Рет қаралды 569
في الحلقة الخامسة والأخيرة من برنامجنا الجديد (راس السنة x رباط) استضفنا اتنين اخوات: رانيا ولميا...قدام كل واحدة مجموعة من الكروت، فيها أسئلة عن 2023 واهم الحاجات اللي حصلت فيها، وأسئلة عن 2024 والأهداف اللي نفسه يحققها فيها والحاجات اللي بيتمنى انها تحصل..
كل واحدة بتسحب من الكروت اللي قدامها وبتسأل السؤال اللي طلع معاها، والشخص التاني بيجاوب بانفتاح واستفاضة وبكده يكونوا قضوا مع بعض لحظات جديدة ومختلفة، وقدروا يكتشفوا جوانب جديدة ويتعرفو على بعض أكتر ويقووا الروابط اللي بتجمعهم أكتر وأكتر...
فطرتي فين أول يوم رمضان؟ لو هتختاري أغنية لايقة على أحداث السنة تختاري ايه؟ ذكرى من راس السنة عمرك ما هتنسيها؟ وأسئلة تانية كتيرة بيسألوها لبعض وهم بيفتحوا مواضيع مع بعض أول مرة يتكلموا فيها...
دلوقتي تقدروا تعيشوا تجربة رباط لما تطلبوا الكروت من الويب سايت وتوصلكم لباب البيت وتلعبوها مع كل اللي بتحبوهم
rebaat-eg.com/
(راس السنة x رباط) هو برنامج أسبوعي طول شهر ديسمبر، فكرته انه يستضيف اتنين بتجمعهم علاقة قريبة ببعض (اتنين صحاب، اخوات، أب وابنه، بنت ومامتها، اتنين متجوزين او مخطوبين أو مرتبطين)، بيقعدو مع بعض، وبيسألوا بعض أسئلة عن السنة اللي بتخلص وأهم أحداثها والسنة الجديدة اللي هتبدأ والأمنيات والأهداف اللي نفسهم تتحقق فيها...
بنحاول في رباط نعرض نماذج لعلاقات جميلة علشان نرجع ثقة الناس في فكرة إن لسة فيه علاقات كويسة وناس بتحب بعض، ونفسنا نلهم أكبر عدد من الناس انهم يجربوا يتواصلوا مع اللي بيحبوهم بشكل عميق ويخصصوا أجزاء من وقتهم علشان يعملوا ده..
Follow us on Facebook:
/ rebaat.eg
Follow us on Instagram:
/ rebaat.eg
Follow us on Tiktok:
/ rebaat.eg