Рет қаралды 87
Kjo është një kronikë e RTSH Kukësi mbi aktivitetin artistik që zhvilloi ABC Tirana Club më 11.11.2023, në mjediset e Pallatit të Kulturës “Hasan Prishtina”.
38 talente të reja nga shkollat 9-vjeçare t Kukësit, konkretisht: “Avni Rustemi”, “Bajram Curri”, “Lidhja e Prizrenit”, “Ahmet Voka” dhe “Riza Spahiu” - u bënë bashkë për të ekspozuar punimet e tyre të pikturës, fokusuar në temat e mjedisit, efekteve nga ndryshimet klimatike dhe mbrojtjes së shtresës së ozonit.
Ekspozita titullohej “Qyteti im evropian” dhe është një seri aktivitetesh kulturore rinore, e cila është organizuar edhe më parë me talentet e reja në Tiranë, Korçë, Mat, Tepelenë dhe Gramsh.
ABC Tirana Club, në rolin e organizatorit synon që përmes ekspozitave të tilla të japi impuls të ndjeshëm në gjallërimin e jetës kreative artistike mes të rinjve të talentuar; si dhe t’u japi kurajo atyre që, krahas aksesit të prezantimit krijues në publik, të forcojnë zërin që të dëgjohet më shumë në problematikat me të cilat përballet komuniteti.
Projekti është një kombinim i angazhimit kreativ artistik me ndërveprimin social të talenteve. Po ashtu ai përpiqet të sensiblizojë pjesëmarrësit duke i informuar dhe edukuar për vlerat evropiane dhe për rëndësinë e procesit të integrimit evropian të Shqipërisë.
Nënkryetarja e Bashkisë së Kukësit, znj Ergita BILALI ka vlerësuar maksimalisht idetë e autorëve dhe mënyrën e realizimit të punimeve. Pushteti vendor ka projekte konkrete në shërbim të fëmijëve dhe të rinjve, por dhe gjeneratat e tjera, u shpreh ajo.
Drejtoresha e Qendrës Kulturore të Femijëve, znj Aishe ADEMI ka qenë mjaft aktiv në fazën e zbatimit të projektit “Qyteti im evropian”. Ajo përmendi faktin se në bashkinë e Kukësit ka edhe më shumë talente në artet pamore, por dhe në gjini të tjera të artit.
Mbështetës në angazhimin e autorëve të punimeve ishin dhe instrukturja Valbona CENAJ, si dhe mësuesi i arteve pamore Armir DANJOLLI.
Skenografi Halit Toçi bëri një “lexim” artistik të punimeve të nxënësve duke idetifikuar elementë të veçantë në krijimtarinë e tyre.
Më parë “Qyteti im evropian” është organizuar dhe me talentet e reja në Tiranë, Korçë, Mat, Tepelenë dhe Gramsh.
Autorët e punimeve, të cilët kishin punuar në teknika të ndryshme për të prezantuar fabulat e përzgjedhura, treguan për pjesëmarrësit eksperiencën e tyre artistike, si dhe procesin e realizimit të pikturës.
Autorët e punimeve janë Alketa REXHEPI, Amanda DULLA, Amina CENAJ, Arbjona HOXHA, Arbjona ISTREFI, Besjana HOXHA, Dijor QELMANAJ, Donika PRIZRENI, Elisa AHMETAJ, Enesio AXHAMI, Era NËRGUTI, Ergyn CENAJ, Erisa KOVAÇI, Esart KOLAVESHI, Flavia ELEZI, Genta KOVAÇI, Glediana DURAKU, Ina TRUNI, Keisi ADEMI, Klara MUSTAFA, Klevina KOLDASHI, Saira DANJOLLI, Leandro KOLDASHI, Loena ADEMAJ, Luida BILALAJ, Matilda RRAHMANI, Mersida ÇELMANAJ, Michel CENAJ, Mikel MUJA, Noela DOMI, Noem ORUÇI, Pamela HODA, Rudina ÇELMANAJ, Sindi CENAJ, Sindi ELEZAJ, Sonila KASTRATI, Sara GJERGJI dhe Xhesina SPAHIU.