الميـــــــــــــــــــــــــــــــــــــــــــــــدان ايادي مصرية سمرا ليها في التمييز ممددة وسط الزئير بتكسر البراويز
@hadouta13 жыл бұрын
وبنبتسم بس بسمة طالعة بمشقة فينك يا صبح الكرامة لما البشر هانوا وأهل مصر الأصيلة اتخانوا واتهانوا بنشتري العزة تاني والتمن غالي فتح الوطن للجميع قلبوا و احضانوا الثورة غيض الامل وغنوة الثوار الليل اذا خانه لونه يتقلب لنهار ضج الضجيج بالندا اصحي يا فجر الناس فينك يا صوت الغلابة وضحكة الانفار وأحنا وراهم أساتذة خايبة تتعلم ازاي نحب الوطن وامتي نتكلم لما طال الصدي قلبنا ويأسنا من فتحه
@hadouta13 жыл бұрын
صحيت جموع الخلق قبضوا علي الشمس بايديهم وقالوا لا من المستحيل يفرطوا عقد الوطن تاني و الكدب تاني محال يلبس قناع الحق بكل حب الحياة خوط في دم اخوك قول انت مين للي باعوا حلمنا وباعوك واهانوك وذلوك ولعبوا قمار باحلامك نيران هتافك تحرر صحبك الممسوك يرجعلها صوتها مصر تعود ملامحها تاخد مكانها القديم
@hadouta13 жыл бұрын
فكرتني بأغلي ايام في زمن ناصر شايل حياتك علي كفك صغير السن ليل بعد يوم المعاناة وانت مش بتأن جمل المحامل وانت غاضض بتعجب امتي عرفت النضال اسمحلي حاجة تجن اتاريك جميل يا وطن مازلت و هتبقي زال الضباب وانفجرت باعلي صوت لا حركتنا نبتسم ودفعت انت الحساب
@hadouta13 жыл бұрын
متخافش علي مصر يابا مصر محروسة حتي من التهمة دي اللي فينا مدسوسة ولو انت ابوها بصحيح وخايف عليها اي تركتها ليه بدن بتنخره السوسة وبيسرقوكي يا الوطن قدامنا عيني عينك ينده بقوة الوطن ويقلي قوم فينك ضحكت علينا الكتب بعدت بينا عنك لولا ولادنا اللي قاموا يسددوا دينك لكن خلاص يا وطن
@hadouta13 жыл бұрын
من قبل موته بيوم صحوه اولاده ان كان سبب علته محبته لناسه الثورة فيضان قديم محبوس مشافوش زول الثورة لو جد متبانش في كلام او قول تحلب وتعجن في سرية تفور في القلب وتنغزل فتلة فتلة في ضمير النول
@hadouta13 жыл бұрын
سطوع لصوت الجموع شوف مصر تحت الشمس آن الآوان ترحلي يا دولة العواجيز عواجيز شداد مسعورين اكلوا بلدنا اكل ويشبهوا بعضهم نهم وخسة وشكل طلع الشباب البديع قلبوا خريفها ربيع وحققوا المعجزة صحوا القتيل من القتل اقتلني قتلي ما هيعيد دولتك تاني بكتب بدمي حياة تانية لأوطاني دمي دة ولا الربيع الاتنين بلون اخضر وببتسم من سعادتي ولا احزاني تحاولوا ما تحاولوا ما تشوفوا وطن غيره سلبتوا دم الوطن وبشيمته من خيره احلامنا بكرانا اصغر ضحكة علي شفة
@hadouta13 жыл бұрын
شفتوتش الصياد يا خلق بيقتلوا طيروا السوس بينخر وسارح تحت اشرافك فرحان بيهم كنت وشايلهم علي كتافك واما اهالينا من زرعوا وبنوا وصنعوا كانوا مداس ليك ولولادك واحلافك ويا مصر يا مصر آن العليل رجعتله انفاسه وباس جبين للوطن ما للوطن داسه
@hadouta13 жыл бұрын
تاني معاكم رجعنا نحب ضحكة بعض مين كان يقول ابننا يطلع من النفق دي صرخة ولا غني ودة دم ولا شفق اتاريها حاجة بسيطة الثورة يا اخوانا مين اللي شافها كدة مين اول اللي بدأ مش دول شاببنا اللي قالوا كرهوا اوطانهم ولبسنا توب الحداد وبعدنا اوي عنهم هما اللي قاموا النهاردة يشعلوا الثورة ويصنفوا الخلق مين عنهم ومين خانهم
@hadouta13 жыл бұрын
يادي الميدان اللي حضن الذكري وسهرها يادي الميدان اللي فتن الخلق وسحرها يادي الميدان اللي غاب اسمه كتير عنه وصبرها ما بين عباد عاشقة و عباد كارهة شباب كان الميدان اهله وعنوانه ولا في الميدان نسكافيه ولا كابتشينو خدوده عرفوا جمال النوم علي الأسفلت والموت عارفهم اوي وهما عارفينه لا الظلم هين يا ناس ولا الشباب قاصر مهما حاصرتوا الميدان عمروا ما يتحاصر فكرتني يا الميدان بزمان وسحر زمان
@hadouta13 жыл бұрын
والكون يصالحها عشرات السنين تسكونوا بالكدب في عروقنا والدنيا متقدمة ومصر مطرحها كتبتوا اول سطور في صفحة ثورة وهما علما و خبرة مداورة ومناورة وقعتوا فرعون هرب من قلب تمثاله لكن جيوشه مازالوا بيحلموا ببكرة صباح حقيقي ودرس جديد اوي في الرفض اتاري للشمس صوت واتاري للارض نبض تاني معاكم رجعنا نحب كلمة مصر
@hadouta13 жыл бұрын
قلب الوطن قبلكم كان خاوي ومضلم أولنا في لسة الجولة ورا جولة دة سوس بينخر يا ابويا في جسد دولة ايوة الملك صار كتابة انما ابدا لو غفلت عينا لحظة يقلبوا العملة لكن خوفي مازال جوة الفؤاد يكبش الخوف اللي ساكن شقوق القلب ومعشش واللي مش راح يسيبه ولسة هيبقوا وهيلاقولهم سكك وببان ما تتردش وحاسبوا اوي من الديابة اللي في وسطيكم وحاسبوا اوي من الديابة اللي في وسطيكم والا تبقي الخيانة منك وفيكم الضحك علي البق بس الرك علي النيات فيهم عدوين اشد من اللي حواليكم