Рет қаралды 67,094
كلمات: عبدالله بن هندي الغامدي
الله يعز الدين ويعز الرجال
اللي مضاربها كما صوت الرعود
امحمد ابن زايد اليا قال طال
ومليكنا ساس المراجل بن سعود
يوم ان قالوا الوضع يحتاج القتال
تحزمو في بعضهم دون الحدود
الخصم يومه صد قالوا له تعال
وقامو تعزوو عزوةً عند الجدود
وانا اخو نوره والله ان نطحن جبال
وانا اخو شما جهزو كل الجنود
قامو على الحوثي كريمين السبال
وما عاينوا ف ايران واقزام الزيود
ولا عاينو ف الخاين اللي ما يزال
ايحب يد ايران واقدام اليهود
الجار والله جيرة عيال الحلال
اهل الامارات وفعايلهم شهود
السعه السعه السعه
السعه لا بارك الله ف الضيق السعه
حلفنا مع الامارات ف الشده يروع
اقطع اقطع صوتكم صوتكم لا نسمعه
والله انّا نجمع اجموع وانفرق جموع
سيدي سلمان لا قام يشر ب اصبعه
الشدايد عندنا مثل دله والقدوع
ومع ولي العهد ما عاد باقي زعزعه
ذا محمد ابن سلمان شواش وفزوع
وشيخنا محمد ابن زايد وحنا معه
كل ابينا اخوان لو ان مناطقنا فروع
وفي زواج حسين ابن نجد ماني بمعذور
ما ذخرنا شعرنا الا لروس الطيبين
يا حسين اسلم وسلم عسى عمرك دهور
يا الرفيق اللي تجمل وميقافك يبين
والله ان الطيب بيّن وراعيه امخبور
والمراجل كلها وسط راسك يا حسين
ابن نجد الله يعزه رفيقً ما يبور
الجمايل عنده تقول ياخذ فيتامين
صدره اوسع من ديارً مبانيها قصور
ومجلسه ياخذ مكانً يكفي حارتين
واحدً ماهو يخاوي بني نجد؟ امعثور
خوةً تزيد ف اسمك وفي عمرك سنين
وربعه اللي فعايلها تجملها
عزوةً طيبها ماهوب يخفاني
ال عوذله الطالات باكملها
تاخذ الاوله ما تقبل الثاني
لا تعزوت ف مذحج شف فعايلها
تكسر اخصامها في كل ميداني
يا علي بن وحيري مدحكم سنه
حب خشم ابن نجد الله يبقيكم
مالنا ف مدحكم فضلً ولا منه
يكفي افعولكم تمدح اساميكم
كم عدوً شكا من بعدكم ونه
وكرها وطاح راسه بين رجليكم
ما درا ان ال عوذله يردونه
لا بدا ف اللوازم عزوه ولابه
ال عوذله المرقاب يرقونه
شيخهم محتزم ويفتل اشنابه
الدخيل ان دخلهم ما يخلونه
ال عوذله النيران شبابه
والخوي ان زهمهم تحتمي دونه
هم هل العز والتاريخ واصحابه
والكرم ال عوذله يحبونه
من يجي العوذلي امشرعً بابه
قالها شاعرً ماهوب يخطيها
لا اعتزا فروس ربعه ينجلي همه
لا ذكر غامد وغامد عزاويها
تبرك القوم دون الاسم منطمه
اسمنا يربك الدنيا وما فيها
وروسنا تعتلي في عالي القمه
وابلنا دونها ارجالً تباريها
ووسمنا تجفل العربان من يمه
غامد الهيلا تبيها فخر ولا عنصريه
لا تعاين والله ان مافي عيونك غير ماها
من قبل عهد الصحابه والعصور الجاهليه
والفعول ف صفحة التاريخ والراوي رواها
سلم غامد والخوي اليا تعزوا في خويه
خيل الحردا احتزم غامد تعز اللي نصاها
اسمنا ماهوب يعرف في بطاقات الهويه
اسمنا ف روس الجبال يشوفها منهو رقاها
ضيفنا يقلط على امات الشحم والشاذليه
والعدو يقلط على اسيوفً تروع من لقاها
وضع من يقرا عن التاريخ وضع المزهريه
من كبار فعول غامد ايتراقل من قراها
من قبل تجنيد عسكر وأللتحاق العسكريه
وغامد الهيلا ترد القوم والدار اتحماها
اطنخوا وانا ابن هندي وألعبوا والنار حيه
اسمنا الهيلا وغيره نعرف البير وغطاها
واحتزم يا العوذلي ما دام في راسي حميه
ال عوذله تشرفني وانا اوقف معاها