Рет қаралды 706
انام وطيفك يمر بلهاة الروح
و اغمض عيني وآنه اصحه
آنه اول بشر وياك زاهد بوب كلبه وحاير بجرحه
يركض عمري نار شموع
مو عمري العشك ركضه
افز من نومي متحلم وانام بساع
مرات الحلم يقضه
حلمك سالفة خيرين
وهذا اول حلم تنكطع سالفته
فزيت اليكلي شبيك ؟
بيه انته
خليني اسكت بحبك
مرات اليحب يسولف بصمته
لَتخليني اصلي وقبلتي الدنيا
اريد اتقدم بحبك
ماريدن امر بمبطلات الحب
وارد اردود وتوضه
حجاك الله بصنع طيني
اكو احسن من حجي الله ؟
اعوج زحمه امشي وياك
استحي امن كماط عبد الله
الطاح بدرب مو وياك
ما تنكاله اسم الله
احبك واليحبك لو سمع طرواك
تفضحه دموعه وعيونه
لا تنطيني شي ما عايشه اترجاك
العاش بديرة العميان ما يفرح برازونه
و زلة كلبي مو حلوه
اليحبك كون طلسم عايش انتَ وياه
مو يتذكرَك لو فرغ ماعونه
يمته بوجهك اتلاكه
مرات اليموت يعَيشه الملاكه
اريد انكت اركاد سنين وي ملكاك
هذا العاف دربك ذاك موسم جان
وما ريدن اصيرن مثل هذا و ذاك
اليحبك مو وكت ما رادك اتذكرك
اليشوفك بالحلم مولاي
يضل بكيف حلمه الشايفه يفسرك
لو متحلمه ذيج الخيل
جا ما سحكت بصدرك
هيه الخيل نفس الريح
لذالك سيدي كلبت باوراقك
واذا ادري بحلم اتلاكه آنه وياك
ومن رسوم وجهك تشبع رسومي
اخلي اهل الكهف تتنومس بنومي
و ما فزن بعد وبطيف حلمي احضه
جا مو تدري يا مولاي مرات الحلم يقضه
اللهم عجل لوليك الفرج
#علي_الحسن