قنيدلات بالكوكاو

Рет қаралды 442

Күн бұрын

#قنيدلات#قنيدلات بالكوكاو #كاوكاو#ورشة مجانية في الحلويات التقليدية الجزائرية 🇩🇿
العجينة نفس عجينة الدزريات ونفس عجينة المشكلة :
3كبلات معمرين 210غ
نص مغرف صغير ملح
مغرف صغير عطر الزهر غبرة مغرف صغير لافاني
مغرف صغير ملون ابيض تع فروكتا
نص كيلة زبدة التوريق حوالي 35غ
ملون وردي او احمر في ماء الزهر فوق نص كاس حوالي 55ملل
الحشو :
نحكم الكوكاو 250غ منحمصوش مع 50غ نواة كوكوا نرحيهم رقيق .
نحكم قدر يكون تقيل نفرغ 125غ سكر وندير ماء الزهر حتي يتغطي السكر نشعل النار قليلا حتي يدوب كامل السكر نجيب هاداك الكوكاو ونبقا نقلب حتي يولي عجينة .
و النار لازم تكون قليلة و القدر تقيل .
نحيها فوق البوطاجي ونبقا نبرد فيها حتي تبرد بلاكوا تخلوها تيدبرد وحدها حا توليلكم حجرة .
كي تبرد ندير نص مغرف كبير زبدة مغرف كبير لافاني مغرف صغير عطر الزهر مغرف كبير معجون مبشور 3ليمون صفار بيضة وحبة بيض كاملة.ونبقا ندخل فيهم ونعجن بكف اليد فالاول تكون يابسة لهاد المكونات تبدا تطرا .
نوزنها 50 خرجتلي 9حبات وفضل شوية من الحشو.
نحكم العجينة نحلها بالميزينة نطبقها كما لابات فايتي 3مرات وانا نديرها في رقم 1 أمبعد رقم 3 وفي رقم 5
أمبعد نطبع برقم 130.
ندير شوية بياض البيض في الوسط نحكم الكويرة نطبزها بيدي ونبدا بالكوردوا ندخل العجين 4/8/16 نبدا نطلع ونحل الشرشيف .
لازم نخليها 6سا او ليلة كاملة باش يشد الشكل انا كنت مزروبة تمتم دخلتهم كاين لي مالوا شوية .
السينية ديريها بابي كويسوا نحطهم هادي متكية علي هادي .
الطهي:
من 20/25د 160د
هي القنيدلات ميعسلوهمش كي تخرجوهم ديروهم فوق شباك كل حبة ديرولها مغرف عسل .
100حبة قنيدلات بالكوكاو:
الكوكاو 2كيلوا ونص
نواة كوكوا 250غ
كيلو سكر عادي و250غ
ماء الزهر للحشو 250ملل
10بيض
قشور الليمون 12حبة
لافاني قيس 5الف أحد
عطر الزهر غبرة قيس 5الف
الزبدة 750,غ للحشو
معجون 7مغارف كبار
العجينة
الفرينة حوالي 2كيلو و200غ
زبدة الت وريق 390,غ
ملون ابيض نص علبة
ماء الزهر 250ملل
السعر ✅
،11٫5الف كاوكاو
50غ نواة كوكوا 7الف
125غ سكر عطر الزهر لافاني و الزبدة 8الف
قشور الليمون معجون الفين
2بيض 4الف
الفرينة مع ملون 3الف
زبدة التوريق 3الف
ماء الزهر الفرنك
ليكسات والغغونزا والخيط 15الف
العسل 250غ 4الف
الدوزان سقامولي 58٫5الف
58,5الف×2=117الف
117الف÷9=13الف
قنيدلات بالكوكاو ونواة كوكوا الوزن 50غ خرجولي 9حبات
نحسبهم 13الف
الا وزناهم 45غ يخرجولي 10حبة نحسبهم 11,5الف
الا وزناهم 40وخرجونا 11حبة نحسبهم 10,5الف
صلوا علي رسول الله ❤️❤️❤️