رأي بصراحة عن: هل تخش كلية الطب؟ هل مستقبلها حلو؟ هل فيه مجالات احسن؟
Рет қаралды 5,273
Күн бұрын
@dreamer1. 9 ай бұрын
يا دكتوره ، انا تالته ثانوي السنادي ومهتمة جدا بالتقيديم علي المنح وكنت اخدت منحة من بعد تالته اعدادي وامتحنت ايلتس وماشيه في الموضوع دا ومهتمة بيه جدا بجانب دراستي ، بس الاهل ضاغطين عليا ومش مقتنعين ب اي حاجة غير طب ، انا قدمت علي اكتر من خمس منح داخل الجامعات الكبيره في مصر زي الأمريكية وزويل والنيل وحلمي ادخل كليه منهم والمنح دي fully funded هم يدوب هديوا شوية اول م عرفوا اني مش هدفع فلوس وكدا لانهم معندهمش خلفيه كفايه 😂، بس خايفة لو ربنا وفقني ان شاء الله وجبت المجموع ادخل طب ك ارضاء ليهم بس انا مش بحب المجال الطبي خالص 😢
@-doctornada3254 9 ай бұрын
افضلي اتكلمي معاهم ما تزهقيش واسعي فالمنح وان شاءالله وقت الجد هيقتنعو باذن الله
@elzhraasallam1736 9 ай бұрын
قدمتي ازاي معلشي وشوفتي مين يوتيوب ساعدك او كدا ممكن اتواصل معاكي ازاي
@dreamer1. 9 ай бұрын
@@elzhraasallam1736 انا موجودة في اكتر من جروب لينا نفس الاهتمام بالحاجات ، وفي قناه اسمها عمرو رمضان كويسه بتنزل منح كتير ، + سيبي اي حاجة ليكي ان شاء اقدر اساعدك انتي ف تالته ثانوي !؟
@dreamer1. 9 ай бұрын
@@elzhraasallam1736 ابعتي اي حاجة تخصك وأن شاء الله اقدر اساعدك
@mohamedamr8636 9 ай бұрын
@elzhraasallam1736 منحةUsaid اتكلمت عليها دكتوره منة
@renashaed342 5 ай бұрын
تعبت جدا بجد بجد من كلام الناس انا كبنت يادكتور كانت بتسعي لمجموع عالي جدا السنادي فقط لا غير لا كنت بلتفت لكليه او بتخصص دشملت مشاعري تجاه كل الكليات خوفا بس اتعلق بكليه وفالاخر مجبهاش او بمعني صح خوفا من حالي يبقي زي حال اخواتي اتعلقو بالطب وفالاخر موصلوش انا دلوقتي جبت 95 الحمدالله كرم كبير من ربنا دلوقتي لقتني واقعه فمشكله مكنتش متخيله ان هقع فيها انا مشاعري مش متحركه ل اي كليه ومش متقبله اي كليه طبيه انا بالتاكيد كله نصحني بطب بشري بس انا كشخص مبدع ومبتكر وفنان وبيعرف يعمل كذا حاجه شخصيه متعدده المواهب مش تكبر بس انا كدا فعلا انا مشتته بسبب دا مش عارفه انا هنتج فين فالاخر مش عايز ادخل طب بشري خوفا من ان يدفن مواهبي دي اللي هي اصلا كذا حاجه بحس مواهبي دي عايزه شهاده او عمل حر لا للدراسه المعقده وفنفس الوقت في فاصل فالحياه علشان امارس هوايتي دي اللي انا حاسه نفسي فالاخر هي اللي هتنفعني مش طب فانا واقعه مبين ي يدوس علي هواياتي ي يدوس علي مستقبلي فالحالتين حساني مشتته فانا ارهقت من بحثي عن الكليات وعن ازاي اقنع اللي فالبيت ان لو استثمرت مواهبي دي هشتغل احسن من الطب بس بردو بيجيني احساس داخلي بيقولي يهبله مواهبك دي ازاي هتطلع وانتي وفالريف فبيخليني اتراجع وابص علي ان الشهاده مهمه القري اللي احنا فيها
@-doctornada3254 5 ай бұрын
انت ممكن تنمي مواهبك وانت في طب ده لا يتعارض مع ده اعرف واحدة دخلت طب حكومة وسياسة واقتصاد جامعة امريكية واتخرجت من الاتنين اعرف واحد دخل طب وبيحب البرمجة وعمل ابليكيشن لطلبة طب اعرف واحد بيرسم وفنان وفنفس الوقت جراح دخول الكلية لا يتعارض مع فنك وهواياتك
@renashaed342 4 ай бұрын
@@mennaabdelwahab-gi8re دخلت طب بشري مش بالاجبار من اهلي اهلي عاطيني الحريه الكامله بس لما خلوني اختار حسسوني بالمسئوليه فبقيت بدور علي الشغل المضمون بعدين فالمستقبل وهو الطب ومبصتش علي هوايتي وكمان خوفا من ان اضيع فرصه ممكن تكون هي الخير ليا والاحسن
@quartzgirl8287 3 ай бұрын
بعيدا عن الموضوع انا اسفه انا دلوقتي ف تالته ثانوي ف تنصحيني بايه عشان اجيب مجموع وكمان حساكي زيي بالظبط ف تعدد الشغف 😭
@حسامجابر-ض6ج 9 ай бұрын
انا بيج فان لحضرتك وده فخر ليا ، انا حاليا ف تانيه طب وهدفي اني أرتب بس مش مركز ع تخصص أو اني ابقى معيد بس بتحطم جدا من ناحية محدش بيقدر المهنه دي ف مصر ف بلاقي صحابي كلهم بيسافروو ومش عارف الصراحه
@-doctornada3254 9 ай бұрын
بالتوفيق يا دكتور لا تلتفت ليهم خليك مكمل في سكتك ايا كان، هترتب وتتعين او هترتب وتسافر، المهم انك ركز في دراستك والوضع كدا كدا في مصر ل اسوأ مضحكش عليك بس سيب الامر ده لوقته يعني ماتشغلش دماغك بيه
@أحمدحسن-خ2د8غ 7 ай бұрын
شكرا جزيلا كلام عقلاني وصحيح
@emankhaled-oj6dw 9 ай бұрын
يا دكتوره أنا من دفعة 23 السنه اللي فاتت يعني وجالي طب ف التنسيق بس أجلت سنه ف الجامعه وأنا حالياً ف السعوديه وجالي هنا هندسه وذكاء اصطناعي (AI) بس مفيش طب للأجانب ف السعوديه مش عارفه أنزل مصر أدرس طب ولا أدرس ف السعوديه هندسه أو AI، أنا من زمان نفسي أدخل طب عشان المسلسلات الطبيه الأجنبيه اللي كنت بشوفها كانت بتحمسني جامد وكان نفسي أطلع جراحه بس لما اكتشفت واقع الطب ف مصر ومش زي م كنت أتخيل بعيداً عن المرتب كمان وأنه الدكتور ف مصر اخره يفتح عياده بعيداً بردو عن إن السفر برا مصر هيكون صعب عشان لازم امتحان معادلة وكده مش عارفه بقيت من وقتها مش عايزه أنزل مصر وبدور على منحه أدرس طب برا مصر أحسن بس مش لاقيه خالص ، أنا عايزه طب بس مش عايزاه ف مصر عشان مش هيحققلي رغبتي ف الطب اللي كنت بتمناها من زمان ، وفي ناس بيقولوا أن مستقبل ال AI أحلى من طب وكده صليت إستخاره كتير بس مش عارفه اعمل ايه ولازم أقرر الأيام دي وأنا محتاره وأهلي محتارين معايا حضرتك رأيك ايه وأتمنى تردي بجد وشكراً جدآ 🤍.
@-doctornada3254 9 ай бұрын
بالتوفيق ان شاءالله لو تعرفي حد اتخرج من اليعودية من نفس المجال هيبقى حلو اوي شوفي شهادة السعودية معتمدة ولا لازم يبقى ليها معادلة هل ليها فرص شغل في السعودية؟ ولا لا هو طبعا المستقبل فال AI بس برضو شوفي فرص السفر بعد التخرج
@-doctornada3254 9 ай бұрын
والاستمرار في الدعاء والاستخارة الى ان ييسر لك ربنا كل الخير باذن الله
@emankhaled-oj6dw 9 ай бұрын
@@-doctornada3254 اه السعوديه معتمده ف مصر إحنا سألنا ، عشان لسه التخصص فاتح جديد ف المدينه اللي عايشه فيها لسه محدش اتخرج منه بحثت وليهم فرص عمل كتير ف السعوديه والدول التانيه
@-doctornada3254 8 ай бұрын
والله دلوقتي حسب ميولك برضو، هتتعاملي مع بني ادمين ولا تتعاملي مع كمبيوتر ايه العلوم اللي بتستميلي ليها اكتر انا الحقيقة شايفاها فرصة كويسة
@emankhaled-oj6dw 8 ай бұрын
@@-doctornada3254 بصراحه التخصصين شايفاهم حلوين وعاجبني +يعني حضرتك شايفه إن الAI ف السعوديه أحسن من الطب ف مصر؟
@Mohamed123-osama. 6 ай бұрын
انا حاليا في كلية طب ولكن بصراحة انا مش هاوي اوي للمجال وفيه حاجات تانية انا بفضلها اكتر من الطب ولكن انا لو حاولت اقول دا لاهلي حرفيا ممكن يطردوني من البيت 😂 . و زى ما حضرتك قولتي بيبدأ بعد ٣٥ سنة و انا حرفيا أكره حياة الكاريير دا مش مناسبة خالص ليا ولا لعقليتي وطبعا حضرتك عارفة إنها بهدلة قد إيه خاصة كولد زيي فالموضوع أسوأ فممكن نصيحة لوضعي الحالي بين واقع ومستقبل لا احبه ولن اكون سعيدا به وبين ما انا اريده ويناسبني
@-doctornada3254 6 ай бұрын
انا نصيحتي دايما حاول تحب الواقع اللي انت فيه وتخليه حلو باي طريقة عشان يعدي يعني ممكن ما تكريش كل للوقت للطب وتتعرف على مجالات تلنية اثناء الدراسة وتطور مهاراتك وفنفس الوقت خد شهادتك من الطب واختار تخصص مريح تعرف تعمل الحاجة التاني اللي انت بتحبها جمب الطب او خلص الشهادة واتجه كليا للحاجة التاني بس بص ارض الواقع بيقول ان دي اكتر شهادة مضمونة للمستقبل طبعا باذن ربنا بس هو ده الواقع وهو ده اللي اهالينا شايفينه تعايش مع الواقع لان انت كدا كدا غالبا هتفضل فالكلية
@Mohamed123-osama. 6 ай бұрын
انا بالفعل مش بدي كل الوقت للطب وعندي حاجات تانية بطورها بشكل شخصي و انا فعلا بفكر أخد الشهادة وبعدها اتجه للحاجة اللي انا عاوزها بالرغم أن دا ممكن يزعل أهلي في المستقبل بس دي حياتي انا وانا عايز اعيش كما أريد
@-doctornada3254 6 ай бұрын
@Mohamed123-osama. بظبط انت حر ساعتها تعمل اللي تعمله
@MohamedOsama-bc5vv 9 ай бұрын
Agree with u doc ❤️
@mohamedrafat3227 9 ай бұрын
لو سمحتى يا دكتور هو ينفع اسافر بريطانيا ب mrcp 1 بس ولا لازم اكمل باقى ال steps ؟ آسف انى بسأل فى موضوع بره الفيديو بس انا دورت على اجابة السؤال كتير و مش لاقى اجابه واضحة و الف شكر على مجهود حضرتك فى المحتوى الجميل اللى بتقدميه ❤️
@-doctornada3254 9 ай бұрын
على حسب الوظيفة اللي مسافر عليها، في كل الاحوال لازم يبقى معاك تسجيل gmc والتسجيل يا اما تخلص بلاب يا اما تخلص mrcp افرض مخلص بلاب ومعاك جزء ١ من الزمالة، هل ينفع تسافر؟ اه ينفع، عشان انت مخلص بلاب ف تقدر تسجل ف gmc انما mrcp 1 من غير تسجيل ماينفعش ودور على سكة اسمها mti برضو، ده اللي هو بتسافر زي سنتين تسد عندهم عجز بشرط الرجوع بعد السنتين
@mohamedrafat3227 9 ай бұрын
ألف شكر يا دكتور ❤️
@youssiefemam1865 9 ай бұрын
دكتور انا عايز اسال حضرتك علي حاجه هل لو حد عمل معادله usmle. ممكن يسافر بعض step 2 و هل ممكن اسافر بعد الامتياز علي طول ولا لا
@youssiefemam1865 9 ай бұрын
يعني اقصد ممكن يسافر بعد step 2 ولا لازم يعمل step 3 وهل ممكن لو خلصت المعادله اسافر بعد الامتياز علي طول ولا فيها مشكله
@-doctornada3254 9 ай бұрын
اه ستيب ١ و ٢ وامتياز وسافر علطول
@youssiefemam1865 9 ай бұрын
@@-doctornada3254 متشكر لحضرتك
@أمعلي-ه4ف2ن 8 ай бұрын
لو سمحتى يا دكتوره هو اللى عنده سكر ينفع يستحمل ضغط الطب ومشواره الطويل
@-doctornada3254 8 ай бұрын
اه ينفع عادي
@adamahmed120 5 ай бұрын
يا دكتوره بنتي حاصله على ٩١٪هذا العام ادخلها طب، خاص، ولا تكنولوجيا العلوم الصحيه التطبيقيه حكومه محتارين افيدينا، بالصحه بارك الله فيكي،
@-doctornada3254 5 ай бұрын
اسالو حد متخرج من الكلية دي عن الوظايف بتاعتها بعد التخرج
@hagarelkomy7667 6 ай бұрын
يا دكتور من فضلك انصحيني أدخل طب ولا حاسبات تخصص cyber security
@-doctornada3254 6 ай бұрын
انت ميالة تتعاملي مع بني ادمين وتعالجي وعلوم الطب بتحبيها ولا بتميلي تقعدي لوحدك وبتحبي شغل المكتب وعلوم الحساب والفيزياء والتكنولوجيا هي اللي بتحبيها وهل الكلية متخصصة بس cyber security تعرفي حد في التخصص ده ولا بس حباه من السمع؟
@hagarelkomy7667 6 ай бұрын
@@-doctornada3254 انا مياله اكتر حاجه لحاسبات وسالت ناس في التخصص وعرفت ان الكليه محتاجه دراسه جانبيه كتير وقالوا لي ان ليها فرص عمل بس هم محصلوش عليها عشان هم ما اجتهدوش عشان يوصلوا لها .. بس انا ناويه ان شاء الله اجتهد فيها ولكن انا مخوفني اني هخسر مكانه إجتماعية وكمان الشخص اللي انا معجبة بيه في خيالي بدون علمه دا داخل طب 😶
@abdalaziz-alharbi 7 ай бұрын
يادكتوره ابغى نصيحتك الله بسعدك انا من السعوديه وابني يبغى يدري الطب في مصر في جامعة عين شمس ابغى نصيحتك وشكرا
@mg1r2slegend44 8 ай бұрын
سلام عليكم ، يادكتور هل لو انا داخل طب اهلية او خاصة ، هل هدفع المصاريف السنوية في امتياز برده ، و هل لما اعمل الزمالة هحتاج ادفع مصاريف سنوية ؟ وشكرا
@-doctornada3254 8 ай бұрын
ايوة الامتياز في الخاص والزمالة بفلوس
@mg1r2slegend44 8 ай бұрын
طيب معلش بس هل في طريقة تخليني اكمل تعليمي بعد الطب خاص، بس مثلا يكون تبع جامعة حكومية؟
@mg1r2slegend44 8 ай бұрын
يعني هل اكمل تعليمي في التخصص اللي انا عايزة بعد الجامعة ولا احضر لمعادلة و اسافر؟
@mg1r2slegend44 8 ай бұрын
وبعتذر بجد تقلت على حضرتك
@-doctornada3254 8 ай бұрын
انا مش فاهمة سؤالك، بس انت بعد ماتخلص امتياز فجامعتك هيبقى عندك تكليف تبع وزارة الصحة، التكليف اجباري للكل، ده بتشتغل دكتور فوزارة الصحة وبتاخد راتب، بتشتغل ممارس عام سنة الى سنتين وبعد كدا بتتخصص ٣ سنين على الاقل برضو فالوقت ده بتاخد راتب عادي زيك زي اي دكتور الزمالة نظام مختلف عن تكليف وزارة الصحة حكاية تانية طيب لو عايز تسافر، خلال سنين الامتياز بتحضر المعادلة وتمتحن انجليزي وتتكل على بعدها
@hamzawasfi5166 9 ай бұрын
طيب ايه رأيك لو حد بالفعل في طب و لقى ان ده مش مناسب ليه ولقى حاجه تانيه ميال ليها اكتر يغير مجاله ولا يكمل الكلية الاول؟
@-doctornada3254 9 ай бұрын
على حسب انت في سنة كام، والمجال التاني ايه بس فالمجمل، انا ميالة اكتر ان الواحد يخلص اللي هو فيه، ولو عندك شغف لحاجة تانية ممكن تبقى جمب الطب، او شغفك يبقى رقم ١ والطب رقم ٢، بس خلص شهادتك وشوف عايز تعمل ايه
@همسالوجود-و8ظ Ай бұрын
@@-doctornada3254 طيب يا دكتور بالله تنصحيني لو أنا دلوقتي 23 سنة وكنت قاسمة ثانوية ورسبت ف الكلية كذا مرة ودلوقتي ف تانية طب ...تنصحيني اكمل ولا واغير واحول مع العلم أنا معنديش خيار تاني ادخله ولا عندي الطاقة أو الشجاعة ل ده ++ اهلي مش هيوافقوا بس مبقتش قادرة اكمل ف طب بنفس شغف لما كنت زمان ف ثانوي وكنت متفوقة ف نصيحتك ايه ؟؟ ++ اني مش ناوية اشتغل بعدين ف مجال العمل والاختلاط والدنيا دي يعني ناوية استقر ف البيت لما اتزوج ف هل الطب ف الحالة دي يستحق أني احط فيه كل العمر ده وايه نصيحتك ؟! 😢
@khairysaad1046 9 ай бұрын
❤❤❤
@-doctornada3254 8 ай бұрын
♥️♥️
@E.T.A.-wr3rl 8 ай бұрын
السلام عليكم دكتوره ممكن تقولي لي ايه كليات الطب الخاصة المعتمده خارجيا و نقدر نعمل منها معادلة للسفر
@-doctornada3254 8 ай бұрын
kzbin.info/www/bejne/gYKxeXh9itZ1j68
@mariamelaila386 9 ай бұрын
يا دكتور هو اختيار التخصص بيعتمد على المجموع و لا بيفرق بس في حاله ان هشتغل معيده في الجامعه ؟
@-doctornada3254 9 ай бұрын
اه بيعتمد عالمجموع، كل ما المجموع كان احسن كل ما كان عندك اريحية في اختيار التخصص
@basmalasakr8318 6 ай бұрын
لو سمحت هو هيكون في مذاكره وامتحانات ف سنين الزملاه ولا لا ؟
@-doctornada3254 6 ай бұрын
ايوة فيه
@مازنعبدالكريم-ع2ز 9 ай бұрын
هو ازاى كنتى بتشتغلى وممكن تصرفى عالكليه قبل دخول الكليه
@-doctornada3254 9 ай бұрын
كنا عايشين فالكويت وكنت بشتغل في سنتر تغذية وكان قبضي ٢٥٠ دينار فالشهر، ف تحويشة ٥ او ٦ اشهر يجيب مصاريف الجامعة ساعتها
@Mahmoud12324 8 ай бұрын
@@-doctornada3254 ايه رايك في مجال الجيم والتدريب الاون لاين بما انك احتكيت بحاجة مشابهه
@-doctornada3254 8 ай бұрын
مش فاهمة راي من حيث ايه؟ هو شغل زي اي شغل، مجال من برة يبدو ان فيه فلوس كتير بس انا متاكدة انه عايز شغل كتير عشان تبقى مشهور عشان يبقى فيه فلوس كتير
@Mahmoud12324 8 ай бұрын
@@-doctornada3254 ما اي مجال محتاج شغل عشان يبقي فيه فلوس احنا مش مختلفين سؤ طرح السؤال كان مني فعلا مخصصتش رايك من ناحيه ايه دي اسألتي لو تقدري تفيدني هو كمجال ف ظل الوضع بتاع مصر ده والناس مش لاقيه تاكل يعتبر رفاهيه هل هيفضل مستمر ولا هيتأثر هل مجال هعرف scale فيه لانه يعتبر مجال شورت ترم مرتبط بالسن اغلب المدربين بعد سن معين مبيقلوش بحكم السن ايه التخصصات ال ممكن اخودها كدكتور تفيدني فيه لو عاوز اعمل بزنس حوالين الطب أو اخلي الطب يخدم عليه الحاجه الاخيره حاسس اني برده لو اخترت حاجه مش في الطب اووي هكون كده ضيعت وقت ولو فشلت فيه هضيع الاتنين كطب وتدريب ولا انتي شايفه ايه
@-doctornada3254 8 ай бұрын
تمام حلو اول حاجة لا البيزنس ده مش هيقع، لانه بيزنس خدمي، راس ماله خو دماغك انت، فبالتالي التكلفة عليك مش قوية، وفنفس الوقت لو نجحت مع العملاء هيجيلك ناس اكتر. سيبك من الوضع الاقتصادي، مصر من اول ٥ دول فالوطن العربي فيه مشكلة سمنة ومش هتخلص المشكلة دي لان عاداتنا الغذائية وحشة، بناكل عيش ورز ومكرونة كتير بالنسبة بقى للطب، بالعكس اما تبقى دكتور بشري دي ميزة زيادة لحضرتك عن المنافسين وممكن تشتغل تغذية علاجية من خلال الطب هتتخصص طب مجتمع ومنها فيه تغذية او عادي بعد التخرج تاخد دبلومة تغذية ده عشان الرسميات اولا ثانيا عشان انت تبقى شاطر هتحتاج حاجات تانية كتير عشان تبقى شاطر ومعروف بعني الخلاصة، لو انت بتحب تتعامل مع الناس، ليك في الرياضة والاكل وبتحب الشغل ده، ف توكل على الله
@dr.shimaa7assan 5 ай бұрын
طبب انا جايبه 90 وملحقتش طب حكومي والخاص فلوسه كتير جدات واهلي مش مقتدرين ف قررت ادخل علوم طبيه ف ايي رايك ف الكليه دد .
@-doctornada3254 5 ай бұрын
اسالي حد خريج منها احسن يقولك بعد التخرج ايه مجال العمل
@-doctornada3254 5 ай бұрын
الف مبروك عالمجموع بتاعك برافو عليكي ممكن تتفرجي عالفيديو ده برضو kzbin.info/www/bejne/sHrHYqp8haqra5Y
@E.T.A.-wr3rl 8 ай бұрын
انا مش عارفه اطلعهم
@عهدأحمد-خ1ل 6 ай бұрын
دكتورة اتمني تردي عليا انا جبت ٨٩ ونص %للاسف مش لاحقة طب ف قدمت ع خاص وده حلمي من زمان وفي نفس الوقت زعلانه بشكل مش طبيعي اني هكلف اهلي الفلوس دي كلها الحماس للكليه اقل بقا عندي مخاوف كتير زي اني اكون سبب في ضيقه اهلي المادية او اني منجحش في الكليه وحاجات كتير اعمل ايه
@-doctornada3254 6 ай бұрын
اجتهدي واشتغلي على نفسك وكوني من المتفوقين دراسيا وهما هيحسو انهم فخورين بيك
@WesamGhoneiam 4 ай бұрын
السلام عليكم ورحمة الله وبركاته يا دكتورة انا محتارة جدا والله انا حاليا بدرس في تانية علاج طبيعي وكان نفسي اوي في بشري بس للأسف مش وفقت في المجموع وفي نفس الوقت مش قادرة اتخطي فكرة طب بشري من دماغي والله انا مش عايزا المهنة دي علشان الفلوس انا بس عايزاها لأن دا كان شغف وحلم كبير وحاليا بفكر اكمل علاج وأسافر ألمانيا اشتغل هناك كدكتورة علاج وفي نفس الوقت اكمل دراسة الطب البشري تنصحيني آخد الخطوة دي واكمل علشان دا حلم مش قادرة اتخطاه ولا ارضي وخلاص ،علي فكرة اللي مخليني مكملة في الكلية بتفوق هيا فكرة اني اجيب تقديرات كويسة علشان اسافر وادرس طب بشري بس في نفس الوقت خايفة جدا من فكرة السفر بس في نفس الوفت حلمي يساهل اني أضحي صح اتمني تفديني ؟؟؟؟
@-doctornada3254 4 ай бұрын
اسعي اكيد ورا حلمك وتفوقي ليكي اولا تبقي شاطرة فمجالك وكمان لو عايزة تكملي دراسة برة تكوني جايبة تقديرات كويسة تساعدك ف اكيد كملي فاللي انت فيه ولكن اعملي حساب دايما اذا لا قدر الله رينا موفقكيش فالسكة اللي انت عايزاها يبقى عندك خطط وتصورات بديلة وانها مش اخر الدنيا
@WesamGhoneiam 4 ай бұрын
@@-doctornada3254 تمام شكرا لحضرتك جدا
@nadaamer5937 9 ай бұрын
ممكن تردي عليا من فضلك
@-doctornada3254 9 ай бұрын
ارد عليك فين؟
@nadaamer5937 9 ай бұрын
@@-doctornada3254 هنا اقصد عندي مشكله وكنت عايزه اسأل حضرتك عن حاجات فيها
@-doctornada3254 9 ай бұрын
ماشي اتفضلي ايه مشكلتك؟؟؟؟؟؟
@nadaamer5937 9 ай бұрын
@@-doctornada3254 انا خلصت ثانويه السنه اللي فاتت وللاسف ما دخلتش الكليه اللي عشت طول عمري احلم بيها وحاليا انا في سنه أولي وفي قسم فيه مواد من طب عشان كدا انا دخلته وماشيه في الكليه كويس جدا بس مش عارفه استوعب اني ما دخلتش طب وكل يوم نفسيتي بتسوء اكتر من اليوم اللي قبله مش بتتحسن خالص اعمل اي
@-doctornada3254 9 ай бұрын
@@nadaamer5937 متستعجليش في الحكم على المجال اللي انت دخلتيه، ادي الكلية اللي انت فيها فرصة، واهتمي بدراستك كويس جدا وخليها هدفك الجديد ان انت تبقي اشطر واحدة في المجال، عايزة اقولك لو مجالك في العلوم الطبية عموما فانت ما بعدتيش كتير، لان في ارض الواقع كلنا بنشتغل مع بعض، بشري واسنان وصيدلة وتمريض وعلوم كمان ف الدنيا مخلصتش ولا اتقفلت، يا ستي ابقي خلصي كلية وخدي دلومبة تطور مهاراتك او تسمحلك تفتحي معمل او عيادة تغذية مثلا واستمتعي سنين الكلية، متضيعيش وقت وسنين في حاجة خلصت خلاص
@MohamedOsama-bc5vv 9 ай бұрын
Agree with u doc ❤️
@-doctornada3254 9 ай бұрын
♥️♥️♥️♥️
@E.T.A.-wr3rl 8 ай бұрын
انا مش عارفه اطلعهم
دكتورة ندا - Doctor Nada
Рет қаралды 2,5 М.
НОВОСТНИЧОК
Рет қаралды 6 МЛН
Dr mohamed Adel - محمد عادل
Рет қаралды 14 М.
دكتورة ندا - Doctor Nada
Рет қаралды 9 М.
Sada Elbalad - صدى البلد
Рет қаралды 56 М.