رحلتي مع امتحان اللغة الإيطالية للأجانب CILS TRE (C1) | ندى سعيد

مساء الخير ،، اسمي ندى أحمد ومن ٧ سنين نجحت في ثانوية عامة وقررت أدخل كلية الألسن لكن لسبب ما كانت ألسن أقاليم.
اشتغلت على نفسي قدر المستطاع ورتبت على دفعتي وحولت تقديراتي من مقبول في بعض المواد لامتياز. اتخرجت واتفاجئت بمتطلبات سوق العمل ومش محتاجة أوضحلكم الفجوة 😃
اترفضت مرتين في في الشركة اللي كان نفسي اشتغل فيها قبل م اتقبل في المرة التالتة، خدت الخبرة اللي محتجاها واتجرأت وعملت ريزاين وقررت أدخل مجال الترجمة وكمان آخد شهادة ال CILS C1.
عديت بعقبات كتير وللأسف اتعرضت لنقد غير بنّاء كتير وكان ممكن أصدق إني فاشلة وأوقف طموحي وأفضل في ال SafeZone، لكن بفضل الله صممت أكتر إني أوصل لأهدافي ولأهداف أعلى منها كمان.
النهاردة أنا بحتفل معاكم بنجاحي في امتحان ال cils c1 في المحاولة التالتة بعد محاولتين فاشلين.
هكتب البوست دا وأنام بدري عشان الحق شغلي في مكتب الترجمة المعتمد من السفارة اللي المترجم اللي شغال فيها هاجم طموحي، ولما أرجع هشتغل على الكتاب اللي بترجمه مع نفس دار النشر اللي دكتوري اللي قاللي إن أنا ودفعتي كلها فاشلين شغال فيها.
رسالتي لكل طالب لغات: كل ما توصل لمفترق طرق اختار دايمًا إنك تكمل الطريق للآخر، رغم الصعوبات ورغم الانتقادات، صدقني لما توصل هتصغر في عينك كل العقبات وهيقل في نظرك أوي كل حد قرر يهامجك. بس افتكر: لما توصل متكونش نسخة من اللي صعبوها عليك 😉
أخيرًا: دعواتكم ليا بالتوفيق ولكم مثله يارب 🙏🏻

[@OmarFarouk1999]

مبروك على النجاح و شكرا على المعلومات الكتب اللي تم ذكرها هي : Attiva per il lessico A1/A2, B1/B2 Una grammatica italiana per tutti A1/A2, B1/B2.

[@daliataha7608]

ياريت لو تحكي لينا عن قصه تعلمك اللغه من البدايه لحد وصولك للمستوي دة واي النصائح اللي بجد نعملها كل يوم تجيب نتيجه❤️

[@doaamoustafa7364]

مبروك حبيبتى و عقبالى ادعى لى أنجح وياريت مكافأة النجاح لنا تكملى كتاب progetto italiano 2 انا عارفه ان المشاهدات قليلة احسبى الأجر عند الله وكويس انك فى مذاكرة التالية سجلت الفيديوهات بس تبداى بنك مات الكتاب أولا قبل الانشغال بأمور اخرى

[@WeilaNada]

المفروض أنتو اللي تكافئوني مش العكس، ولا ايه؟ 😃 وليه "أولاً"؟ أكيد أنا أدرى بأولوياتي

[@minyuriho]

Complimenti🎉🎉 شكرااا لكل المعلومات دي ربنا يباركلك

[@alaamohy7397]

الف الف مبروك ياحبيبتي اناهعمل زيك باذن الله ومحتاجة منك دايما تشجيع

[@hossameldeen8577]

ممكن اتواصل مع حضرتك انا من اسكندرية برضو عايز استفسر عن الاماكن اروحها عشان الامتحان وشكرا

[@thesecret7330]

الف الف مبروك ان شاء الله انجح في الامتحان

[@thesecret7330]

❤❤❤❤ مثال وقدوة لنا

[@sarafarag3674]

مبروووك بالتوفيق دايما ان شاء الله ❤️❤️

[@elsayedasaad3284]

الف مبروك ي ندا تستاهلي كل خير ♥️ ربنا يوفقك يارب في الجاي و يكرمك ♥️

[@alaamohy7397]

الف مبروك

[@QabbaniMohammed]

مبروك ماشاء الله تبارك الله تستاهلين كل خير

[@gamalalsaka4445]

بالتوفيق باذن الله

[@laluce6708]

ممكن بس الفيديو مدته قليله شويه عشان بتوه

[@mohammedal-mehanni2248]

Tanti auguri , davvero complimenti non è facile ma ce l'hai fatta ☺

[@WeilaNada]

Grazie mille, adesso tocca a te in bocca al lupo 💫

[@thesecret7330]

الف مبروك

[@fatmalegiziliana2976]

ربنا يوفقك و توصلي لكل اللي بتتمنيه انتي عسل اوي

[@WeilaNada]

تسلميلي يا فطوم وإياكي يارب ❤️

[@rawanmohamed536]

الف مبروك ياحبيبتي 🥺❤️

[@ahmednessim4429]

مبروك لحضرتك

[@alisheta8718]

Tu lo merito ❤️

[@abdobhaa7865]

Mi congratulo con te 🤍🤍

[@WeilaNada]

Tocca a te, in bocca al lupo 💫

[@abdobhaa7865]

​@@WeilaNada سؤال بسيط لو سمحت هو اي مجالات الماجستير لطالب اللغات في ايطاليا؟

[@WeilaNada]

@@abdobhaa7865 Linguistica Filologia Traduzione (لو الانجلش كويس ومعاك لغة أوروبية تانية) وشوية حاجات خاصة بتعليم الإيطالي للأجانب ودراسات متعلقة بالترجمة فجامعات زي بولونيا وبافيا

[@abdobhaa7865]

​@@WeilaNada تمام شكرا ليك 🤍🤍

[@mohamedhasanen2999]

الف مبروووك يا ندي كنت عايز اسألك علي بيان الدرجات تقريبا كل مهاره من ٢٥ درجه انتي جبتي كام في كل مهاره .ثانيا انتي ترشحي دكتوره رحمه شعراوي للتحضير معاها للاختبار ولا فيه حد تاني و شكرا

[@doaamoustafa7364]

د. رحمة شعر اوى ممتازة

[@WeilaNada]

دكتور رحمة ساعدتني في مهارة الكتابة لحد ما نجحت الحمدلله وهي فعلاً ممتازة بيان الدرجات يهمك في ايه؟ أصلاً كل مهارة ب٢٠ درجة بس

[@mohamedhasanen2999]

@@WeilaNada انا ميهمنيش اعرف درجاتك بقدر ما انا عايز اعرف الاختبار ده مشابه للايلتس في الانجليزي ان كل مهاره من باند ٩ و بعد الامتحان بتشوف كل مهاره جبت فيها كام و الإجمالي إد ايه و الناس اللي بتمتحن بينشرو درجاتهم عادي معرفش أن حاجه زي كده تضايقك و ردك ماشاء الله خلاني مش عايز اعرف و شكرا

[@WeilaNada]

@@mohamedhasanen2999 يبقى توضح السؤال من الأول عادي، وكونك مش عايز تعرف دا مش عقاب ليا 😃

[@AhmedMohamed-fq1kj]

هو انا حاليا بتعلم من المستويين الاول و التاني في القناة اي الخطوة الي بعد كدا،،،و ازاي اتواصل مع ناس من ايطالية عشان الممارسة

[@erslan773]

دخلت الموقع و الاختبار مو متوفر في بلدي هل في طريقة ثانية اقدر اختبر الاختبار ولا لا؟

[@WeilaNada]

معنديش فكرة ممكن تتواصل مع الجامعة تسألهم.

[@rawanmohamed536]

عقبالي 🙂😂

[@AhmedMohamed-fq1kj]

هو المستوي الاول و التاني الي في القناة...بيكون فب القواعد و الجمل و الكلمات لكل مستوي،،،و ممكن اعرف من حاليا في الوقت ده،،اقل مرتب كول سنتر كام،،،،و اخبر هو لو انا،،،معهد سياحة و فنادق 4 سنوات،،،عادي ادرس اللغة الايطالية،لو طبعا متقن اللغة الايطالية

[@WeilaNada]

آه، المستويات جنرال يعني شغالة على المهارات كلها. أقل حاجة ٩ آلاف حاليًا. عادي لو متقن واتدربت على توصيل المعلومة ومهارات التواصل مع الطلبة.

[@AhmedMohamed-fq1kj]

@@WeilaNada اه بس سعتها لو حابب اكون مدرس للغه دي،،في مدرسه عادي يعني لاني حابب كدا

[@WeilaNada]

@@AhmedMohamed-fq1kj مش كل المدارس بتشترط كلية لغات، أنت وحظك بقى في المكان اللي هتقدم فيه

[@rabeesleman4662]

ألف مبروك