قبل ما تاخد قرارا الشراء سوبارو اكس في تستاهل الشراء وايه حاجة ممكن تأثر في قرار الشراء 22 subaru xv

اختار العربية إللي نفسك فيها وإحنا ها نروح نسأل كل الاسئله إللي محتاجها قبل الشراء وكمان هناخد لك أفضل عرض وخصم خاص لو مشترك في القناة
سوبارو أكس في ٢٠٢١ كل المواصفات الجديدة والحديثة بها .
كل ما تريد أن تعرفه عنها وعن مميزاتها
subaru xv 2022
خد فكرة واشتري بكرة.

[@wagihnada]

شكرا لحضرتك يا بشمهندس هاني / تقرير رائع وفعلا واقعي ومفيد جدا لان فعلا العربيه معايا كعفشه جميله وناعمه جدا والاي سيت بيساعد جدا جدا ده الونس ليا اثناء السفر بيسوق معايا وبينبهني كل شويه بصراحه محترم جدا وادائه رائع ... المشكله ان العربيه اغلي من مثيلتها في السوق لوجود خامات وامكانيات عاليه وليها تمن لكن اغلب المصرين بيرسي ويشتري ارخص الاسعار ونفس المواصفات لكن بيفقد الراحه والثبات والامان والاداء والنعومه ويجد كثره الاعطال والمشاكل المستمره والتوكيل السيء ... لذالك دي سياره الصفوه المثقفه من المجتمع التي تعرف قيمه ما بها وليس كل الناس ... تحياتي لحضرتك .

[@hanynile]

الشكر ليك لأن ناس كتيره محتاجة لشاهده كل كن معه العربية نورتني ونورت القناة

[@youssefamir7257]

يا بشمهندس هاني انت شهاداتك مقبوله دائما لانك انت عنوان الاحترام و العربيه محترمه جداااا جداااااا جدااا لاي حد مقبل علي الشراء عربيه ثابته و شيك و قويه في كل شيء

[@hanynile]

حبيبي دي شهادة تقدير على قلبي كفاية حبكم بجد ناس جميلة ومحترمه وفرحتي ما تتقدرش بتمن لانكم عيلتي أشكرك جدا جدا ❤️❤️❤️

[@youssefamir7257]

@@hanynile اكيد حبيبي احنا كلنا عيله و تجمعنا المحبه الصادقه

[@hanynile]

أجمل ناس بجد وأجمل عيله 🌹🌹

[@mamdouhsalman5103]

اتفق مع حضرتك تماما في ان غالبية (الريفيوز) بتركز كتير على سرعة السيارة من الثبات الى ١٠٠ كم على الرغم انه صعب تحقيق هذا التسارع في الاستخدام اليومي في شوارعنا المزدحمة.. وكذلك معظم (الريفيوز) تستهدف فئة الشباب عشاق السرعة وتنسى ان هناك فئات اخرى كثيرة تشتري السيارات مثل متوسطي وكبار السن والبنات والسيدات وغيرهم من الفئات التي لها احتياجات اخرى من السيارة اهم بكثير من مسألة التسارع من الثبات مثل عوامل الامان والراحة وقلة مشاكل واعطال السيارة مصاريف الصيانة والتشغيل وجودة خدمات ما بعد البيع من وكيل محترم وغير ذلك من الاولويات المهمة... ياترى ايه رأي حضرتك نتتظر الموديل والشكل الجديد ٢٠٢٣ بالنسبة للي مش مستعجل وياترى ممكن ينزل مصر إمتى؟ وكل الشكر والتقدير لحضرتك على مجهوداتك ومعلوماتك القيمة.

[@hanynile]

أشكرك جدا 🌹 انا منتظر الشكل الجديد بفارغ الصبر وأتمنى يكون في ٢٠٢٣

[@eng.husseinkandil5026]

الكلام ده عين العقل فقد مس لب القضيه ، اضيف ايضا نحن اهالي الدلتا والصعيد نتردد عند شراء سوبارو لندره المراكز وصيانه المعتمده لهذه السياره لدينا.

[@hanynile]

فعلاً تحياتي لحضرتك

[@nasserahmed4619]

باشمهندس هاني محتاجين شرح كامل للمفاتيح الكتيرة في التابلوة وعجلة القيادة الطارة أكون شاكر لحضرتك

[@engmidom]

باشمهندس هاني اشكرك علي الرفيو الجميل مشكله تبخير الزيت هل اتحلت في ٢٠٢٢ بفكر في اعلي فئه - نظام الترفيه والنظام الصوتي مستواهم ايه اشكرك

[@hanynile]

أشكرك نورتني مشكله تبخير الزيت اتحلت من أول موديل ٢٠١٨ وعربيات عدت ٢٠٠٠٠٠ كيلوا بدون مشاكل

[@elbaroudiatatourk1662]

متألق دائماً يا استاذ هانى تحياتى وتقديري لشخصك المحترم

[@hanynile]

حبيبي أشكرك بجد تعليقك وتشجيعك نورني ❤️❤️

[@aymanramah673]

لو سمحت يا باشمهندس اخبار التوكيل وأسعار الصيانة ومراكز الخدمة

[@hanynile]

توكيل أبو غالي توكيل محترم جدا واسعار الصيانه معقولة ٢٨ الف ل١٠٠٠٠٠ كيلو

[@Ahmad-vw5uw]

الباشمهندس هانى، بعد التحية، هل قطع الغيار ومراكز الصيانة متوفرة داخل التوكيل، وهل توجد مراكز صيانة خارج التوكيل، وهل توجد محلات لبيع قطع الغيار الأصلية خارج التوكيل، برجاء التوضيح ولك جزيل الشكر.

[@hanynile]

متوفرة واسعارها معقولة بالنسبة للعربيات الاخرى والاجمل إن فيه منها تقطيع استيراد متوفر كتير وغير ان فيه داخل القاهرة اكتر من موزع صيانه للتوكيل

[@hassanyuoseef5843]

حضرتك حتى إذا الشارع ضلمه يافندم الاضائه بالسياره جميله جداً و بصراحه الفول اوبشن مش إمكانيات الجميع بس ال سوبارو جميله حتى أول فئة

[@hanynile]

أنا دايما برشح أعلى فئة خصوصا الفرق مش كبير ممكن يتكمل قسط

[@omniafathy9748]

هل الفئة الثانية من سوبارو xv اللى هى بريميم هل حلوة وترشحلى انى اشتريها ؟ انا كان نفسى اشترى الفئة الثالثة من سوبارو xv بس للأسف سعرها غلى اوى والميزانية اللى عاملة حسابى عليها اقدر اجيب بيها سوبارو xv بس فئة تانية فهل الفىة الثانية من رأيك حلوة بردة وهل يوجد فيها كل وسائل الامان اللى موجود فى فئة الثالثة ؟؟

[@hanynile]

نفسي تحاول وتجيب الق فئة الثالثة لأن الايست هيفرق معاك أوي انا بعتبره أهم نظام في العربية

[@omniafathy9748]

@@hanynile تمام طب هل تعرف اماكن معينة اجيب منها سوبارو اعلى فئة بس بالتقسيط ويكون الفوائد عندهم مش غالية ؟ وعاوزة اخود رأيك فى حاجة فيه ناس بتقولى اشترى عربية gely auto بيقولولى حلوة وفيها امكانيات كتير وسعرها اقل كتير من سوبارو بس انا الصراحة خايفة اشترى چيلى لانها صينى هل الصينى يقارن باليبانى ؟ وهل تعرف اى حد اشترى چيلى وظهر فيها عيوب او حاجة ؟ تنصحنى اشترى سوبارو اعلى فئة ولا چيلى زى ما الناس بتقولى ؟ وهل قطع غيار سوبارو xv غالية ؟ واسعار الصيانات غالية ولا معقولة ؟

[@baselalshafey6318]

@@omniafathy9748 نرجو الرد

[@hanynile]

ابعد عن الصيني إللي يفكر في ياباني مفكرش في صيني أبداً

[@mohabdelmoniem8350]

تحياتى لحضرتك كلامك منطقى وصح جدا جدا وخصوصا موضوع السفر ده مع الأى سات ممتاز ومريح جدا انا بسافر السخنه من البوابه للبوابه مابجيش ناحيه الدواسات هههههه

[@hanynile]

تحياتي مرورك شرفني وربنا يحميك ويحفظك الحمد لله بجد الايست اختراع جامد جدا 🌹🌹🌹

[@marwanq2365]

لك جزيل الشكر … فيديو مختصر ومفيد 👍 واحنا عندنا مشكلة مع الوكيل في السعودية في توافر قطع الغيار وسعرها المرتفع

[@hanynile]

الشكر لحضرتك نورت القناة

[@hanynile]

حضرتك فيه مشكله عالمية في الاستيراد للأسف

[@mohammedabuswelam8142]

اولا شكرا لذوقك وردودك المحترمة تصاميا ممكن استفسار هل الآي سايت موجودة من موديل كم وهل موجودة في الامبريزا ايضا ؟ تحياتي

[@hanynile]

تسلم 🌹🌹الايست في مصر من موديل ٢٠١٨ أعلى فئة وموجود في الامبريزا ٢٠١٨ و٢٠١٩ فقط بعد كده نزلت فئة أول للأسف

[@mahmdragheb9506]

سلام عليكم شكرا خالص لذوقك ف الكلام ياترى اعاده البيع اخبارها ايه

[@hanynile]

وعليكم السلام الشكر لحضرتك أعاده البيع ممتازه لو حابب ادخل على صفحتنا هتلاقي الطلب اكتر من العرض facebook.com/groups/338859444117035/?ref=share

[@hasanyaseen1151]

السلام عليكم استاذ هانى شكرا جزيلا على الشرح انا معايا xv موديل ٢٠١٥ عايز ابيعه واشتري موديل ٢٢ تعمل كم سعر السيارة القديم وكم سعر السيارة الجديدة وشكرا لك

[@theknight3114]

يعني ايه انت مرتاح في الطريق السريع ووسط البلد وانت مسغل ال eyesight .. !!! دي مش قياده ذاتيه ده نظام تدخل طوارئ

[@hanynile]

ونظام مثبت السرعه التكيفي او ادبن كروز كنترول بسوق بيه تقريباً معظم الطريق

[@AHMADGABER]

طب بالنسبة للفتيس ال 6 سرعات العادى مش عمره اطول واعتمادى اكتر من الفتيس ال cvt ؟؟؟؟ تحياتى على العرض المميز

[@hanynile]

الشكر ليك 🌹🌹حضرتك العربية موجودة من ٢٠١٢ مافيش حد اشتكى من فتيس حتى موضوع السخونه تم تعديله من موديلات ٢٠١٨ وعربيات عدت ٣٠٠ الف كيلو

[@user-ey4kr8lh6s]

تحياتي لحضرتك يا باشمهندس اي رأي حضرتك سوبارو xv ولا ميتسوبيشي اكلبس ولا اوبل جراند لاند.....وهل السوبارو موفرة للبنزين كويس وموضوع الفتيس انه مش سرعات ده بيفرق ولا لاء...وفي حاجات مثل حساسات الركن الأمامي مثلا..ومقياس ضغط الإطارات يعني شوية الكماليات دي بتفرق ولا لاء...تحياتي لحضرتك

[@hanynile]

تحياتي لك الإنتشار أهم حاجه لما تشتري عربيه والوكيل علشان تضمن قطع الغيار أكثرهم انتشار السوبارو و أفضلهم وكيل السوبارو بردو والاعتماديه لجانب الاكس في بالنسبة للكماليات العربية الوحيدة إللي فيها نظام زي الايست هيا السوبارو علشان كده لما جيت اشتري وانا بجرب كل أنواع السيارات بحكم اني مراجع وجد إن أفضل حاجه اقتنيهاها السوبارو

[@ali1997ali]

@@hanynile thanks

[@user-of3dt6br9o]

الله ينور شرحك وافي جدا . ممكن ترشح عربية في حدود 550000 الي 600000 . بدون مشاكل suv أوبشن وعفشة مريحة وفخمة

[@hanynile]

بدون مشاكل تبقى السوبارو أكس في

[@user-of3dt6br9o]

@@hanynile شكرا للاهتمام . سوبارو عربية ممتازة بس مش مرتاح للشكل . رأيك حضرتك في ستروين C5 . أو 3008 جراند لاند اكس .

[@hanynile]

ستروين أفضل بكتير

[@abdelrhamansaad8285]

انت راجل محترم جدا شكرا لذوقك.

[@hanynile]

شكرا لحضرتك شرفتني

[@abdallahelmesalamy3650]

ألف شكر لشخصك المحترم.... وصف حضرتك ومصداقيه الكلام أقنعنى وحببنى فالعربيه.... بسأل على أماكن الشراء... انا ساكن فالعاشر من رمضان... هل ابو غالى اللى عند العبور عنده العربيه... والصيانات بتبقى فى نفس المكان ولا فين..... وشاكر جدا لحضرتك

[@hanynile]

حضرتك أقرب فرع ليك ابو غالي العبور بعد الشروق على طول الصيانه لغاية ال الميت الف ٢٨ الف جنيه نورتني واسعدنى تعليقك 🌹 🌹

[@abdallahelmesalamy3650]

@@hanynile شكراً لذوق حضرتك

[@hanynile]

@@abdallahelmesalamy3650 🌹🌹

[@mohamedali8955]

سوبارو مواصفات الخليج نفسها في مصر وهل التوكيل في مصر بيساعد في الصيانه؟ شكراً لسعة صدر حضرتك

[@afifhusami7056]

انا بدور علو العربيه في الوقت دا وعايز اسشتري لكن مش عارف سعرها في السوق المستعمل 2018 اعلى فئه هي يا جماعه تعمل كام لو حالتها كويسه وسؤال تاني دي ولا ميتسوبيشي إكليبس؟وشكراً❤

[@hanynile]

طبعاً على حسب حاله العربية ولكن تقريبا من ٨٠٠الى ٨٥٠ وهيا أفضل من اكليس لتوفر قطع الغيار وانتشار العربية والطلب عليها أفضل

[@ahmedabdallah6496]

الفئه التانية يا هندسة ايه رأيك فيها؟ انا حجزتها ،اكمل ولا اشوف بديل؟

[@hanynile]

جميله طبعا بس لو قدرت كمل للفئة التالته هاتنبسط اكتر

[@merom.1248]

معدل استهلاك البنزين عالي علشان هي دفع كلي ؟؟ جوه البلد كام و ع الطريق كام ؟

[@hanynile]

جوه البلد ٨.٥ في السفر ٦.٥

[@polafakhoure6393]

معلش سؤال كمان لو قدامي الفئه الثانيه والثالثه اشتري انهي واحده

[@hanynile]

الثالثة بدون تفكير فرق كبير

[@emadelgohary3382]

السلام عليكم يا باش مهندس راي حضرتك فى الجيل الاول من العربيه الى سنه ٢٠١٧ مستعمل على اد ظروفى .... فى حدود ٣٤٠ الف ممكن اجابه وافيه علشان اعرف اخد قرار

[@hanynile]

ياريت تحاول تجيب من ٢٠١٨ الجيل ده تم تعديل فيه حاجات كتير

[@essamyehia4046]

مساء الخير، بحكم ان السيارة ما شاء الله دفع كلي، هل مسموح لها بالعبور في أنفاق القناه للذهاب لشرم الشيخ. ام ممنوعه، و في حال المنع هل هناك مسار بديل لشرم الشيخ؟، مع الشكر..

[@hanynile]

يوجد مسار بديل وهو النفق الجديد ولكن المنع لن يستمر وفيه وعد من ابو غالي انه يتحل على اول السنه

[@magdymoharam]

العربيه من ضمن اختياراتي كعربيه عائلية مرتفعه بس محتاج تفصيل في موضوع مساحه الكنبه الخلفيه ونفق الفتيس العالي . الكنبه تحتوى ٣ أشخاص بحجم حضرتك مستريحين ولا في مشكله . بحاول ادور على عربيه قريبه مني لاشوف الكنبه الخلفيه على الطبيعه ومفيش

[@hanynile]

صباح الفل العربية مساحتها حلوة جدآ للكنبه الخلفيه وبيركب معايا تلته مرتاحين ممكن تعمل تيست داربف لو حابب أحجز لحضرتك

[@magdymoharam]

@@hanynile شكرا على سرعه الرد. كنت اريد ان اشوفها. حضرتك تعرف اقرب مكان اقدر اشوفها فيه قريب من العاشر من رمضان

[@hanynile]

عنيا معلش أنا مش خبير في العاشر لكن ممكن فرع أبو غالي العبور قريب من حضرتك

[@MohamedHamed-in3ro]

منور دايما يا باشا

[@hanynile]

نورك وتعليقيك هو إللي نور القناة واعطاها قيمه ❤️❤️

[@eng.husseinkandil5026]

طيب ليس لدي ثمن الفيه الثالثه ،سوي الثانيه بالكاد ؟-فهل الفيه الثانيه بدون الااي سايت تريح ام مثل باقي السيارات؟

[@hanynile]

حضرتك لو أخدت الباقي قسط هتبقى كسبان

[@hassanyuoseef5843]

@@hanynile سؤال يافندم اذا فكرة في سوبارو مستعمل افكر في اي موديل خاصتا سمعت انه الموديلات القديمه بها مشكله بالفتيس بس حضرتك تقدر تصحح المعلومه

[@hanynile]

حضرتك دايما فكر في موديل ٢٠١٨ فيما فوق أفضل بكتير ولكن الموديلات القديمة حلوه اذا كانت الحالة جديده

[@hassanyuoseef5843]

@@hanynile متشكر جدا يافندم. حضرتك من الشخصيات الراقيه المحترمه ربنا يبارك فيك.

[@hanynile]

ربنا يحفظك وبتمنى لحضرتك التوفيق

[@klipper]

فعلا كلا م حضرتك صح اكثر عربيه اشترتها وريحتنى فى الثبات والجلوس داخل العربيه وتوازن السياره على الطريق والعفشه كنت بدخل بيها اى حته انا كان معايا سوبارو امبريزا 1997 مانويل كنت كنت بجيب بيها 190 كم بس هى مشكلتها معايا ان تسارع العربيه بطيىء شويه لان المتور البوكسر دراع البستم قصير شويه عن باقى المحركات

[@hanynile]

أشكرك جدا شرفتني ونورتني 🌹🌹

[@polafakhoure6393]

تب طب الوكيل بتاعها السوبارو الاكس في بينزل عربيات 2023 حاليا في الوقت ده ولا لا وانا لو رحت سالت هناك هلاقي الالوان اللي انا عايزها في ظل الظروف دي

[@hanynile]

للأسف مافيش عربيات

[@shimaaaziz6751]

لو حجزت دلوقت سوبارو xv 2022 هتكون بالسعر الحالى ؟! اقصد هل سعرها على ف التوكيل ؟!

[@hanynile]

لو حجزت من الوكيل مباشرة إن شاء الله تفضل بنفس السعر لكن مفيش تثبيت أسعار للأسف

[@mohamedsamy1305]

ناس بتقول ان لو حد كسر عليا ممكن تفرمل مرة واحده واللي ورايا يخبط فيا لا قدر الله .. ايه راي حضرتك ؟

[@hanynile]

الناس اللي بتقول دي معاهاش العربية العربية بتفهم كويس وحضرتك بنتعود عليها بعد فتره صغيرة وتعرف تتعامل إزاي

[@nessrienabouelezz1529]

و هل قطع الغيار و الصيانه متوفره و اسعارها كويسه ؟؟؟

[@hanynile]

متوفرة وسعرها معقول و الصيانه رخيصه ٢٥٠٠ تقريباً كل ١٠٠٠٠

[@nessrienabouelezz1529]

ممكن اعرف معارض بيع السوبارو ؟؟

[@hanynile]

التوكيل في مصر الجديدة شارع النزهة بجوار الرقابة الإدارية وروكسي أول جسر السويس و أبوغالي العبور بجانب جمعيه عرابي طريق مصر اسماعيلية

[@haythamhashad6259]

انا خايف من ال سوبارو لاني بسمع ان قطع الغيار مش متوفره وغاليه جدا ومش اي حد بيشتغل فيها لأنها مش منتشره وكنت بفكر في الامبريزا ممكن تفيدني

[@hanynile]

حضرتك العربية منتشرة بشكل يخلي اي حد يجبلها قطع غيار ولكن حاجاتها موجوده خلبك في xv

[@midololllq9ghaisheotitisim942]

السوبارو احلى ولا القشقاى ٢٠٢٢ محتار جدآ

[@hanynile]

أكيد السوبارو القشقاي من لحظة ما نزلت وكلها مشاكل و التوكيل بيخبي للأسف

[@hanynile]

لو بتدور على الاعتماديه خليك في السوبارو

[@abdallahelmesalamy3650]

نفس حيرتى 😔😔😔😔

[@merckawe]

محتاج من حضرتك نصيحة اختارها ولا رينيجيد ولا اكلبس كروس فور ويل .. يهمني موضوع الاوفرود عشان كده مركز في دول وفين اقرب مكان للتجمع اعمل تست درايف

[@hanynile]

01223919292

[@MGaber-yx4pw]

حضرتك اخترت ايه سوبارو ولا رينجيد... لأن نفس السؤال

[@hanynile]

اختارت السوبارو علشان الصيانه أرخص والاعتماديه أكبر و المساحات الداخلية اوسع

[@bwn4581]

انا زيك يا بشمهندس بسافر مسافات طويلة و محتار بين السوبارو زيرو و بين ال بي ام الفئة الخامسة مستعملة ال فنفس الفئة السعرية و يهمني اعرف رأيك؟

[@hanynile]

السفر مربح جدا مع الادبت كروز كنترول في الاكس في أعلى فئة

[@Ahmad-vw5uw]

السيارة الزيرو دايما افضل من المستعمل حتى لو كانت المستعملة سيارة BMW

[@bwn4581]

حقيقي فعلا ان ان عاوز اغير بوجيهات لازم احل الموتور ؟

[@hanynile]

حضرتك تغير البوجيهات لازم في التوكيل اي حد بره مش بيفهم في تغيرهم بالطريقه الصحيحة

[@user-rw7dw9vu7v]

سوبارو xv ولا ميتسيوبشى اكليبس ؟

[@hanynile]

الإنتشار للسوبارو وأكيد توافر قطع الغيار

[@hanynile]

الإنتشار للسوبارو وأكيد توافر قطع الغيار

[@mohamedfathi5783]

معتقدش الواحد يجازف بعمرو عشان الaye sight

[@hanynile]

أنا بقالي ثلات سنوات ماشي بيه حرفيا طول الوقت والعمر بتاع ربنا

[@ahmedabdo1534]

من فضلك ايهما افضل سوباروxv ولا سيتروين سي 5

[@hanynile]

سيتروين عربيه حلوه بس ظهرت مشاكل نقصاني الزيت ومشكلة التربو في مصر البنزين عندنا مش بالمواصفات العالميه للأسف ف بيسبب مشاكل كبيره للعربيات التربو أنا فضلت الفتره دي أبقى في المضمون و التوكيل إللي بقاله كتير في مصر وسمعته حلوه أبو غالي

[@ahmedabdo1534]

متشكر جدا لاهتمام حضرتك

[@ahmedabdo1534]

هي ال سوبارو متوفرة؟

[@hanynile]

عنيا 🌹🌹

[@hanynile]

متوفرة طبعاً

[@drihab4]

نقطة هامة جدا يا أستاذ / هانى . هل تغيير زيت الفتيس مدرج ضمن صيانة الوكيل ؟ و إذا لم يكن مدرجا فهل معقول ألا يتم تغييره طوال عمر السيارة ؟ لون الزيت يتغير و يصبح مليئا بالشوائب . و تحياتى لحضرتك 🌹

[@hanynile]

سوبارو وجدت بعد تركيب الكولر على الفتيس انه عمره اطول من ١٠٠ الف كيلو ولكن إذا كنت بتدخل صحرا او بتجر كرفان او مقطوره بتطلب تغيره بعد الميت الف

[@drihab4]

Hany Nile شكرًا على اهتمامِك و ردك يا أستاذ / هانى 🌹

[@hanynile]

@@drihab4 نورتني بجد ❤️

[@drihab4]

Hany Nile 🌸💝🌸

[@hanynile]

🌹🌹

[@Zack-Blues]

انا شفت حضرتك هنا في الغردقة، في شارع شيراتون.. كنت بشبه !

[@hanynile]

حظي وحش اننا متقابلناش

[@Zack-Blues]

لا انا اللي اتكسفت بس عشان كان مع حضرتك ناس.. انا ال xv الرمادي اللي كنت قدام حضرتك

[@hanynile]

الناس دي ملاك سوبارو بردو وولادي كنت أتمنى نتعرف ❤️❤️

[@suzanali3269]

هو الجيل الجديد من السوبارو هينزل امتى

[@hanynile]

المفروض ٣ سنه ٢٠٢٣

[@amirmobil460]

هل فعلا موديلات ٢٠١٥ و ٢٠١٦ الفتيس بيسخن ؟؟

[@hanynile]

فعلاً بيسخن لو حضرتك مشيت مجه على سرعة ١٤٠ فيما فوق وكان الوكيل بيركب كولر في الضمان لو حد بلغ فل هتشتري تأكد إنه ركب كولر للفتيس

[@amirmobil460]

@@hanynile انا بسافر الغردقة و طبيعى أمشى بسرعة مدة طويلة .واضح حضرتك كدا بترشح اكتر ٢٠١٨ علشان الكولر

[@hanynile]

اه طبعاً موديلات ٢٠١٨ فيما فوق فيها الكولر راكب

[@user-ko6ed8bh4w]

كذب

[@mohamedgaber9491]

​@@user-ko6ed8bh4w يعنى ما فيش كولر

[@solimanov-340]

سعرها كم حاليا

[@shimaaaziz6751]

هو فيه سوبارور زيرو ٢٠٢١ ؟!

[@hanynile]

لا للأسف

[@blessforindustriesgrinditw9580]

الاي سيت نزل من موديل سنة كام

[@hanynile]

من موديل ٢٠١٨

[@shadisayed5023]

هي فعلا مفهاش حساسات ركن و ممنوع دخولها سيناء ؟

[@hanynile]

فعلا

[@doaaadel5069]

يا باشمهندس هو لو عايزه احجز العربيه من التوكيل هل فى نظام تقسيط معاه وهل الافضل التقسيط مع التوكيل ولا قرض شخصى من البنك ؟؟

[@hanynile]

01223919292

[@mostafamabed6375]

لو سمحت يا بشمهندس عاوز اشتري كاش كام سعرها من الوكيل الان الفئة التالته والتسليم خلال كم ؟

[@hanynile]

السعر ٥١٥ تسليم شهر ٥

[@mostafamabed6375]

@@hanynile لو حجزت الان ؟ وبدفع الفلوس كلها ولاجزء منها ؟ اسف على الاطاله خالص تحياتي

[@hanynile]

@@mostafamabed6375 بنحجز ب ٥٠ الف و فقط والباقي قبل الاستلام

[@mostafamabed6375]

@@hanynile 🌹🌹

[@sohaeledany5362]

طب سوبارو xv 2022 ولا كيا أكسيد 2022

[@hanynile]

سوبارو اكيد لو محتاج ثبات وامان ودفع كلي

[@mohamedelshemy6507]

منور يا باشا

[@hanynile]

بنورك شرف ليا تعليقك 🌹🌹

[@tamersaid73]

من فضل حضرتك هل السوبارو الفئة الأولي لها تصفيح آسفل السيارة بالكامل ؛ و من موديل كام؟ مع خالص تقديري يا محترم🌹

[@hanynile]

تصفيح بلاستك العربية عاليه ٢٢ سم ولكن التوكيل بيركب المصفحتين

[@tamersaid73]

@@hanynile شكراً لحضرتك

[@hanynile]

@@tamersaid73 العفو نورتني 🌹 🌹

[@user-jx3yk6ey8b]

لو سمحت يا باشمهندس انا خايف من مشكله اعاده البيع لانها مش منتشره قوي فممكن تفدني

[@hanynile]

بالعكس إعادة البيع دلوقتي بقت لصالح السوبارو بعد ما الناس عرفت إنها اعتماديه جدا وبعد مشاكل التربو إللي ظهرت مع البنزين العربية بتتباع على الصفحه أول ما بتنزل

[@georgesalama1592]

بالعكس....عربيه تقيله جدا في البيع....لانها غير مطلوبه بالمره......قطع غيارها نااااااار نااااااار...... والتوكيل نااااار ناااارين....... وصعب تلاقي مركز بيعرف يصلحها..... وبالحرفيين غير منتشرة زي الكورولا

[@hanynile]

@@georgesalama1592 حضرتك جبت الكلام ده منين تعالى شوف كده العربية بتتعرض بتتباع في نفس اليوم قطع غيار أرخص من التويوتا

[@einosalama2154]

لو سمحت محتاج أعرف متوسط الاستهلاك اليومي الفعلي داخل المدينة مش في السفر. وشكرآ مقدمآ

[@hanynile]

متوسط الاستهلاك في الزحمه ٩.٥

[@ahmedallam8731]

حضرتك معايا كورولا الفئه التانيه 2022 حابب ابدلها بسوبارو فئه التانيه 2022 رايك يهمنا

[@hanynile]

هاتنبسط جدا

[@user-rw7dw9vu7v]

نفس حضرتك معايا كرولا وعاوز اجيب سوبارو

[@hanynile]

إن شاء الله تجبيها وتتبسط بيها

[@nessrienabouelezz1529]

ايه اقرب معرض ف المهندسين عارض العربيه ممكن اشوفها ؟ و هل اختلف سعر موديل ٢١ عن ٢٢ ؟؟

[@hanynile]

مكان في المهندسين مش عارف لأني من مصر الجديدة و التوكيل في ش النزهة وروكسي زادت ١٥ الف عن ٢١ 01223919292 لو تحبي نحجز تست درايف

[@hossamkhaled3309]

لو عاوز اجيب عربية كروس اوفر في حدود ٣٥٠ :٤٠٠ ايه كويس وهل سيتروين c5 فئه اولي حلوه ولا في احسن منها بنفس السعر

[@hanynile]

سيتروين عربيه حلوه بس المشكلة إن اغلب الناس إللي بتمشي في زحمه كتير اشتكت من نقص الزيت وكمان قطع الغيار روح أعمل تست درايف ليها و للسوبارو الاتيكا حلوه بس وكيل وحش جدا

[@hossamkhaled3309]

@@hanynile طيب تنصحني اجيب عربية ايه في حدود الفلوس دي ؟

[@hanynile]

لو بتدور على الاعتماديه يبقى سوبارو أكس في

[@hossamkhaled3309]

@@hanynile طيب اجيب فئة كام منها ومعلش اخر سؤال هل شيري توجو 7 2022 حلوه ولا لا؟

[@hanynile]

الفئة الأولى او الثالثة بلاش الصيني بعد سنه هاتتعب معاه

[@abdelmondmelzawawy2075]

لو سمحت اكليبس فئة اولى ولا سوبارو فئة اولى فقط

[@hanynile]

بصراحه سوبارو انتشار اكتر وقطع غيار وتوكيل افضل

[@abdelmondmelzawawy2075]

حتى لو فئة اولى ترشح سوبارو؟ ولو سمحت مقدم حجزها من الوكيل كام

[@hanynile]

آه برشحها بس بفضل اعلى فئة علشان الاوبشن يستاهل الفرق

[@remonlenz]

Eclipse wala xv

[@halafawzy9561]

قطع غيارها متوفرة و اسعارها كويسة ولا غالية ؟؟؟

[@hanynile]

متوفرة وبأسعار معقولة

[@mohamedmohamed-lk8um]

السيارة السوبارو هجين ولا بنزين فقط

[@hanynile]

بنزين فقط

[@ahmedmorgan1138]

بما ان حضرتك حد محترف وراكب العربية بقالك فترة انا دلوقتي اصبحت محتار جدا بعد ما بقي سعرها اكتر من ٧٠٠ الف جنيه وبقي سعرها قريب من عربيات تانية الماني وغيرو فهل في ظل الاسعار دي تستاهل الشراء ولو مابينها ومابين العربيات الالماني الفرنساوي والكوري اللي في فئات هل هي احسن منهم وليه ياريت تفدني برأيك المحترم ومتشكر علي ذوقك تحياتي

[@hanynile]

مساء الخير العربية بسعرها ده أقرب للصيني مش الألماني والكوري إللي عدى مليون جنيه

[@fafasasa5476]

أنت بتتكلم بموضوعيه

[@hanynile]

أشكرك جدا 🌹 🌹 شرفتيني

[@ahmedshekshaka7905]

باشمهندس هاني هي السوبارو متوفره؟ والموديل ٢١ والا ٢٢

[@hanynile]

٢١ متوفر في بعض المعارض ٢٢ متوفرة حجط استلام شهر ٤

[@ahmedshekshaka7905]

@@hanynile وفيه اي اختلاف بين ٢١ و ٢٢

[@hanynile]

لغاية دلوقتي لأ

[@user-ug7le7yg6o]

لو سمحت فين المعارض المتوفر فيها موديل 21 تسليم فورى وايه الالوان المتاحة

[@hanynile]

ممكن تشوف شوقي و رفاعي

[@polafakhoure6393]

يعني الثالثه تستاهل ثمنها

[@hanynile]

أكيد طبعا 🌹🌹

[@user-ko6ed8bh4w]

احسنت

[@hanynile]

أشكرك 🌷 🌷

[@MohammedfakhryMFK]

والله انا عايز اشتريه بس متردد عشان المساحات انا اسره ٦ افراد ايه رايك

[@hanynile]

حضرتك ممكن تحجز تست درايف وتشوف

[@drmanalmakramgerges565]

لو عايزه اراسل المصنع علشان عيب تصنيع فى عربيتى تعرف mail بتاعهم

[@hanynile]

ممكن أعرف ايه العيب وهابعتك لحد يحل المشكلة

[@drmanalmakramgerges565]

لا الموضوع كبير من فضلك لو عند حضرتك فكره عن طريقه التواصل معاهم ممكن تقولى

[@hanynile]

@@drmanalmakramgerges565 01223919292 ده رقمي

[@georgesalama1592]

الحقيقه ريفيو ضعيف جدا.....لانك اشعرتني اني لما ركبت كورولا او لانسى او تيبو وسافرت الغردقةرايح جاي اني رجعت مكسر ومدغدغ..... سيادتك راجع احصائيات الياباني ستجد رقم ٦ الاخير سوزوكي ....واللي قبل الاخير سوبارو..... والاول طبعا هوندا والثاني تيوتا.....اما السوبارو فهو الخامس ودليل علي عدم النجاح العالمي ان انتاج السوبارو في اليابان يغطي احتياجات العالم .... اما التيوتا.....فالكورولا مثلا بتتصنع في تركيا فرنسا تايلاند إنجلترا جنوب افريقياو..و...و...

[@hanynile]

حضرتك ليك رأيك الذي يحترم بس حضرتك لو كنت جربتها كنت عرفت الفرق الكلام شئ وانك تمتلكها شئ آخر وتحس اننا في حته تانيه لا أعطال ولا مشاكل

[@hanynile]

وبعدين سوبارو ليها مصنع في أمريكا لتغطيه امريكا فقط وباقي العالم من اليابان علشان تحافظ على الجوده مش تبيع وخلاص والمصانع تم إعادة توسعتها أكتر من مره

[@karimgamal1385]

مافيش احصائية كده إلا لو قصدك حجم المبيعات. سوبارو منتشرة جدا في أسواق أمريكا و اليابان و أستراليا و دول كثير في آسيا و أفريقيا. و عموما الأنتشار لا يعني دائما الجودة. الكورولا و الهوندا و غيرهم عربيات مريحة أيضا و ليهم نكهتهم و ذوقهم الخاص. السوبارو ليها ذوق مختلف لمحبين الدفع الكلي و المواتير البوكسر و ثبات الراليات و العفشة المالتي لينك و نظام الآي سايت في سوقنا المصري. الهوندا طبعا عربية جامدة جدا من كل وجهات النظر لكن حرام تقارن التويوتا اللي في مصر بالسوبارو.

[@hanynile]

أحسنت

[@mohammedkhalil5114]

لو سمحت فى اختلاف كبير بين ٢٠٢١ و ٢٠٢٢

[@hanynile]

لغاية دلوقتي لأ الوان بس اضافت