حقيبة الكترونية لنقل الأسماك ؟ حقيقة ام خدعة؟!

لينك صفحة انستجرام للحقيبة : / katsugyo_bag
من يومين كده ظهر علي الانستجرام و فيس بوك صورة لإختراع كده شبه الانبوبه او شنطة تقدر تحط فيها السمك بتاعك و تاخدة معاك في اي حته و عملت ضجة كبيرة في العالم و خصوصا وسط محبي أسماك الزينة و صيد الاسماك الموضوع اثار فضولي و قلت لا لازم ادور و اعرف اصل و فصل الموضوع دا فضلت ادور لحد ما لقيت أكونت علي الانستجرام هسيبهولكم في وصف الفيديو و موجود عليه صور و فيديوهات للأسماك و هي جوا الحوض المتنقل دا و فعلا الاسماك عايشة فدا معناه ان الموضوع حقيقي فعلا و ان الاختراع دا اسمه Katsugyo كاتسوجو من إخراع شركة يابانيه اسمها Ma Corporation الشنطة دي حجماه كبير مش صغير حجمها تقريبا 60 سم و قطرها حوالي 20 سم و هيا عبارة عن اسطوانه زجاجية في اولها و اخرها اجزاء مغلقة الجزء الامامي لوضع السمكة و الجزء الخلفي فيه علي ما يبدوا مضخصة اكسوجين و فيها عداد علشان تعرف مقدار ضخ الاكسوجين فيها و فتحه علويه لدخول الهواء
و الموضوع هو عبارة عن نموذج اولي للمشروع دا و المشوع دا اتعمل بشكل أساسي لهواة الصيد و للناس الي بتحب تاكل الاسماك طاظجة زي ما هو باين في صور الانستجرام
بس دا ميمنعش انها هتبقي وسيله كويسة جدا لنقل اسماك الزينة لمده كبيرة او لو مسافر و عايز تاخدها معاك و خصوصا ان حجمها فعلا كبير بدل ما احنا بناخد الاسماك في أكياس بلاستيك او جرادل و نبقي بنجري و قلقانين انها تموت مننا في الطريق
قعد اتخيل كده لو الاختراع دا وصل عندنا هنا في الوطن العربي و مصر تحديدا متأكد ان أول حد هيجيبه أكيد هيبقي أسلام يس و يعمل عليه عروض و فيديوهات ولايفات علشان نروح نشتريه و طبعا مش هيفاصل في جنيه من تمنه
و رغم انها معموله لنقل الاسماك هنلاقي بعض التجار تبيعة علي انه حوض سمك مجهز و متنقل و يبيعو فيه برضوا كوي و فانتيل و يحطول فيه ب 20 سمكة و يقلك هيعيشوا عادي
اتخيلوا كده معايا ممكن يحصل ايه تاني و اكتبولي في الكومينتات علشان نضحك مع بعض علي الموضوع دا
بس كده حبيت اني اتكلم معاكم في اخر اختراع يخص اسماك الزينة و اتمني اني في يوم من الايام انه يوصل فعلا عندنا في مصر و اقدر اعملكم عليه ريفيو و اهو اقدر اخد فوزي معايا في رحله و افسحة احسن من حبسته هنا في البيت
متنسوش تتابعوانا علي صفحة الفيس بوك
/ samakxmaya
وتعملوا فلو لينا في الانيستجرام
/ samakxmaya
و شير لكل أصدقائكم لتصل المعلومة للجميع

[@user-yt4xo7so2o]

اعمل حلقة عن سمك الفانتيل وهتفيد ناس كتير وياريت بسرعة

[@EgyptionSMART]

ايوه كده الصوت احسن بكتييييير الله ينور يا اسامة باشا ....

[@ahmedgxr6078]

مبدع كلعاده

[@ahmedshalapy9657]

ممكن تعيش في سمك فايتر بحال كويس جدا

[@moamen_tamer3772]

هيبقا غالي

[@Moftah2003]

عاش❤️

[@moamen_tamer3772]

كامل

[@محبي.اسماك.الزينة]

بيعملو حاجات غريبه ياراجل والله 😂

[@samakxmaya]

😂

[@mustaflo1336]

ينفع اربي فيه اوسكار؟؟😂

[@soloking7466]

فينك يا كبير

[@soloking7466]

عادي ممكن يتعمل ماتور هواء بطارية موبيل ليثيوم واسطوانة اكريليك

[@samakxmaya]

يلا بينا و ننافس الصين :)

[@aymannas4387]

لو سمحت..الخل كويس لمسح الزجاح..ولاكن لو مسحت من جوا وطبعا حيجي بالميه هل يضر الاسماك؟؟

[@samakxmaya]

لو كميه بسيطة مفيش مشكله لكن حافظ بقدر الامكان على أن الخل مينزلش في الميه

[@aymannas4387]

@@samakxmaya اشكرك

[@mahmoudali7292]

السلام عليكم حضرتك عايز اعرف افضل حل للقضاء على القواقع الغير مرغوب فيها داخل حوض السمك ؟ مع العلم ان جربت اني اشيلها يدوي وجبت سمكة باكستاني لوتش برده مفيش فايده وايضا جيت قوقع هيلينا سنيل وحطيت خضره وجمعت عليها القواقع بس بتزيد برده كل محاولاتي فشلت و دلوقتي القواقع دي زادت وبتاكل في الزرع كل الزرع بقي مخرم ؟ اي الحل للقضاء عليها بس والنبي عن تجربه ؟

[@ابوشهد-ذ5ص]

بعد كده هتقول... انا اسامه وده سمك في شنطه

[@samakxmaya]

🤣🤣🤣🤣🤣🤣🤣

[@mahmoudewaga3857]

من اسبوع بالظبط ظهر عندي مرض النقط البيضا وحطيت شخان وملح والسمكه بدات تخف انهارده لقيت المرض نقل ع سمكه تاني والاونيه بدات تخف هل المرض ده هيستمر كتير ولا فيه حل

[@samakxmaya]

لازم تعالج الحوض بالكامل علشان المرض دا بينتقل بين الاسماك استعمل مثلين بلو أو دواء النقاط البيضاء من شركة معروفة

[@ahmedshalapy9657]

ايه راي كل واحد بيشوف الكومنت بتاعي

[@soloking7466]

احنا عوزين اسلام يحن علينا بس ويجيب فلاتر دوفين بأنواع منتجات الدوفين 😓🙏🐠

[@samakxmaya]

يارييييييييت

[@munibashishman962]

السلام عليكم ورحمة الله اخي العزيز انا اشتريت سمكة اورانا ٥٥ سنتي المشكلة الشحن كان سئ كان بكيس صغير مهم صلها ٥ ايام ما اكل شي وبالكيس تعور وانقطع الاستشعار الي عند فمها الي شكله متل الدود ما هو الحل هل ممكن ان تموت

[@samakxmaya]

حاول تحافظ على جوده المياه أول حاجة و هاتيلها اسماك صغيره حية و جرب أكثر من نوع أكل لحد ما تاكل لأن لو مكلتش يبقي كده ممكن فعلا تموت لأقدر الله

[@mustaflo1336]

حاقه سخيفه الفايده الوحيده منها هو نقل السمكه من مكان لمكان ثاني و الكيس مو مقصر

[@samakxmaya]

الفكرة من الحلقة هو إن بعرض اختراع لسة معمول و الناس مستغرباه

[@mustaflo1336]

@@samakxmaya اعرف و الفيديو رائع بس فكره القنينه احسه شي تجاري بحت

[@samakxmaya]

هو أكيد شيء تجاري بس متخيل لو مسافر لمسافة تفوق الخمس ساعات هتبقي حل ممتاز للحفاظ على السمك

[@mustaflo1336]

@@samakxmaya وجهه نضر🤔🤔💙