【全場精華】賽馬會菁英盃-均業北區 0:1 傑志

賽馬會菁英盃　傑志1球小勝均業北區
「賽馬會菁英盃」周三（21日）晚上演B組出線關鍵一戰，由「2哥」均業北區在旺角大球場惡鬥衞冕的傑志。結果「藍鳥」換邊後憑祖連奴攻入頗具幸運成分的入球，以1比0小勝均業北區，保住出線希望。
今場保持不敗即可出線的北區，有卡爾特納、韋法頓及葉卓文組成3中堅，羅曉聰及陳浩嘉於中場策應，支援前鋒馬圖斯；至於要全取3分才能夠保住出線希望的傑志，有艾里奧坐完波監復出，與羅素組成中堅拍檔，查理史葛、基爾頓及陳俊樂坐鎮中場，前線有祖連奴、馬斐及迪美路夫聯手攻堅。
傑志開局先有查理史葛禁區頂勁射被張桂華沒收。北區站穩陣腳後，搶回不少主動權，15分鐘，羅曉聰罰球斬入禁區，肯迪頭鎚二傳，馬圖斯接應頂入，不過球證判罰北區犯規在先，入球無效。22分鐘，迪美路夫攔截肯迪回傳，窄位起腳斜出，緊接他接應角球一頂又吿高出。完半場前，傑志後防出現險情，馬圖斯的射門先被石皓心撲出，劉君正再補多腳，又被石皓心擋到，北區攻勢無功而還。
傑志換邊後繼續搶攻，57分鐘，馬斐接應基爾頓直線，燙射僅僅柱邊出界。緊接馬圖斯的射門，被石皓心撲出。傑志63分鐘打破僵局，查理史葛禁區外勁射，祖連奴門前加多腳改變方向入網。落後的北區，比賽後段先後換入黃偉國及朱偉鈞，但都未能改變戰局。最終傑志以1比0擊敗北區，成功保住出線希望。
#本地足球 #均業北區 #傑志 #我撐本地波 #港超聯 #中銀人壽香港超級聯賽 #賽馬會菁英盃 #睇體
------------------
支持香港運動員，快啲follow埋《睇體》個 IG： / ontv_sports
再再訂閱《睇體》個KZbin頻道：bit.ly/2lD6cD7

[@lorry173]

樓上調轉講 羅素係較近龍門嘅前面 馬圖斯係後面衝前 0.40s 馬圖斯望波之下左腳撞到羅素隻右腳 羅素仆底 較0.25倍用慢鏡睇

[@heichan8657]

北區只差埋門一腳，對傑志輸1-0都算有交代

[@HKGOLDENBrothersoccer]

1：13 街league咁樣，自己禁區扭甩波，離門機碼兜口兜面省落個龍度😂

[@rainforesthk2181]

北區可以簽返個有質數前鋒

[@howoo4461]

北區欠把握力

[@rangers-rangers]

2:57

[@cyruscheng5784]

馬圖斯食贏個位，而羅素係後面衝撞，判入球無效🤷🏻‍♂️ 又係傑志

[@kenk1987]

都唔知foul乜

[@naghk]

香港球證, 只能呵呵, 所以本地波根本唔值得支持

[@alvinwong2586]

好明顯佢左手推開羅素先啦，咁你都可以講成羅素係後面撞😂

[@whyso7988]

傑志怎麼才算贏? 1. 要在零鬼陣容(包括入籍兵)下定勝負 2. 傑志不能往禁區起高球 3. 傑志不能遠射進球 4. 傑志不能防守反擊，你要全隊都攻出來 5. 傑志不能壓迫式防守，要給敵隊對於足夠的空間發揮 6. 傑志不能擺鐵桶陣 7.在傑志的主場，傑志不能有主場哨，裁判要偏向客隊，最好一開場就給傑志一張紅牌 8. 敵方帶球，傑志不能幾個後衛去攔截，要讓敵方順利射門 9. 傑志不能鏟任何人 10. 傑志進的球前要把敵方每個隊員都過一遍，最好把兩個門柱都過一遍，然後再把球踢進大門，這樣才是真水平，否則只是靠運氣 11. 傑志後衛在本方禁區不能開大腳 12. 傑志要允許對方的教練中場休息進裁判室交流 13.務必遵守以上守則，否則即使傑志贏球了，反傑也會說你是勝之不武，說你是靠運氣，說你無恥。反傑總是可以找到一條理由來說明你不應該贏球。

[@wwl3080]

下咁都有得foul 咁每次有人喺禁區接觸都可以吹犯規啦

[@naghk]

呢d為左疊夠數既垃圾盃, 小組賽要打兩循環, 然後傑志仲要係垃圾盃都出一堆鬼, 仲仲要如片頭講, 出線佢地要連贏兩場先得, 真係笑死人, 執柒左佢算啦傑志

[@taihung9006]

每一場比賽盡力去打又出一定數量嘅年青球員有咩問題？你而家講到理文唔用鬼咁？😂 𠎀同理打菁英盃平均都係用六個左右鬼球員，你做咩咁大細超淨係講一隊唔講第二隊？🤭

[@Jacky-ru4ms]

佢哋收咗皮嘅話，對香港足球冇乜益處㗎咋，我想講！