Qirindashlar - Abdukerim Abliz | Uyghur itot

Qirindash : Adiljan Otqash Sehrayi
بىر قاچىدىن تاماقنى ئىچەلەيدۇ قېرىنداش،
سېنىڭ ئۈچۈن بارىدىن كېچەلەيدۇ قېرىنداش.
تۆت تەڭگىسىز قالساڭمۇ ۋاز كەچمەيدۇ سېنىڭدىن،
گاھى شادلىق ئەلەمدە يۈرەلەيدۇ قېرىنداش.
كەلسە ئاپەت بېشىڭغا سېنى ھەرگىز تاشلىماس،
جاپالاردا ۋايسىماي بىرگە ئۆتەر قاقشىماس.
خۇشاللىققا جۆر بولار كۆزلىرىڭنى ياشلىماس،
كەتسەڭ يىراق سەپەرگە كۈتەلەيدۇ قېرىنداش.
داستىخانغا جەم بولار ھەر بىر ھېيتتا ئايەمدە،
ھازا تۇتار مۇسىبەت كەلسە بىر كۈن ماتەمدە.
قېرىنداشتەك غەمگۈزار قەيەردە بار ئالەمدە،
بارچە ئازاب- دەردلەرنى يۇتالايدۇ قېرىنداش.
قىيامەتلىك دوستلۇرۇڭ تاشلاپ كەتسە بىر كۈنى،
قارىماستىن كۆزۈڭنى ياشلاپ كەتسە بىر كۈنى.
نەپ چىقمىسا سېنىڭدىن قاقشاپ كەتسە بىر كۈنى،
گەر ئاياقسىز قالساڭمۇ ئۆتەلەيدۇ قېرىنداش.
ئالەم كەبى شادلىنار جۆر بولسا گەر تويۇڭغا،
سالار زىلچا پايانداز ھەربىر ماڭغان يولۇڭغا.
يۈرەك باغرى ئاغرىيدۇ تىكەن كىرسە پۇتۇڭغا،
سېنىڭ ئۈچۈن چۆللەرنى كېزەلەيدۇ قېرىنداش.
ھايات دېگەن چەكلىكتۇر ئېقىن سۇغا ئوخشايدۇ،
كەلكۈن كەلسە بەزىدە بىر تامچە يوق توختايدۇ.
قېرىنداشتىن ئۆزگىگە قىلىقلىرىڭ ياقمايدۇ،
تون كىيدۈرۈپ ھۆرمەتتە بېزەلەيدۇ قېرىنداش.
ياخشى -يامان بولسمۇ قېرىنداش بىر نەسەبتىن،
سۆيەلەيدۇ بىراۋلار ئۇنىڭدەك كىم يۈرەكتىن.
دۇئا قىلغىن بەختىگە تىلەپ ياخشى تىلەكتىن،
كېرەك بولسا جاننىمۇ بېرەلەيدۇ قېرىنداش.
Bir qachidin tamaqni icheleydu qérindash,
Séning üchün baridin kécheleydu qérindash.
Töt tenggisiz qalsangmu waz kechmeydu séningdin,
Gahi shadliq elemde yüreleydu qérindash.
Kelse apet béshinggha séni hergiz tashlimas,
Japalarda waysimay birge öter qaqshimas.
Xushalliqqa jör bolar közliringni yashlimas,
Ketseng yiraq seperge küteleydu qérindash.
Dastixangha jem bolar her bir héytta ayemde,
Haza tutar musibet kelse bir kün matemde.
Qérindashtek ghemgüzar qeyerde bar alemde,
Barche azab- derdlerni yutalaydu qérindash.
Qiyametlik dostlurung tashlap ketse bir küni,
Qarimastin közüngni yashlap ketse bir küni.
Nep chiqmisa séningdin qaqshap ketse bir küni,
Ger ayaqsiz qalsangmu öteleydu qérindash.
Alem kebi shadlinar jör bolsa ger toyunggha,
Salar zilcha payandaz herbir mangghan yolunggha.
Yürek baghri aghriydu tiken kirse putunggha,
Séning üchün chöllerni kézeleydu qérindash.
Hayat dégen chekliktur éqin sugha oxshaydu,
Kelkün kelse bezide bir tamche yoq toxtaydu.
Qérindashtin özgige qiliqliring yaqmaydu,
Ton kiydürüp hörmette bézeleydu qérindash.
Yaxshi -yaman bolsmu qérindash bir nesebtin,
Söyeleydu birawlar uningdek kim yürektin.
Du'a qilghin bextige tilep yaxshi tilektin,
Kérek bolsa jannimu béreleydu qérindash.
бир қачидин тамақни ичәләйду қериндаш,
сениң үчүн баридин кечәләйду қериндаш.
төт тәңгисиз қалсаңму ваз кәчмәйду сениңдин,
гаһи шадлиқ әләмдә йүрәләйду қериндаш.
кәлсә апәт бешиңға сени һәргиз ташлимас,
җапаларда вайсимай биргә өтәр қақшимас.
хушаллиққа җөр болар көзлириңни яшлимас,
кәтсәң йирақ сәпәргә күтәләйду қериндаш.
дастиханға җәм болар һәр бир һейтта айәмдә,
һаза тутар мусибәт кәлсә бир күн матәмдә.
қериндаштәк ғәмгүзар қәйәрдә бар аләмдә,
барчә азаб- дәрдләрни юталайду қериндаш.
қиямәтлик достлуруң ташлап кәтсә бир күни,
қаримастин көзүңни яшлап кәтсә бир күни.
нәп чиқмиса сениңдин қақшап кәтсә бир күни,
гәр аяқсиз қалсаңму өтәләйду қериндаш.
аләм кәби шадлинар җөр болса гәр тоюңға,
салар зилча паяндаз һәрбир маңған йолуңға.
йүрәк бағри ағрийду тикән кирсә путуңға,
сениң үчүн чөлләрни кезәләйду қериндаш.
һаят дегән чәкликтур еқин суға охшайду,
кәлкүн кәлсә бәзидә бир тамчә йоқ тохтайду.
қериндаштин өзгигә қилиқлириң яқмайду,
тон кийдүрүп һөрмәттә безәләйду қериндаш.
яхши -яман болсму қериндаш бир нәсәбтин,
сөйәләйду биравлар униңдәк ким йүрәктин.
дуа қилғин бәхтигә тиләп яхши тиләктин,
керәк болса җанниму берәләйду қериндаш.