Рет қаралды 3,856
قصيده لمولاي ابا الفضل العباس(هاي الخيل)
((القصيدة من ديوان عبرات وأنين في رثاء الطاهرين الثاني))
❥━──➸➽❥❂❥━──➸➽❥❂
هاي الخيل -- اجت بالليل -- ياعباس رجعها
اروحن وين -- والچفين -- سيف الغدر گطعها
❥━──➸➽❥❂❥━──➸➽❥❂
اروحن وين ياعباس ماتگعد تحاچيني
هاي النار والكفار هل حرگت صواويني
مو انته الگلت بحماي ماتگعد تحاميني
شوف شصار - گلبي احتار- ورحي الهضم صدعها
❥━──➸➽❥❂❥━──➸➽❥❂
هاي الخيل يا عباس شوف شسوت بحالي
وحيده بكربله ضليت وما ضل بالخيم والي
ضحايا اعله الترب كلهم ومحد گعد يبرالي
تشب النار -- بخيمنه زغار -- خوية من يطلعها
❥━──➸➽❥❂❥━──➸➽❥❂
اطفالك طشرتها الخيل ويحشمون كافلهم
ما يدرون ضل مطروح ما يگدر يگوم الهم
طاحت رايته وجوده فوك الگاع هيبتهم
يابو الجود -- نتاني تعود -- فگدك روحي مرمرها
❥━──➸➽❥❂❥━──➸➽❥❂
خوية من عگب عيناك تهنه يالولي تهنه
يا حامي الضعن يا حيد بعدك ياهو كافلنه
بعدك ما تعيش الروح تدري الهضم يكتلنه
يبعد الروح -- أظل بالنوح -- وعيني تجري مدمعها
❥━──➸➽❥❂❥━──➸➽❥❂
عيني عليك ما تنشف واتصب من دمه عيوني
اجيت لكربله وياكم خويه شلون عفتوني
اظل بين الجثث افتر يالنمتو وتركتوني
اصيح بصوت -- خذاك الموت --وزينب من يرجعها
❥━──➸➽❥❂❥━──➸➽❥❂
بقلم خادمة اهل البيت
الشاعره العلويه مريم النور
t.me/bxnso