Рет қаралды 1,120
كل الشكر لـ السيد / بدر منصور بن مهيني على الدعم الكامل للموروث وبيض الله وجهه
.
.
باديٍ بالله عظيم الشان غفّار الخطايا
باسمه الامر العسير يهون والصعب يتهيا
نعبده ونمجّده مانجحده جزل العطايا
من عطايا ربنا نعطي وننعم ونتفيّا
فالكويت اللي نرد من دونها حوض المنايا
شجرةٍ بالمجد والطولات والتاريخ ريّا
دارنا اللي لو يشين الوقت من شين النوايا
كل ماتنوا بنيّة شر صان الله وعيّا
دون حد بلادنا ناطا على روس الحيايا
ما لعدوان الوطن غير البنادق والجفيّا
واللزوم اللي ضربنا لجله أكباد المطايا
حقّنا نتعب على شانه ونطوي القاع طيّا
للقبيلة حاضرين وللوجوب وللقضايا
وفي لزوم الصاحب اللي وقّف ورحّب وحيّا
صان موروث القبيلة صون من كل النحايا
قال تاريخي وموروث السعد كله هنيّا
يابدر منصور راسي تطبّخ فيه الحمايا
خابرك ودّك تشوشني وانا شايش بليا
يابن مهيني من الطنخه جوانحنا ملايا
اشهد انك راس من روس العرب وابلج محيّا
انت ياتاج الفخر نادر عرب نادر حلايا
فالثرى رجلك وهامة همّتك فوق الثريا
لاوقفت تكمل الموضوع من كل الزوايا
واحدٍ مايفخر بشرواك ماعنده حميا
والبل اصلا غاليه. مافيه داعي للوصايا
ابلنا من حافها يكوى على غاربه كيّا
فالزمان الاولي سقنا العمار الها هدايا
والله أنا دونها نلوي ذراع الشر ليا
قبل لاترسم حدود الدار وتقوم القرايا
مافقدنا من رعايانا هذاك الوقت شيًّا
مرحبا في محفلٍ يرعاه مقدام السرايا
الامير الي من التاريخ والطاله محيا
ابن جامع ويش اقول وويش اعد من المزايا
واسمه اصلا مادحه والفعل ماحوله خفيّا
من رفيعين المقام ومن حميدين السجايا
عزوةٍ للمجد مجد وللظلام الدمس ضيّا
من فعول الطيب ماخلو ولا بقو بقايا
سمعةٍ رنانه وصيتٍ ليا هالحين حيا
اشمخ من طويق واشمخ من جبال الهملايا
الدخيل اليا دخل يلقابهم مامن وفيا
باسم بن جامع نسوق الطيب ونسوق التحايا
في مقرٍّ يدبل الترحيب لضيوفه من أيّاً!!
القبايل والعوايل والرجال اهل الحمايا
والشيوخ اللي تعنوا وحضروا للحفل ويّا
أهل المعروف عطران الشوارب واللحايا
مرحبا ترحيبٍ يصافح يمانيكم سويّا