Рет қаралды 7,526
عزاه يا قلبٍ من الهم ذاير
يكفخ ولدنّه سراجيفه العوج
طلعه وكاد وحال دونه ستاير
لولا ظروفه كان ساق الرجل دوج
يم ديرةٍ ترحيب اهلها كداير
وفي هرجهم وآخا مع أعدادهم جوج
هني من جاها مع الجو طاير
ما حسب الظلعان والغيم والموج
نركب على بيضًا تظم التواير
وتاخذ على الدوحه عقب روجها روج
ثم اتعلا المملكة والجزاير
وتنزل على الخامس نياشينها بروج
وما همنا شوف الفلل والعماير
ولا عبر الوصاف بوزان وهروج
نبغالنا خدٍ كثير الجراير
اعلاج من قلبه من الهم مزعوج
ف بلاصةٍ ترتاح فيها الضماير
وينساح بالي في صحاصيح وفجوج
ننصا جنابه بالخفا والسراير
في موترٍ شكله مع البدو ممزوج
ومعنا ادهمٍ ما يبعد الخرب طاير
وفرخٍ حمر طرح الشبك ما به دعوج
ومعنا ابيضٍ حكمه على الخرب جاير
لا ما يصد لو كان ماهوب محيوج
وياما حلا تجيلنا للذخاير
وشوف الارانب والحجل والقطا فوج
وياما ذبحنا الخشف والتيس ناير
دون الوعر في خايعٍ مابه اطنوج
والخاتمه مني سلام وكداير
عليك يا خدٍ تكاثر بك الزوج
مشعل الحبيني