Рет қаралды 300,630
لايك للفيديو + إشترك معنا
subscribe + Like
فعل الجرس 🛎
ليصلك كل جديد✔️
..
" سنابي "
/ u511a
اهداء الى الشيخ :
فيحان بن ناصر الشغار
كلمات : صنهات حشر
الا يامعدي المرقاب وش حدك على المرقاب
تظاهر بالسعادة والسعادة منك مسلووبه "
اشوفك من صواديف الليال السود راسك شاب
وحالك .. كل ماشان الزمان يبيّن عيوووبه
لك الله يالضمير المنجرح والخاطر المنصاب
ماتمشي غير مع درب الشقا ودروبك دروبه
ابشرك انتهى وقت المجامل والقلوب احباب
يموت اللي مايحفظ قيمته مايفرض اسلوبه
قوي العزم من ضغط الليالي جاه ضغط اعصاب
معاد يفيد راسه وصفة الدكتور وحبوووبه
يسولف بالسعاده للجميع ويقبل اي عتاب
يبين لك رحابة خاطره ماباان عذرووووبهً
لو الانسان يقدر يدخل الجنه بدون حساب
ماتلقى مسلمً يرفع يديه .. ويحسب ذنوبه
يعيش الادمي بين الشكوك وبين الاستغراب
ولايرتاح لين من الذنوب يعانق التوبه "
طوينا الصفحة اللي مالها موقع من الاعراب
تعايشنا وعدينا الزمان الشين بـ اعجوووبه
مواقفنا عن المجد المشرف مالها مجناب
واسامينا على مر الزمن ماهيب محجوبه "
تقدمنا بقو عزومنا لو الظروف احزاب "
نكاافح والضعافه عندنا ماهيب مرغووبه
قليل المعرفه مايفرق العدوان والاصحاب
ليا منك نصحته حك عرقوبه بـ عرقوبه
عسى ربي يوسع رزقنا مع كل فكة باب "
قبل لاننشغل في حاجة ماهيب مكتوبه
سلام الله على اسمً مع مرور الوقت ماقد غاب
على طاريه ينساق المديح ويلتفت صوبه
ليا عدو هل المجد الكبير وعدو الالقاب
فناجيل العدا من هيبة الشغااار مشروبه
سلايل ناصر الشغار حي الاسم والانساب
على طاريهم اتقض الجدايل كل رعبوبه
على فيحان بن ناصر يطول المدح والاسهاب
يساق اله الثنا والنعم من حقه وماجوووبه
هذا حلال عسرات الامور مجري الهياب
يجيه اللي ماتمت حاجته ويتم مطلووبه
بطاريه الدماسين تحدا وتولع الشباااب
وتفخر بالشيوخ اهل الفخر والنار مشبوبه
عياله هم مواريث الاشده فزعة المرتاب
نباهم كل ماطال الزمان يزيد منسوبه
حداهم لاحضر في ماقفه يكفي عن الغيّاب
ليا منّه هبط سوق الفخر ماقال كم هوبه
دهايا الروقه اللي فالملاقا تخلص الطلاب
شيوخً عمرو صرح الفخر طوبه على طوبه
هذولا الاد روق وصيتهم يحسب له الف حساب
ليا غارو على دهم الخيوول وكل مهيوووبه
لهم تاريخً وامجادً تثير وتكسب الاعجاب
فزوع معزي الاول على حره ومنجوبه
على مركاضهم كم راح راس وكم تروح ارقاب
وكم من طامعً غارو غليه ومااات في ثوبه
عتيبه فلعهم يذهل عقووول ويخطف الالباب
ودونه راهنين نفووسنا والرووح مجلوووبه
عتيبه منهجً مفروض يعطا درس للطلاب "
سوات الواجبات اللي على الطلاب ماجوبه
صحاري نجد الانجد خدها الابيض تقول كتاب
عليها سطرو تاريخهم واخترعو دروبه "