«QAZAQ-PAK» ЖШС

Сіз күнделікті тұрмыста көптеген бұйымдардың әдемі қаптамада келетінін байқағанмен оның қалай, қайда жасалатынына мән бере бермейсіз.
Мысалы алғал майлықпен қол сүртерде, дүкенде сабын, көшеде кофе сатып аларда, шағын етіп оралған құмшекердің қағазын жыртып шайға салған кезде оның қаптамасы жайлы ешкім ойланбайтыны анық.
Ал шын мәнінде өнімнің сапасы мен пайдасы қаптамасына тікелей байланысты.
Алматы маңындағы Қарасай ауданында «QAZAQ-PAK» ЖШС тіркеп, өндіріс ашқан жергілікті кәсіпкер мұндай өнімдердің 100-ден астам атауын шығарады. Компания азық-түлік қауіпсіздігінің, өндіріс процестеріне қатысты, сондай-ақ дайын өнімді таңбалау, орау және тасымалдау талаптарын, соның ішінде FSSC v.5.1. халықаралық сертификаттау шарттарын қатаң сақтайды.
Бұған өндіріс орнына барған біздің түсіру тобымыз да көз жеткізіп қайтты.