حقيقة احمد ابو هشيمة الذي لا يعرفه احد - منين جاب ثروته الطائلة - واسرار خطيرة عن حياته

هنتكلم النهاردة عن قصة الفتى الذهبي وشخص مثير للجدل وبتدور حواليه أسألة كتير هنجاوب عليها النهاردة .. هنتكلم النهاردة عن الملياردير احمد ابو هشيمة .. قصة حياته وإزاي بدأ ومنين جاب ثروتة الطائلة وأسرار خاصة عن حياته مش هتلاقيها غير عندنا ..اتولد احمد حمدي ابو هشيمة عبد العزيز في 11 يناير سنة 1975 وعاش في حي الوايلي في مدينة القاهرة .. ووالده هو اللواء حمدي أبو هشيمة .. كان احمد ابو هشيمة بيعشق لعبة كرة القدم من صغرة وانضم لمنتخب مصر للناشئين
واتعلم وقتها يتحمل المسئولية لأنه كان بيسافر مع الفريق في معسكرات وهو لسه عنده 14 سنة ولكن في سنة 1993 إصيب بالرباط الصليبي وده اللي خلاه ينهي مشواره الكروي بدري جدا.. دخل احمد ابو هشيمة كلية التجارة جامعة قناة السويس .. وفي أثناء الدراسة الجامعية كان بيشتغل موظف تحت التمرين في بنك المصرف العربي الدولي .. وكان بيقبض 100 دولار في الشهر وكان بالنسبة له مبلغ كبير جداً كأنهم 100 الف جنيه.. لكن احمد ابو هشيمة مكانش حابب انه يكون موظف ويقبض مرتبه في آخر الشهر ..
فاشتغل في البنك فترة صغيرة وبعدين سابه .. بس هو ماكنش معاه أي فلوس تخليه يبدأ مشروع لنفسه ..عاوزين نعرف دلوقتي ازاي دخل احمد ابو هشيمة في مجال تجارة وتصنيع الحديد ..بعد ما احمد ابو هشيمة ساب البنك بفترة كان له صديق والده كان من اكبر مصنعي الحديد في البلد.. فصاحبه ده قاله جرب تشتغل في الحديد شغلانة حلوة ومكسبها كويس جدا .. الموضوع ده عجب ابو هشيمة جداً وفعلا بدأ ياخد اول خطوة وراح لتاجر حديد في إمبابة عرض عليه يشتري منه طن الحديد ب 1300ج وهو سعره ساعتها كان 1200ج .. وطبعا رفض التاجر يشتري منه بالسعر ده وقاله رجع يا ابني اشتغل في البنك الكار ده مش كارك.. والتاجر قاله انه ممكن يشتري منه الطن ب 1190ج يعني اقل من التكلفة الفعلية ب810ج ..
والغريب أن ابو هشيمة وافق يبيع بالسعر ده رغم خسارته لانه كان حابب انه ينتشر ويعمل اسم في السوق حتى ل هيخسر في الاول.. وفضل على الحال ده بيبيع بخسارة لحد ما في سنة 2002 قدر انه يشتري 10% من حصة مصنع حديد وكان بياخد انتاج المصنع بالكامل .. وفي سنة 2005 اشترى 30%من حصة مصنع تاني .. فضل احمد ابو هشيمة يكبر في تجارة الحديد واسمه بيكبر في تجارة الحديد .. واشتغل ابو هشيمة فترة مع رجل الأعمال البورسعيدي عبد الوهاب قوطة وكان علاقته بيه وبأولاده قوية جداً .. لكن الغريب ان العلاقة دي اتوترت جداً ووصلت لمرحله انهم رفعوا قواضي على بعض .. لكن سبب الخلاف مجهول ومحدش يعرف سببه وبدايته لحد دلوقتي .. وبدأ نجم عائلة قوطة في الهبوط وبدأت البنوك في مطاردتهم لسداد القروض اللي عليهم بينما بدأ نجم احمد ابو هشيمة يلمع في السما..
لحد ما في سنة 2009 انشأ ابو هشيمة مصنع حديد المصريين .. وأصبح احمد ابو هشيمة يمتلك نسبة 7% من سوق الحديد المصري.. وبدأ نجم ابو هشيمة يلمع سماء الحديد والسوق المصري بعد ما شارك الشيخ محمد بن سحيم آل ثان ابن الأسرة الحاكمة القطرية..وبعد ثورة 25 يناير بدأ اسم احمد ابو هشيمة في الظهور واللمعان .. ولعب الحظ دور كبير في حياة احمد ابو هشيمة العملية ونجاحه في صناعة الحديد فبعد ثورة 25 يناير وحبس المهندس احمد عز امبراطور الحديد في مصر ومحتكر سوق الحديد والمساهم الأكبر في شركة حديد عز الدخيلة..
وده اللي اتاح لأبو هشيمه انه يزود حصته في السوق وينتشر بشكل كبير وملحوظ وينافس بل ويتخطي شركة حديد عز الدخيلة ..واثناء حكم الأخوان زادت حصة حديد المصريين في السوق المصري زيادة كبيرة جدا..حصل احمد ابو هشيمة على جوائز وتكريمات كتيرة جدا ..ففي سنة 2013 حصل على درع الجمهورية تقديراً لدوره في خدمة الصناعة ونموذج للعطاء والتفاني في خدمة مصر..وفي نفس السنة اخد جائزة اصغر مدير تنفيذي بالشرق الاوسط من اريبيان بيزنس وكان عمره ساعتها 38 سنة ..وفي سنة 2014 اخد خطاب شكر من دار الافتاء المصرية تقديراً لمجهوداته القومية المبذولة من أجل خدمة الوطن..
وفي سنة 2015 اخد جائزة افضل شركة صاعدة في العالم ..واخد احمد ابو هشيمة جوايز تانية كتير في مجال ريادة الأعمال والصناعة وخدمة المجتمع.. عاوزين نتكلم عن الحياة الشخصية والأسرية لرجل الأعمال احمد ابو هشيمة..اتجوز احمد ابو هشيمة اول مرة من زميلته في الجامعة وكان عنده 22 سنة وخلف منها ولدين هما عمر ويوسف.. وفضلوا مع بعض 9 سنين وانتهي الزواج بالإنفصال سنة 2006
.. وفي سنة 2009 اتجوز ابو هشيمة من النجمة اللبنانية هيفاء وهبي في حفل زفاف اسطوري ولكن حصل الطلاق بعدها ب 3 سنوات لينفصلوا في 2012 .. وفي اواخر 2017 انتشرت اخبار عن وجود ارتباط بين ابو هشيمة واخت الاعب البرتغالي الشهير كريستيانو رونالدو وهي كاتيا افييرو .. وانتشرت صور كتير تجمع بين ابو هشيمة وعائلة كريستيانو .. وبعدين الموضوع انتهى ولم يكلل بالزواج .. اما عن زواجه الأخير كان سنة 2020 من الفنانة المصرية ياسمين صبري في جو عائلي متحفظ بسبب فيروس كورونا
ومستمرش الزواج كتير وانفصلوا بعد سنة وشهور ..وطبعا جوازات احمد ابو هشيمة كتير واكيد بعد الحلقة دي هنضطر نعمل حلقات تانية ننزل فيها قصص الجوازات الجديدة لاحمد ابو هشيمة .. ويا ترى مين اللي هيكون عليها الدور وتلبس التايجر..
وابو هشيمة مش شغال في الحديد وبس ده كمان اسس مجموعة اعلام المصريين سنة 2016 ومن خلالها قدر ابو هشيمة انه يستحوذ على موقع دوت مصر الإخباري وصحيفة عين المشاعر الأسبوعية.. وفي نفس السنة استحوذت المجموعة على 50 % من شركة مصر للسينما المملوكة لرجل الأعمال كامل أبو علي و 50% من شركة سنيرجي للإنتاج .. وفي نفس السنة بردو استحوذت المجموعة على قناة اون تي في اللي كانت مملوكة لرجل الأعمال نجيب سويرس..
ومجموعة اعلام المصريين بتمتلك بردو صحيفة وموقع اليوم السابع وجريدة صوت الأمة ومجلة عين وجلة ايجيبت تو داي ولاكثير من الصحف والمجلات وشركات الميديا
#احمد_ابو_هشيمة #احمد_ابو_هشيمه #حقيقة_احمد_ابو_هشيمة

[@mohammadnaser4982]

كان ابوه ضابط جيش في المخابرات وكان ابوه يمشي اوامر مقابل اموال طائله ... الخ فكل رجال الاعمال عندما يحكون عن مغامرات وكفاح هي مجرد تغطية شياطينهم بأقنعة ملائكه .

[@lebonheurdelhistoire5540]

كلام الستارة. وراها بلاوي مفيش تروة بتتعمل في سنوات يلزمها سنين جيلين على الاقل من الكفاح والكد مش سهر وسفر خروج وووو وتقولي كفاح

[@namohamed-ss3cm]

Cuida tus palabras, en lugar de dejarla hacerlo, le dará mala fama a tu hijo, corazón amargado. ¿Quién es esa persona que lo come con gusto, tú y tu hijo? Por supuesto, ¿qué hace que Sisi sea su perro? Amin Ahmed Abu Hashima. Aprende en lugar de destruir la casa de tu hijo, O Laila, Abu Hashima.

[@mohammadnaser4982]

كل كلامك غامض وتنقل من مرحله الى مرحله بدون توضيحك مثلا من اين اتى بثروة بناء مصنع حديد ؟؟؟

[@sanaolabuisness]

اكيد في تفاصيل في حياته يا غالي انا معرفهاش وكمان مش موجودة على مواقع التواصل الإجتماعي .. فمقدرش اقول كلام من عندي

[@mohammadnaser4982]

@@sanaolabuisness يمكن كلامك مضبوط . يا عمي واحنا مالنا. 🤔

[@sanaolabuisness]

@@mohammadnaser4982

[@namohamed-ss3cm]

Arruinaste mi casa, destruí a mis hijos por ti, no quiero que Dios te haga nada. Yo soy la víctima, yo soy el que está gritando. Tú, Dios, no te hace nada, calumniador, opresor, oh Dios, guardo silencio sobre ti, oh Dios, derrama tu odio e ira sobre sus hijos, Amr y Youssef. Verlos muertos, muertos, Señor, Ahmed Abu Hashima, ver a sus hijos, muertos, muertos, su más querida necesidad, Mina, muerta, quejándose de mi dolor y clamando a ti, Señor.