إضراب طلبة الطب والصيدلة - شنو واقع ؟؟

[@ibrahimelmaghriby]

مؤخرا واحد التلميذة ديال الباكالوريا قالت لي انها باغية تقرا الطب (هادا حلم ديالها من الطفولة) ولكن بسبب هاد المشاكل لي واقعة قالت انها كاتفكر تسمح فهاد الحلم وتدير شي حاجة اخرى! اولا، اي إنسان عندو شي حلم خاصو يتقاتل على قبلوا ويتحدى الظروف الخايبة كلها على قبل الحلم ديالو! ثانيا، هادشي لي واقع ف كليات الطب والصيدلة صحي جدا لأنه يربي في الطالب الحس النقدي وحس الدفاع عن النفس والوعي بالحقوق والواجبات .. كاينين طلبة لي دوزو التعليم العالي، قراو التخصص ديالهم وصافي مشاو بحالهم، ما تعلموا والو من غير داكشي لي كايقراو فالقسم .. ولكن فالواقع خاص الطالب يتعلم عدة أمور تُطور شخصيته وافكاره وثقته بنفسه، وهادشي لي واقع دابا مع طلبة الطب وغايتعلموا بزززاف د الأمور!! 💯

[@ANASU-cp4lc]

المشكل هو المغرب مكيعلموهومش احضرو حضوريا فالمستشفيات او يعلموهم واقعيا كيكتفيو بالدروس فقط . او الدول الأخرى راه كتعلمهم دروس حضورية او واقعية او كيفاش تتعامل مع المريض او فتالي كيغولك علاش مشيتو على برا عندنا نقس فالأطباء او الممرضين . تيكون تكوين جيد للأطباء او الممرضين او ديك الساعة مهيكونش نقس بل هيكون فائض .

[@TaHa-gt6ic]

خويا واش باقي الإضرابات في تاع الأساتذة

[@elidrissiabdelkhalek2939]

راك غالط وما عندك ما تعاود فهاد الموضوع . طلبة الطب كيبداو فالتداريب الميدانية ابتداءا من السنة الاولى . أضف الى معلوماتك . ​@@ANASU-cp4lc

[@justrelax647]

شكون كذب عليك الطلبة كيبداو الدراسة الحضورية فالمستشفيات الجامعية لكل مدينة ابتدائا من السنة الثالثة @@ANASU-cp4lc

[@moniahilali1410]

​@@ANASU-cp4lcبالعكس هنا فالمغرب تيعطيو للطلبة المتدربين يلعبوا فالناس والمؤطر تيمشي ينعي ويخليهوم فمواجهة المريض المسكين والطبيب المتدرب تيكون محتاج للتوجيه ولكن ليوجهوا مشا ينعس ويخليه يلعب فالمريض

[@Ellaaa8034]

أحسن حاجة وقعات هاد العام هي الإضرابات ربما مترشحي الرئاسة القادمون ياخدو الموعظة و يخافوا من الشعب الذي لم يعد يصمت كما عهدناه.

[@ibrahimelmaghriby]

هادشي ومازال خاص المزيد من التوعية والتنوير باش المواطن ما له وما عليه (الحقوق والواجبات)

[@user-tr8ck8hj5r]

ديما كيستخدموا السلطة ديالهم

[@user-tr8ck8hj5r]

​@@ibrahimelmaghribyبصح نيت الوعي ناقص جدا

[@SalimSalim-hq4dh]

😂😂😂😂الشعب

[@zoubidaomsia5094]

الشعب ناعس

[@abdessamadtouahri8505]

أنا كأستاذ أتضامن مع طلبة الطب و اتمنى أن يحققوا مطالبهم العادلة و المشروعة و ينتصروا في وجه الطواغيت

[@mohmedabozid2236]

الشعب كاملوا خاصوا انوض لهذا الفساد السياسي

[@tarikenglish3]

كل التضامن مع طلبة الطب ❤️‍🩹

[@fatimaid6964]

كل التضامن مع التعليم والصحة

[@adilnourddine9747]

مزيان خليو ولاد الفقراء بدون تعليم والناس تموت فالمستشفيات. وانشاء الله حتى الشرطة يديرو اضراب ونبداو نتقاتلو...

[@Red_bunnyy]

@@adilnourddine9747ضروري الاضراب اصديقي الحياة عيش لافي ديالك راه عايش غير مرة واحدة

[@soukaynaaitkassi3819]

كل التضامن والصمود من أجل التعليم والصحة

[@ChaymaHer-fs7bt]

كطالبة طب من أكادير كنبغي أول حاجة نشكرك على هاد الفيديو ثاني حاجة الموضوع الاساسي ديال الاضراب ديالنا شرحتيه بطريقة ممتازة إلا كاينة عندي إضافة هتكون هي أنه حنا كجامعة على قدها في أكادير كيقرا فيا كثر من ألف طالب لحد الآن مازال ماعندناش مستشفى جامعي (في الوراق مكتوب بلي مفتوح و لكن في الحقيقة راه باقي حتى ماكملش في البناء ) كنطالبوا يتفتح في أقرب وقت باش تكون الستاج كامل في سنوات الدراسة ديالنا و ما ضاع حق وراءة طالب !!

[@freebird-q6w]

فرأيي المتواضع أنا كانظن بلي التغيير ديال عدد سنوات الدراسة فكلية الطب بالمغرب غادي يأثر على مصداقية الدبلوم ديال الطبيب المغربي و بالتالي تنقص الهجرة ديال الأطباء إلى أستراليا مثلا. هادشي فصالح البلاد و لكن ماشي فصالحكم كأطباء مستقبليين.

[@salmazraiouil2403]

ايلا كان الدبلوم غير معترف به راه ماشي من فراغ، هادشي كيعني أن التكوين لا يرقى لمعايير الجودة العالمية... واش نتا كمواطن كتقبل و كتجيك عادية أنك تمشي نتا ولا شي واحد من الأسرة ديالك و تحط الصحة ديالك فيد واحد الطبيب غير كفء اللي ما تكونش بالشكل الملائم وماتعطاتوش الفرصة باش يكمل التداريب ديالو بحال أي طبيب فالعالم كامل ؟؟@@freebird-q6w

[@Avogadro3000]

أخي ياسير التقليص في عدد السنوات سيؤثر بالدرجة الاولى على جودة التكوين و بالتالي على صحة المواطن، نعم صحيح ان بلدنا يعاني من مشكله هجرة الادمغة ولكن الاحرى هو ليس الضرب في كفاءة هؤلاء بل البحث في اسباب هذه الهجرة و العمل على تحسين الظروف واقناعهم بالبقاء انا شخصيا كطالب طب نعم صحيح نعاني من الكثير من العراقيل في تكويننا ولكن بعد تخرجي ان شاء الله اود ان ابقى و اخدم بلدي وابناء وطني والكثير من الزملاء يشاركونني الرأي.

[@yassinealborgi1803]

​@@Avogadro3000 أنا كطبيب شفت بلي مدة التكوين ماشي هي لي مهمة إنما الجودة ، و تقليص المدة عندو دور واحد هو الحد من هجرة الأطباء و لكن رآه الدول الغنية من حدها محتاجه الأدمغة ديالنا رآه هدي تستقبل الأطباء واخا يقرأوا هير ٥ سنين

[@freebird-q6w]

@@Avogadro3000 الجودة ديال التعليم كتعتامد علا بزاف دالحوايج من غير عدد سنين الدراسة. الهدف المباشر هو الحد من الهجرة فرأيي

[@khalidbennani9900]

هناك مشاكل أخرى من غير تقليل سنوات الدراسة وضعف التجهيزات ونرجو من طلبة الطب ايضاحها وطرحها .

[@netrifly5081]

نحن طلبة الطب لن نرضى ان تدهس كرامتنا وتقيد حريتنا وتسلب حقوقنا المشكل ماشي غير فعدد كليات الطب وانما حتى فاراضي التداريب الاستشفائية يعني خصنا مزيد من المستشفيات الجامعية حيت كتمشي للسبيطار كتجبر مريض واحد مجموعين عليه 30 ديال الطلبة وزيد فاش غينقصو من 7 سنين ل 6 سنين غيتخرجو دفعتين في عام واحد كيفاش غيتنظم هادشي الوزارة براسها ماعارفاش كنحتجو على الضبابية والعشوائية لا يعقل تكون غادي فواحد الطريق ومعارفش شنو كيتسناك طلبة السنة الخامسة بقات ليهم 6 شهور ومعارفينش العام جاي شنو غيديرو فيه طالب طب كيشد 21 درهم فالنهار على الخدمات لي كيقدم والقائمة طويلة لي بغا يفهم كثر يقرا الملف المطلبي لطلبة الطب ولي غتلقاوه فالصفحة الرسمية ديال CNEM اي اللجنة الوطنية لطلبة الطب دعيو معانا بالفرج❤️

[@ikhlasselilah6778]

ربي افرجها عليكم

[@fatimahajjaji3106]

من حقكم تدافعو على حقكم

[@Red_bunnyy]

اللجنة الوطني لطلبة الطب و طب الأسنان و الصيدلة، لاننا كلنا متضررين و تمثلنا لجنة موحدة و لا لتفرقة ❤

[@hananeelaoud1984]

نقطة اضافية وهي ان الطلبة لي معنيين بهاد القرار ديال تقليص سنوات الدراسة حاليا هوما في السنة الخامسة يعني مزال لينا اقل من سنة باش نبداو السنة السادسة و الدولة مزاااال ماقالت لينا اش غادي يكون فيها وكيفاش غادي يدمجوا سنتين في سنة واحدة (سنة السادسة مع السنة السابعة)، علما ان السنة السادسة كايكون فيها تداريب نهار كامل وحراسات ليلية وهي سنة متعبة اصلا فما بالك تزيد عليها داكشي كامل لي كان خاص يدار في السنة السابعة (امتحانات سريرية، اطروحة، دروس طب الاسرة....)..، بخصوص المنحة لي كاناخدو فهي جد جد هزيلة ماتكفاش حتال التنقل والكتب (21dh/j) علما ان اغلب طلبة الطب من اسر متوسطة او فقيرة...

[@aymank0357]

قرارات الوزارة مبنية على العشوائية و الضبابية

[@hamidbichichi608]

اي لا حول ولا قوة الا بالله 😢😢😢

[@fatimahajjaji3106]

الله يدير ليكم تاويل ديال الخير أبنتي صراحة ظروفكم مزرية حقيقة

[@mohamedasbbane5315]

آمين يارب

[@Ali-d5y]

هذا جيل المستقبل،جيل واع ومثقف ويعيي حقوقه وواجباته،مغرب اليوم ليس هو مغرب الامس،يجب مواكبة الحراك الحالي في التعليم والصحة من اجل النهوض بالبلاد والعباد

[@salmahari8679]

الادمغة تهاجر للبلدان التي تقدسها وتحترمها

[@ibrahimelmaghriby]

صحيح، مع الاسف 😐

[@ibtissamessaddik9300]

ويلا بغاو يهاجرو يمشيو يقراو فيها نيت عاد يهاجرو ماشي حتى يخسر عليهم مزانية ديال الدراسة عاد يمشيو يخلي بلاصة الإنسان لي غايبقا فبلادو

[@PrimagenRAWR]

​@@ibtissamessaddik9300تلقاه ماعندهومش، و حتااا كايساليو لقرايا عاد كايعيطو عليهم من برا باش يمشيو عندهم يخدمو ولا يديرو specialité ا هوما اللي يتكلفو ب التكاليف، يعني من اللخر عقلية زرب تغلب

[@minsugathefirst4574]

@@ibtissamessaddik9300 ماشي كولشى عندو فلوس د برا

[@uchihamadara329]

ماشي كلنا عندنا امكانية نقراو برى من اللول طبيعة الحال لو كان جانا اختيار مكناش غادي نفكرو جوج مرات باش نبقاو فهاد البلاد مكتقدر لا اطباء ولا طلبة دياولها​@@ibtissamessaddik9300

[@malaksoma4468]

تحية نضالية لكل الاساتدة الشرفاء حتى يتحقق مطالبهم والأساسي سحب النظام الماسي واتضامن مع طلبة الطب شكرا سي ابراهيم تنميرت

[@ahmedben7004]

كل التضامن مع قطاعي الصحة والتعليم المتمثلة في الأساتذة وأطباء المستقبل ✌🏻✌🏻

[@Rise_1and_wise2]

تحية نضالية لجموع طلبة الطب في جميع أنحاء المغرب على تضامنهم و تفانيهم في الدفاع على صحة المواطن المغربي و جودة التكوين. أدعوكم إلى مزيد من التلاحم لتحقيق مطالبنا المشروعة و للنهوض بالقطاع الصحي في المغرب . ما ضاع حق وراءه طالب💪✌️✌️💯

[@hananeelaoud1984]

بالنسبة لمشكل الهجرة فراه انا شخصيا مكرهتش نخدم فبلادي ونخدم ناسي ولكن الظروف في القطاع العام (وقريبا حتى الخاص) ماكاتشجعكش واش واحد حياتو كاملة كيقرا تقاتل على الباك ديالو باش يجيبو باحسن نقطة ودوز مباراة ودخل قرا الطب سبع سنوات عاد زيد سنوات التخصص وتجي تصيفطو لسبيطار فيه مكتب وكرسي فقط هههه !!!! شنو غاندير انا لهاد لمريض؟؟؟ باش غانفحصو؟ باش غانداويه؟ فيعني المشكل ماشي غير في الخصاص باش تجي تزيد عدد الطلبة والمشكل يتحل.. لا المشكل في المستشفيات قادوا لينا غير فين نخدموا والعيب علينا ايلا ماخدمناش بلادنا واخا صالير برا احسن بكثيير ولكن ماشي هادشي علاش كتهاجر الاغلبية، الاغلبية كاتهاجر حيت ماكينش فين تخدم..

[@ferdaous.1216]

الحكومة منتوقعوش منها تحل هاد المشكل مدام عجزت عن حل مشكل التعليم فمشكل الصحة غادي يكون كفس غير الله يحفظ

[@sabbariwsf2004]

تبارك الله عليك، ان شاء الله تهضر على التنمية البشرية بالمغرب، موضوع مهم

[@ibrahimelmaghriby]

بارك الله فيك. حاضر مرحبا بكل فرح

[@jazjaz7519]

باش يوفرو لهم الظروف ميبقاوش يهاجرو قررو إسدو عليهم هنا بدبلوم مسوي والو برا ويخدمهم بلي بغاو وكفما بغاو.

[@Red_bunnyy]

لاباس كن كانوا غا يخدمونا غا يعطوك دبلوم و يقولك سير امعلم دبر على راسك و تلقى بزاف بيبان مسدودين فوجهك

[@leilahedda9842]

يجب انشاء كليات والمستشفيات الجامعية على مستوى المدن والقرى وتوفير اللوجيستيك اللازم والموارد البشرية من اساتذة واطقم التأطير ديما مغرب الله يصلح الاحوال ♥️👑🇲🇦❤️

[@ibrahimelmaghriby]

اميييين يا رب 🤲

[@ostadadballah964]

سيتم بناء احد عشر سجنالتفادي الاكتضاض

[@user-om4ow4xi7l]

​@@ostadadballah964لانه في ظل هاد الوضع هناك مشاريع مجرمين بكثرة

[@touriyalafjili6932]

Rr 0:35 ​@@ibrahimelmaghriby

[@user-rv9wl9ql7o]

علاش عندنا بعدة شي الأطباء عندهم كفاءة حرام

[@noureddineelhor5139]

الله يسهل على طلبة الطب. يجب على الحكومة التفكير بجدية في تدبير ملفي التعليم و الصحة.

[@boutainaaitlhouss417]

الوزارة كتزيد في عدد الطلبة بدون زيادة في الأراضي الاستشفائية المناسبة لسطاج، هاد العام تم انطلاق تدريس الطب في ثلاث مدن جديدة دون بناء كلية لهم و دون مستشفى جامعي، أكادير باقين بدون مستشفى جامعي، الوزارة خاصها تعمل إصلاح فعلي للمنظومة، الحل ماشي هو فقط الزيادة من عدد الأطباء ولكن هو أيضا مواكبة هاد الزيادة و الحفاظ على جودة التكوين

[@bouchraadib8729]

لا لتدمير منضومة التعليم والصحة التي هي ركيزة تقدم اي مجتمع

[@AmiraFatima-jx8td]

حقيقة فأنت إبراهيم المغربي كل التضامن مع كرامة القطعين ❤

[@zerefedit275]

اختيار الاضراب المفتوح هو نتيجة ما يقرب عامين من الاحتجاج ومحاولات التواصل التي كانت بدون فائدة مع الوزارتين بالاضافة الى ان العام المقبل سيمر طلاب السنة الخامسة اول من طبق عليهم هذا التحديث للسنة السادسة وهم لا يعرفون عنها اي شيء .والعديد من الاشياء الاخرى التي لا تنتهي.

[@alijobrane1561]

وفين نسيتو الممرضين الا ينتمون للقطاع الصحي مع العلم انهم يشكلون وحدة اساسية في المنظومة الصحية

[@hasnaelasraoui9321]

الدولة عندها الفلوس باش تبني الملاعب معندهاش باش تبني الكليات

[@mohamedmnissar238]

عندها باش تخسرهم هير فالخاوي وقالك باغين ينضمو كاس العالم هو لي باقي نباباكم

[@wildnight5396]

بغينا نشوفوا شي فيديو على الموضوع ديال الممرضين والاحتجاجات ديالهم

[@kawtar.amrani]

الممرضين حتى هما مضرورين بزاف وراهم كيهاجروا لبلدان كتعترف بالمجهوادات و الكفاءات عكس المغرب ل كيهمشهم أكثر

[@khadija9119]

كل التضامن مع طلبة الطب ❤

[@latifarouii9706]

تحية ليك خويا ابراهيم واكبر تحية نضالية للاساتدة الشرفاء✌️✌️

[@nabilaouitiny3544]

حكومة صماء.لاتهتم بأي من القطاعين التعليم والصحة رغم انهما قطاعين مهمين.ما يملأ رأسها هو المونديال لأن فيه ميمي

[@ALMOKHTASSAR.ALMOUFID]

موفق ان شاء الله أخي العزيز. دائما تحليلات في المستوى 👍👍👍

[@ibrahimelmaghriby]

بارك الله فيك

[@ramifahd9894]

التضامن مع الأساتذة وطلبة الطب ❤❤❤

[@nicehirll7351]

الله يجيبك على خير اخويا، النظام الاساسي راه طريق لخوصصة التعليم

[@fatyred283]

التضامن مع طالب الطب لانه كبطالب بجودة التكوين وإنما استاذ،راه موظف ويضرب غير على مصلحته ماسمعنا كيطالب بجودة التكوين .

[@abdessamadtouahri8505]

راكي غالطة أاستاذة ، من بين المطالب ديالنا نزع الإكتظاظ من المدارس العمومية و توفير أدوات التدريس و المختبرات ​@@fatyred283

[@idya101]

الحكومة يمكن تنقص حتى 4سنوات من تكوين الاطباء لانهم يعالجون في الخارج ولا تهمهم صحة المواطن المغربي

[@ibrahimelmaghriby]

صحيح .. نهار يولي المسؤول يتقاسم نفس تفاصيل حياة المواطن المغلوب على أمره غايكون واقع بلادنا احسن

[@aymank0357]

وراه قالها لوزير 😂😂

[@imanezarouk1645]

7na awel w7din bghina bladna tzid l9ddam w aktar w7din kayfkrou f se77a dyal lmrid 7it hadik mas2oulia dyalna 9ddam allah. J'aimerai bien voir plus de vidéos comme celle ci qui expliquent au grand public 3lach nedna w derna boycott. Un médecin bien formé = un patient bien pris en charge✌️ #جودة_التكوين_الطبي_خط_أحمر #صحة_المواطن_المغربي_خط_أحمر

[@nassimaelghazzaly9622]

كل التضامن مع طلبة الطب✌✌

[@user-mm1do1uf5d]

😂😂😂😂تعجبني طريقة التقديم المزيد من التألق فعلا أنت شخص ممتع في التقديم وشرحك المبسط دمت متآلقا

[@seham3489]

المشكلة الشفافية ماكايناش ، كايخططوا بوحدهم بلا مايتشاوروا و لا غير يشرحوا لعباد الله شنو كاين ، راه مستقبل ديال إنسان هاداك اللي كايلعبوا بيه ، الله يهديهم علينا

[@karim1674]

لا اختي حنا غا طلبة الاطباء راه مزال خدامين

[@seham3489]

@@karim1674 عرفت أن المضربين طلبة قلت أنهم كايلعبوا بمستقبل الطلبة ، الله يسهل الأمور

[@karim1674]

@@seham3489 سمحي ليا صحابني كاتهضري على ناس لي مراض حيت هدشي كاملو لي كنديرو فمصلاحتنا و مصلاحتهم

[@user-ne3yz9uu3g]

ملي كيوصلني إشعار على فيديوهاتك كنحماق بالفرحة 😊

[@ibrahimelmaghriby]

ههه شكرا على الثقة، لهلا يحاشمنا يا رب

[@user-hy3os1dm9k]

+القضية ديال طب الاسرة لي ماعرفنا واش بغاو يرضوها اجبارية ولا يعتابروها تا هي تخصص و لا غي باش يعطلو امتحان التخصص و الاطروحة و لا اشبغاو بالضبط هادشي كامل غي باش ينقصو من القيمة ديال الدبلوم و يشدو بنادم هنا مافخبارهومش بلي الطالب همو هو الكفاءة لي غايخرج بها قدام المواطن داكشي علاش كيقلب على الهجرة اما باش يجي شي واحد يقول لاواه الاطباء د المغرب هامهوم غا الفلوس و الراحة بغيت نقولهوم راحنا اكتر وحدين كانشوفو الناس كاتعاني وسط السبيطارات و كيفما كان الحال راحنا بشر ماشي قلب من الحجر ( طبعا لا اعمم)+ المنحة لي حاشا واش تكون منحة قدام ديك تمارة لي كانضربو ليل و نهار طبعا حنا بغينا الطب كمهنة شريفة ماشي على وديت الفلوس كدرجة اولى ولكن فاش كاتشوف الواحد قرا و ضرب تمارة كتر من سبع سنين و مزال كيتسنا واليديه يخلصو ليه الكرا راه تا هوا ماتيكونش مرتاح

[@ikatsalma9059]

ممكن التوضيح أكثر على طب الاسرة ؟ واش داخلة فالطب النفسي ؟

[@user-hy3os1dm9k]

@@ikatsalma9059 طبيب اسرة فبض البلدان كيقرا 2 ولا 3 سنوات على حسب و كيتخرج كاخصائي فالرعاية الصحية الشاملة ( النفسية العضوية العصبية..) كيركز على الوقاية من الامراض الخ حنا بغاو يديروه غي على شكل des modules + validation par presence + ماعرفناش بضبط كيغادي ياتر على الديبلوم و اصلا وقتاه غاتقراه و النهار كامل غايكون عندك عامر و زيد عليها الضروف لي كاينا فالمغرب لا تسمح بانك تخرجلي اخصائيين فطب الاسرة لعدة اسباب و حنا طالبنا باش انه يكون داكشي اختياري و يشد عليه الواحد غي شهادة علي انه قراه يعني مايكون عندو تا شي تاتير

[@mohammedguessous5879]

السلام عليكم اخي ابراهيم أولا شكرا لك على هذا الفيديو التوضيحي ولي حنا محتاجين بزاااف خاصة في هذه الفترة الحرجة أما في مايخص مطالب طلبة الطب والصيدلة فهي معقولة جدا وواقعية : ✓ أولا : رفض تقليص عدد سنوات التكوين مع الإبقاء على 7 سنوات لتكوين دكتور طبيب عام مع تجويد التكوين بالزيادة في عدد المستشفيات والأراضي التداريبية وتقليص عدد الطلبة في المصلحة الواحدة فكيف يعقل الا مشيت غير لمصلحة واحدة تلقة 30 طالب أو أكثر هذاك المريض مسكين لي يمكن تكون نتا أو الأب ديالك أو الأم ديالك أو الأخ ديالك يوقف على راسو ثلاثة ديال الطلبة وفكل مرة يجي عندو طالب ويسولو نفس الأسئلة ويديرلو نفس الفحوصات لي دارهم الطالب لي قبلو راه لايعقل راحنا كانتعاملو مع إنسان ماشي دمية ✓ ثانيا : بناء كليات طب راه النس في كلميم والراشيدية على ما أظن ماعندهومش حتا كلية يقراو فيها كيقراو في ملحقة تابعة لكلية الطب الغير موجودة على أرض الواقع أصلا راه ماكايوصلو حتى رجليهم عامرة بالغيس كيفاش بغيت تخرج أطباء في هذه الظروف راه أݣادير لي في الظاهر كاتبان مدينة كبيرة وهادي يكون فيها أفضل مستشفى جامعي في المغرب كاتمشي لأرض الواقع كاتلقا المستشفى الجامعي CHU مغلق تماما وكانعرفو بلي راه الطالب لايمكن أن يتعلم بالدروس النظرية فقط أو في أراضي غير صالحة للدراسة هذا الطالب العادي فما بالك بالطالب الطبيب لي غذا هادي يولي طبيب وهاذي نعطيولو بين يديه المواطن يداويه وفي الأخير نعاتبوه على خطأ طبي لي فالأصل حنا السبب فيه راه هادشي خطيييير بزاااف لا علينا حنا ولا على المواطن المغربي لي يقدر يفقد الحياة ديالو بسباب هاد القرارات العشوائية راه حنا عامين وهاد العام ثلاثة سنين وحنا كانغوتو وكانديرو وقفات احتجاجية ومقاطعات واضرابات يوم أو يومين ولاحياة لمن تنادي كأننا نناشد الحجر الأصم راه الحالة النفسية اليوم ديال الطالب الطبيب حالة يرثى لها مدمرة تماما لم نعد نستحمل المزيد سئمنا فعلا من القرارات العشواء اليوم الحلم ديال بزاااف منا كايتبخر ولايمكن أن نرضى بمثل هذا ✓ ثالثا : ولي تعمدنا نخليوها آخر نقطة لكي لا يتم توجيه الاعلام اليها و تنسية كل ماسلف من المطالب المشروعة وهو الزيادة في منحة الطالب الطبيب لي راه كيسخر من جيبو من أجل شراء الكتب والمراجع الطبية لي كما يعرف الجميع الأثمنة ديالها جد مرتفعة خاصة على الطلبة لي الوالدين ديالهم من الطبقة المتوسطة بل الأغلبية من الطبقة الفقيرة ولي المصاريف أثقلت كاهلهم خاصة وأن هناك من يستيقظ في الساعة الخامسة صباحا باش يالاه يوصل مع الثامنة صباحا الى المستشفى أو الكلية خاصة في المدن الكبرى كالدار البيضاء والرباط وطنجة اليوم المنحة تعادل 21 درهم ولي ماكاتعطاش شهريا بل دوريا أربعة أشهر وبعض المرات أكثر . لكل هذه الأسباب قررنا تحت لواء اللجنة الوطنية لطلبة الطب والصيدلة و طب الأسنان في المغرب أننا نقومو بجموع عامة في جميع كليات الطب بالمغرب لمنافشة الوضعية كطلبة اليوم وأطباء الغذ وكطرف مسؤول عن كل ماقد يترتب عن هذا التي تم التقرير فيها عن اضراب مفتوح شامل لكل الدروس النظرية والتطبيقية والتداريب الاستشفائية والامتحانات في جميع كليات الطب والصيدلة بالمغرب إلى حين الاستجابة الى كافة المطالب المشروعة والواقعية كخطوة تصعيدية جد متقدمة بعد استنزاف العديد من الجهود والخطوات النضالية المنددة بذلك والتي كان ٱخرها الإنزال الوطني بمدية الرباط أمام قبة البرلمان يوم الخميس 8 دجنبر 2023 أمام قبة البرلمان ماضاع حق وراءه طالب ✌️

[@user-zi8zd3hb3u]

في الجامعة كانت الإجازة تؤخذ في 4 سنين و عندما تم ضغط المقرر بحسب 3 سنين أصبح الأمر كارثي . و سترى أشياء مجنونة . أي شخص درس الفيزياء في الجامعة سيشعر أن هناك مواد ناقصة . مثلا ندرس الفيزياء الإحصائية بدون دراسة مادة الإحتمالات . و هناك أشياء أساسية في الفيزياء لا ندرسها كالفيزياء الموجية و التي سنحتاجها في ميكانيك الكم و الكهرباء و البصريات . أما الإلكترونيك و الرياضيات التي كنا ندرسها مستحيل تفهمها في الوقت الضيق الذي كان لدينا . لا عجب أن الأغلبية يأخذ الإجازة في 4 سنوات

[@AzizAziz-jz1no]

التعليم والصحة في اضراب مفتوح

[@kawtarboulahsen3139]

كطالبة الطب اود اولا الشكر على هذا التوضيح لما يجري حاليا،ثانيا عندما يتعلق الامر بالوطن فانا شخصيا يهمني تقدمه و تطوره في سائر المجالات لذا ارغب فعلا ان اخدم بلدي ومصلحة مواطنيه على اتم وجه بدل الهجرة، فلذلك نحن نخوض اضرابا مفتوحا كآخر وسيلة ضغط على الوزارة بعد مسلسل نضالي، لكي ندافع اولا على حق المواطن المغريي في تلقيه خدمات تطبيبية ذات جودة في مستشفى محدث باهم المعدات تحت رعاية اطباء اكفاء، و ثانبا الدفاع على حقوقنا في تلقي تكوين شامل يعود بالنفع او على اقل معرفة مصيرنا الدراسي و هيكلة السلك الثالث بالأخص بدل الضبابية و الغموض، وايضا حقوق اخرى كالزيادة في المنح و تمتع بتغطية صحية و غيرها. ماضاع حق وراءه الطالب ✌✌

[@sadikhsaine2807]

bravo 3lik khoya mawadi3mazayana wtahlil jayd jidan wal ihfdak khoya

[@ferdaous.1216]

طلبة الطب هما أساس ديال كل بلاد❤

[@SouniRima]

تدمير التعليم العالي العمومي و مازال الهندسة و الاقتصاد . علاه شكون غيعمر هاذوك الجامعات الخاصة اللي خدامين كيتبناو . كلشي الفقراء غيوليو ياخذو قرض وها يكونو متفوقين و مين يتخرجو يخدم سنوات باش يرد القرض و شوف تشوف .

[@ibrahimelmaghriby]

هاد الخصوصة مصيبة كحلة غاتقهر البلاد والعباد، وكلشي بسبب "صندوق النقد الدولي" وإملاءاته الخطيرة

[@MalikaMalika-fj4du]

واش بصح ولادنا غيوليو يقراو بالفلوس عافك جاوبني حيت راه مبقيتش قادا نعس بسباب هذ الهضرة وأنا يلاه كنتقاتل مع الزمان باش نشري الادوات والكتوبة

[@SouniRima]

@@MalikaMalika-fj4du ماشي دبا من بعد . هذه خوصصة مقنعة يمكن تفرض رسوم تسجيل مرتفعة على الطبقة المتوسطة و التعليم العالي كيشجعوا الخصوصي و العمومي ما غيبقا يسوى والو و ما غيبقا يخدم بيه حد .شهادة تعلقها و تشوف فيها .

[@MalikaMalika-fj4du]

@@SouniRima ولكن راه 90 فالميه المغاربة فالعمومي وشكرا

[@merys-massira6218]

تحية للأطباء ديالنا، لعل وعسى هذه تكون نقطة تحول من الخضوع والذل والهوان الى النضال واسترجاع كرامة الشعب ❤❤

[@khokhacasa2558]

كل التضامن مع العزة والكرامة 🇲🇦

[@ninachaine5485]

يوتوبر رائع. الله يعطيك الصحة. شكرا جزيلا على اهتمامك لشؤون المغاربة.

[@LailaLoumima]

كل التضامن مع طلبة الطب راهم معندهم حتى شي اهتمام لا منحة لاعلاج مجاني لهم لا اطباء نفسانين يكونوا معاهم في مرحلة دراستهم واش لاكارد الليل كامل ب عشرين درهم وتحشم تعطيها لدري صغير حشومة عليكم راه قراو وتيقراو حتى تيصيبهم انهيارات وامراض نفسية فكل التقدير والاحترام لهده الفءة راهم في ضغط مسطرسييين شوفو من حالهم

[@attarmedicalstudent8131]

لا غارد فابور 20 درهم كنشدوها حينت كنمشيو لسربيس يوميا من 8-12 حلل وناقش

[@toutoucharle00]

تبارك الله عليك و صافي و شكرااا بزاف لتوصيل الصوت ديالنا للشعب انا طالبة طب بالعيون و نبغي نقول للشعب راه هدشي مديور على و،كم من الدرجة الاولى باش نتخرجو اطباء مشي جزارة و دعمكم غيكون قوة بالنسبة لينا ❤

[@haajar04]

السلام عليكم، نقطة أخرى بالنسبة لطلبة الصيدلة، هي أنه ما كايناش ديك الحاجة لزيادة الأعداد أصلا عكس الطب ورغم ذلك كا يزيدو وبالعكس سوق الشغل فالصيدلة عامر أصلا وصعب تلقا خدمة وهوما كا يزيدو يكفسو هادشي بسبب زيادة أعداد الوافدين من الطلبة..

[@user-ev5zp1ie4w]

. طلبة الطب من اكثر الناس لي كيتعدبو في قرايتهم. تيدخلو الكلية بعد الانتقاء بمعدل عالي واجتياز مباراة تعجيزية ومن بعد كتبدا رحلة الدراسة في كلية الطب ولي كطلب مجهود كبير مع العلم ان معظم الطلبة متتعطاهومش المنحةواخا جايين من اسر علي قد الحال. زيد على هاد شي كليات الطب كتعرف اكتظاظ كبير حتى لدرجة ان الطلبة مكيلقاوش فين يگلسو . . مني كيوصلو للسنة التالتة كيبداو يديرو الحراسة الليلية بالمستشفى مع الدراسة خلال النهار وهادشي تينتج عليه انهيار نفسي وعصبي للعددكبير من الطلبة لي مكيقدروش يكملو. ورغم الاكتضاض الكبير ديال الطلبة خلال السطاج ولي مكتخليهمش يستافدو. . وفوق هادشي كولو قرات الوزارة تنقص ليهم عام ديال لقراية يعني صحة المواطن غادي تكون في خطر. وهادشي كيخلينا نضامنو مع طلبة الطب ونساندوهم في النضال ديالهم

[@user-dm8yk8lj1d]

علاش سهلتى الأقسام التحضيرية باش تحصل على مهندس دولة أو مدرسة عليا فرنسا راه الطلبة من الأوائل فى الجهة علوم رياظية مكيدروش الطب كيمشو للهندسة راه حتى حاجة ماسهلة راه باش دوز من الأقسام التحضيرية وجيب مدرسة زوينة راه فحال لى كدوز مالسراط راه شحال هدى لعندها معدل عشرة كيدير الطب وحتى فالبلدان الاخرى حنا لان خصك تجيب معدل عالى باش دوز مبارة فقط

[@user-ev5zp1ie4w]

انا ما نقصت من تا شي حد فقط تكلمت على معاناة طلبة كلية الطب لان الفيديو تيتكلم عليهم. كون كان الفيديو على الاقسام التحضيرية او الهندسة وقلت شي كلمة ديال العيب. هاديك الساعة لومني​@@user-dm8yk8lj1d

[@trendytokss]

@@user-dm8yk8lj1d الاقسام التحضيرية راه غا عامين و مفهيمش العذاب د السطاج و لا غارد ، الطب را 8 سنين

[@meryamoulhoussain1333]

لا أختي راكي غالطة نص ديال البرومو ديالنا علوم رياضية والنص الاخر علوم فيزيائية جايبين كثر من 16 ونزيدك دوك لي كايتصنفو الاولين على الصعيد الوطني كيديرو الطب و ف الكلية العمومية ومعانا صاحبة اعلى معدل وطني ف 2021 وصحاب 18/19 عطاهم الله وهادشي بالاحصائيات ولو انه العتبة هبطات ماعمرنا تلاقينا مع شي حد جايب 12​@@user-dm8yk8lj1d

[@meryamoulhoussain1333]

​@@user-dm8yk8lj1dوالمباراة كدوز صعيبة خصوصا الرياضيات الكونكور ماكايجيبو غا المجهدين وفاش قلتي على برا تايقبلو ب 10 راه كيدوزو ليك بزااف ديال الكونكورات و شوف شوف واش تجيبو بقاي تأكدي من معلوماتك وهاد التحقير من المهنة خايب فعلا تاحاجا ماساهلة سواء الطب سواء الهندسة كل حاجا والصعوبات لي فيها

[@oumikh9364]

المشكل فإنشاء كليات جدد هو انه خاص يكون معاهم مستشفيات جامعية فين يقدر هاداك الطالب يدير pratique و يتعلم كيفاش يطبق داكشي لي قراه فالكلية ، و مني كنقولو مستشفى جامعي كنقولو staff كبييير متكون من أساتذة و أطباء مقيمين و متخصصين لي خصهوم يكونو على رأس هاداك التكوين و لي هما أصلا قلال 🤷🏽‍♀️🤷🏽‍♀️ كما هو الحال فبزاف الكليات بحال أكادير او الجداد لي تحلو فالعيون و الراشيدية و گلميم و لي معندهمش حتا فين غايديرو السطاجات

[@khalilkhalifa1853]

قناة تستحق المتابعة ❤❤❤

[@MedexoMedex]

دولة ديال الترقيع و الحلول السريعة على حساب المواطن لنا الله ولكن عندهم الحق يعاملونا بحال هاكا لانه حنا لي ساكتين و كما يقول المثل "السكوت علامة الرضا"

[@alisecond7132]

ماذا عن طلبة التمريض ..لا يتلقون اصلا منحة او تعويض عن التداريب الاستشفائية وهم عرضة لكل انواع الامراض ..من سيتكلف بهاذا الطالب اذا اصيب بمرض معدي اثناء قيامه بالتداريب الاستشفائية ؟

[@youssefel8572]

كلية الطب والصيدلة أݣادير بدون مستشفى جامعي + لومفي تايهز 350 طالب فقط وحنا هاد العام 400 طالب زايدين هير كراسا وطاولات وقالو لينا العام الجاي ناويين يزيدو كثر الكلية ماهاتقدرش على هدشي + سطاج لي تايدوز مستشفى الجهوي الحسن الثاني لي تايعانيو فيه الطلبة من الاكتظاظ المستشفى الجامعي مسدود ومزال ماكمل واول برومو تخرجات بلا مستشفى جامعي

[@lmorphexaact2446]

#ما_ضاع_حق_وراءه_طالب #جودة التكوين الطبي خط أحمر

[@nourachtouki_unico]

الشكر الجزيل لك السي ابراهيم ألفنا ان نأخد اخبار الوقت المهمة والتي تعنينا جميعا في فيديوهاتك ، شكرا على مجهوداتك ( الدقة في البحث على المعلومة والخبر فضلا عن المجهودات المبدولة في تحليل الاوضاع من كل حذب وصوب) تحية نضالية لكل فئة تطالب بحقوقها

[@hamzaa_ouul520]

علاش الرأي العام مكيدويش على الممرضين ، رغم انهم اكبر فئة مضرورة في مجال الصحة ، غرييييييب والله

[@rahaAron-qs3uz]

خلصوهم مزيان واحترموهم !!! واش شمكار كيدخل لصبيطار كيضارب مع الطبيب !!!!

[@aymank0357]

أولا كنبغي نشكرك بزااف لي تطرقت لهاذ الموضوع لأن الاغلبية تاع الناس يقدرو يكونو ما فاهمينش الموضوع ، الاضراب جا اليوم نتيجة لمجموعة من الإضرابات و الإحتجاجات و اللقاءات و الاجتماعات لي كانت بين اللجنة الوطنية لطلبة الطب و الوزارتين الوصيتين التي باءت بالفشل و اليوم كطلبة الطب بغينا ما يتزادش من عدد الطلبة إلا فواحد الحالة هو أنه يزيدو من عدد المستشفيات أو يوسعو من المستشفى الجامعي لي غادي يدربو فيه الطلبة ثانيا ما ينقصوش عام من التكوين و تبقى سبع سنوات لأن هاد العام إلى نقصوه يعني طبيب الغد غادي يكون التكوين لي خداه ناقص و هادشي لي غادي يضر بقيمة التطبيب و الصحة في المغرب راه مازيان نزيدو من الأطباء ولكن خصنا حلول أخرى لي ما تأثرش على جودة تكوين طالب الطب و شكراااا❤

[@user-wc7km5hd2r]

كل التضامن مع المجتمع المدني ❤

[@mohamedasbbane5315]

ياربي تعاون لوليدات ودير لفيها الخير

[@rimrana1507]

هاد الاسبوع غيبدا إضراب الممرضين حتى هوما حيث الدولة بغات تخوصص كثر الصحة كيما بغات تخوصص التعليم وراه اليوما أسسو التنسيقية ديالهم

[@latifan8197]

الممرضين خاصهم يبدلو النقابة ويرفضوا تمتلهم حنت النقابة ديالهم مجرد عصابه كتبيع الماتش للوزارة مقابل تحقيق مصالحها الخاصة وكتضحك على الممرضين بالهضرة والوعود الكادبة

[@chriaamohamed4813]

حسبنا الله ونعم الوكيل..ولاحول ولاقوة الا بالله العلي العظيم واتوب اليه..الله ياخد الحق!!!

[@-na505]

الله المستعان الله يدبر أمورنا أما صراحة هاد جوج قطاعات أهم من كل شيء وخاص يتلقاو الحلول

[@hassanchakir2242]

فعلا مطالب طلبة الطب مشروعة و معقولة جدا ليست كمطالب معلمي اخر الزمن الابتزازية

[@karim199410]

وانتا قاهرينك وماقديتي تهدر بقا ليك تهدر على الشرفاء سير العبد سير مكاين شي مكلخ تآخر الزمان قدك

[@hassanchakir2242]

@@karim199410 والله ما كانت الرشوة و المحسوبية لا قلزتيها تما ، أنا أكثر واحد أعرف ميدان التعليم و كيف يتكالب كل واحد فيكم على اولاد الشعب ليعطي الرشوة أو تيتلسق فشي مسؤول باش ياخذ البلاصة و من بعد يصبح شريفا و يذهب الى المسجد و الله لن يغفر لكم الله و ستدفعون الثمن في الدنيا و الاخرة لانكم تاكلون الحرام يوميا

[@hassanchakir2242]

@@karim199410 وهذه دعوة لكل الشرفاء لخلق صفحة على الفايسبوك و نشر أسماء كل من حصل على المنصب بالرشوة و المحسوبية فكل حي يعرف هذا و كل الناس تعرف التفاصيل و حتى داخل عائلتك يعرفون ، يجب فضحكم و محاسبتكم جنائيا ‘

[@الحمدلله-ض8و]

عندك الحق هادوك رجال التعليم راه زاغو بزاف. اش من تعليم ؟ ما كيهمهم غير رأسهم لان التعليم غادي في الهاوية. كينهبو الفلوس بشتى الطرق منها الخدمة في الخصوصي ثم الساعات الإضافية بمبالغ خيالية دون بدل اي مجهود للتلاميذ العمومي. هذا بالإضافة انهم يتمتعون بعطل قياسية على طول السنة اما الشواهد الطبية حدث ولا حرج. الله ياخذ فيهم الحق مضيعين ولاد الشعب. ومازال ما شبعوش!!!!!!

[@elken1050]

Bghit n3ref gha dak M6 ach kaydir , ma ma7eloho mina l i3rab

[@meryemanjjar6520]

جا معاك ستيتوسكوب ههه بصحتك ...وشكرا لك حيت وصلتي صوتنا كما يجب وباحسن طريقة❤❤❤ تحية نضالية✌

[@ilb666]

وأخيرا شي واحد دوا علينا💔

[@HouriaBrik]

كل التضامن مع طلبة الطب والصيدلة ✌️

[@-rh9rn]

la faculté de médecine de fès men na7iyt dorof dyal l9raya fiha we fe dak z7am ra karita 600 talib maghribi fa9at bela man7sbo les etrangers khashoum yglso kamlin fe amphi kayhez 350 korsi , certes kayn amphi wa7ed akhour kayban fih le prof fe sbora kaychre7 mais ra machi lprof en personne hadak ra ghir video 9edamk ila bghiti tswel le prof maghat9derch m7it rah fe l'autre amphi we bela manhdero 3ela les TP d'anatomie wach une salle fiha que des chaises autourt d'une table de dissection ghathez lik 50 wa7ed wach logique , we khlas bela manhedro 3ela les TP de biologie we biochimie li makaydarouch aslan m7it tout simplement le materiel makaynch ra ghir smiya dyal teb ama la formation est très mauvaise , Ae we mansawch les services de CHU li kayt7mlo ghir 20 wa7ed bzez mais db m3a 600 ghadi ytfr9o 80 3ela service iwa idan nta ka talib maghatwslkch noba bach tchof lmrid 7eta ykhrj we ybra we nta aslan machftihch we mzl mawslatk noba ra 3alaaam welah , hadchi ra ghir chwiya men bzaaaf dyal lmatalib

[@meryemanjjar6520]

كاين واحد المشكل عندنا فاكادير وهو ديال chu مزال مبغاو احلوه لينا ومستشفى الحسن تاني فيه اكتظاظ ومفيهش الماطريال ...

[@sadamboulivia2468]

زيدوهم سنة اخرى، يقراو فيها الأخلاق وحسن المعاملة لانه كاين شي طلبة في المركبات الجامعية خاصهم إعادة التربية، الطالب مزال كيقرا وكيقولم هو دكتور ، حالات صادفتها في المركب الجامعي بفاس خاطبته ب"ولدي" قال لي لا تقل لي ولدي قل ",أدكتور" أنا ماشي ولدك، أنا من وجهة نظري خاصهم سنة يقضيوها في التجنيد الاجباري قبل ولوج ميدان الشغل التعود على الانضباط

[@von2590]

ماتجمعش، ماشي كاملين نفس الحالة، عادي تقول ليا ولدي. ديك القضية شخصيا كانديرها فاش شي واحد كايبغي يطلعها عليا و مكايكونش جدي.

[@illhamBelziad-zk3bb]

كل التضامن مع طلبة كلية الطب للأسف انعدام شروط التكوين .ماذا ننتظر منهم

[@najatjary3032]

شكرا ليك خويا كنستافدو من المحتوى ديالك بزاف الله يسهل عليك والله يدير اللي فيها الخير لينا او لوليداتنا

[@leilahedda9842]

المشكلة مكايناش تنسيق جيد بين الوزارتين ومكايناش المواكبة الحقيقية من اجل انزال المشروع الملكي، موارد كاينة ولله الحمد ولكن مهنية القطاعين وفعالية وزارتي الصحة والتعليم ليست في المستوى. هادي بلادنا خاصنا كلنا نكونو في خدمة وطننا الحبيب تحية وتقدير للطلبة والطب والصيدلة وطب الاسنان. الله يوفقهم يارب الله يصلح الحال ديما المغرب ♥️👑🇲🇦❤️

[@Version6.0]

انا كنت مشيت قبل شي شهر لكلية الطب باش ناخد من عندهوم consulting على ود شي حوايج و الصراحة الساحة عامرة بطلبة الطب كايديرو الاضراب ماعرفتش علاش ديك ساعات و حتى حنا كطلبة ديال التمريض و بزاف منا كانو كايديرو اضرابات على ود سوء التسيير القاعات ناقصين مشكل الاكتضاض فالستاج الخدمات اللوجستية الرديئة فالمستشفيات الدولة لخ...

[@user-th6jw9rs9l]

الحكومة ضعيفة الشخصية تنقصها الصرامة

[@abdellahadouz3734]

تحية إجلال وتقدير لهم.

[@الحمانيعبدالعزيز-ت9ل]

الاخ إبراهيم نشكرك على هذه المجهوذات اللي كاتديرها

[@user-xi2ts5tq7v]

طلبة العمومي اما الخواص الدي اصبح عددهم كبيرا غير معنيين بهادا الاضراب

[@sasunoss5699]

هاد العام بالضبط بين لينا بلي المغرب دولة فااااشلة خاص كلشي يتبدل من رئيس الحكومة للوزراء كلشي خاصو يتحيد الشوهة و الله حتى الشوهة بقات فكاس العالم و كورة تفو على بلاد

[@mohammedessaidi2133]

ان فكرة la thèse في السنة الخامسة هي ماستر وليست دكتوراة وهذه اهانة لاطباء المستقبل وعدة اشياء اخرى

[@fatimaloula3762]

ليس التعليم والصحة فحسب فكل القطاعات متضررة ومنكوبة

[@akramnossair7020]

إذا كنت في المغرب فلا تستغرب

[@user-nk2go3sp3s]

كل التضامن مع الأساتذة و طلبة الطب ❤✌️✌️

[@khadijabettach4178]

خاص حتا الشعب يدير إضراب و نوقفو معاهم هادا را مستقبل البلاد

[@youzarssif99]

المشكل ليس في عدد السنوات، و إنما الاكتظاظ و كذلك قلة العدة

[@illhamBelziad-zk3bb]

ماضاع حق وراءه طالب✌️✌️✌️✌️

[@user-yb8tn7ct3k]

كترت الاطباء بدون تكوين للاسف مثلا كلية الطب بالعيون مزال موجدو الكلية والمستشفى الجامعي مزال بعيد والطلبة مكيلقاوش فين يديرو السطاج هد العام مقراو حتى شهر اشنو رايك

[@وصفاتمتنوعة-ي1ط]

حتى الامتحان خاصو يرجع وطني يعني النقط تكون على المغرب كامل لان هناك طلبة عندهم نقط وماركات ديال جهة اكتر من جهة وللأسف كيطلع الاقل كفاءة لانه تابع لجهة معينة

[@_m_s01]

Mtf9 m3ak khas ywli b7al ensa

[@asmaaelhasnaouiofficial]

لاحول ولاقوة الابالله العلي العظيم الله يخد فيهم الحق كلامك صحيح

[@mcanon5796]

الاضراب والمقاطعة سر نجاح الشعوب في الضغط على حكوماتها والمغاربة اكتشفوها انتظرو وسترون الشارع المغربي يزأر 🦁

[@user-vo9xh6be2k]

في بلادنا خاص الانسان ما يمرضش الله صوب لجميع. الطلبة الله يكون معاكم.

[@hafsarach5671]

Merci beaucoup pour cette vidéo Vous avez très bien expliqué notre situation. ما ضاع حق وراءه طالب✌🏻✌🏻

[@safaeelalmi7125]

خاي ابراهيم كنتسناو الفيديو ديالك والرأي ديالك على ديك الجديد لوقع فالتعليم