حقيقة شركة نورس ستار . هل تستحق الحمر هذا السعر ؟؟

[@marwa86]

للاسف دائما يستهدفون الطبقه البسيطة و بس يصعدون براسهم ينسوهم تماما

[@وداعااميوابي-س6ش]

اي والله صح

[@purplllecrystalll]

لو تبقى اخر حمره موجوده مستحيل افكر اشتريها لان اكو بدائل افضل وارخص ماحب الاستغلال.

[@A-ghofran]

حرفيا ❤

[@ayazedan3337]

واخيراااا كلام منطقي وواقعي ومابي انحياز ومصداقيه رهيبة اتفق وياك بكل كلمة

[@ayazedan3337]

هاي شنو صرت مشهورة تعليقي محصل ٢٣٠ لايك لالا اروح افتحلي قناة 😂

[@rzan3525]

​@@ayazedan3337305✅

[@tesermohamed9543]

صح بالضبط جانت قريبه من البنات بنسبه ٩٠% .ومن كلنا لها سعر الحمره غالي بالنسبه النا جاوبت الحياه مو عادله ههههه اشياء الراقيه ماتكدرون تشتروها وحتى شخصيتها تغيرت للاسف بدت تهتم بالماركات

[@mf8_11]

😮😮😮 هيج كالت الحياة مو عادلة ؟ طبعا البشر عنده قاعدة ع غيري حرام وعليه حلال

[@koka44559]

اني جنت متابعتهه من بدايتهه وجنت اكول بس نورس متتفيك وطبيعيه بس شويه شويه كامت تتغير من بدت تسوي الحمر مالتهه تغيرت وحسيتهه صارت استغلاليه ومصلحجيه وتطلع مواضيع قديمه تخصهه حتى تكسب تعاطف المتابعين وتكسب محبتهم وهيه اثناء تحضير الحمر مالتهه وجانت دائمآ تكول اتمنى اسوي حمر تصير بجنطة كل بنيه دخلهه محدود والكل يكدر يشتريهه ومااسوي حمر غاليه وجانت تنتقد المكياج الغالي وتنزل بدائل ارخص للمتابعين تكول لان ادري البنات ميكدرون يشترون غالي ! وحتى هيه بنفسهه جانت تستخدم ارواج بسيطه واسعارهه عاديه ومن نزلت الارواج مالتهه طلع الوجه الحقيقي تكول المواد والتصنيع غالي وادري مو الكل يكدر يشتريهه واني كتبتلهه وين راح كلامج وكذا وكذا واريدهه تصير بجنطة كل بنيه عراقيه اكيد انحظرت وهجمو عليه اللوكيات وصار اشهر اني مشايفتهه ولا يهمني اشوفهه لان طلعت مخادعه وكلامهه متناقض مااعرف هيج ناس شلون عدهم وجه يردون ويسوون نفسهم ملاك ومعصومين من الخطأ من واحد يذكرهم بكلامهم ووعودهم الكاذبه وكلامهم المتناقض ! اني بالنسبه الي لو بلاش هم مااريدهه ولااستخدم هيج حمر تعبانه متعوده استخدم براندات معروفه وموثوقه مثل انستازيا كات فوندي فنتي بيوتي وقبل كم يوم اشتريت اول مره لبراند عربي روج نوره بو عوض ، يعني الشي السوته جان صدمه لان اني متأكده هواي بنات جانو متأملين رح تسويلهم ارواج بأسعار مناسبه وتالي ضحكت عليهم وتكول الحياة مو عادله واعرف موالكل يكدر يشتريهه ! لعد ليش كل هالسنين توعديهم بأسعار بمتناول يد الجميع ! ليش مكلتي رح اسوي ارواج اسعارهه غاليه ومو الكل يكدر يشتريهه ؟! بس اكو هواي لوكيات مكبرين راسهه بس اهم شي انكشف معدنهه وحقيقتهه كمت اموت منهه ومااطيق اسمع تفاتهه ولغوتهه صاير عدهه جنون العظمه تركز وتثرثر هوايه ماااعرف شلون تغيرت بسبب الارواج واللوكيات حتى صوتهه وطريقة كلامهه تغيرت المتابعات كبرو راسهه هوايهوكامت تجيهه اعلانات وتلغف فلوس لذالك كامت تتخيل انو هي ملاك وهي شي مهم الفلوس تغير النفوس

[@mf8_11]

@@koka44559 اكييييد اكو لوكيات بكل مكان هذا شي منتهين منه واني اصلا لو اشتري مااشتري حمر نورس واكو منهن ونفس الكواليتي بسعر 8 الف عراقي بس لو ١٠ مو اكثر واصلا هية صعدت براس اللوكيات الها مو حسد ولا غيرة بالعكس احنه نفرح ونفتخر بكل شخص عراقي يطور من نفسه ومن بلده بس مو يصعد براسهم ويستغلهم ويكذب عليهم بالأخير وتكول الحياة مو عادلة هاي عود المثقفة .

[@sea-z7c]

@@koka44559 كلامج صح وياريت تقرأ كلامج وتحس على نفسها فعلا انكشفت معدنها وبيت حقيقتها المزيفة كانت تمثل بالبرائة والتواضع ومن وصلت الي تريدة سحكت على المتابعينها ومحبينها واستغلت محبة البنات من اجل تبيع منتجاتها الفاشلة وكل هذا تغيرت من ناحية اسلوب الكلام وعاداتها ولبسها وحتى صايرة تهاجم الدين ومرة نشرت على الحجاب وصخرت من البنات المحجبات ومن تعلقين وتنطين رائيك بسرعة تحظرك لان متريد واحد يكشف حقيقتها المزيفة وعداوتها لدين على اقل احترمي دينج لوكنج مسلمة واحترمي البنات المحجبات ليش تنتقص من حجابنا وصار عندها التعري ثقافة وتشجع البنات على الحرية المنحرفة هو ليش ابنادم من يسافر ينسى ربة بلة هذا الشي يخصها بس ليش تشجع البنات والمراهقات على الحرية والتعري وليش من ننطي رأئينا تحظرنا وتشجع البنات على السب والتهجم اذا اي بنت علقت باادب اصبحت وحدة سطحية وانتهازية ولهذا ماتستحق واحد يتابعها .وميلام طليقها السابق من يكشف خيانتها وية عصام قبل ماتطلق

[@bmsiraq2222]

​@@sea-z7c مااعرف شلون تصدقون بالبنات الي يسوون قنوات كلهم ترى نفس المعدن بالبداية يسوون نفسهم يحبون راحتكم ومصلحتكم ومن يصير متابعينهم بالملايين يتغيرون

[@mashaklna2022]

تعجبني نورس انسانه طموحه لكن اسعار حمرها مبالغ بيها جدا اضافة انه هي شخص كسول بطبعه وصاحبة مزاج متقلب ،ماعدها اجتهاد عالسوشل ميديا مثل الباقين

[@danyamohammed7376]

رغم كلش احبها بس اتفق

[@hopeisagift5036]

اني من الناس الي تفاجئت بسعر المنتج ومستحيل اشتري لان بصراحة البدائل هواية ومن براندات عالمية مو مغشوشة او كوبي مثل ذة بالم وكاتريس واسنس وغيرهم

[@surooral-qaisi1503]

شنو افضل ماركه حمر ومو غاليه والوانها حلوه وهادئه؟

[@hopeisagift5036]

@@surooral-qaisi1503 ذة بالم مخملية وحلوة تكدرين تاخذين السيتات المني تظل عندج فترة لابأس بيها وبيها كلش هواية درجات كل سيت شكل حسب تفضيلج

[@9liisa]

شگد سعرها عمري؟

[@hopeisagift5036]

@@9liisa السيت بي ٦ قطع ميني أخذته ب١٦ الف بالتخفيضات

[@blossom.583]

​@@surooral-qaisi1503 فارمسي وكولدن روز كلش حلوات والوانهم متنوعة

[@AG-wr3ig]

الماركات العالمية تدفع مبالغ طائلة للتسويق فبالتالي سعر المنتج يكون عالي لكن نورس معتمدة علي شهرتها فقط فلماذا هذا السعر حتي لو جودته عاليه كتير مكياج drug store و جودته جيده و اسعار معقولة

[@ريمريم-ش1ذ6ط]

نورس احنة صعدناهة ونحبهة وجنة ننتضر منتجهة بفارغ لصبر بس من نزل نصدمنة وماشترينة منة مع الاسف عليهة هواي براندات حلوة وسعر 10 الف او 8الف كلش حلوات نورس صدمتنة بل سعر بس الطاكين يشترون منتجهة

[@tbory1]

ترة ٣٢ الف مو ٣٢ مليون شنو بس الطاكين

[@HebaAjeel]

​@@tbory1 عمي روحي عني ال٢٢ حسرة ع العالم لا تصيرين برأس العالم سبورت وكذا

[@rafaarafaa8134]

​@@tbory1ال٣٢ يومية عامل يشتغل من الفجر لليل ويجيب عيشه العائلته

[@noorr_200]

واذا واحد كلها سعر غالي تحضره😂 وانوب شنو واحد ماعنده شغل وعمل حتى يشتري حمرة ب ٣٢ الف يعني اذا نريد نجيب حمرتين يصيرن ٦٤ الف شنو لاكيها بشارع علمود نذبها على حمرتين! على كولتك بس الطاكين او بلأحرى المُبذرين لان الي عنده فلوس ويصرفها على شغلات فارغة يسموه مُبذر 👍🏻

[@janajane1994]

@@tbory1 واذا ٣٢ الف ترى للامانة هواي سعرها اني الحمدلله موظفة وراتبي كلش قوي واشتري ملابس وعطور غالية واكدر اشتري حمرة نورس بس بهذا السعر اروح اشتري من براند عالمي مثلا حمر ماك لا نقاش عليها حمرها كافي عليهن ١٥ الف لان مو شركة عالمية مسويتها

[@Yasminhussien-kj2ze]

اشتريتها من كان عليها عرض وهم من اشوفها وية المكياج انقهر عالفلوس😅حمرة حلوة تصميمها حلو بس والله هواية عندي كولدن روز وميبيلين تسوة راسها بس كلما اكتبلها تعليق عالصفحه مالتها يطلعن المحاميات يدافعون وامسح تعليقي بسبب قلة ادبهم

[@maissessam1660]

خل يولن

[@user-ib7nl]

منو منتبه مثلي ع نورس من شخص ينتقدها اسوي فقره اسئله واجوبه. 😂حتى تكتب من كومنت ثاني .. شفتي فلان اشلون حجى عليج ؟وهي بدورها تبين انو هي الصح والناس غلط انى برايي الولد انتقدها بكل احترام فماله داعي تكول اكو جهل بالموضوع او بحثه مو كافي احنه بدون بحث وبدون مشتره منتقدين السعر 😂

[@AG-wr3ig]

هي دائما هيجي حتي لما انتقدها ابو الاصفر قالت تضرب عصفورين بحجر تثبت انها مو ابو الاصفر لانه انتقدها و ترد علي الانتقاد و ممكن تكون متفقة معه ينتقدها لهاي السببين

[@user-ib7nl]

@@AG-wr3ig فعلا

[@souraalassaf2115]

زوجها عصام ابو الاصفر ترا

[@mieles518]

هي تسوي بين فترة وثانية اسألة واجوبة بس سالفة ادخل بنيّتها واقول هي تجي من حساب ثاني ماتوقع لأن في ناس كذا تتابع اخبار المشاهير وتسأل، نورس إنسانة مثابرة وطموحة بنفس الوقت في لها سلبيات وايد مثل مالها ايجابيات بس مع ذلك نحن مايحقلنا ندخل نظن.💕

[@Aa-wo4bf]

​​​@@mieles518 نورس حبيناها لما كانت بنت لطيفه وتساعد البنات وتسوي فلوكات وروتينات وتتكلم باشياء مفيده وتسوي ماسكات طبيعيه قبل فتره قالت ان الماسكات الطبيعي مو عمليه وتركتها وبالفتره الاخيره وبالخصوص بعد زواجها الثاني صارت تنشر صور ويه زوجها مو مناسبا ولما احد ينتقدها تخلي باقي المتابعات يضحكون عليها وتنصح البنات باشياء مو مناسبه لا المجتمعنا ولا لديننا غير هيج تركت القناة ماتنزل فيديوا الا بين فتره وفتره بعيده فرجاءا لا تقدسوون الناس اكثر من الازم وتشجعون عن متابعتها وهي انسانه متقلبه وصارت متكبره وتنصح الناس بشي وما اطبقه وبالنسبه للحمر مالتها اول مانزلن ب خمسه وتلاثين دولار يعني شكد بالعراقي بالخمسه واربعين الف واكثر والكوالتي مالتها مو جوده عاليه

[@hagerraed5691]

اشتريت الحمره يوم ١٧/٢/٢٠٢٢ بعيد ميلادي لان جانت عاجبتني ، بصراحه المنتج حلو والحمره لحد الان موجوده عندي ومليانه رغم استخدمهه استخدام شبه يومي ، بس ك بدائل ارخص اكوو وكومه نفس الالوان بالضبط ونفس التركيبه ويمكن ثباتهه اقوى ومن ضمنهن حمر گولدن روز السائله ، نتمنالهه كل التوفيق واكيد بمنتجهه الاول لازم تكون رأس مال مناسب حتى تنتج اكثر ونتمنى تكون الاسعار افضل بالمنتجات القادمه 🤍

[@0lo_x2-p4j]

من وين جبتيها ؟

[@widali2890]

​@@0lo_x2-p4j من الوكلاء موجودة اصلية ، ڤانيلا اني اخذ منهم

[@salwaghadanferhikmat5802]

تكون رأس مال مناسب براس الناس ثم هي قناتها بيها ملايين المتابعين وبيها ارباح واعلانات

[@hajerib.5574]

كولدن روز ما بيها ثباتية أقل من المتوسط

[@Moonlight-ys5ob]

@@hajerib.5574 مالتج مو الاصليه لان الاصليه ثابتيه عاليه

[@hebalaw3015]

طبعا اني يمكن من اقدم المتابعات الها وجنت اعشقها وكومه خليت ناس يتابعوها ونصحتهم بيها فاتذكر جان عدها قميص محقق يمكن احمر هيج شي هوايه تطلع بيه فمرة حجت كالت هوايه ينتقدوني على تكرار الملابس واني هذه طبيعتي اني مو من الاشخاص الي يصرفون كومه فلوس على ملابس حتى يرضون الناس ويشوفوهم يوميه شكل اني عادي عندي اكرر زين انتي كبنيه بسيطه ابدايتج ملابسج ماجنتي تصرفين عليها حتى تجمعين وتحققين احلامج ليش تردين من عدنه احنه العراقيات الي اغلبنه بسيطات ومن طبقتج الي جنتي سابقا عليها نصرف هلكد فلوس على قلم حمره شنو السبب بس لان انتي صانعته نورس طلعت انانية لا وكامت تطلع ستوريات شون تدمجين لونين من حمرها حتى يطلع عندج لون غريب يعني بسبعين الف احط لون ع شفتي مع الاسف

[@noorsg9838]

اني هم نفسج اتابعها من زمان كلش ومن شفتها هيجي تغيرت كلش ضجت وابتعدت عنها

[@ZanwshaLelo]

صح كلامج

[@maissessam1660]

خل تولي قفاصة اكبر ماديه حتى لبسهة قبل جان احسن هسه لبسهة مستهتر

[@hadeel4411]

فعلا الشي الوحيد الي يمنعني عن انو اشتريها هو السعر بس صراحه اتمنالها تكون من البراندات العالمية و تستحق هذا السعر اكثر ❤️

[@memejojo6734]

اقسم بالله سعرها بيها من اشتريتها لحد الان مدا اگدر اعوفها

[@ZzZz-mu1jf]

​@@memejojo6734هههههههههههه

[@zahraaahmed1543]

انتي ممجربة شلون عرفتي تستحق هذا السعر

[@hadeel4411]

@@zahraaahmed1543 گلت اتمنى تستحق سعرها اكثر يعني يكون اسم الشركة مشهور اكثر و تشتغل عليها اكثر و گلت هذا الشي حسب التقييم الي بالفيديو بمعنى اتمنالها الافضل ما گلت هي تستحق هذا السعر أو لا

[@aiatjm4343]

عاشت ايدك استاذ ..ابد مااقتنعت انو اشتريها بهيجي سعر لان اكو هواية براندات افضل وبسعر اقل👍🏻

[@مريمعبدالقادر-ل7ش]

برأيي الشخصي: الحُمر كلش زينة وابد متشقق الشفة يعني مثلاً من اكون شفتي متشققه ومالحك اسوي الها تقشير احط حمرة نورس لان تخفي كل تشققات الشفة وهذا الشي كلش مهم + الحُمرة الحمرة مالتها لونها ناري وتنطي ڤوليوم للشفة بس…. السلبي الوحيد اللي بيها مجرد سعرها مبالغ بي وبس والله❤️✨

[@مريموروجين]

شكد سعر الحمره ممكن جاوبين

[@tabarkbasem6252]

@@مريموروجين ٣٣ او ٣٤ الف

[@kambe2760]

٢٥

[@enassami6508]

حمرة كاتريس سعرها اقل وهم متشقق الشفة وحرير ملمسها

[@awward5329]

صح تغمق بعد ساعه

[@duha369]

التركيبة حسب كلامها جيده جدا واهم شي قوامها مخملي مايدبك ويشقق واغلب اللوانها جميله لكن العيب الوحيد عدها بالسعر غالي زياده نفس اسعار الماركات العالمية يعني المفروض نص السعر او اقلها 20 الف يكون

[@rilll.]

بلعكس تدبك وتلزك بلشفه

[@zahraaalmunsry9564]

عندج حمر كولدن روز ،الوان اجنن قوام لطيف ابد مايشقق على البشرة وسعر مناسب 5الالف محقق كلشيء مع سعر مناسب ومتاح للجميع

[@لينافياض-ذ1غ]

اتذكر من زمان اول ماكنت اتابع نورس كانت هي ضد الاسعار الغالية واكو البديل والاحلى ويطي نفس النتيجه بس من نزلت المجموعه مالتها غالية والسعر متكدر بعض البنات تشتري هي سوقت لنفسها الرخيص بدل الغالي واخر شي هي باعت غالي المفروض يكون السعر مناسب

[@09bu6_9]

آنـي شتريتها جانت حَلوه هواي بس ابد متسحق السعر هذا رغم خلصتها وجانت درجتها حَلوه وناعمه ؏ الشفه بس تبقى متسوه نكدر ناخذ حمر فارمسي او كولدن روز ارخص بهواي ونفس الاداء

[@noortariq198]

كولدن روز تخبل وسعرها يخبل

[@09bu6_9]

@@noortariq198 فارمسي السائله بعد هم هواي احسن حَتى منهم كُلهم

[@fati6936]

صراحة حمرها ما بيها شي مميز لا تركيبه و لا الوان تشبه اي حمر من براندات ثانيه و ارخص بهواي ، جربت التيستات و جانت سيئة و ما استغربت من التعليقات السلبيه الي اجتها .

[@mimikidstv4499]

نريد تحجي عن (شاي ميلا) كلش هواية منتشر هاي الفترة نريد نعرف اصلة وفصلة وهل فعلا اسباني ومابي اضرار

[@Baneen583]

حصلتوا عنه شي لو لا

[@rawaaa.mohammed7340]

نقد بناء اتمنى نورس تستفاد منة وثنينكم حبايبنا ❤

[@malakkkar7367]

بس للأمانة جودة الحمر رهيبة مجربه هواية ماركات بس حمرتها تجنن تحسها معالج للشفه مو فقط حمرة وهذا رأيي بكل مصداقية

[@MeMe.alabbasi]

فعلاً جنت متوقعة سعر المنتج حيكون مو اڪثر من عشرة دولار 😅 بس يكولون جوده حلوه و ان شاءالله اذا نزلت بالسعر اجربها❤

[@AG-wr3ig]

الماركات العالمية تدفع مبالغ طائلة للتسويق فبالتالي سعر المنتج يكون عالي لكن نورس معتمدة علي شهرتها فقط فلماذا هذا السعر حتي لو جودته عاليه كتير مكياج drug store و جودته جيده و اسعار معقولة

[@shaymaaf3022]

حبيبتي هيه ال Maybelline بعشر دولارات وهاي شركة شكبرها .. مو اول البارحة طلعت وب٢٢ دولار !!!!!

[@mirna6153]

ابدااا موحلوه اشتريتها وتندمت ومتسوه سعرها بالعاده استخدم كولدن روز ب ٧ الاف وافضل منها بكومه

[@mieles518]

@@mirna6153غريبة خيتي هل اشتريتيها من نقاط البيع اللي مسوتها نورس فالهايلايت؟ لان سمعت ان في وايد تقليد علشان جي اخذوها بسعرها من نقاط البيع اللي مسوتنهم افضل من ان تاخذوها بنفس السعر بس تقليد

[@mirna6153]

@@mieles518 لا حبيبتي مو تقليد اخذت الاصليه

[@dr.shamsridha3088]

هي الحياة صارت صعبه وكلشي غالي يعني حتى اللي عنده وامكانيته زينه هم حرامات يشتري ب22$ قلم حمره واحد،! اتمنى نورس تغير من هالشي ويارب تتوفق ونشوفها ببراندات عالميه جديده

[@sumayaammar8391]

المصداقيه والنقد البناء كولش احب اشوف هيج شي شكرآ ع هايه نقاوه وحب الشغلك يخلينه من صدك انكون واثقين بكل كلمه اتكولها

[@fragrancepassion3240]

💙💙

[@memejojo6734]

كل عقلكم دتحجون يعني صدگ مصدگين بي انتوا؟؟؟؟؟

[@zozo.888]

اني مشتريه الحمره وتجنن حرفياً من لون وكوالتي بس شويه تطبع مرات وبسسس وحرفيا تجنن وخفيفه جداً على الشفه ❤

[@farahalzaidy885]

بهيج سعر اخذ حمرة براند منتشرة بكل مكان مو تستهدف شعب واحد اي سيطرة نوعية ماعندة ٢٢$ اني ماخذة حمر ايف سان لوران بالبلاك فرايدي ماخذة لانكوم صراحة السعر اوفر وما يسوة ابد واني اي برودكتس احب اشوف تجارب الاجانب عليه والرفيو مالتهم الصادق هالمنتج خمسة بالفرع بامريكا ما يعرفوه حلقة موفقة جدا عاشت الايادي وبالتوفيق

[@mayslayth9597]

مختصر مفيد هي شخصيتها حلوه و بذكاءها كسبت قلوب الكثير من البنات و عدها شعبيه كبيره وعللت اسمها و سمعتها طيبه بالاضافه إلى انسانه طموحه و حبت تجررب و اني احييها على هذا الإنجاز ونفتخر تتوصل اله بنت عراقيه محبه للعمل .. بعد الحمره ثابته مو ثابته بيها قليل او غاااليه اللي يحب يشتري يجرب واللي مايحب لايكرر التجربه واكيد هذا اول منتج الها..انطوها مجال تحصل وتفرح بعملها ومن تشجعوها اكيييد راح تبدع و تنتج الأفضل والانسب.. واشكر لطفك في نقدك و ثقافةالاسلوب وصدقك ❤

[@zoye10]

من اول منزل صدمتني توقعت كلش بسيط ومن شفت سعر عرفت الأستغلال للامانه ومن هالشي حتى نظرتي نغيرت عن نورس لان هي تعرف بنات العراق وحياتهم بسيطة اتمنى نورس تشوف تعليقات البنات وتحاول تغيرر من هالامور

[@زهراءعلي-غ9ظ3ل]

​@كلوفر 𝐂𝐥𝐨𝐯𝐞𝐫 اكلي خرا معليج

[@nooramuhsin9794]

انا همين الصراحة جنت كلش احبها ومتابعتها بشكل يومي بس من حسيتها تغيرت وبدت الاستغلال لغيت المتابعة ومجاي اكدر اشوف فيديواتها بعد حسيت اكو تناقص بين الكلام والفعل

[@zoye10]

@@clover071 لخاطر الحمزة انتو شدخلكم وشعليكم معاجبكم الكلام سوو سكب وفضوها يعني مو لازم كلنا نتملق ونصفق للمشاهير كلنا عدنا اراء مختلفه ونحجي الي يعجبنه بدون اي تجاوز خلاااص كافي

[@arsenlopen2467]

@زهراء Z اختي تكول بامريكا المنتجات الي توصلنا عادي بسبب أنه المنتج الاصلي غالي وللاسف بمتناول بس الغني ببلدنا . والمنتجات الي توصل عادي. تريد شي بفلوسك العندك يعني مال بالف دولار اشتري شي مايسوة

[@zahraa-p1h]

بس البنيه تعبتت عليه لمده 4 مدري 5 سنوات تسوي بيه. فا اكسد مراح تسويه ب3 الف صح الشعر مبالغ بي بس اكو. اغلئ من هيج

[@asraaaltememy7746]

حلو احلى شي من انت تتكلم عن شي وانت دارسه وفاهمه مو مجرد داتعرض فيديو حتى تحصل مشاهده او تسقيط يعني نتابعك ونثق بفيديواتك واحنه مغمضين احييك

[@zan4112]

خلاصة المنتج هل يستحق ام لا ؟ كزبونه ومتابعة سابقة لنورس واشتريت البكج كامل بصراحة ابد لا ميستحق ، كثباتيه الحمر لا ، كمية المنتج قليلة الحمر الوانها تكلب على البشرة مع العلم بشرتنا بيضاء ، السعر جدا مبالغ بي كشركه غير معروفة ومقارنة ببراندات عالمية . بين قوسين ( تقفيص ) .

[@sarahissam2892]

بالعاده ما اعلق عالسوشال ميديا ابدا بس بصراحه حضرتك تستحق كل الاحترام والدعم

[@fragrancepassion3240]

💙💙

[@reemreem4353]

لو اموت ما اشتري حمرة نورس بهذا السعر، فعلا هي بدأت مشوارها بزيت جوز الهند وقشور البيض ودم الغزال الى ان صعدت براسنا تالي فاجأتنا بالسعر الغالي، هي وشمس وغيرها وغيرها، لا هي ولا شمس ابد ميسون هجايا ع الاقل تقدير للمتابعين اللي وصلوهم فوق النخل.

[@وردجوري-م3ن7ي]

انه هم احب نورس واقدر جهدهه عالمنتج بس الصراحه سعره مبالغ بي استغلال للناس اللي تحبها وشهرتها بس اكيد هي ماجابره احد ياخذ منه لذلك حتى لو عندي ماشتريهه اكو هواي بدائل ارخص والله يوفق الجميع

[@زينبعلي-ذ7م]

دوم العراقيين يسافرون يسوون ماركه يبيعون بالعراق وبسعر غالي كلش بالنسبه الي حمرة كولدن روز بـ5 الالف تجنن 😂

[@afnan4044]

انتبهت كووومه مشاهير جانو بغير دول محد معبرهم يجون للعراق يطكون براسهم

[@زينبعلي-ذ7م]

@@afnan4044 ولحد هسه اغلبهم سوو ماركات وبالعراق يبيعون وبسعار غاليه كلش استغلال هذا صحيح باوربا محد معبرهم

[@Zozo-ej5wj]

اني نصدمت صدمه مو طبيعيه بسعر الحمر وحته من سوت عليها عروض هم غاليه اكو هواي بدائل ارخص و بجوده زينه اولهم حمر فارمسي واذا شتريتها بالمستقبل بسبب حبي ل نورس يعني اشتريها بدافع العاطفه مو لان هيه حمره زينه

[@saja640]

ملخص الكلام المنتج و الشركة فاشلة و مشت ع كم بنية قشمر ... لان اكو هواي بدائل ماركات زينة و معروفة مثل مايبيلين و كاترس حمرها تخبل و اسعارها ماتتجاوز ال١٠ الف و ال٨ الف..تالي تجي نورس خانم توهة مفتحة شركة و كوة ممشية الامور و تطلع فلوسها براس الزواج...

[@userno695]

اني اشتريت حمرتين bookworm و genuine الالوان حلوة وتختلف حسب لون البشرة فهذا الشي عادي هي مو كلش تشقق الا اذا جانت الشفة ناشفة و شوية تروح عند الاكل احس عادي وبالنهاية هي حمرة حالها حال الحمر البقية طبيعي تشقق مرات او تنمسح اذا دتاكلون اكل دسم وصراحة حبيتهم لتن ملمسهم ناعم والوانهم مختلفة اضيف انو اشتريتهم عالتخفيض وهو الوحدة ب٢٥ يعني ثنين ٥٠ لا شفت سعر الوحدة بدون تخفيض عالي مقارنة لحمرة ٣٢

[@fatimahal-sudani]

اني وحده من البنات اللي تحب نورس و تقدرها بس اذا اريد اشتري اروح اشتري حمرة ميبلين ثابته و الوان حلوة و ماركة معروفه و نص سعر حمرة نورس 😊

[@وردجوري-م3ن7ي]

كلش نقد مرتب وصحيح 👌🏻

[@fa_koo2.9]

كلامك منطقي واقعي كلش صح اني احبها ومتابعتها من 2018 ومخطر ابالي حيكون سعر مبالغ بي صح تعبت وصنعتة وصلته بس مو للكل + سعرة المفروض يباع عالميا اما اذا ع مستوى العراق فقط المفروض يكون ارخص ❤

[@Almusawer5]

كلامك كلش حلوه و جميل و احلى شي الناس تفهموا وحبوا مصداقيتك و اسلوبك و انتقاديك و هذا شي كلش حلو و كل الاحترام و التقدير للتعب الي تقدمه ❤

[@erokakurdish9972]

صح كلامك الانسان يبدأ من الصفر والبداية تكون صعبة فمن الطبيعي تواجه اخطاء وصعوبات بي نورس انسانة ناجحة وصادقه

[@zainababed]

إنسان مثقف و محترم اشتركت بقناتك حتى أعرف المنتجات الاصليه و شنو سلبياتها و إيجابياتها لن ما عندي أي خبرة بالمكياج

[@fragrancepassion3240]

💙💙

[@tot4]

اني بالنسبه الي اشتريت منها ٣ الوان كلش حلوه الالوان وثابته وناعمه كلش ع الشفه حرفياً تجنن

[@JoJo-rv2nq]

ملخص الحلقة المحترم يحترم حتى لمن يخطا او يخفق ببعض الاشياء وبالفعل كان الوصف للمنتج بالحلقة بكل مصداقية و مقنع لكل الاطراف الي يحبون نورس والي ماحبو منتجها وكوني انا من محبين نورس ومن متابعين محتوى احمد الطائي أأيد كلامه و اتمنى من نونو تشتغل ع المنتج اكثر بالايام الجاية من ناحية الترويج والاعلان واكيد كلنا نتمنى ونفرح لما نشوف بنت عراقية ناجحة و منتجاتها منتشرة بكل مكان وفي متداول الجميع بكل العالم بس لو شوي تراعينا بالسعر 🥲😁

[@fragrancepassion3240]

💙💙

[@كراركرار-ن2خ2ط]

ششسس

[@بدوناسم-ع2ف]

مقنع لكل الاطراف😂😂 ادري انتوا تعبدوها عبادة هو اهم شي يكول رأيه بالمنتج مو ضروري اليحبوها يقتنعون او لا

[@fafamon114]

احسن حمره هي حمره سحريه ذهبيه قديمه ام ربع صارلها ١٠ سنين عندي وحتى حمرة خدود وثابته وتخبل ومااغيرها وباودر سمر كيك هو فاونديشن وهو باودر وبودره تاج وقلم كحله هذني احلى مكياج وصحي وثابت ومابي اي خسارة ربح

[@ayazedan3337]

متوقعه الحلقة نار واكيد مصداقية فووول

[@fragrancepassion3240]

💙💙

[@نور-س6ش5غ]

حتى لو كانت جودة الحمره زينه لكن سعرها أوووفررر يعني كلش غاليه بالنسبه الحمره للشفاه

[@shaimaaismail1592]

بصراحة احترامي الك زاد اكثر شكرا لمصداقيتك❤ صح اني من متابعين نورس واحبها بس فعلا نفس الملاحظات الي في بالي بخصوص المنتج وان شاءالله الله يوفقها وتشتغل اكثر على شركتها ونشوفها تضاهي الشركات العالمية ❤ ❤

[@fragrancepassion3240]

💙💙

[@زينبالخالدي-ب3و]

الحمر احسن من العدسات مالتها ، عدساتها كلش مو مريحة متندمة اشتريتهن بس الحمرة حلوة

[@su.7ussain]

اول مرة اشوفه للولد كلامه كلش مرتب و كان تقييمه منصف حتى النقد كان بشكل راقي

[@fatinmohamad4707]

بصراحة اني اشوف نورس ستار بخيلة تجاه ترويج منتجاتها مثل العدسات ظلمتهم ظلم كبييير بطريقة تصوريها الهم هي عارضتهم والصور بالتلفون ماخذتهم ومابيهم اي جمالية او كواليتي يشجع الزبونه تشتريهم 😢

[@shagaf9]

نقد من انسان واعي ومثقف بدون تهجم او تجريح عاشت ايدك واستمر ربي يوفقك 💙🦋

[@غزل-ع9خ]

اني من متابعين نورس من بداياتها واحبها وحبيت طموحها ودخولها بهذا العالم الي يخص الميكب وفكرتها انه تكون براند خاص بيها لذلك اشتريت الحمر مالتها وجنت متوقعه اشوف شي جديد ومميز بس للاسف كثرة الكلام والمدح والمبالغه جانت مسوية المنتج فد شي خرافي بينما هو شي عاادي جدا من ناحية الالوان والثباتية ف اذا اريد اصرف هيج مبلغ ع حمرة وخاصة عدنا بالعراق يطلع تقريبا 32 الف دينار ف اصرفه ع براند عالمي معروف واله بااع طويل بهذا المجال اما حمر نورس حسب تقديري الها مشابهه لانواع الحمر الي سعرها ممكن 8 الاف دينار كلش كافي

[@user-vc2oi9rs9t]

صح اني شتريت اصيلة نفس لحالة واليوم لغيت متابعه الان ضجت من لبسها متقدر كونها مسلمة

[@22rin88]

​@@user-vc2oi9rs9t صح لبسها هواي متغير

[@user-vc2oi9rs9t]

@@22rin88 داخلين على الله حتة مصوم رمضان العام رحت جم برمضان يعني لو علية دورة عادي تفطر بس جم ف هية تغيرت واني مادعم شخص يعوف دينة ودين مو حرية شخصية واجب

[@22rin88]

@@user-vc2oi9rs9t والنعم منج ومن اصلج والله يوفقج صح هي هواي ابتعدت عن دينها

[@22rin88]

@Hassun أن بعض الضن اثم ترا ابد ما قصدت اي اساءة للمسيح بس على شغلة اللبس والحجاب بالنسبه للمسيح براحتهم شيلبسون يلبسون مو مثلنا احنا المسلمين واجب علينا الحجاب وضروري نلبسه ورجائا بعد لتتدخل بنية شخص ابد مو حلو هالشي هاي عود انت مسلم والمفروض تعرف انو ديننا الاسلام يريد من عدنه نأمر بالمعروف وننهي عن المنكر يلا توكل

[@HanenAlii]

جيت من ستوري نورس ،انصدمت بالرقي والابداع والمصداقيه بهذه القناة صار ساعتين بس اتفرج فديواتك وبنفس الوقت مصدومة ب اسلوب نورس واحب اوجهلها رساله اذا دتشوف تعليقي لان اكيد حتقرة كل التعليقات ،نورس ارتقي من احد ينتقدج يختلف عن من احد يسقط بيج هالشخص محترم وراقي وكلامه عين العقل حاولي تستوعبين انتي شسويتي بهاي الحمرة وشكد المسافه اللي صارت بينك وبين متابعينك بسببها للاسف الحياة مو عادلة مثل ما نورس تكول والا كان لازم تكون انت صاحب ملايين المتابعين بهذه القناة اشكرك استاذ احمد على هذه القناة الاكثر من رائعه

[@fragrancepassion3240]

💙💙

[@mamin8army770]

شنو كتبت نورس عالفيديو؟

[@dhulo352]

شنو جان رد نورس ؟ شكالت ؟

[@memamema771]

عندي فضول اعرف ردهة شنو

[@duaayousif8536]

صح كلامك ١٠٠٪؜ اني صراحه اشتري حمرها لان خوش كوالتي ولان متمكنه بس ينراد تهتم بشركتها اكثر تسوي منتجات مناسبه او احجام صغيره سعرها انسب اتوقع صار سعرها هيج حتى تطلع فرق الخسارات السابقه بس فعلا شركه بسيطه ينراد مختصين سوشيل ميديا ترويج فريق مبيعات مختص فريق يخطط للمنتجات الجديده تجيب اختصاصات يشتغلون وياها مقارنه بالمبيعات الي دتصير ماكو اي تحرك او على الاقل تسوي فريق مثل مينا صغير ويتحرك حتلو بخطوات بسيطه واذا على الفلوس ماعندها ومتريد تدخل شريك تكدر تاخذ قروض لازم تتخذ خطوات جريئه حتى تنجح بشغلها

[@ali.98mh]

اني ماعرف شي بعالم المكياج بس كوني احب واحترم نورس ستار اولاً لان هي بنت بلدي وثانياً لان هي انسانة ناجحة ✨ فااا ماعتقد نورس تعبر عليها بعض الاشياء الي ذكرتهن ♥️✨

[@sonya1987-hw9hv]

مثل شنو يعني ماتعبر عليها الكلام مال فديو كله واضح ونقاط ملموسة بالنسبة النه ك متابعين

[@nak7772]

هو لان ما تعرف هيج تگول

[@M.L88]

عاشت ايدك والله حجيت الي بقلبي من زمان اني كمتابعه لنورس لان تنطيني بدائل رخيصه فاكيد مرح اشتري حمره ب٢٢$ و المقوله المشهوره لا تنهى عن خلقاً وتأتي بمثله عاراً عليك اذا فعلت عظيم يعني هيه تحثني اشتري ماسكرا ب٥ الف وتكول هيه مفعولها ممتاز وبعدين تكلي اشتري حمرتي ب٣٥ الف

[@Almousawia90]

خوب كيكو باقل من سعرهه وتخبل طبعا مشتريتهه جربتهه فقط بلمول باربي عبالك زبد مو حمره وريحتهه تخبل لونهه

[@Sabaaak]

كيكو الي بيها كلوس انا عندي منها بس الكلوس يروح بسرعه يعني مالي مو اصلي؟

[@rawansalah2442]

الصراحة اني اشوف كل فديواتك، حسيتك انحيازي نوعاًما بهذا الفديو لان كلنا نعرف انو اذا رحنا دراگ ستور راح نشتري بسعرها ٣ حمر من ماركات معروفة والها باع جبير بالسوگ وهي عايشة بنص هذا السوگ وهاي الحمر الي بالدراگ ستور متصنعه باأميركا ومصروف عليها طن فلوس ماركتنك وطرق عرض ومرچنتايزنك بالاسواق هي چان حكمت ضميرها وباعت للبنات الي همه چانو سبب وصولها الهذا النجاح الي هي بي حالياً، وملينت من وراهم بسعر معقول ويفرحون بي ويرحون بي للجامعات وللشغل شايلي وحاطين منه ويصورون وينشرو ويوصل للكل وتبيع اكثر وتنتج اكثر وتربح اكثر وتفتح لاينات اكثر يجوز بالمستقبل، بس جشع وطمع

[@lololelas]

جشع وطمع ١٠٠%

[@نضالحميد-ع3ز]

بحجة بنت عراقية نجحت ولازم ندعمها ضحكت على تلاث ارباع البنات 😅

[@shooshoaltamimi7976]

رأي بيك ميتغير انسان راقي ومحترم وفخر النه كعراقيين الله يوفقك

[@marwaalshihmani9497]

اتحداها تبيعه بامريكا للامريكان مو العراقين، محد راح يشتريه لان ماركات وشركات معروفه ومنتجاتهم ارخص بهووواي وجوده احسن بهواي ،هي مركزه ع العراق لان للاسف البنات اكو بيهن يتملقن واكو بيهن ماعدهن خلفيه كافيه عن منتجات جيده باسعار اقل .

[@MsMusk100]

اني عايشة بامريكا و اسعار الحمر مو ارخص بس بالوطن العربي المكياج ارخص من امريكا اني من رحت للاردن جان اكو هواية شركات مموجودة بأمريكا تبيع ارخص

[@marwaalshihmani9497]

@@MsMusk100 عندج حمره ميبلين بعشره دولار وكلش ثابته وتخلص من اغلب المحلات، واكو غيره حتى هدى بيوتي حمر ارخص ، تجين ع تخفيضات الدسكاونت وغيره هم تحصلين ارخص، اكو هواي بدائل وهي نفسه قبل جانت تسوي فيديوات لمنتجات ذات جوده عاليه وبسعر اقل

[@MsMusk100]

@@marwaalshihmani9497 حبي انتي دتحجين عن استثناء مثل مبيلن بس معدل السعر مال الحمر بالنسبة للاغلبية الشركات اقل او اكثر بشوية من ٢٢ اذا انتي اتريدين الرخص فالمكياج بالصيدليات مثلا يعتبر اقل نسبيا و اذا على التخفيضات فهذا موضوع مختلف نحن دناقش السعر الاصلي للشركات الزينة

[@dianadijlawi1182]

تسلم ايدك اخ احمد على مجهودك بس ملاحظه نورس جان عدها لاين رسم على الملابس بس شي كلش بسيط قبل كم سنه وتوقفت بس وعدت متابعيها راح ترجع وبقوى

[@Sosoqueen-z2z]

بدون ما اشوف الفديو خليت لايك لان ادري شحيكول وواثقة حيحجي الحقيقة وعاشت ايدة ويستحق الملايين

[@kokikoki6415]

عاشت ايدك لخصت الموضوع خير تلخيص وبالنسبه للصفحه الي مابيها ستوريات هي الي يسويلها تاك متنشره يمها ولا بصفحتها اله الي يطخ بالها

[@perfectwoman8275]

متناقضه تتفلسف هوايه كلش مكروهه صايره بحيث حتى حمرتها ميعجبني اشتريها

[@is.Zainab]

احب نورس ومن المتابعات القدامى واتفق مع كلامك جدا واعتبره نقد بناء 😊❤

[@محظوظة.مبروكة]

نقد راقي مابي تجريح ولا تسقيط ❤

[@fitfit745]

صح هية بالبداية ماسكات بكل بيت ومن هل نوع بس من كامت توصلها من هدى بيوتي ومن هواي براندات وصار مكياجها كلة براندات اكيد مراح تسوي شي رخيص ، مو لان هيج السوك بس لان احنة نعرف شنو نورس شكد دقيقة وشكد طولت سنوات حتى تصنع شي زين للبنات صح غالية ومو اي واحد يكدر يشتريها بس لو هم نضم الف الف بدال منشتري حمرة فاشلة ام لالف وتشكك شفايفنا وتخرب كشختنا من نطلع ف حمرة نونو الانقاذ ❤ وبالنهاية تعبها هذا محد مجبور يشتري 🫶

[@dijlaforat]

حبيبي حمر رخيصة واصلية اكو والكواليتي مالها رهيييبة وأثبت هم عادي الشي الفاشل هو التقليد مو الوخيص

[@هيلينالكورديه]

تخبل الحمر صدك يستحق هل سعر ❤ حبيتهن كللش

[@rusulimad]

كلش منصف ومرتب الطرح 👏🏻👏🏻

[@hebaomar3001]

كون نورس ستار غير دارسة لمجال كيميائي و لا بايوكمستري ولا اي شي يخص الفارمسودكال لهذا ما اشجع منتجاتها !!! لانها باختصار مو مختصة.

[@l2lo_k]

كل الاحترام والتقدير لكلامك وصدقك علمآ اني من متابعين نورس واول مره احضر اصل وفصل بس المصداقيه والبساطه بطرح الموضوع تجنن

[@memejojo6734]

ياا مصداقية يمعودين والله مصدومة بالتعليقات اللي دا اقراها معقولة مصدگين بي كل عقلكم؟؟

[@l2lo_k]

@@memejojo6734 ليش هو شنو الي كاله غلط ممكن انتي توضحي

[@memejojo6734]

هو كلامه كله مبطن هو اولا ديتهمها انو هي غيرت محتواها و جانت بالبداية تنزل محتوى للطبقة الفقيرة لحد ما كسبت ثقتهم و صعدت محتواها على حسابهم و بعدين بدت تغير محتواها و من نزلت منتجها نزلته بسعر خرافي و ميستحقه بس هو المنتج يستحق سعره لان الجودة مالته ممتازة و البنية كلش تعبانة بي و تستحق انو تاخذ حق تعبها و مو من حقه يحجي عالمنتج مالتها ليش قابل هو مجربه للمنتج حتى يحجي عالجودة مالته؟؟

[@memejojo6734]

من يجرب المنتج على نفسه عود خللي ينتقده اني شخصيا مشترية سيت الحمر كامل من اول منزل و لحد هسة مدا استعمل غيرها ابد لان كلش ممتازة و كلش زينة

[@l2lo_k]

@@memejojo6734 صح هيه نزلت بسعر مناسب الجميع بس وياج الجوده حلوه ثاني شي هو كال اختبروا المنتج يعني شلون تريدي يجرب بنفسه وهو رجل خل نكون منطقتين اكثر من متحيزين

[@arabinus5935]

نونو ينرادلها فريق مرتب ، لتعتمد بكلشي على نفسها ، حتى مودلز مجايبة كله هي مجربة وهي صورها ، لازم نشوف لون الحمرة على الوان بشرة مختلفة ، ينراد فريق يلزملها السوشال ميديا مالتها سواء لبراند او الشخصي لان مقلة ومو مستمرة سبب بقائها ان نحبها بس هم نريد شي بالمقابل ، لو فد فديو اسبوعي كم ريل على صورة بالانستا وستوريات مستمرة بس هي حلاتها حقيقية ومحبوبة والله يوفقها وكلما تتحسن احنا نفرح 🎉

[@محمد-ظ5غ5خ]

ضروري تبيعلنا عطور اصلية بغداد لازم تفتح بيج وتوصيل وتيسترات هم

[@فاطمهكوين-ج7ف]

المنتج رهيب بس ولله غالي يغني ماشوفه يستاهل هسعر كلش كلش يستاهل ١٥ الف

[@noornoor-mp4te]

والله حمره كاتريس وميبيلين اتخبل وسعره مناسب ثباتيه روعه يعني مو كلشي غالي زين

[@الحمدلله-ز6ظ3و]

اغلب يوتيوبر من يصيرون مشهورين يسون منتج باسمهم حتى يستفادون وأغلبهم فشلوا ولأن مااهتموا بالمنتج بكد ومااهتموا بالربح مالته وحتى لغينا متابعتهم صارت بس اعلانات

[@Gadeer_24]

تعجبني صراحتك وكلام جدآ واقعي الصراحه مااصدك بالمشاهير الي عايشين برا العراق وبوقت الانطلاق المنتجهم يروجون بس للعراق احسهم استغلاليين لان الي يريد يشتغل يشتغل من قلب ورب بحيث المبيعات حتئ الي خارج العراق والي مو عراقى يكدر ياخذها ويقيمها هذا دليل انو برا ماا معترف بيهم ومحد عارف عنهم اصلا والصراحه مو بس حمرتها كثير غيرها منتجاتهم تستاهل ال 15 دولار بالزايد لان صرنا بوقت كلشي متوفر والشاطر الي يسهل سعر المنتج لحتئ يربح مو بعدا ممعروف مثل كايلي وغيرها راسا يبلش بلاسعار غاليه كلش غلط... واصلا مشاهير العراق بس بيناتهم معروفين😂😂😂😂

[@احمداحمد-ي4س6م]

كولش أثق بكلامك وكثير اشتريت عطور على ذوقك طلعت تجنن استمر يا طيب

[@eng-zainab]

عاشت ايدك 👏🏻 أستاذ أحمد ممكن تسوي حلقة عن مُعالجات الشعر بضمنهن K18 وإلي حچت عنه نورس ستار سابقاً ، لأن هواية بنات ديتورطون بمنتجات الشعر الزائفة واني وحدة منهم شعري طويل وكلش يستغرق وقت طويل لما يطول وتالي انجبر اگصه بسبب التقصف و التلف فـ ياريت تسويلنا ريڤيو عن مُعالجات الشعر وشنو نتائجها ع الشعر ... وشكراً على مصداقيتك وفيديوهاتك الصادقة والممتعة👏🏻❤️

[@rawa0183]

جربته مافادني

[@fragrancepassion3240]

👍💙

[@toptoot6026]

جربته اني صراحه ميسوه

[@amnasaadoon4102]

اني هم جربته كلشي ماكو ولاكانما حته الشامبو اشتريته مدفتهم الهايب اللي عليه 😢

[@hawraahadi1494]

​@@toptoot6026 فعلا ميسوة منتج فاشل وكلشي ميسوي

[@tabantoto5065]

صح كلامك اخي اني اعيش بلندن واكو ماركات كلش احسن منها وبسعر رخيص اني استخدم ميبلين وبنفت وNYX وديور افضل من حمر نورس لان اسعار حمرها غالي جدا مقارنة بالماركات الاخرى اكو افضل منها

[@hindsaood92]

آني طبعآ لا من المحبين ولا من الغير محبين لنورس ولا جربت حمرتهة للامانة.. بس اعتقد انه اكبر خطأ ارتكبته نورس هو السعر ..المفروض اول مينزل يكول بسعر معقول حتى لو ما بي ربح الهة لكن هذا السوك وهذا اللي راح يدفع البنات يشتروا وما يحسوهة مستغلتهم هي خسرت اهواية من الثقة والمحبة بسبب هالنقطة نتمنى تعيد النظر❤

[@dndb604]

بالضبط خسرت ثقة ومحبة المتابعين

[@nak7772]

و اني من الي خسرتهم

[@Janat_ahmed77]

اول ڤديو اشوفه الك ❤ أنسان جداً محترم وكلامك بكل مصداقيه بدون تحيز

[@fragrancepassion3240]

💙💙

[@سبحاناللهوبحمدهسبحاناللهال-ق3ش]

لاتندموا على حب او معروف او خير قدمتموه لاحدهم و لم يكن يستحقه ، كونوا دائما فخورين بنقاء قلوبكم .

[@RAWAN-z2l]

بعيد عن حبي لنورس بس امانة الله الحمر كثبات و لون رهيب و كولش حلو ومفيد للشفايف اكثر من غير حمره و اني من الناس الحمره تبقى عندي اكثر من شهرين + احسن من شخص يشتري حمر هواي بسعر رخيص يروح يشتري شي غالي بس حلو ومفيد وميأذي البشره بمرور الوقت + بالنسبه لاغلاط الموقع والانستگرام تصير هيج امور عادي خاصه اذا شركه بعدها بألبدايه ❤️

[@user-kw1rg8uu7p]

​@Lubna Sami لوكيات ذني

[@UmniaAyham]

كلش حلوة و محترمة الحلقة و نورس رح تتقبل الكلام و تطوره راقي دايما عاشت ايدك

[@narjisnona7533]

يعني اكو كذب ومبالغه باالموضوع وشي صدمني من كلامها انه بعض الشركات تستخدم حشرات وحتئ كالت اسمها بشكل فض استحي والله اكوله ودائماً نكول السعر مبالغ بهِ جداً وانه ماتكدر تنافس الشركات العالمية والماركات الغالية لانها شركات ضخمه وموظفين وضرائب واسم ماركة بس الي يتكلم بشكل منطقي يتلقئ هجوم بشكل غير مقبول خصوصاً عالمنا الان عالم مفتوح وكل شي امام العين والانسان عده عقل ويحكم اخيراً نشكر حضرتك لهذا الطرح العقل الراقي 👏🏻👏🏻

[@ندىمراد-خ4ث]

اني متابعة نونو وكلامك صحيح واني مگدرت اشتري الحمره بسبب السعر

[@zaby320]

كل شخص اله رأي عن نفسي اشتريت درجة كونفدينت و جداً اعجبتني و الحلو بيها انو ما احس بيها على شفايفي وتضل يوم كامل بالراحة و حتى من امسحها يبقى لون خفيف عالشفايف حلوو♥️♥️

[@janaahmed3510]

اشتريت قلمين حمرة من نورس حلو الكوالتي بس الالوان مو هلكد ☹️ يعني لازم تنخلط ويا لون ثاني وحدها ماعتقد تضبط خصوصا للبشرات الحنطية والقمحية والسمراء

[@zinaalhussainy5595]

احيك على المصداقية والدقة في تقيمك للمنتجات وفعلا قناتك فد شي يرفع الراس

[@olaabbasahmad4488]

انا من متابعات نورس القديمات وهي اول ما بدت تصنع المكياج كالت راح انزلها بسعر الكل تكدر تشتريها انا عبالي تكتل روحها ١٢ او ١٥ الف من نزلت الحمر اتفاجئت بالسعر واكيد ما اشتريتهن ولا افكر اشتريهن بنات بالنسبة لاوكسيد التيتانيوم لاتخافون ما يسبب سرطان واصلا موجود باغلب واقيات الشمس فهالمعلومة خاطئئة

[@sarass6389]

اخذت 4 حمر بصراحه حبيت الحمره جدا احسن من حمر هدى بيوتي وكل الماركات اللي مستعملتهن مثل تارت وماك وغيرها ، اعتقد السعر يكون غالي لان الشركه مستجده.

[@L2s1-i8q]

حمرة هدى بيوتي لعبان نفس..لو ببلاش هم ما استخدمها

[@نونه-ن1ظ]

منتجات المعروفه والغالية يشترنها بس م̷ـــِْن وصلت لهاي المكرودة كالو غالية اكو ناس تشتري ومتهتم هسه اني ما عِنـ.̷̷̸̷̐ـديّ اشتري رغم اتمنى اجربهن لان فد شي راقي ولو ادور بالسوك الف سنه ما يعجبني شي مثلهن بس خو ما اجي اعلق واكول غاليات وشدعوة بالعكس اشجعها وعاشت ايدها لان تعبت بيهن البنية

[@noorali-cr3rc]

كرادة بعينج

[@gkm258]

المكروده الحقيقية ماتبيع بالدولار وتنافس شركات مثل ماك ونارس وغيرها !

[@fatmamohammed4377]

الي عده فلوس خلي يشتري شعلينا بلشركه وغيرها الي ماعده ليشتري وكان الله يحب المحسنين

[@3llghadirll]

عظيم هالإنسان اسلوبه جدًا محترم وصادق، آرائه منطقية بدون تَحيُز، وإضافة لكُل هذا هو مو بس يطرح السلبيات وانما ينطي نصائح عن خبرة لتحسين هالسلبيات، غيره ما مُمكن ينطيها مجانًا كل الشكر الك 💙💙💙

[@mayaooooooo]

والله صراحة ماتستحق ٣٥ الف علمود حمرة قابل هدى بيوتي هم مو هيج اشتهرت عالميا يلا صارت محليه هيه بدت بينه ماشالله محلي ب ٣٥ الف رغم اني احترمها ك انسانه

[@MMmm-dc5yx]

هذه البنيه تغيرت من أطلقت ورجعت للعراق كأنها بنيه ثانيه ماكو ربط بين نورس قبل وبين نورس حاليا غير وحده جانت جدا محترمه قبل بعدين السعر مبالغ بيه وديضاهي براندات الها اسمها وقديمه ومعروفه مثل كاترس وميبيلين واغلى من بعض البراندات مثل ايسنز وهم هذا البراند قديم ومعروف