رحلةللاطفال و الكبار في أفريكانو بارك .. طريق مصر اسكندريه الصحراوي.. اول حديقه حيوان مفتوحه في مصر

افريكانو بارك : حياة برية مليئة بالاثارة والتشويق وسط الحيوانات
محتاج خروجة عائلية ومش عارف تخرج اولادك فين ؟ انت كدا محتاج زيارة لافريكا سفارى بارك ،تعرف معانا على اسعار تذاكر دخول الفرد لرحلات المجموعات 100ج ،دخول السيارة الملاكى 1000ج
معلومات عن افريكانو بارك
اول واكبر حديقه حيوان مفتوحه ف مصر أنت فيها بتدخل تعيش أجواء الغابات فعلا وانت فى عربيتك
فى حتت قليلة ممكن هناك تتمشى فيها على رجليكم علشان مفيهاش خطورة بس انك تبقى ماشى بعربيتك ( ودة الافضل )
وكمان لو معاك اطفال وواقف بالعربية مثلا والقرود بتتنطط ع العربية والنعام يجيلك لحد الشباك دة كله بيخلق حالة جميلة من البهجة
ويا سلام بقى لو عربيتك فيها سقف بانوراما حتبقي الرحلة متعة .. نص البارك تقريبا فيها زي نهر صغير كدة فية سيد قشطة وممكن تأكله هو و الاسماك الموجودة وبيبقى فى حاجة زى الجزر كدة طول ما انت ماشى بيبقى عليهم حيوانات ..
دة غير ان كمان عاملين كهف ضلمة كبير جدا فية حيوانات وزواحف وطيور جارحة بس طبعا الكلام دة بيفصلك عنه أزاز
فى كمان بيت الطيور ودة بتبقى حاجة حلوة أوى للأطفال أنهم يتصوروا مع البغبغانات وتقف على كتفهم
وممكن تمارس بعض الأنشطة في البارك منها الصيد والإير هوكي وتنس الطاولة وكرة القدم وغيرها، بجانب ألعاب البينج بونج والبلياردو.
كما خصص البارك "فندق صغير" للمبيت، ملحق بكل غرفة فيه حمام سباحة خاص بها، مع إمكانية الصيد من الغرف.
اين توجد افريكانو بارك
تقع أفريكانو بارك في الكيلو 65 على طريق مصر الإسكندرية الصحراوي (أى بالقرب من اسكندرية )
اسعار دخول افريكانو بارك ومواعيد العمل
دخول الفرد لرحلات المجموعات 100ج
دخول السيارة الملاكى 1000ج
المواعيد : من 9 صباحا الي 5 مساءا بس كل ما تبقى بدرى كل ما تنبسط وممكن تخلص بدرى وتطلع تكمل اليوم فى الاسكندرية وترجع واهى تبقى خروجه الشهر كله ليك وللأسرة.

[@foreveryhome1]

جربت كمان افضل مكان ترفيهي للاطفال قضينا فيه اليوم كله kzbin.info/www/bejne/jGW1ip6kYrd-i8k

[@user-cr1bp3jl5d]

الله على الجمال

[@foreveryhome1]

🥰🥰🥰

[@Basant77]

ماشاء الله تبارك الله رووعة ⭐🌹

[@foreveryhome1]

شكرا للدعم ❤❤

[@user-tc1st7pt1n]

مشاء الله فعلا المكان باين عليه انه نظيف جدااا❣

[@foreveryhome1]

دي حقيقه

[@mohammedsadik2622]

انا رحتها قبل كده و كانت جميله فعلا اوي

[@foreveryhome1]

هي فعلا جميله جدا

[@mfemido2493]

نزلي الجزء الثاني❤❤

[@foreveryhome1]

👍👍

[@foreveryhome1]

اول حديقه حيوان مفتوحه في مصر ❤ علي طريق مصر اسكندرية الصحراوي

[@amanyabdelall7828]

3:22 3:25 3:25

[@foreveryhome1]

👍👍👍👍

[@yasoo-wo7ww]

هو لازم يكون معانا عربيه والأ عربيه من عندهم ؟؟؟

[@foreveryhome1]

ده علي الطريق الصحراوي يعني لازم تكوني معاكي عربيه او اتوبيس صغير المسافه جوه كبيره جدا مش ممكن تقدري تمشي ❤ ممكن تاجري اتوبيس و تطلعي مع مجموعه من الناس و تقسيم سعره مع الي طالعين 👌👌

[@user-hk8yf3fu5y]

ممكن نفرش ونعقد ونبقي واخدين اكلنا وكده ولا غير مسموح

[@foreveryhome1]

مسموح اخد الاكل و الشاي و في تكعيبات ممكن تقعدوا فيها عادي براحتكم😊 اتمني الفديو يكون عجبكم ماتنسوش تشتركوا في القناة و زرونا كمان في صفحه الفيس بوك كلام لكل بيت ❤

[@ayayoyo8844]

بكام الرحله النهريه وبيت الزواحف

[@foreveryhome1]

كل ده من ضمن الرحله الاساسيه كل حاجه جوه من التزاكر المدفوعه في الاول مش بتدفعي جوه حاجه تاني العربيه الملاكيت ب ١٠٠٠ باي عدد فيها احنا كنا ٨ بالاطفال في المالكي كل الي جوه من ضمن ال ١٠٠٠ جنيه 👌😊

[@aommhmood2728]

من فضلك هل توجد مواصلات داخل الحديقة لعدم وجود سيارة لدينا

[@foreveryhome1]

هو اصلا حضرتك مش حتخش من البوابه من غير سياره ممكن تاجر سزوكي او اتوبيس صغير حاجه للرحلات و تطلع بيه الفرد بيكون ب ١٥٠ في الاتوبيس

[@aommhmood2728]

@@foreveryhome1 شكرا لاهتمامك بالرد بالتوفيق ان شاءالله

[@foreveryhome1]

اللهم امين يارب العالمين

[@user-qq7cj6pe7q]

فيها زرافات؟

[@foreveryhome1]

للاسف لا بس قالو قريب حيجيبوا ممكن يكون جابو

[@user-sj8bi2zv1y]

الدخول ليه وقت محدد؟؟؟

[@foreveryhome1]

من ٩ صباحا الي ٤ مساءا👌

[@yasoo-wo7ww]

سعر اافرد كام من فضلك

[@foreveryhome1]

العربيه باي عدد فيها ب ١٠٠٠

[@foreveryhome1]

احنا كنا ٨ بالاطفال في عربيه واحده

[@user-qg3fn7ph1h]

المشي جوا المكان بالعربيه ولا زي حديقه الحيوان مشي علي الرجلين

[@foreveryhome1]

معظم الوقت بالعربيه لان المكان كبير جدا إنما ذي مانا موضحه في الفيديو عند الحيونات تنزلوا من العربيه و تاكلوا الحيونات عادي 😊

[@moniaarbaoui1894]

صباح الخير ممكن واحد يروح لوحد من غير عربيه لو سمحتي ابعتلي رقم الهاتف اكلمهم

[@foreveryhome1]

ممكن بس المساحه جوه كبيره صعب اوي علي تمشي علي رجلك لازم عربيه

[@dodoadel3333]

ممكن اعرف بتتواصلى معاهم ازاى ف رقم فون احجز ؟

[@foreveryhome1]

حضرتك هو مفيش حجز حضرتك بتروحي علي طول هو الي ممكن اكلمهم فيه السعر التي كنت هناك لي شهر ٩ و السعر كان ١٠٠٠ جنيه العربيه الملاكي باي عدد أشخاص في العربيه و احنا كنا ٨ أشخاص في العربيه بالطفال كلميهم اتاكدي من السعر ممكن تكون غليت شويه و لو محتاجه الرقم ححاول اجبهولك .. 😊 و ماتنييش الاشتراك في القناة و تفعيل زر الجرز عشان يوصل لحضرتك كل جديد و زرينا علي صفحه الفيس بوك كلام لكل بيت حتلاقي حجات كتير اوي حتعجبك اكيد😊👌

[@dodoadel3333]

@@foreveryhome1 سورى هتعبك لو ينفع تجيبيلي النمره

[@foreveryhome1]

لا تعب ولا حاجه ده الرقم الي كلمتهم عليه لما رحت هما بيشتغلوا من ٩ صباحا حتي ٥ مساء 01001175098

[@dodoadel3333]

@@foreveryhome1 ميرسي لذوقك جدا

[@foreveryhome1]

❤❤❤

[@Nutella863]

بكام

[@foreveryhome1]

1000 العربية الملاكي باي عدد فيها حتي لو ١٠ افراد

[@aliamr9944]

تب لو مش معايا عربيه

[@foreveryhome1]

في اتوبيسات سزوكي ممكن تروح علي حسب المكان او المنطقه الي حضرتك جي منها

[@hananismail2672]

مفيش فيل

[@foreveryhome1]

لا للاسف

[@mohamedElsayed-kx5xc]

سعرها غالي. جدا ١٢٠٠ جنيه على العربيه

[@foreveryhome1]

العربيه فيها اي عدد من الأفراد احنا كنا ٩ افراد ٤ كبار و ٥ صغيرين لو كل فرد دفع ١٥٠ دي رحله جميله مفيش حاجه ب ١٥٠ دلوقتي