رأي إبراهيم طناني في تقسيم مواد الثانوية على سنتين أو أكثر | قرار صحيح أم خطأ

[@Ibrahemtanany]

للاشتراك في (مكثف العربي) تواصل مع اللينك 👇👇 t.me/IbrahemTanany

[@AhmedNagy-b2h]

@@Ibrahemtanany شكرا جزيلا ل حضرتك يا دكتور

[@OmniaSaleh-i8b]

اه

[@بوبومحمد-ث2ق]

لو أنا أم بذاكر لولادي وهما ثلاثة اللهم بارك ومفيش استطاعة للدروس خالص عندي السنة دي أولى ثانوي أدبي وملحقناش نخلص كل المواد مع العلم ان في ٣ إعدادي كان ترتيب الرابع على المعهد في الحالة دي القسمة أفضل؟ رجاء لا تبخلوا بالنصيحة

[@بوبومحمد-ث2ق]

طبعا من أسباب التأخير انتظار كتب المعهد لأننا نذاكر منها

[@mohamedahmedhassan1264]

انا دفعة 24 وقاسم ودي السنه التانيه ليه ولغايت الآن بذاكر والدنيا تمام القسمه حلوه من حيث الوقت عندك وقت كافي تذاكر فيه كل المواد كويس بس لازم الي هيقسم يكون عارف نفسه بيذاكر كتير وهيستحمل مذاكرة سنتين بس دا في حالة انك عارف قدراتك مش هتقدر تخلص المواد كويس في سنه واحده غير كدا متقسمش واتوكل على الله

[@mohamedmohsen9501]

معاك مواد اي في السنه التانيه

[@mohamedahmedhassan1264]

@mohamedmohsen9501 معايا المواد العلميه ما عدا الاحياء بالأضافه للفقه

[@Amera-p8p]

انا واحده قسمت المواد ومكنتش ناويه ع كدا بس لقيت نفسي ف شهر ١١ عايزه اأجل من غير سابق انذار استخرت الله كتيييير ولقيت نفسي مرتاحه واخدت الخطوه وقسمت وعديت اول سنه والحمد لله بعدين جات السنه التانيه علشان اكون صريحه معاكم هي السنه التانيه صعبه ف اننا لازلنا ف ثانوي وصحابنا دخلوا الجامعات واحنا لسه ف نفس المكان بس استعنت بالله وكملت رغم اني قابلتني صعوبات كتييير بس بكرم ربنا وفضله عديتها والحمد لله رب العالمين ربنا اكركمني بمجموع ٩٥,٣٨٪ ودخلت طب بشري ازهر❤❤ وحاليا اهو متمرمطه ف امتحانات طب 😅😅😅😅 من وجهه نظري الشخيصه ان محدش يعرف الخير ليكم اي لذلك عليكم وعلي الاستخاره وادعوا ربنا يوفقكم للخير ليكم ❤❤❤

[@alaaalmhroke9520]

انا عايزه اقسم السنه كلها ينفع ولا لا انا والله مجتهده الحمد لله وبذاكر كويس بس السنادي تعبت اوي اول ٤ شهور كنت بذاكر بالعافيه ومازلت تعبانه لاني عندي مرض بتعالج منه لسه الحمدلله ف لو قسمت السنه كلها انا عارفه هجتهد اكتر ان شاء الله ف قوليلي تعرفي حد قسم السنه كلها وجاب مجموع ونفسي ادخل طب اوي🥹

[@alaaalmhroke9520]

وكمان عندي مشكله مع الانجليزي واغلب المواد للاسف

[@Amera-p8p]

@@alaaalmhroke9520 اولا شفاك الله وعفاكِ واكيد كله بأجره لو تقدري تاخدي جزء بسيط من المواد وتشتغلي عليه الفتره الجايه وتظبطيه وادخلي امتحني عليه يبقا افضل علشان تخففي عليكي السنه الجايه عموما لو اخدتي جزء من المواد هتلحقي جدا جدا لسه الوقت كافي بس اهم حاجه تظبطيهم كويس علشان تجيبي فيهم درجه حلوه تشجعك السنه الجايه انك تكملي بكل قوه علشان تحافظي ع المجموع لكن لو لا قدر الله مش هتقدري وحالتك الصحيه صعبه مقدرش اقلك خاطري وادخلي شويه مواد السنادي علشان لاقدر الله لو مجبتيش فيهم درجه كويسه دا هيهبطك السنه الجايه واولا واخرا استخيري ربنا كتير وادعيه كتير ييسر لك الخير حيث كان وعموما القسمه مش سبب ف انك متحيبيش مجموع الحوار كله يتوقف علي الشخص القاسم دا هل هو عنده عزيمه واراده ومصمم ع حلمه ولا هو مش فارقه معاه لو انتي عندك عزيمه واراده وقبل دا كله التوكل ع الله وتجتهدي هتجيبي مجموع وهتدخلي الكليه اللي نفسك فيها وربنا يوفقك 🤍🤍🤍

[@alaaalmhroke9520]

@Amera-p8p الله يسلمك يا جميله😘 انا كنت اقصد اني اخلص المواد كلها السنادي واحل وبعد كدا اكمل مراجعه وحل للسنه الجايه برضو لاني عايزه احل كتير اوي الحاجه اللي كويسه فيها الحمدلله الفيزيا بس مش عايزه ادخلها لاني عايزه ازود حل اكتر ومش هبقي حابه اني ادخل غير وانا حاله كذا كتاب وكذلك الشرعي والعربي مش حفظاه كويس وحاجات واقعه مني كتير وخايفه اقسم اندم ومذاكرش السنه الجايه علشان الكل في جامعه وانا لا وكدا انصحيني بالله عليكي🥹❤️❤️

[@DoctorAyosh-m5l]

انا😢قاسمه السنه وياريت ما قسمت 😢 والله مش بخوفكم ولكن والله والله العظيم السنه خودها مره واحده لانه السنه التانيه مش هيكون عندك طاقه تروح الحصص وهتعرف كدا لو جربت أستعين بالله وثق بالله ثم ثق بنفسك وعلى فكره نفسك هتصور ليك انه هيكون معاك وقت ومعرفش اى لا والله خالص 😢 كلام المستر مليون ف الميه كله صح والله 😔💔

[@بهارونار]

قدر الله وما شاء فعل انت خلاص قسمتي وحصل اللي حصل اظبطي نفسك واقفي مع نفسك واقفة كده وفوقي نفسك كده واقعدي ذاكري وان شاء الله خير وادعي ربنا كتير اوي متبطليش دعاء ادعي ربنا يعينك على المذاكرة ويوصلك لحلمك ومتقلقيش هتجيبي فوق ما تتخيلي ان شاء الله كمانثقي في الله ❤

[@nagy_mohamed2007]

من قبل ما اشوف فيديو بقولك اجتهد واعمل اللي عليك بلاش تأجيل

[@3553e5]

ان الله وملائكته يصلون علي النبي ياايها الذين امنوا صلوا عليه وسلموا تسليما ❤

[@A7mad1900]

انا كنت دفعة ٢٤ ومكتش قاسم السنة بس كان دايما بيجيلي احساس اني لو قسمت هجيب احسن فا ليه ما أأجلش وبلفعل كت هاخد قرار تأجيل الكيمياء والرياضيات لان دول كنت ضايع فيهم والامتحانات عدت والمادة ال دمرتني مكتش الكيمياء ولا الرياضيات بل جبت فيهم درجات كويسة (كانت فيزياء والحمد لله عكل حال) فمن تجربتي للثانوية واني كت هأأجل مواد منقصتش فيها فلاخر لو كنت أجلت كان حصلي زي ما الدكتور قال والحمد لله مجبتش طب او حققت هدفي بس دخلت صيدلة الحمد لله وربنا يوفقكو فا نصيحة بلاش تأجيل

[@HagerMostafa-u9d]

طب انا لسا مبداتش كويس يعني كنت بدات الصراحه بس نسيييت وكرفت شويه وحاليا مبعرفش احل رياضه وفيزياء وخايفه اصلا ااجل واقول لاهلي وخايفه مجبش مجموع لان معظم المواد مش كويسه معايا او كلها بس انا بدات يعني

[@MohamedFathy-l6y]

شكراً ي دووك ع النصيحة الغالية دي ❤❤❤❤❤ ونا اقتعنت الحمدلله 🌷

[@baraamahmoud9581]

الهم واحد والرب واحد لا اله الا الله الله المعين

[@Hagor-b7r]

مميزات القسمه انو بيكون معاك فرصه كبيره ل لم المواد وانك تجيب مجموع عالي ودا طبعاً بعد قضاء الله وقدره انا الحمدلله كنت قاسمه وجبت ٩٦,٩٪ ودلوقتي في طب بشري جامعه الازهر في القاهره اما العيب انك في السنه التانيه بتكون مش قادر تبدأ يعني مثالاً انا بدات يوم ١/١

[@farosa-c8q]

ما شاء الله ربنا يوفقك تنصحيني بايه انا تانية ثانوي ازهر علمي وبمتحن دلوقتى واعمل ايه في الإنجليزي والفيزياء والرياضة 😭😭+انا بنت

[@هاجراسعد-ق7د]

بالله عليكي لازم تردي عليا أنا ثانوي ازهر معرفش حاجه في المواد خالص وقررات أقسم السنه بس ولكن عندي صراع مابين نفسي اني مش عارفه القرار ده صح ولا خطأ بس بالله عليكي انصحيني لاني حصل معايا حجات مكنتش متوقعه خالص تحصل معايا السنادي بس ولكن عايزه اخد القرار بس محتارة وخائفة جدا واهلي صغطين عليا اني مقسمش المواد وبيقولي لو انتي قسمتي مش هتجيبي حاجه خالص وخايفه والله 😭

[@هاجراسعد-ق7د]

​@@farosa-c8qبصي كنت زيك كدا قرب الامتحانات تمام عايزاكي ليله امتحانات بتاعتك تمسكي كتب المعهد تحلي فيها الاسئله الموجودة تمام وتجيبي امتحانات السنوات السابقه وتخليها تمام يا سكر وأن كان في شوية تعرفيات احفظيهم لأنهم بيحبوا كام تعرفي علي شوية اختر علي مسألتين ده في الفزياء والكيمياء اما الرياضه احفظي القوانين كويس جدا وخلي أسأله السنوات السابقه بحد والله مريت بنفس التجربه اللي انتي كربتي بيها والله وكنت زيك كدا والله العظيم ويمكن اكتر بسبب الظروف بس حبيت امتحانات السنوات السابقه والحمدلله كانت درجاتي كويسه سيبك بقا من مشكلتي في تالته ثانوي بسبب ظروف والله بس هتعدي وانا واثقه في ربنا بس انتي اعملي زي مقلتلك❤

[@Hagor-b7r]

@@هاجراسعد-ق7د بصي طالما انتي مش قاسمه من اول السنه يبقي خدي باقي شهر واحد حاولي تلمي في الدنيا اتلمت وكده متقسميش لو لسه في عندك ظروف صعبه ومعرفتيش تلمي يبقي انصحك اقسمي وبردو انصحه انك في اول سنه تاخدي الرياضه كامله ومتنسيش تدعيلي ربنا يعني ويوفقني

[@farosa-c8q]

@@هاجراسعد-ق7د ❤🥺شكرا يا هجوره وربنا يوفقك يارب وتجيبى اعلى الدرجات وتحققى كل الى نفسك في ادعيلي بجد تعبت اوى بسبب الامتحان واهى هنات فاضل 3 ايام

[@AyaahmedSaad-f6s]

شكرا اوي من كل قلبي ليك ربنا يوفقك ويسعدك ويحفظك من كل سوء انت وذريتك

[@Malk-y6j]

سبحان الله وبحمده سبحان الله العظيم الله اكبر اللهم صل وسلم وبارك علي نبينا وحبيبنا محمد صل الله عليه وسلم واله وصحبه اجمعين

[@abdullahdarwesh7402]

انا كنت قاسم السنه اول سنه ٩٨ % وفي النهايه حصلت على ٩٢ % توفيقا من الله ليس شطاره منى والحقيقه انى ما ذكرت مذاكره اعلى حاجه لكن كان هدفى الوحيد هو كليه الهندسه جامعه الازهر والحمد لله مع انى لحقت صيدليه اسيوط لكن وضعتها فى الرغبات بعد هندسه والحمد لله والأمر متوقف على نفسيه الطالب انو همه الكبير انو يجيب مجموع عالى عشان يقدر يكمل السنه التانيه ولو ما وفقش حقيقى مش هيقدر يكمل لانو بعد عن الهدف وأعلم انه فى كلتا الحالتين لابد من تضحيه سواء كان ان زميلك خلصوا ودخلوا كليات وانت لسه فى الثانويه فما عليك سوى انك تدرك وتيقن انا ما دفعك لهذا إلا للوصل إلى هدفك وايه يعنى سنه زياده انت لا تعلم الظروف هتجبرك على ايه بعد كده لكن اعقلها وتوكل على الله بالتوفيق وانا موجود لأى سؤال وصل الله على نبينا محمد وعلى آله وصحبه أجمعين

[@MohamedElbana-p6t]

السلام عليكم

[@MohamedElbana-p6t]

انا تعبت جامد واهلي قالوليي اقسمي المواد علي سنتين من سعتها مابزاكرش خالص وتيهة اعمل ايه

[@Hodaabdo-rp6zs]

بارك الله فيك يا ابنى

[@Salma-Mohammed-Mohammed.]

نصيحة من طالبة قاسمة إياكم والقسمة إياكم والقسمة

[@HusseinMohamed-tq8pe]

انا مأجله السنه دخلت السنه اللي فاتت مادتين بس وانا حصلي ظرف نفسي صعب جداً ومكنتش فعلاً قادره ادخل امتحانات حتي المواد اللي مذكراها كويس ونصيحه مني لو حسيت بأي تشتت جامد وافكار قسمه السنه بتجيلك كتير استشر مدرس بتثق فيه وهوا عارف قدراتك كويس والسنادي انا نفسيتي اتحسنت كتير وحاسه اني بعمل لحاجه ربنا مش هيضيع تعبي فيها وبرغم اني مراكمه شويه مواد بس عادي لسه في وقت واقدر اذاكرها

[@Mariama5757]

وعليكم السلام ورحمة الله وبركاته ❤❤

[@baraamahmoud9581]

بس يادكتور لقدر الله ممكن حد يجيب ملاحق عشان هوا مش قدر الضغط ويعيد السنة وبكدا يكون خد السنة علي سنتين فكان من الاول فالقسمة دي تتوقف علي اللي هيقسم ان كان بيقدر يذاكر تحت ضغط كترة المواد ولا لا

[@Nada-cq8ki]

كان نفسي اعمل كدا فأول السنه بس بابا مرضاش

[@سلسبيلصلاح-ط1ح]

😢😢انا مأجله وبقول لغيرى اوعي

[@شهدطلعت]

ليه

[@سلسبيلصلاح-ط1ح]

@شهدطلعت مش هتقدري،تذاكري وتفضلي تراكمي ده غير اني هتبقي مقسمه المواد تيجي تلاقي ماده مش مظبوطه معاكي تقولي معايا سنه تانيه ادخلها السنه التانيه تراكميهم كلهم السنه التانيه تخافي ع الدرجات ذاكرى ومعاكي وقت تلمي التشتيت طبيعي الحوار، كله تظبيط وقت مش زي ما فاكرين كثره مواد

[@Ab_do777-u1w]

يعني ب النسبه ليكي لسه فاضل وقت نذاكر ونحل ونكون حلوين ف جميع المواد 😢

[@سلسبيلصلاح-ط1ح]

@Motivation_7_7_7H ايوه طبعا حطي قدامك احسن ما تضيعي سنه من عمرك وتكوني مع دفعتك ومتحزنيش ع نفسك وتتحسرى في السنه التانيه اقسم بالله انا حزينه حزن السنين اني مدخلتهاش سنه واحده ده في، النفسيه اللي بتكوني فيها والعياط واهلك مستنين منك حاجه كبيره لما انك قسمتي السنه بس كل ده مش مهم دلوقتي في ناس بدات مراجعات لو مبداتيش او مش مظبطه معاكي وقت استعيني بالله وادعي ربنا بالتيسير الامور وحطي في دماغك اني مهما حصل اني هاخدها سنه واللي يحصل يحصل وانا عملت اللي عليا قدام نفسي وربنا بدفع النظر اي يكن انا بدات امتي

[@سلسبيلصلاح-ط1ح]

@Motivation_7_7_7H قدامك تعملي المستحيل مش الممكن انتو اللي معجزين نفسكم الانسان بطبعه بيحب الراحه عاوزه اقولك اني كله بيناديني يا دكتوره بسبب اني قاسمه السنه والاكيد اني هجيب مجموع بس كله ب ايد ربنا ما عليا الا السعي فقط لا غير

[@AmirAyman-v7e]

أنا قاسمة السنة بسبب ظروف غصب عني بتقدير الله تعالى عايزة نقول إن الواحد يذاكر المواد كلها ويدخل يمتحن وياخد السنة على سنة واحدة إلا لو حصل له ظروف ياجل بس قبل ما ياخد القرار يستخير الله هو ربك وهو اللى عارف الخير ليك لو اطلع العبد على ما قدره الله له لزاد حبه لله تعالى ولاختار ما قدره الله له

[@مريمجادالله-ذ5ض]

يامستر نزل فديو لتركمات ازاي الم التركمات

[@مريمجادالله-ذ5ض]

في الازهر لتالته ثانوي

[@SafiaRoomy]

اللهم استخدمنا ولا تستبدلنا

[@amnasherif7518]

نصيحه القسمه كتجربتى فشلت معايا

[@يوسفنادي-ظ2س]

طب انا بدأ ت في شهر اتناشر ولحد دلوقتي مقرب اخلص المنهج هل كده انا مأثر في حاجه

[@محمودحمادةثابتمحمد]

كلام صح والله يا مسر❤

[@حسنالسيد-ي6ر]

لو كنت شفت فيديو زي دا السنه اللي فاتت مكنتش قسمة

[@AhmedMalawe]

ثق في نفسك وان شاء الله هتعدي وهتجيب ان شاء الله انا ماجل نصيحه اوعي اوعي 😢

[@ahmedo075-q3j]

والله لو هتجيب 50% متعملهاش الامتحانات هتعدي وهتبقا سهله متقلقوش وكل الكليات محصله بعضها وربنا مش هيكتب عليك حاجة انت مش هتقدر عليها

[@KamalHussenKamal21]

بص يا دكتور انا مشترك معاك في المكثف ونا قاسم السنه بس الحمد لله جايب درجات حلو اوي في السنه الاولى واجلت السبب بس انصح الخواتي متجلش غير لما تكون عارف نفسك انك هتقفل بس🩶

[@Ab_do777-u1w]

طب اللي لسه مش قاسم لغايه دلوقتي ، بس واقع في بعض المواد هل في وقت إني ألمهم واكون ممتاز فيهم ارجوا الرد 😢

[@sara64966]

ايوه وجدا كمان

[@DonyeGamal]

انا قسمت السنه من اول ما بدأت الدراسه وفعلا ندمنه 😢

[@mohamedatef32415]

وانا قاسم من اول م بدأت وفعلا السنه طويله😢😢

[@Shahd788-l5z]

ارجعوا لسه في وقت​@mohamedatef32415

[@AbdollahMohamed-s7d]

انا كنت بفكر فى كده بسبب ان المواد كتيره جدا 😢

[@محمدصفوتسيدأحمد]

ربنا معانا

[@rokahussein6328]

انا مشكلتي في الانجليزي والفرنساوي مش متأسسة كويس عشان كذا حاسة اني مش حلحق

[@طالبثانويهازهريه2023]

معايا 7 مواد وبسبب خوف من أول سنه ف الامتحانات وخايف علي درجات وحاليا دي السنه الرابعه ليا مفيش دعم لا مادي ولا معنوي وبقيت علي الهامش ف صدقني متقسمش الشرعي والعربي يتلموا ف شهرين بالكتير صدقني تقدروا ف ربنا يوفقكم ويختم لي بالوصول إن شاء الله لاني بجد تعبت نفس القعده ونفس كل حاجه لمده اربع سنين اتمني تكون اخر سنه وشكرا جدآ لدكتور وإن شاء الله نكون زمايل العام القادم بإذن الله ❤❤

[@محمودالجزيري-ش8ص]

@@طالبثانويهازهريه2023 ليك اربع سنين وفاضل معاك 7 🤯

[@محمودالجزيري-ش8ص]

@@طالبثانويهازهريه2023 ربنا يعينك والله

[@joo.515]

انا قاسم وبنصح اي حد ميقسمش السنه والله هتتعب جدآ جدآ ولو علي سنه واحد أفضل بكتير وهتجيب مجموع أفضل

[@OooljOoolj]

عايزين مدرس كيمياء

[@احمد-ر4دد]

انا قسمت السنه اول سنه كنت مبدع كنت بذاكر ليل ونهار وجبت فيها 98% والسنه التانيه كتت فى نفس الاصرار والعزم لكن شويه شويه بدات ازهق من المواد لدرجة انى كرهت حاجة اسمها تعليم ومش بفتح الكتاب زى الاول وزهقت من كل حاجة لانى ما بقتش فى نفس العزيمه والاصرار زى بتاع اول سنه ودخلت الامتحانات ومجبتش مجموع زى مجموع اول سنه وفى اللحظه دى قولت يا ريتنى ما قسمت 😢

[@ahmedshafiq3560]

دخلت كلية ايه

[@زينبعبدالله-ذ2خ]

اوعو ها اوعوو انا مأجله السنه وبقولكو اوعو بجد هتندمو

[@Elsyed-Mohmed]

انا قاسم السنه السنه الاولي جبت 97وباقي 3مواد وان شاءلله خير اما انك تقسم او لا دا قرارك محدش عارف الي انت فيه غيرك وكان في ناس بتحذني من اول السنه منقسمش عشان مش هتعرف تذاكر تاني سنه ولكن النتيجه غير خالص كل واحد عارف قدرته ايه فدا قرارك انت ❤❤❤ دعوتكم ان ادخل طب بشري❤❤

[@rokiamagdy3131]

عملت اي في الرياضة أنا قررت أقسم همتحن شرعي وعربي ورياضة بس أنا أصلا مش بذاكر وخيفا جداً من امتحان الرياضه خصوصاً أنا مش بحبها ومهما ذاكرتها مش بعرف احل عملت اي في الرياضة امتحنتها وأصلا انت علمي ولا لأ

[@Elsyed-Mohmed]

@rokiamagdy3131 الرياضه معايا السنه دي اسمعي مستر اسامه سعد الله شرحه جامد الصراحه والله انا مكنتش بفهم رياضه ولا بروح دروس في اولي وتانيه ثانوي وفهمتها معاه بسمع الحصه قبل مااروح الدرس

[@الحاجعبدهالحجعبده]

مستر كمياء يوتيوب حلو

[@Elsyed-Mohmed]

@الحاجعبدهالحجعبده خالد صقر جامد جدا

[@rokiamagdy3131]

@Elsyed-Mohmed مستر أسامة سعد الله اقدر أوصله إزاي منصه ولا يوتيوب

[@OmniaSaleh-i8b]

ى دوك ادعيلنا ربنا يوفقنا السنادى وندخل كليات احلامنا ❤

[@مؤمنالسيك-ظ8ز]

المشكله انو انا المفروض دفعة السنه دي ولكن انا قاسمه المواد من الاول.. وحاليا الوقت فات اني ارجع الم باقي المواد.. 😢 فخلاص الحمد لله قدر الله وما شاء فعل ❤

[@Mohamed-medo213]

ونا كمان

[@AhmedNagy-b2h]

يا دكتور انا عايزه اشترك في مكثف إلى فى الفزياء و الانجليزي و العربي و مش عارفه الحجز قفل ولا ايه لانى لسه سامعه عن المكثفات

[@hafsamarwan6732]

لسه مقفلش

[@فاطم-ط6ظ]

لا مقفلش لسه

[@Ibrahemtanany]

تواصلي مع اللينك t.me/IbrahemTanany

[@sara64966]

قرار خرا اوعي تعمله الا لو كنت حرفيا مريض مش قادر تقوم من السرير انا قسمت للسبب دا غير كدا انت بتتمرقع ياحبيبي وكذا كدا المكتوبلك بتاخده

[@Amani-sj1cm]

يا دوك دوره الانقاذ امتى بالله😢😢

[@معاذادريس-ب7ش]

😮بدأ وامبارح نزل اول محاضره

[@Amani-sj1cm]

@معاذادريس-ب7ش انا سألت الدكتور من اسبوع اللى فات قلتله ينفع اشترك ف نحو وصرف قالى لا

[@معاذادريس-ب7ش]

@@Amani-sj1cm اه ما هو العدد كمل

[@OooljOoolj]

عايزين مدرس كيمياء يا دكتور

[@بهارونار]

خالد صقر شرحه حلو جدا

[@OooljOoolj]

@بهارونار كنت عايزه مكثف

[@بهارونار]

@@OooljOoolj مش عارفة بصراحة عامل مكثف ولا لاء شوفيه كده وتواصلي معاهم واسالي

[@AhmedNagy-b2h]

ايه احسن طريقة للمراجعة يا دكتور

[@فاطم-ط6ظ]

المكثف الموجودة حالا

[@rokahussein6328]

مش حضرتك كنت منزل ان مواد الترم الاول كلها ب٢٠٠؟ المكثف داخل فيها؟

[@Ibrahemtanany]

دلوقتي شرح الترم الاول وحل أسئلة كتاب المعهد الجديدة ب ٢٥٠ جنيه المكثف على نص المنهج ب ٢٠٠ جنيه

[@rokiamagdy3131]

أنا علمي ومبدأتش خالص 😢 بصراحة جالي اكتئاب من أول السنة ومعرفش اي حاجه في مادة توحد ربنا وخلاص الوقت ضاع مني صعب ارجع لأني عارفه نفسي كويس وكمان أنا بطيئة في المذاكرة قررت أقسم السنة هاخد شرعي وعربي ورياضة بس كفاية كده وأصلا أنا فاشلة في الرياضه ومش بذاكر حتي بس قولت اخلص منها

[@AhmedNaseer-j9v]

انا برضو كذلك السنادي

[@ahmedshafiq3560]

لسه فيه وقت

[@3553e5]

طيب يا استاذ حضرتك لو مبداتش لحد دلوقتى هل الحق اخلص😢😭💔

[@Manon-i8s]

والله نفس السؤال اللي راعبني 😭

[@manarkarem6709]

حاول مفيش حاجه بعيد على ربنا

[@manarkarem6709]

​@Manon-i8sمتخافيش هتعدى

[@Manon-i8s]

@@manarkarem6709 يارب تعدي على خير إن شاء الله 🥺♥️

[@معاذادريس-ب7ش]

ابدا مستني ايه

[@zaidibrahim8791]

قسمة السنة قرار زبالة من الآخر حتى لو جبت درجه دي تجربتي

[@خالدخالد-ي1س7ف]

والله ي ريت يقسم المواد

[@Ahlam-yc5eu]

هو الكلام دا بيكون فين أول السنه أصلا يا دكتور الوقت عدا خلاص يعني أنا اقتنعت بس خلاص الوقت أذف

[@ahmedshafiq3560]

لو بدأت دلوقت تلحق بس تجتهد

[@محمودحربي-ط4م]

يا دكتور مفيش حد معاكم بيشرح كيميا بطريقه الازهر

[@ahmedshafiq3560]

هات كتاب الطيب و حل منه الإمتحان بيجي زي أسئلته

[@YoumnaHassan-d7w]

انا مأجله وانا دلوقتي في السنة التانية وبحذر اي حد هيآجل والله هو الخسران لان السنه الأولي اكيد مجموعك فيها هيحبطك جامد 😢

[@joo.515]

الحمدلله علي القرار ألاخدناه

[@TamerTamoo]

ترجع لعزم الطالب

[@MOHAMMED-nn7bh]

لو سمحت مكثف العربي شامل اي؟

[@مصطفىرضوان-ز9ط]

كل مواد العربي الترم الاول

[@scy.j97k]

المواد العربيه كلها.

[@sanfor2xd]

انا عامل قسمة حلوة خالص والحمد لله لغاية دلوقت مخلص اللي عليا وماشي كويس في المواد كل مادة بذاكرها اول بأول ولغاية دلوقت مش زهقان وعندي وقت كتير فاض بطلع براحتي واعمل اللي انا عايزو دي تجربتي مع القسمة❤

[@DoctorAliAhmedAli]

ممكن تقول المواد اللي هتاخدها واللي هتسيبها ❤

[@sanfor2xd]

@DoctorAliAhmedAli السنة الأولي حديث تفسير توحيد صرف نحو رياضة فيزيا --------------------- السنة التانية فقة قرآن بلاغة وادب ونصوص كيمياء انجليزي احياء

[@بوبومحمد-ث2ق]

​ التعليق مش باين عندي فيه التقسيمة

[@DoctorAliAhmedAli]

@@sanfor2xd ممكن تقولي ايه التقسيمة