Рет қаралды 37,464
قصيدة ابا الشيوخ خلف الاذن ابن شعلان
البارحة والعين عيت تغفي
عيت تذوق النوم لا واغليله
النار شبت مالقت من يطفي
اوجس على كبدي سواة المليله
تبيّنتْ ماعاد فيها تخفي
ومن ربعنا شفنا بالأيام عيله
خسران من يتبع رفيقٍ مقفي
والقلب يجفل كل ماشاف ميله
ماينفع الخايف كثير التخفي
واللي قسم للعبد لازم يجي له
كم سربةٍ خليتها تستخفي
وارويت عطشان السيوف الصقيله
واقلط على اللي بين ربعه مشفي
والخيل من فعلي تزايد جفيله
ومخضرٍ صنع العجم مايعفي
الراس من فوق المناكب يشيله
ومزرجٍ يالقرم يصلح لكفي
منقيةٍ من سبع الكعوب الطويله
مع ربعةٍ بالبيت دايم تهفي
يجوز للربع النشاما مقيله
ودلال ماعنها سنا النار كفي
حميلها بالبيت مثل النثيله
وذودٍ مغاتير على الحوض صفي
وسط الأباهر خطوطها بنيله
يالله لاتقطع مرادي بشفي
صفرا صهاة اللون تنهض شليله
مع بنت عم أصلها مايهفي
وإن درهم المظهور فأنا دخيله