Рет қаралды 4,804
【全場精華】港超聯-香港U23 2:4 大埔
港超聯 香港U23最後一戰!反負大埔2比4
「中銀人壽香港超級聯賽」周日(26日)煞科日,其中來季棄戰港超的香港U23,出戰最後一場賽事,坐鎮斧山道運動場面對大埔。香港U23雖憑梁煒烽十二碼先拔頭籌,但之後連失4球,最終以2比4反負大埔,遺憾地未能以勝利作結。
2021/22賽季成立的香港U23,早前宣布來季會退出港超,今場為球隊最後一場賽事。足總主席兼贊助人霍啟山,原定在半場現身與球隊進行大合照,惟因時間關係未能成事,最終僅逗留約半小時便匆匆離開,趕赴旺角大球場出席頒獎儀式。而香港U23雖憑梁煒烽在38分鐘射入十二碼領先半場,但易邊後卻被對方盧卡斯梅開二度,以及陳肇鈞、謝臣各建一功,比賽尾段香港U23一度靠劉家喬入球追近,最終仍以2比4落敗。
香港U23主教練司徒文俊受訪時指,自己在上月初已能預料到這個結局,坦言此刻心情當然不好,又指對部分球員未來感擔心:「消息未出之前,已經有球員畀人撬角咗,依啲係好事。但我擔心下季唔淨止少我哋一隊,球員生存空間會更加少,係咪應該有個空間畀年輕球員呢?」對於足總來季或設立U22聯賽,「司徒Sir」卻對成效存疑:「首先依個聯賽會有幾多球隊請全職U22球員,如果佢哋唔係日日練波,點樣提升水平?同埋U22聯賽會喺邊一日踢呢?我相信係可以提升U18球員強度,但U22球員就未必得。」
而對上3季皆效力香港U23的中場鄧筵霑,則指球隊陣容雖一季比一季年輕,但開始看到球隊訓練有成果,撼前列分子表現愈踢愈好,對散班感到可惜:「喺聯賽落場機會好多,對面人哋全部外援好有質素,所以個膽好快練到,決定又逼住會愈做愈好,對球員成長好大幫助。」
至於大埔主教練李志堅亦對香港U23的退出感到可惜,稱球隊比成立初期進步不少,並強調要給掌聲予對方主教練司徒文俊:「『司徒』好早期已經幫球員揾班落,依個心係非常好,希望球員有啲保障。佢都直接介紹畀我,仲畀埋啲數據同分析,有啲可能都會下季嚟大埔。」
#本地足球 #香港U23 #大埔 #我撐本地波 #港超聯 #中銀人壽香港超級聯賽 #睇體
------------------
支持香港運動員,快啲follow埋《睇體》個 IG: / ontv_sports
再再訂閱《睇體》個KZbin頻道:bit.ly/2lD6cD7