خليني بس اوضح جزء، ان الناس فى مصر عندها للاسف حسبة خاطئة شوية، بمعنى : مرتبات المصريين اللى عايشين فى مصر تعتبر اعلى مرتبات (نسبة مرتب لنسبة المعيشة) فى كل البلاد بمعنى 20 الف ريال ومعيشة فى السعودية = تقريبا 30 الف عندنا (بالنسبة للمعيشة) الامارات كل شئ فيها غالي جدااا كمعيشة -- وبالتالي فى مصر انتا تقريبا اكتر واحد بياخد مرتب (خبرات انا شايفها من السوق ضعيفة وبتطلب 40 و 50 الف جنيه ) انا اسف انتا لو سافرت اى بلد فى الدنيا واشتغلت فيها معيشتك هتكون اقل من كده بمراحل المراحل لكن بيتم الاستفادة فقط من فارق العملة
@webDevDiaries4 ай бұрын
كلام حضرتك صح لحد من شهرين بس .. لو حضرتك برا مصر حابب اعرف حضرتك ان النهاردة لو حتفطر فول وطعمية بس بـ 30 جنية اقل حاجة وسندوتش الفول بـ 10 وبالتالى بشكل طبيعى جداً لو حتاكل لوحدك وتعيش لوحدك فى مصر حتصرف فوق 200 جنية كل يوم اما لو حضرتك عايش فى مصر ومقتنع ان المرتبات الحالية تكفى افضل تراجع حساباتك خصوصاً مش كل الناس بتقدر توصل لـ 20 الف و 30 الف
@m.only.14 ай бұрын
@@webDevDiaries انتا مقتنع ان مبرمج سنتين : 3 سنوات خبرة يطلب 35 الف جنيه : 80 الف جنيه انا بقولك من ارقام فيه هوجة فى السوق بارقام لا منطقية لو كل واحد بقالو 3 سنين اخد خبرة بيشتغل بياخد 35 الف جنيه وما فوق - فانا بقولك ان مصر اعلى سعر مرتبات فى العالم بالمنطق ده وعلى ارقامك مش ارقامي مقارنة بالمعيشة برة أو موازيه يعنى السعودية وعلى ارقامك المرتبات متوسط كم 10 : 20 الف ريال 10 فى السعودية يعيشوك معقول مش رفاهية فى مصر من 20 :40 الف جنيه يعيشوك ملك زمانك خصوصا اما تكون خبرة من 2 : 3 سنوات
@m.only.14 ай бұрын
@@webDevDiaries ولو حابب ابعتلك ارقام بتطلب هتتصدم معايا من اللى بيطلب من شركات مصرية ب 80 و 90 الف وبكلمك فى وظيفة مغرقة السوق زى مبرمج لارافيل مش حتى AI دا بعيدا عن اللى بيطلبو بالدولار
@samtyson978 ай бұрын
انت ظلمت امريكا دي جنة التكنولوجيا والضرايب مستحيل توصل النسبة دي وولايات كتير زي فلوريدا وتكساس مفيش فيها ضريبة دخل فيه بس ضريبة مبيعات واخر السنة فيه استرداد وكمان تكساس الحد الادنى في الساعة للمبرمجين 30 دولار وكمان فيها شركات عملاقة زي at&t وتسلا ووكالة ناسا وديل اما اوربا لضرايب فيها الليي عالية جدا بس باقي الفيديو عجبني جدا ومتشكر للمعلومات المفيدة دي ❤❤
@webDevDiaries8 ай бұрын
ضريبة الدخل فى امريكا من 24% لـ 30% ودى معلومة اكيدة لإنى بقدم ملف ضريبى للدخل من امريكا على يوتيوب لنفسى وطالما معنديش حالات معينة تخليها من 8% لـ 24% فالـ default بتكون 30% .. وطبعاً دى مش لكل الولايات زى ما قولت فى اول الفيديو فى ولايات مفيهاش ضرايب كتير ولا مصاريف المعيشة غالية وولايات تانية لا عشان كدا لو حنقول رقم معين حنكون فعلاً بنظلم بعض الولايات
@Mohamed-mv7by8 ай бұрын
بقولك يا هندسه لو انت فاكرني انا ال وريتك مشروع دوبيزل أنا حابب اشتغل فريلانسر بس مش لاقي حد يديني مشاريع ممكن نصائح
@webDevDiaries8 ай бұрын
فاكرك ياهندسة شغلك كويس جداً .. الموضوع محتاج صبر وانك تقدم على مشاريع فريلانسر كتير كل يوم
@yousefatef42854 ай бұрын
هو خريج علوم الحاسب يشتغل ايه في دول
@webDevDiaries4 ай бұрын
يقدر يشتغل كل دول بس حسب كورساتو
@techtalk14558 ай бұрын
في فكره فيديو ممكن اكتر التراكات اللي عليها طلب سواء front أو back كده يعني
@YahyaShafiq-zu8ut8 ай бұрын
لو سمحت ان كنت عايز اعرف هو لو ان اشتغلت ك فريلانسر لمدة 3 سنوات و عملت مشاريع ف هل ده يحتسب خبرة عند تقديم لي اي شركة
@webDevDiaries8 ай бұрын
بعض الشركات مش بتعتمد عليها ودى اللى هى عايزة عبـ-يد من الطراز الرفيع فإنت مشتغلتش عبد قبل كدا مش حينفع لكن الشركات الكويسة حتعتمد الخبرة دى عادى خالص
@tetoteto19467 ай бұрын
ايه مواقع العمل الحقيقة اللى ابحث فيها اللى ممكن الاقى فيها وظائف العمل عن بعد دى ؟؟؟
@webDevDiaries7 ай бұрын
وظف و linked in
@mariamosamamohamedabdelmak64138 ай бұрын
هوا مجال السايبراني في مصر لحد فريش اخباره ايه في مصر واسكندرية بالأخص
@webDevDiaries8 ай бұрын
مش عارف الصراحة اسكندريه تحديداً وضعها اية بس لو بشكل عام مجال كويس جداً
@ibrahimahmed-p7z8 ай бұрын
حضرتك ممكن تقولي مجال الشبكات و الامن السيبراني كل الناس فيه حرفيا بتقول ان مش مهم خالص تكون خريج هندسه او حاسبات و عادي بس حضرتك قولت الشغل فيه صعب مدام مش خريج هندسه و حاسبات فا انا مش عارف انا حابب المجال بس مش خريج هندسه او حاسبات بس المجال شاددني اوي وسني 24 سنه فا عايز اعرف نصيحه حضرتك ليا هل كده تمام ولا انا متاخر ؟
@webDevDiaries8 ай бұрын
السن مناسب جداً لكن المشكلة فى الشهادة انا بردو عند كلامى انها مهمة فى المجال دا تحديداً
@متوليعبدالعال-خ3ف7 ай бұрын
انت ممكن تاخد شهادات مهنية والشهادات ديه هتفيدك كتير في المجال بس رسومها عاليه هيا مش عالية هيا مولعة
@blablabla123566 ай бұрын
لا متأخر اوى
@youssefelshahawy76233 ай бұрын
ارقام ضعيفه جدا الي بيقيل اقل من 10000 غلطان و ديه قلة وعي ولازم يبقا فيه وقفه او عدم قبول اي وظيفة اقل من كده و لازم يحصل تغيير في الموضوع ده
@webDevDiaries3 ай бұрын
ياريت فعلاً والله
@AhmedKmal-m3p2 ай бұрын
بعد اذن حضرتك ممكن تقولي اي هي المجالات الغير متشبعة في المجال وهل شات جي بي تي هياثر علي البرمجة وكتابة الكود
@webDevDiaries2 ай бұрын
الذكاء الاصطناعى مش حيأثر زى ما وضحنا فى الفيديو دا kzbin.info/www/bejne/bWbFap9jjK1_ecU اما بالنسبة للمجالات اتكلمت في الفيديو دا عن التفاصيل kzbin.info/www/bejne/qKbci5V_iLeimrM
@islamelsholqamy68348 ай бұрын
طيب بالنسبه لفرص العمل في فرص عمل ولا صعب ايجادها ؟ تأثير الاعداد الكبيره ال بتدخل المجال ؟
@webDevDiaries8 ай бұрын
بشكل عام الاعداد مؤثرة بالفعل على بعض المجالات وليس الكل
@ahmedessam40047 ай бұрын
لو سمحت بالنسبه لطبيعه شغل المبرمج .. هل الشغل بيكون يوميا كل يوم .. واجازه يومين ؟؟ والشغل بيكون كام ساعه فى اليوم ؟؟ الهو مثلا من 10 الصبح لحد 6 ... الهو حوالى 8 ساعات كل يوم .. ؟؟ وهل الشغل البرمجه بيكون ضغط نفسى رهيب وبيكون الشغل مرهق ولا البرمجه بتكون حاجات بسيطه ؟؟فمثلا الكول سنتر معروف انه صعب وضغط نفسى رهيب ومش اى حد يتحمله ؟؟ فهل البرمجه كذلك
@webDevDiaries7 ай бұрын
الشغل كل يوم اة وفى بعض الشركات 6 ايام بالاسبوع .. المفروض 8 ساعات او 9 ساعات وساعة بريك بس الواقع بتقعد لحد لما تحل المشكلة حتى لو 10 ساعات متصلة عادى .. الضغط النفسى عالى جداً خصوصاً لو بيئة العمل فى الشركة مش افضل حاجة لكن لو بيئة مريحة وتيم كبير مش حتحس بالموضوع دا اوى .. الخلاصة ان اللى بيفرق فى الموضوع دا هو الشركة نفسها وبيئة العمل وحتكلم عن تفاصيل الموضوع دا فى فيديو قريب ان شاء الله
@محمدصلىاللهعليهوسلم-ش5ش3 ай бұрын
مع احترامي الكامل لحضرتك بالنسبة للسعودية المرتبات اقل بكثير من اللي ذكرته
@mohamedelhossiny46343 ай бұрын
مينفعش تدمج ال IT والشبكات مع ال Cyber security الاتنين مختلفين في الرواتب وفي فروق كبيرة بينهم وبالاخص في ال IT المرتب ضايع جدا بتلاقي ناس فيه خبرة 19 سنة ولسة بتاخد 15 و 20 الف وال Cyber security اعلي وافضل والبداية فية من 8000 ولو خبرة سنتين وثلاثة بتطلع ل 20 الف بسهولة ولما تدخل في 5 سنين خبرة تعدي اكتر بكتير بتوصل ل 40 الف ولو خبرة اعلي من 5 سنين بتعدي الرقم دا بكتير لأن اللي بيعين تيم سيكيورتي اكيد مكان كبير ومرتباتة بتبقي عالية
@prof51978 ай бұрын
يهندسه انا عندي فكره كده أن الناس مش هتحتاج مواقع بعد كده كتيره لانه الصراحه كل حاجه وليها الويب سايت بتاعها دلوقت هل الفكره دي غلط
@webDevDiaries8 ай бұрын
لا عادى مع كل نشاط تجارى او صناعى جديد بتحتاج ويب سايت جديد دا بخلاف افكار التطبيقات اللى ممكن تجيلك مع الوقت حاجة زى اوبر وكريم كدا من 10 سنين مكنتش حتتوقع ان فى فكرة زى دى ومن 20 سنة مكنتش تتوقع ان يكون فى سوشيال زى فيس بوك
@AhlamReda-le2tf4 ай бұрын
لو عايز اسافر للسعوديه اشتغل frontend developer magento ايه الشركات اللي اقدم فيها نصايحك لاي دوله عربيه
@hossamnasser80525 ай бұрын
حضرتك انا لسا طالب كليه حاسبات ولكن عندنا اختيار التخصص من اول سنه والتخصصات المتاحه سايبر سيكيورتي وذكاء اصطناعي انا لسا مفيش خبره اني اختار المجال المعين مع العلم هيبدأو دراسه تخصص من سنه تالته اكلم ناس ذكاء يقولو افضل طبعا وهكذا مع سايبر وناس تاني تقولي اختار اي تخصص وبعد التخرج شوف انت عايز اي انا تايه خالص ومتعقد جامد جدا ارجو الرد ازار اختار
@YahyaShafiq-zu8ut8 ай бұрын
لو سمحت ان بفكرة اشتغل فريلانسر ممكن ترشحلي منصات شغل فريلانسر
@webDevDiaries8 ай бұрын
freelancer upwork khamsat mostaql people per hour
@hassanelsayeddiab78228 ай бұрын
هي الارقام الي انتا بتقولها في شركات المنصورة تقريبا يا اما السوق المصري ضرب خلاص
@webDevDiaries8 ай бұрын
لسة فى شركات فى القاهرة بالارقام دى بس خلال الـ 6 شهور بالفعل حتزيد ودا متوقع وعشان كدا قولت الكلام دا فى الفيديو انها قريب خلال 6 شهور ممكن تضرب الارقام دى x2
@mahmoudabdellatif46018 ай бұрын
هو لو معايا ماجستير في علوم البيانات(data science) وقدمت علي شغل برمجة او امن سيبراني تنفع في متطلب cs or related field انا عارف اني اعرف اشتغل في مجال الذكاء الاصطناعي بيها لكن عايز اعرف دي خيارات مفتوحالي ولأ لاني عاملها من تجارة قسم احصاء
@webDevDiaries8 ай бұрын
دى حترجع لكل شركة وتقييمها حسب الوضع
@mahmoudabdellatif46018 ай бұрын
@@webDevDiaries يعني في شركات بتقبلها
@webDevDiaries8 ай бұрын
@@mahmoudabdellatif4601 اة ممكن عادى ان شاء الله
@ibrahimhafez80068 ай бұрын
حاسك مزود مرتبات السعوديه حبتين, هي اكتر فعلا من مصر بس لو بتقبض بالدولار مش هتاخد ما يوازي الارقام دي يعني اعتقد beginner ما يوازي 20 الف و mid level ما يوازي 50~60 و سينيور اعلى بقى على حسب الخبره
@webDevDiaries8 ай бұрын
دا متوسط المرتبات فى السعودية طبيعى وسمعت ناس سعوديين الجنسية متضايقين اصلاً من الارقام دى وبيعتبروها قليل فا دى متوسطات طبيعية
@ibrahimhafez80068 ай бұрын
@@webDevDiaries ممكن لو هم سعوديين بس انا قصدي لو حد مصري هيشتغل ريموتلي فغالبا بيكون اقل كتير
@webDevDiaries8 ай бұрын
@@ibrahimhafez8006 ممكن اقل بس مش كتير اوى
@mohamedelroomy43618 ай бұрын
الاحصائيات بالنسبة للتيستنج خطأ خالص المرتبات فيها احسن بكتير من ما ذكرت
@webDevDiaries8 ай бұрын
مش عايز ابشرك واصدمك إن خلال الشهر دا المرتبات كلها اتضربت فى ٢
@abdusuf5237 ай бұрын
@@webDevDiaries يعني المرتبات زادت ؟
@youssefabdo13708 ай бұрын
طيب انا بعد السبع سنين خبرة ايه الوضع مفيش شغل للخبرة دي ولا ايه
@webDevDiaries8 ай бұрын
هو الشغل بيبقى اقل لأسباب معينة تانية بس لو متاح لا اضرب الارقام دى X3 وللعلم كل الارقام اللى فى الفيديو الشهر دا بس بقت X1.5 لـ X2
@youssefabdo13708 ай бұрын
طيب ياهندسة انا من اهدافي اني اشتغل ريموتلي مع شركة اوروبية او امريكية فانت تنصحني بدوت نت ولا نود
@webDevDiaries8 ай бұрын
@@youssefabdo1370 node or python
@alial-faqi6 ай бұрын
أنا عامل كارير شيف من طب أسنان والحمدلله أشتغلت ، بالنسبه للشهادة هل هحتاجها لو عايز أسافر ، ولو هحتاجها ايه اللى اقدر اعمله عشان احصل على شهادة computer science او شئ يناظرها
@mostafazaki71065 ай бұрын
حبيبي خليك في طب الاسنان اسمع كلامي يا حبيبي اياك حد يضحك عليك ويقولك المبرمجين رواتبهم اعلى من دكتور الاسنان مفيش الكلام ده انت دلوقتي هتاخد يجي اربع سنين علشان تبقى مبرمج كويس وتاخد فلوس كش كويسه اوي ولكن عادي يعني انما دكتور اسنان هتشتغل بكره ومرتب عالي فهمت يا حبيبي ربنا يسهلك امورك انا زي ابوك واتقبل كلامي بصدر رحب
@salmarabie3393 ай бұрын
معلش يا دكتور حد رد عليك عشان انا نفس الفكره اسنان ودخلت فى ال web development وعايزه اعرف كويس اكمل ولا هيبقى مقتصر على خريجين حاسبات
حرفيا المجال دا عشان تكسب منه فلوس حلوه لإيما تشتغل من مصر بس تكون شغال لشركة بره مصر . او انك تسافر وتشتغل بره . وفي الاخر برده احب اقول ان دي ارزاق ، وميتأسي كمل واتعلم ورزقك عند ربنا هتاخده لو إلي حصل 💌👍🏼
@webDevDiaries7 ай бұрын
جبت الخلاصة والله ياهندسة
@islamayman23798 ай бұрын
حرفياً قفلت من مجال البرمجه ده يابشمهندس يعنى اي اتعلم سنة او سنتين اتعلم 24 ساعة في اليوم ويطلع عينى وفى الاخر اخد 5000 مستحيل حد يوافق بالكلام ده اول اما اسمعت الخمسه قفلت الفيديو . الخمسة دول حوالى 100دولار . ده اسمه استعباد مش شغل برمجه يا هندسه .
@webDevDiaries8 ай бұрын
مانا عمال اعمل اصوات كراب.ـيج ومطلعلكو نار فى شركات لسة بتعمل الوساخة دى خصوصاً للفريش عارف لو بقيت خبرة حتقدر تاخد ارقام كويسة لكن الفريش بيتبهدل كتير عشان كدا لو حابب المجال حاول تتجة للفريلانسر
@AymanAlyaser8 ай бұрын
يا غالي ده عشان انت لسي بتتعلم حتي لو سنه بتتعلم ده مش كفاية لكن اصبر وهتاخد اللي ربنا مقدره ليك وفي الاول والاخر ده رزق ربنا ليك سواء صبرة او لا ده رزقك اسعي وخد بالاسباب
@islamayman23798 ай бұрын
@@AymanAlyaser شكرا يا صاحبي على كلامك. بس انا بتكلم على مبرمج محترف متأسس ب ++C , Data structure, Algorithms, Problem solving مش مجرد حد عارف HTML, CSS ,JS ازاى يأخذ خمسة. شوف المرتبات بره عامله ازاي وهتعرف المرتب ده مش منطقي انا كواحد بدرس بقالى سنتين وكمان هشتغل Full Stack بتقنية دوت نت + انا مش رايح اتعلم في شركة انا هاخد خبره زى ما Mid-level و Senior بياخد . الموضوع مش موضوع خبره فاقصدها فلوس لو كده Senior مش مفروض يأخد مرتب لانه لسه قدامه خبره كتيره زى Solution Architect هى صحيح تدرج لكن مش معنى ذلك انك تشتغل ببلاش لحد اما توصل خبره خمس أو عشر سنوات.
@ahmedelkomy13647 ай бұрын
@@webDevDiaries لو سمحت فرص iOS في سوق العمل سمعت انها شبه معدومة و كمان مرتباتهم كام
@webDevDiaries7 ай бұрын
@@ahmedelkomy1364 لو IOS لوحدو كدا اة فرص قليلة صح لكن مرتباتهم مش قليلة يعنى ممكن تبدأ بـ 15000 جنية
@ahmedkhaled44888 ай бұрын
كلام حضرتك صح يا بشمهندس بس اظن ان في غلطه في مرتبات امريكا و اوروبا انا بشوف مرتبات امريكا خاصه في ال software engineering لو خبره ٣ سنين بتبقي من ١٢٠ الف وانت طالع ده طبعا قبل الضرايب و امريكا اكتر بلد بتدفع للمبرمجين عكس اوروبا . و اوروبا تقريبا متوسط رواتب النبرمجين من ٣٥٠٠ ل ٨٠٠٠ دولار مظنش انها بتزيد عن كده + ضرايب اوروبا عاليه بتوصل ل٥٠٪ عكس امريكا
@webDevDiaries8 ай бұрын
120 الف سنوياً خلى بالك من الكلمة دى اوى عشان مش عارف اشمعنى امريكا تقول سنوى مش شهرى يعنى 10,000 شهرياً وبردو مش فريش بيقدر ياخد الرقم دا
@ahmedkhaled44883 ай бұрын
ايوه يا بشمهندس انا بقول لحضرتك أن المرتبات في امريكا بتبدا من 10000 دولار لو انت خبره 3 سنين او اكتر يعني في أواخر مرحله الجونيور و بدايه مرحله السينيور غير بقي كل لما عدد سنين الخبره بتزيد الرواتب و الاستوك بتزيد و ممكن توصل لحد مليون و اتنين مليون في السنه لو انت معاك من 15ل20 سنه خبره وطبعا الارقام دي بتبقي صعب ان الواحد يوصلها في أوروبا يعني الخلاصه أن لو لسه في الاول لحد 5او6 سنين خبره المرتبات يعتبر شبه قريبه بين امريكا و اوروبا انما كل لما بتتقدم في البوزيشن الارقام بتروح لصالح امريكا، انا شوفت فيديو واحد كان بيقول أنه شغال بقاله 12سنه سوفت وير انجيرنج في لندن و بيقبض 98 الف جنيه استرليني في السنه اظن لو نفس الشخص ده في امريكا مرتبه مش هبقل عن 500ل600 الف دولار بالاستوك واظن أن المرتبات في امريكا كبيره بسبب موضوع الاستوك يعني ممكن يخلي المرتب السنوي 100الف و تاخد ستوك بنص مليون و موضوع الاستوك ده مش منتشر في بلاد أوروبا عشان كده الفرق كبير في الرواتب وطبعا الارقام دي متغيره بشكل كبير في امريكا وبتختلف حسب الولايات و المقاطعات اكيد منطقه زي السيلكون فالي مرتباتها مش هتبقي زي سياتل مثلا حتي لو نفس الشركه
@tetoteto19467 ай бұрын
ايه الافضل ال full stack ام flutter
@webDevDiaries7 ай бұрын
باك اند و flutter
@Mahmoud-MAG8 ай бұрын
السلام عليكم ي بشمهندس. ممكن اعرف منين جبتك ارقام المرتبات؟
@webDevDiaries8 ай бұрын
المصادر موجودة فى اول الفيديو وللعلم الرواتب دى فى مصر ذادت 50 لـ 100% يعنى الضعف فى بعض الحالات من وقت تسجيل الفيديو