة جميلة لمناقشة مواضيع الدائرة في الساحة

[@karimhassan5564]

11:20 الأفكار المتحجرة واضحة .. أعرض المقطع هذه العبارة قالها يوسف لما الأستاذ برر جريمة الإغتصاب بلباس المرأة

[@mohfine11]

فقط بغيت نوضح نقطة مهمة : الصحفي الذي اثار الضجة هو اصلا صحفي رخيص وسبق وان قام بضجة مماثلة عندما كان في قناه النهار من خلال روبرتاج خروج بنات الاقامة ليلا من خلال سيارات الاسعاف( هواري أومبيلونس) اي ان الصحفي يحب كثيرا الاصطياد في المياه العكرة حتى يشيع اكثر كان من المفروض ان الاستاذ علي لا يستجيب لدعوته الا بعد ان يبحث في سيرته المتسخة بالفضائح

[@karimhassan5564]

0:48 قل الحق : الصحفي هو الذي أراد ان يكون النقاش حول الفصل التعسفي .. و الأستاذ هو الذي جاب طاري الإغتصاب

[@karimhassan5564]

7:34 الأستاذ الطرطور هو من أدخل نفسه في هذه النقطة

[@ramiboushaba3495]

باينة نشتركو كمل فهاذ ألمحتوى برك

[@reguia06]

موضوع مهم جدا ربي يعاونك زيد من هاد المواضيع للتوعية.

[@marinnarayene6713]

I ENJOYED the video ❤

[@nesrin8015]

Bravo baraka llahu fik

[@hamidomaghnia1802]

بارك الله فيك الاخ زكرياء..نفع الله بك

[@faroukking5769]

ربي يحفظك، وقنوات الزيقو الله يجيبهالهم

[@kimoucasanova8740]

هذاك الصحفي عليه من الله ما يستحق .ڨاع قلقنا ربي ينتقم منو

[@iladoc8575]

التحدث عن الموضوع شيء جيد ... و كن ابتعد عن مواضيع حساسة كالتحرش و غيره خوفا عليك ... لان هذه المواضيع اما ان تاخذ من الاسلام و التي يجب ان تكون دارسا او عليما به .... حتى لا تقع في مغالطات ... و لكن بالطبع تستطيع ان تنصح مثلا فيديو فيه 1 دقيقة على انستا او هنا تنصح الشباب و لكن لا تتحدث من تلقاء نفسك ... بالتوفيق

[@hocinesafia4511]

هاد النسبية فكرتني بقصة اصحاب السبت

[@drise1449]

بارك الله فيك

[@khgusousou1113]

Tout a fait d'accord m3ak baraka Allahou fik

[@hocinesafia4511]

الصحفي كان داخل باش يغلط الاستاد و يبرأ التلميدة

[@karimhassan5564]

1:25 طيب : طلب اللباس المحترم و لم يطلب اللباس الشرعي ..يعني هذا ليس أمر بالمعروف

[@abdoudz2150]

زاكي خويا نتا و الغريب كل الإحترام .. 🌹❤️

[@karimpoissonnier2780]

جزاك الله خير الجزاء أخي الغالي ☺️✋

[@malcomx266]

03:12 يطردو مشي يستناه يجيب باباه 😂😂😂😂😂

[@hichemegnima2921]

وش هو ميكروفون لي تستعملو🤗

[@abdelkrimmeliki1467]

احنا بكري نشفالها، كي واحد يدخل بلباس غير محتشم مالباب تع المؤسسة، تلقا المدير قاعد فالباب، لي مش لابس لباس محترم ولا قصة شعر غريبة، يتسحت ويجيب معاه ولي الأمر . وش الجيل الكيوت تع درك 🤦🏻‍♂️

[@OMEGA_CEM]

خويا الصحفي لازم يبقى محايد هو كان يتكلم من جانب شخصي C'était de l'accusation

[@adelbilel6519]

هذي الفئة تجوز تسألهم هل هم مسلمون و هل يعرفون القيم و المبادئ الإسلامية للأسف زين الشيطان أعمالهم راهم ضانينها ساهلة لما ينشروا الفساد و الفتن عجبني خونا علي لما قال على الصحفى : انت طري و شباب غي حشم باش يقوله انت مئة و ستة هذا الصحفي يفتقر لأصول الرجولة و كل مرة يبث حصة يخرج و يعمل مباشر باش يشوه و يتكلم في الشخص لجاز معاه في الحصة الكلام طويل، ربي يهدينا و يصلح احوالنا و احوال المسلمين

[@TechWithSabri]

حجاب ميستوكوندري يا شكوبي قتلني بالضحك الله يفرحك

[@sallisalli439]

عجبني رايك ما شاءالله 💙

[@yacineaitmedjane8740]

شكرا زاكي يعطيك الصحة

[@Muuslimah]

شكرا لك 🤍

[@tragicgame1829]

يا خويا القنوات التلفزيونية تكون scripted and censored يعني مقص الرقيب داير حالة على الاقوال او القصص لي ما تتناسبش مع البروباڨاندا لي حابين يحطوها . الان احسن حاجة هو صحافة معاكسة و اللايف عبر الانترنت و في مواقع ما تكونش تحد من حرية التعبير و الدعوة للطريق الصحيح.

[@timaqueen2055]

اخي مدير لم يوقف الاستاذ حتى ضمن حماية من شخص مديرية التربية لولاية معسكر اكبر وكر للفساد

[@soumiaboudouani2785]

بارك الله فيك ♥️

[@skrt2267]

الحاجة لي لفتت إنتباهي الصحافي قالو شفنا حالات الإغتصاب حتى في المساجد (حالات شاذة ) وراه هذا خطأ وراك تعرف عقلية التعميم حنا الجزائريين خاصة مع الفئة المتدينة وحنا رانا نشوفو كل انواع الجرائم براا و تحسب عل الفرد الحاجة الثانية الحجاب و العاهرات رانا شفنا بزاف من با ئعات الهوى ولاو يلبسو الحجاب حتى كي تشوف حجابيست تلقا الشعب يقولك هذه باينة غير لتحت لتحت وراني شفت عليهم يالشعب نتاعنا الكريم الحجاب أولا هو فرض وهو لباس فقط وهذا خطأ كبير تربطوه بما يفعله الفرد و كل واحد يتحاسب وحدو

[@DMcm73]

هذا الأستاذ ليست لديه أدنى فهم للدين و المعاملة، أولا هذه طفلة قاصرة و لا يفيد الكلام معها، ثانيا إعلام المدير و إستدعاء ولي الأمر و إعلامه و السماع منه، ثالثا تغيير المنكر باليد للولي و رفض و باللسان و رفض و بالقلب اتمنى ان ذلك الأستاذ يدع لتلك القاصر بالهداية، الخلاصة ان الدعاء لسبيل الله بالحكمة و الموعضة الحسنة، كان من الواجب علية ان يقرر للقسم دروس تحسيسية يتم فيها تحسيس الطفلة بطريقة غير مباشرة لما هي عليه و ما يطلبه الشرع و القانون من عفّة، انتهى.

[@hhdd8421]

يجب الوقوف في وجه مثل هذه المحاولات لأنها راح تجيبلنا غير الفوضى، التحدث في المحكمات التي فيها قول واحد راح ينتجلنا فرد متضارب فكريا، تنتجلنا فرد عندوا القابلية للإستعمار الفكري، و بما أنو حنا ماناش مطبقين الدين مليح عدنا مشاكل سواء أخلاقية أو غيرها، و الآن يريدون إستيراد مشاكل جديدة من العالم الغربي. لذا أرجوا منك و من غريب و الناس لي قادرين يردو أن يرودوا، و تبينوا للناس بلي كاين حوايج في الشرع مسموح فيها الخلاف و أخرا لا، و الخلاف فيها قادر يخرج من الملة، حنا معدناش العلم و العمل و الإقتصاد تاع الغرب و زيدلها البعد عن الدين لي موضح في القرآن في أكثر من موضع أنو يقدر يسبب هلاك الأمم (طبعا إستعمالي للحجة هذه لأن أغلبيتنا مسلمين، يمكن التطرق للحجج العقلية...)، لذا هذا لي صرا أمر خطير، و يجب إكساب الجزائري الحجج لي تعطيه مناعة من هذه المغالطات الدينية و المنطقية أيضا، لأنو الإنسان لي كان يهدر راهو يساوي بين الغربي لي عندوا صاحبتو و لا صحاباتوا و الفرد لي عندنا لي حاب يحافظ على دينو و ما يتزوجش إلا في أواخر العشرينات إذا كان ميسور الحال. الغرب قادر يمنع الحجاب عادي مستعملا "ثوابته"، و نحن لا يمكن حتى أن نفرض لباس محتشم في مؤسسة تعليمية بثوابتنا الوطنية. من الدلائل على سلطة الفكر الغربي أنه أصبح الأمر بالمعروف و النهي عن المنكر يقابل بأنه لا دخل لك في الحريات الشخصية، صحيح هناك من يستعمل الأمر بالمعروف و النهي عن المنكر غير باه يسب و يقذف و يفرغ ما في قلبه ذاك يجب محاربته أيضا، يوجد ظوابط للأمر. نحن نطمح أن يخرج جيل عندوا تناغم ما بين العلم، الدين و العقل و الأخلاق، و هذا الجيل لي يقدر صح يدير نهضة.

[@danedana31]

قسما بالله خطرات نقرا تعليقات تاعكم ما نامنش بلي دزاير فيها ماس يخمموا كيفكم

[@zahraka3169]

الصحفي راهو عاش في سنة 3000 م ....وحنا مازلنا في 2021..... راك فاهم ....

[@Human9914]

هاد الصحفيين مستواهم تع حكايات حوش الجوارين فقط ...يعني يطلع مستوى النقاش غير شوية راح فيها

[@ZakiAghaCasTea]

ههههههههه

[@saliham1238]

لازم تخدم عقلك يا زكي مش برك لي يحكي بالدين نامنوه، الأستاذ تظامنو ضدو الأساتذة الكل، متهم بالتحرش و دخلوه مجلس تاديبي، متامنوش كلش

[@ZakiAghaCasTea]

قبل لاتقولي خدم عقلك ومتامنوش كلش سقسيني قبل مين جبت معلوماتي...هذ تعليق بهذ الطريقة منبغيهش كي تبغي تعترضي اكتبي تعليق مليح