قصيدة العنبرة ( مع الكلمات ) - أحمد فؤاد نجم

العنبرة هي تقليد خاص بالسجون المصرية .. على حد تعبير الشاعر أحمد فؤاد نجم بأن المسجون قبل ما يخرج من السجن باقي المساجين بيعنبروله ( بيحتفلوا بيه ويغنوا له ).
شعر و إلقاء: أحمد فؤاد نجم - رسم: منار عادل - Video By: Nota Media
لدعم نوته على patreon :
/ notah
--------------
كلمات القصيدة:
عنبر .. كله يسمع
شخشخت بالزهر مانصفنيش ولا مرة
وراهنت بالمهر والبقشيش على مرة
والسجن للحُر وان كان مر .ولا مرة ..
فكرتنى بالتوبة من دى النوبة .. ولا مرة !
بعد مساء الخير على حراس الليل
كنجي برنجي وشنجي
كله لبط و لومانجي بس البدلة بتفرق
و العيب ع المخزنجي
الاوله للنبى .. والتانية ايوب ..
والتالته غربتى .. والرابعة المكتوب
والخامسة .. اللى افترى
حتماً يبات مغلوب
الاوله يا نبى يا محرر الانسان
يا بلسم المُبتلى يا نجدة الغلبان
كرمت صنف البشر عن طايفة الحيوان
ورفعت سيف الهدى عالى على الطغيان
و غسلت ارض العرب من بقعة الاوثان
وزعقت يا امتى .. فى سائر الازمان
الظلم يوم لو حكم .. والحق يوم لو هان
يحرم عليك المطر والفى والعمران
تسرح بحورك عطش .. فى الزرع والإنسان
ويجر فيك الحنش وتحوم الغربان ..
ترمى الخراب ع الجبل والسهل والوديان
النور يغور م السما .. وجه القمر ما يبان
والشوف يضيع فى العما والضلمة والاحزان
والخوف يطيح فى البشر من قسوة السجان
الناس تخاف بعضها .. وتخوف السلطان
والتانية ، قولت أنا آيوب وانا مثلين
آيوب ومهما ابتلى .. آيوب يروح لي فين
ايوب صبر كم سنة
ايوب صبرله يومين
طلعت عليه القصص واتنادى بالاسمين
عدوه من الانبيا والصالحين الاتنين
وانا اللى صبرى هنا جوة اللُمان صبرين
صبرى على خطفتى من عزوتى والبين
وصبر تانى على حكم الزمان يا عين
الندل فينا حكم .. والندل حكمة شين
حكم البقر ع البشر .. بشريعة القرنين
وحق تربة نبى طه كحيل العين
هالبت يوم يتنصب بدال الميزان اتنين..
وانظر بعين الرضا للعدل فى الميزانين
والتالته، غربتى فى عالم الاندال
الندل فيه احتمى .. والحُر فيه انطال
والواطى لما اعتلى .. اجرله كام طبال
الشحط والبلطجى واللص والمحتال
ومين يحب النبى .. سقفة كمان يا عيال
الرقص دار فى البلد عمال على بطال
واللحم لما اتكشف .. غطى على اللى اتقال
لا سمعنا صوت فى النغم .. ولا شعر فى الموال
خنقوا الكلام فى الغُنى .. والرنة فى الخلخال
واحد يا موحد الواحد
اتنين يا جد الحسين
تلاته يا سو الشماته
اربعة يا حبر المطبعة
خمسة يا عزمى يا حى
سته يا بكرة يا جاى
سبعة يا قلبى يا مايل
تمانية يا شوق الزمايل
تسعه يا دنيا يا واسعة
عشرة يا خاين يا حشرة
اعرفكم جميعاً ان السجن سور ..
اعرفكم جميعا ان الفكرة نور
وعمر السور ما يقدر يحجز بنت حور
وعمر النور ما يعجز يقزح الف سور
اعرفكم جميعا ان الظلم شايخ
واعرفكم جميعا باب السجن خايخ
واعرفكم جميعا ان ما لوش اكره
واعرفكم جميعا انه هايبقى ذكرى
وابشركم جميعاً .. ان الوعدة بكرة
والنور عندنا وعندكم .. يا حبايب
لمتابعة نوته على مواقع التواصل الإجتماعي :
Facebook: / notah.official
/ notah_official
Instgram: www.instgram.co...
Twitter: / notahofficial1

[@MohamedGalal-dn6wn]

كانت القصيده دى صاحبي وونسي الوحيد ف عنبر ١٠ وكانت ترنيمه الصبر ف الانفرادى

[@mahmoudmohamed2929]

He spent many many years in prison for his poems ,his words are truthful, painful, one of the best poet in Egypt

[@user-cb9si1yy1y]

yes of course my appreciation for you he is abig poet

[@wmm5787]

اعرفكم جميعا ان السجن.. سور واعرفكم جميعنا ان الفكره.. نور وعمر النور ما يعجز يقزح الف.. سور الله الله الله عليك.. رحمك الله يانجم

[@Knowledge_life]

رحمه الله، يتحدث بوجع التجربة.

[@tawabsalama2251]

ما أصدق ماتقوليلي ياعم الكل.. فقد وصفت حالنا اليوم من حجب النور و من الظلام والظلم والندل لما على.....

[@sabahzineelabidine9726]

رحم الله أبو النجوم ا لفاجومي أحسن القصائد كتبها وهو في السجن الذي دخله لا لشيء وإنما كان يدافع عن بلده وأبناء بلده وكرامتهم الله يرحمك أنت والشيخ إمام

[@mohsel1679]

رحمة الله عليك يا عم احمد ، مصر في العصر الحالي البائس اللي بنعيشه بتعاني من فقر في الابداع واصحاب الراي الحر زي الراجل ده والشيخ امام والراحل طيب الذكر احمد خالد توفيق

[@sacha4830]

ألف رحمة عليك يا أبو النجوم يا صاحب الروائع

[@AhmedHassan-oz1uk]

نجم الشعر والحرية والثورة

[@mostafa2895]

ايوب صبر كام سنة؟! أيوب صبر له يومين..طلعت عليه القصص و اتنادى بالاسمين..عدوه من الأنبياء و الصالحين الاتنين و أنا اللي صبري هنا جوه اللومان صبرين...يا سلام عالعظمة ❤

[@AhmedZaky-xu7fp]

بس أيوب فعلا نبي وصالح

[@adhamghaly3089]

فين العظمة لما يتكلم بالإستهزاء ده عن نبي مرسل؟ اعرف قصة سيدنا أيوب الأول

[@mostafa2895]

@@adhamghaly3089 بلاش ندخل الدين في الشعر علشان لو عملنا كده كل الشعر هيبقوا كفار..شوقي و المعري و المتنبي و كله

[@mohamedmartin6914]

اللهم صل وسلم على محمد وآل محمد 💕 💕 اللهم اجعل القرآن الكريم ربيع قلوبنا 💕 💕

[@zest1250]

عِــيــدُ الــبَـرِيَّـةِ يوم الـمَـوْلِـدِ الـنَّـبَـوِيّ ** فِــي الـمَـشْرِقَيْنِ لَــهُ وَالـمَغْرِبَيْنِ دَوِيّ ,,, عِـيدُ الـنَّبِيّ ابـنِ عَـبْدِ اللهِ مَـنْ طلعَتْ ** شَـمْـسُ الـهِـدَايَةِ مِــنْ قُـرْآنِـهِ الـعلوَيّ,,, بَــدَا مِــنَ الـقَـفْرِ نُــورَاً لِـلْـوَرَى وَهُـدَىً ** يَـــا لِـلْـتَمَدُّنِ عَــمَّ الـكَـوْنَ مِــنْ بَــدَوِيّ,,, من كَـانَ فِـي ريْـبَةٍ مِـنْ ضَـخْمِ دَوْلَـتِهِ ** فَـلْيَتْلُ مَـا فِـي تَوَارِيخِ الشُّعُوبِ رُوِي

[@amrbarakat2201]

يالله عالجمال ، اللهم نصر قريب علي الظلم

[@hamadelshikh716]

الله يرحمك ويحسن اليك ويتجاوز عن سيئاتك

[@lacentraleauto8594]

الضلم حكم و الحق هان يا عم نجم😢😞

[@anaskhadour5882]

رحمة الله عليك أيها المبدع

[@azzaadam4129]

ابو النجوم الفاجومى الله يرحمك ويسكنك فسيح جناته

[@sherifsalama2165]

جميل جدا اول مره اتابع الشعر ♥️

[@nouranhatem96]

والتالتة غربتي في عالم الاندال الندل فيه احتمى .. والحُر فيه انطال والواطي لما اعتلى .. اجرله كام طبال الشحط والبلطجي واللص والمحتال والكوديا لبست شنب واتحزمت بعقال ويا مين يحب النبي سقفة كمان يا عيال والرقص دار في البلد عمال على بطال واللحم لما انكشف .. غطى على اللي اتقال لا سمعنا صوت في النغم .. ولا شعر في الموال قتلوا الكلام في الغُنى .. والرنة في الخلخال

[@shmsrgb4101]

رحمه الله عليه عملاق عملاق عملاق من ارض العمالقه وانت اخي عملاق

[@3bdo3id]

عبقري رحمه الله

[@magdibrahim3045]

رحمك الله ياعم احمد

[@rachideljachi2298]

كلامُ قصيدِكِ المَـبتورِ عَمْـداً = لَعـمري لا تَسَعْهُ حُدودُ صَحرا فَـدُرُ القولِ يَجري سَلسبيلاً = ويروي من مُعينِ الشعرِ قَـفرا إذا الشعراءُ قد فاضوا كنهرٍ = رأيتـكَ دونَهَم قـد فِـضتْ بَـحرا أتـيتَ مُناجِـياً بيـتاً وذِكرى = وعنا قـد رجعـتَ بألـفِ ذِكرى رشيد الجشي

[@jenadjo5315]

وعند الله تجتمع الخصوم . الله يرحمك يا بطل

[@user-of7nc8ed3u]

الله يرحمك يانجم

[@modi4evr]

الخلفية الموسيقى تحفة بجد ... تدي بعد خامس للفيديو.. ممكن رابط الخلفية الموسيقية ..

[@mohabgamal3961]

kzbin.info/www/bejne/bYezh4ePm7qbnZY

[@hatemelmasry-ne1du]

نجم وهو فعلا نجم

[@abdelrahmanowedah5055]

ابداعات

[@user-nt6uf2pm9c]

الله عليك يا ابو النجوم

[@atefabdelrasoul222]

عم نجم⁦❤️⁩⁦❤️⁩

[@victorial5141]

الله يرحمك ❤

[@hassanbadr9741]

الله يرحمك.

[@mohmaha8520]

الله يرحمك

[@user-ed6rq3ve2b]

يا سلام .

[@eslamghazy735]

والنور عندنا وعندكم يا حبايب

[@nabilsalem9227]

شكرا ع المجهود ❤❤

[@reda4923]

اااااهِ 🖤!!

[@AGaleb-ry6pd]

اعتقد المبتلى وليس المبتلي

[@COD_sucks]

جميله جدا، وصلني احساس الشاعر احمد فؤاد نجم رحمه الله. سؤال، من هي الكوديا؟ او ماهي؟

[@mohamedkishawy5315]

على حد علمي... الكوديا معناها الشخص الضعيف في السجن والذي يخدم الجميع خوفا على نفسه. وهو ادنى درجات المساجين

[@samiralbatool5646]

شكرا على التوضيح لاني سألت نفس السؤال فوق وما حد رد لك وافر الاحترام والتقدير 🎉🎉🎉🎉

[@Asd12122]

@@mohamedkishawy5315 تماما

[@sayyedalmahallawy799]

الكوديا هي المرأة التي تضرب الطبول في الزار ، ذلك الطقس الموروث الذي يعتقد البعض انه يرفع أذى الجن

[@user-gx9vq4rt8t]

يا بكره يا جي

[@yousefalsayed9803]

الأول

[@mohamedkalaf3183]

الثاني

[@samiralbatool5646]

ايش هي الكوديا لبست شنب

[@m0khxlil]

كوديا دي يعني شخص صغير في الحجم قصير في الغالب

[@mostafaseif3283]

الموسيقي يا جدعان اسمها ايه دا انا بقالي سنه بترجاكم ع اسمها

[@hamedal-khateeb7360]

حضرتك في مواقع بتعرف منها الموسيقا من الفيديو

[@mohamedabdeldaym3650]

@@hamedal-khateeb7360 اسم الموقع دة اية

[@mohabgamal3961]

kzbin.info/www/bejne/bYezh4ePm7qbnZY

[@حسبياللهوعليهتوكلت-ز7ي]

عنبر عنابيرو 🤣

[@mahmoudelmondi2673]

استفسار هو مش هنا تطاول علي نبي الله ايوب عليه السلام و التانية ، قولت أنا آيوب وانا مثلين آيوب ومهما ابتلى .. آيوب يروح لي فين ايوب صبر كم سنة ايوب صبرله يومين طلعت عليه القصص واتنادى بالاسمين عدوه من الانبيا والصالحين الاتنين حد يفهمني

[@ahmedstohy7574]

بص حضرتك هنا مش تطاول ولا حاجه هو أتكلم عن مقارنة صبره بصبر سيدنا ايوب وأصلا موضوع صبر أيوب ده موضوع تراثي وشعبي اكثر من كونه أمر يتعلق بالنبوة خصوصا أن فيه ناس من علماء الدين قارنوا صبر أيوب بصبر سيدنا يوسف وقاله أن صبر يوسف اقوى لانه صبر وامتنع عن فتنة ربما اي حد في مكانه هيقع فيها شاب قوي وجميل وقاوم إمرأة في منتهى الجمال والسلطة انما صبر أيوب كان صبر على إبتلاء المرض وفقدان الأبناء اللي هو انت هتعمل ايه طبعا مش بقلل من صبر سيدنا ايوب لكن صبر يوسف على العفة والحياء كان أقوى حاجه أخيرة ربما تكون خارج السياق وهي أن ده شعر وعم نجم قال في قصيدة تانية ( أنا مش ضليع في علوم الانضباط) يعني اللي بييجي في باله بيقوله وده سر تسميته الفاجومي الله يرحمه ويرحمنا جميعا

[@AGaleb-ry6pd]

فعلا في غلط

[@mrmo1824]

بس اسكت يا جدع 😂😂

[@mohamedfarhat1542]

نفس كلامي

[@user-dc8tn9zf6r]

@@ahmedstohy7574 ي باشا بلاش القدعنه هي حلوه مفيهش كلام. بس عند الدين مافيش قدعانه. متحطش التتش بتاعك. هوا كذا😂😂. مرا مافي مقارنه امولك واولادكم فتنه وزينه فتنه من قوة تعلقك فيهم. إنما شهوه في حل يغنيك عنها انك تتزوج👍

[@m00n341]

اعترض عالقصيدة . سيدنا ايوب نبى ومذكور فى القرآن .ايه الكلام الى بيقوله ده على نبى من انبياء الله

[@samiralbatool5646]

الشعراء مبرأون من ما يقولون ((يقولون مالا يفعاون ))

[@m0khxlil]

هو غلط في سيدنا أيوب؟ هو بيقارن صبره بصبر سيدنا أيوب

[@AhmedZaky-xu7fp]

عندك حق