Рет қаралды 1,956
يقول ( لويحان )
عبدالله العنقري التميمي :
شعرٍ مِثَلْ يا فاهمين التماثيل
وكلٍ يجي شعره بحسب اقتداره
من عاش ينظر بالسنين المقابيل
يذوق من عقب البروده حراره
الطيب يخلق مع قلوب الرجاجيل
ماهوب في بنك التجارة تجارة
والرزق من عندي الولي بالتساهيل
ماهوب بالقوة ولا بالشطارة
من عاش في حيلة وكذب وتهاويل
ياسرع من عقب الطلوع انحداره
والشور ماينفع قلوب المهابيل
كالزند وان حرك تطاير شراره
لو تامره بالعدل يعرض عن الميل
بستل على رايه بربح وخساره
والطــبع ماينزل غيره بتبديل
مثل الجـــدي مرساه ليله نهاره
والحنظله لوهي على شاطي النيل
زادت مرارتها القديمه مراره
هذا مثل يافاهمنين التماثيل
وكلٍ يجي شعره ابحسب اقتداره
.
#بني_تميم
#هامة_مضر
#قويين_الباس
#معدلين_المايل
#كاسبين_الطايل
#بني_تميم #شمر #عنزه #عتيبه #مطير #الظفير #سبيع #العجمان #يام #الدواسر #هذيل #بلي #كنانه #قريش #الاشراف #قحطان #همدان #اكلب #غامد #قبايل #عزاوي