طراجي أعلى قمة بالاطلس الصغير " جبل سيروا 3304 م"

[@amiantach2220]

كانت تجربة جميلة وممتعة و رفقة طيبة شكرا جزيلا السي محمد 👍👍👍😊

[@BAHARIMED]

ربي يحفظك خويا

[@anassmohib5610]

Bravo Mohammed et merci pour les info chef

[@BAHARIMED]

مرحباااا🥰

[@مولالزعفران-ي9ج]

مشينا ليها اخويا هاد العام كانت أخطر رحلة ونفس الوقت رائعة .... غامرنا فيها بزاف سالا لينا لخبز وأتاي مالقينا منكلو تما هههههههه كانت أخطر مغامرة فحياتي

[@BAHARIMED]

حتاحنا دازت علينا أوتلفنا

[@khalidmaarifa4768]

💓💓💓💓💓💓💓

[@saidbouzidvlog4165]

كنت فيها علام هههههه

[@oumaimaelouassif8802]

كالسين فوق البركان معرفتش واش فخباركم ولا لا

[@BAHARIMED]

مافخباريش!!

[@saidbouzidvlog4165]

من اي دوار طلعتو ليه

[@BAHARIMED]

من تزكي

[@footballifeextra6939]

لبغا امشي من اكادير كفاش تراجي وشكراا

[@BAHARIMED]

#طراجي #جبل_سيروا jbel_Siroua# #لكورج_تيسليت #مخازن_تزكي #شلالات_تزكي #مغارة_أغبالو #سيروا هو أعلى قمة فالأطلس الصغير، جا بالضبط نواحي تالوين (ما بين أكادير و وارززات) العلو ديالو 3305 متر، الطبيعة ديالو ساحرة ومختلفة على الجبال الأخرى بحكم الصخور البركانية لي كتكونها لي هو فالاصل بركان خامد 🌋...ولي عجبني بزاف أنه فالطريق ل سيروا تقدر تشوف بزاف ديال المناضر شمنك يا شلالات، يا وديان، يا مضايق وحتى المخازن المعلقة في دوار تزكي 😂... هاد المنطقة لي كتعتبر عاصمة الزعفران، الناس فيها كغالبية ساكنة المغرب العميق، طيبين أويييي يا حبيبي 😂...ما كين غير أجي تشرب أتاي بالزعفران، أجي تغدا،...وخا حالتهم المادية جد ضعييييفة 😞...والله حتى كرامة بالتجربة ندوزو لطراجي دبا ولي فيه جوج طرقان : 1. الطريق الأولى كتجي من مراكش -» تزين تشكا -» تازناخت -» أسايس -» دوار تزكي 2. الطريق الثانيةلدرت انا كتبدا من أكادير »تالوين : 80 درهم الكار تالوين » أسايس » دوار تزكي: خطافة موجودين من تالوين كاين بلان مزيان وباش ديرو جحة وزيارة ملي تهبط فأسايس تقدا أي حاجة خاصاك ةلا تقا من تالوين من الأحسن وسول على مضايق تسليت شي ساعة ونصف على رجليك حداهم واحد لوبيرج أتلقاو عندو الخبز أو أي حاجة تحتاجها عمر ليك شي بيدو ديال الماء أوهبط طونطي ليك في مضايق تسليت والغد ليه شد طريق على الواد ، غير هي تزاد عليك 4 ساعات باش تمشي من تما حتى دوار تزكي...مرورا على دوار : أيت سين، أيت معروف،فتفراوت،أسكا...واخيرهم تزكي المهم وصلتي لتزكي لي تعتبرو هو Base Camp مهم طونطي تما طلع مخازن تزكي تصور فيهم أوطلع شلالات درب ليك شي عومة أوتصيورات رآه كين لروبيرج تما ديال عبد الله مهم طونطي صوفاج ماكينش لهضر معاك راه الفيديو فالقناة ديالي فيه جميع معلومات أوسول مزياااان على طريق الصومي باش تحرك ليه لغد ليه ، فالغد ليه حاول تنوض بكري باش طلع صومي تقدر طلع معاك باكطاج حيت ماتعرف تقدر إضلام عليك الحال في الرجوع ولا وصي شي واحد خلي ليهم باكطاج بحال كما درنا فالدوار. طريق ديال صومي كاتبدا من شلال الكبير وكاطلع فوق منو أونتا دايز على الواد الواد من بعد واحد ساعتاين غادي توصل واحد مغارة أغبالو غادي تبع منبع ديال الواد حتا توصل المغارة كما فالفيديو فالقناة تقدر دخل ليها غير خاصك تكون رقيق حيت فيها 30 سنتمتر بالعرض دخل معاك بيل ديال راس. من بعد شدو طريق على الواد شي 4 ساعات وفينما تلقيتي مع كسابة زيد سول باش تأكد...وباش متمشيش فطريق الخسران أحمادي 😂 بحال إيوقعلينا مهم بقا على الواد حتى توصل اخر عزيب جا فيه جوج فج طلع على اليمين ديال الفج . من بعد غادي ضرب واحد طلع قاصحة شويا باش إيباليك داك جبل كما فالفيديو والصور هوا باش طلع بلاكة ديال صومي .أوبصحتكم صومي ✌ من الأفضل تبدا مع الفجر باش ترجع فالضو حيت تاخد ليك فالمتوسط 6 ساعات ذهابا و4 إيابا...أما الماء را موجودين العيون فالطريق...خود معاك القص راه طريق طويلة حاجة أخيرة إلا كان طايح الثلج ليكن في علمك أخي الألبنيست خسك تستعمل الكوردا باش طلع إلى ٱخر نقطة فالقمة، بحكم واحد الحافة صعيبة فيها زلق ..فبلاما تغني داك الموال ديال غامر أو غادر...سيفتي فورست...حياتك وصحتك هي الأولى... بس 1 : فأي لحظة كضرب الرعدة وكطيح شتا وحتى تبروري ديرو احتياطاتكم وبالليل كيكون لبررررد. بس 2 : ايلا كنتو ݣروب من الأفضل تشوفو مع شي ولد المنطقة اديكم بس 3 : ما فيها باس دي معاك بعض الملابس، حلويات...لوليدات الصغار حيت الناس تما فعلا محتاجين فدوك القرى بس 4 : خليو بلاصتكم نقية يا أخي الرحال وفالأخير كنسلم على مول البحيرة والاخوان لمشاو معانا ولاد دوار أيت سين واخا تلفنا فالطريق ولاكن العزيمة والارادة وصلاتنا القمة ... للمعرفة المزيد عن كل طراجي : 🗺طراجي مضايق تيسليت kzbin.info/www/bejne/oIe9m2ywpr2KY6s 🗺طراجي من تيسليت الى تزكي kzbin.info/www/bejne/eom2l5SeidqhedE 🗺طراجي جبل سيروا م 3304 kzbin.info/www/bejne/d6aZnKR_ftqVbZI #سيروا #طراجي_سيروا

[@masha6312]

من خلال تجربتك شنو هو احسن وقت يليق بهاد طراجي؟؟

[@BAHARIMED]

شهر 8 ولا 9 ولا ،10