"QALLI TINSIEX IL-FJURI U T-TORĊA TAL-ĦELSIEN" - L-EKS SEGRETARJU TA' MINTOFF

ONE.COM.MT - Fakkru biex ma jinsiex il-bukketti tal-fjuri u t-torċa tal-ħelsien.
Dan hu dak li qalilna l-eks segretarju privat tal-Perit Mintoff li għadu jiftakar dik iċ-ċerimonja pompuża li ċċelebrat il-ħelsien ta’ pajjiżna minn kull qawwa barranija.
Wieħed u erbgħin sena ilu, l-aħħar bażi militari Ingliża ingħalqet u Malta saret ħielsa.
KITBA: EMAN PORTELLI
FILMAT: ARKIVJI
MUNTAĠĠ: QUILLAN DEMICOLI
Hekk ried il-Perit Mintoff u hekk sar kif jispjega l-eks segretarju privat ta’ dak li kien il-Prim Ministru ta’ Malta li ġab il-kisba tal-ħelsien, wieħed u erbgħin sena ilu.
Saviour Deguara li qatta’ sigħat twal mal-Perit Mintoff fuq l-organizazzjoni taċ-ċerimonja tal-Ħelsien spjegalna kif għal Mintoff dak il-jum kien jum wisq importanti li fih laħaq il-quċċata tiegħu.
Qalilna kif Mintoff ħadem ħafna biex pajjiżna jkun ħieles minn kull qawwa barranija.
Spjega li għal din il-kisba, il-Perit Mintoff ried li pajjiżna jagħraf kemm dan il-pass kien għaqli.
SAVIOUR DEGUARA
KIEN SEGRETARJU PRIVAT TA’ MINTOFF
“Kif kien jaf kulħadd Mintoff iċ-ċerimonji kien jogħbodhom, imma dik tal-wieħed u tletin ta’ Marzu rieda li tkun l-ikbar festa li qatt rat Malta. Kien veru looking forward għaliha, minjaf kemm jiġifieri kien jibgħat għal min kien qed jagħmel il-preparamenti dak iż-żmien ħalli jkun jaf u jsegwi xi jkun qed jiġri.”
L-eks segretarju privat tal-Perit Mintoff li għandu ħafna anedotti x’jirrakkonta saħaq li Mintoff kien eċitat ħafna f’dak il-jum.
SAVIOUR DEGUARA
KIEN SEGRETARJU PRIVAT TA’ MINTOFF
“Naf żgur li ħin minnhom ċempilli bit-telefon biex fost l-oħrajn ifakkarni biex ma ninsewx il-fjuri u t-torċa, dik niftakara ċara jiena u nista’ ngħid ukoll li kien ferħan se jtir jiġifieri dakinhar”
F’dik il-lejla tal-wieħed u tletin ta’ Marzu tal-elf disa’ mija, disgħa u sebgħin, fuq l-għolja tal-Ħelsien fejn hemm il-monument, xogħol l-iskultur Anton Agius tniżżlet il-bandiera tar-Renju Unit u flokha telgħet tperper il-bajda u l-ħamra.
L-għada salpa l-bastiment HMS London taħt it-tmexxija tal-Ammirall Ingliż Sir Nigel Cecil.
Dakinhar il-Maltin fehmu li l-Ħelsien kien kisba storika li ra lill-pajjiżna jiżviluppa minn ekonomija dipendenti fuq in-nefqa militari tal-barrani għal waħda li s-sisien tagħha saru oqsma differenti.
Pajjiżna issa kien ħieles u niesu bdew jgħixu fil-progress u s-sliem.
MINTOFF
"Għalhekk għamilnih aħna dan l-appuntament mad-destin.
Ghalhekk għalina s-sena tal-1979 u l-31 ta' Marzu f'nofs il-lejl, tkun l-akbar festa li qatt rat Malta."

[@danielcamilleri16]

GRAZZI Perit. Qatt mahna ser ninsew dak li ghamielt ghal MALTA TAGHNA; li bil Hila tighjek tajt lil poplu malti lil MALTA lura mill hakkiema li kienu ilhom snin kbar jahkmu fuqna. GRAZZI PERIT. RIP.

[@charliepace8051]

Viva Malta u viva Perit Dominku Mintoff.

[@billyjmcbee]

Mintoff♥️♥️

[@lorrainezammit1586]

Grazzi perit ghadna ingawdu frott sal illum