رايس محمد البنسير- ⵉⵣⴷ ⴰⴷ ⴰⵍⵍⴰⵖ ⴰⵔ ⴽⵉⵖ ⴰⵙⵙⵏⴷⴰⵎⴰⵖ ئزد اد الاغ ار كيغ اسنداماغ

No video

رايس محمد البنسير- ⵉⵣⴷ ⴰⴷ ⴰⵍⵍⴰⵖ ⴰⵔ ⴽⵉⵖ ⴰⵙⵙⵏⴷⴰⵎⴰⵖ ئزد اد الاغ ار كيغ اسنداماغ

Рет қаралды 5,415

Күн бұрын

#amarg_amazigh_n_souss #tachlhit_music #tifinagh_alphabet_song رايس محمد البنسير- ⵉⵣⴷ ⴰⴷ ⴰⵍⵍⴰⵖ ⴰⵔ ⴽⵉⵖ ⴰⵙⵙⵏⴷⴰⵎⴰⵖ ئزد اد الاغ ار كيغ اسنداماغ
ⵉⵣⴷ ⴰⴷ ⴰⵍⵍⴰⵖ ⴰⵔ ⴽⵉⵖ ⴰⵙⵙⵏⴷⴰⵎⴰⵖ
ⵉⵜⵔⴰⵏ ⴷ ⵜⴰⴳⵓⵜ ⴷ ⵡⴰⴹⵓ ⵖ ⵉⴳⵏⵡⴰⵏ
ⵓⵔ ⴷⴰⵔ ⵏⵖ ⵉⵍⵍⵉ ⵣⵀⵔ ⵖ ⵍⵃⵓⴱⴱ ⵏⴽⴽⵉⵏ
ⵢⴰⵏ ⴷⴰ ⵎⵓⵏⴰⵖ ⴰⵔ ⴳⵉⵙ ⵏⴽⴽⵔⵣ ⵍⵅⵉⵔ
ⴰⵔ ⴳⵉⵖ ⵉⵙⴰⵍⴰ ⵍⵖⵉⴱ ⵏⵜⵜⴰ ⴷ ⵍⵄⴰⵔ
ⴰⵃⴱⵉⴱ ⵍⵎⵓⵙⴰⵎⵃ ⴰⵍⵍⴰⵀ ⵉⵀⵏⵏⵉⴽ
ⵓⵔ ⴳⵉⴽ ⵍⵃⵓⴱⴱ ⵏⵜⵜⴼⴰⵇ ⵉ ⵟⵏⵣ ⵏⵏⵓⵏ
ⵉⵖ ⵙⵓⵍ ⵓⵔ ⵉⵍⵍⵉ ⵍⵃⵓⴱⴱ ⵉⵏⵓ ⴳⵉⵜⵓⵏ
ⵓⵔ ⴳⵉⴷ ⵍⵄⵉⴱ ⵉⵖ ⴷⵉⵜⵓⵏ ⵏⴳⴰⵔⴰⵖ
ⵓⵔ ⵙⵓⵍ ⵏⴷⵔⴽ ⵉ ⵚⴱⵔ ⵏⵏⵓⵏ ⵓⴹⵏⵖ ⴰⴽⴽ
ⵎⵏⵛⴽ ⵏ ⵜⵎⵎⴰⵔⴰ ⴰⵖ ⴹⵔⵖ ⵏⵛⵛⵉ ⴳⵉⵙⵏⵜ
ⵎⵏⵛⴽ ⵓⵃⴱⵉⴱ ⴰⴷ ⴼⵍⵍⴰⴽ ⵏⴳⴰⵔⴰⵖ
ⵏⴼⵍ ⴰⴽⴽ ⴰ ⵡⵉⵏⵓ ⵏⵙⵎⵃ ⵉ ⴷⴰⵔⵏⵖ
ⵏⵊⵍⵓ ⵖ ⵍⵖⵔⴱ ⵏⴼⴽ ⵉ ⵍⴱⵍⴰⴷ ⵏ ⵙⵓⵙ
ⵎⵏⵛⴽ ⴰⴷ ⵓⵙⵉ ⵉⴹⴰⵔⵏⴰ ⵙ ⵏ ⵜⴰⴷⴰⵍⵍⵉⵜ
ⵃⵎⴷⵖ ⵉ ⵕⴱⴱⵉ ⵀⴰⵏⵏ ⵖⵉⵍⴰⴷ ⵏⵊⵊⵉ ⵏⵉⵜ
ⵓⵔ ⵙⵓⵍ ⴰⵖ ⵉⵍⵉ ⵍⵖⵔⴹ ⵉⵏⵓ ⴳⵉⵜⵓⵏ
ⵍⵃⵓⵔⵎⴰ ⵏ ⵕⴱⴱⵉ ⴰⴽⴽ ⵉⴱⵍⵓ ⵙ ⵍⵃⵓⴱⴱ ⵏⵏⴰⵖ
ⵖⴰⵢⴷⴰ ⴼⵍⵍⴰⵖ ⵉⵣⵔⵉⵏ ⴰⴽⴽⵉⴷ ⵍⴽⵎⵏ
ⴰⵔ ⵙⵉⵢ ⵜⵜⴰⵡⵉⵜ ⵔⵊⴰ ⵏⵔⵡⵍ ⴳⵉⵜⵓⵏ
ⵢⵓⴼ ⵏⵉⵜ ⵉⵖ ⵉⵜⵜⵓⵜ ⵢⴰⵏ ⵉⵊⵊⵉ ⴷⴰⵡⴰⵏ
ⴰ ⵉⵣⵔ ⴽⵓⵍⵍⵓ ⴷⴰⵖ ⵡⵉⵍⵍⵉ ⵜ ⵉⴷⴰⵡⴰⵏ
ⴰⵖⴷ ⵉⵔⴰⵔ ⵕⴱⴱⵉ ⵍⵄⴰⵇⵍ ⴼⵔⴹⴰⵏ ⴰⵖ
ⴰ ⵓⵔ ⵉⵜⵜⵕⴱⴱⵓ ⵙⵓⵍ ⵜⴰⵙⴰ ⴼ ⵍⴳⵓⵎⴰⵏ
ⵍⴰⵃⴱⴰⴱ ⵓⵍⴰ ⵜⴰⴳⵯⵓⵎⴰⵜⵜ ⵉⵇⵏⴹ ⴰⵙⵏⵜ
ⴰⵛⴽⵓ ⵟⵎⵄ ⴰⴷ ⴰⵖ ⴷⵉⵙ ⵉⵙⵏⴳⴰⵔⴰⵏ
ⵢⵓⴼ ⵢⴰⵏ ⵉⴳⴰⵏ ⴰⵀⵡⴰⵡⵉ ⵣⵓⴷ ⵏⴽⴽⵉⵏ
ⴰⵔ ⴽⴰ ⵉⵙⵜⴰⵡ ⵍⵀⵎⵓⵎ ⴷ ⵜⴳⵓⴹⵉⵡⵉⵏ
ⵉⵖ ⴷⴰⵔⵉ ⵖⴰⵔ ⴰⵍⴼ ⵔⵉⴰⵍ ⵓⴷⴰⵏ ⴰⵖ
ⵉⵖ ⴳⵏⵖ ⵉⵎⵎⵉⵎ ⴰⵖ ⵉⵟⵟⵙ ⵣⵓⴷ ⴰⵜⴰⵢ
ⵓⵔ ⵙⵓⵍ ⴽⵚⵓⴷⴰⵖ ⵢⴰⵏ ⴰⵢⵢⵉ ⵀⵡⵓⵍⵏ
ⴳⵉⵖ ⵣⵓⴷ ⵍⴱⴰⵣ ⵏⵙⵜⴰⵔⴰ ⴰⴽ ⵉⴹⵓⵔⴰⵏ
ⴽⴽⵉⵖ ⴷⴰⵔ ⵍⵄⵓⵎⵎⴰⵍ ⴷ ⵎⴷⴷⵏ ⵙⵓⴳⵔⵏⵉⵏ
ⵎⵏⵛⴽ ⵏ ⵡⴰⴹⴰⵔ ⴰⴹⵔⵖ ⴰⵜⵜ ⵏⴳ ⵖ ⵏⵏⴰⵔ
ⵢⴰⵏ ⴳⵉⵖ ⵉⵙⵙⵏⵏ ⵍⴽⴷⵓⴱ ⴰⵜⵜⵉⴷ ⵉⵏⵉⵏ
ⴰ ⵉⴳ ⵕⴱⴱⵉ ⵜⵉⵙⵏⵜ ⵉ ⵉⵎⵓⵔⵉⴳ ⵏⵏⴰⵖ
ⵉⴽⴼ ⴰⵖ ⵍⵇⵏⵄ ⴰ ⵏⵙⴰⵍⴰ ⵜⴰⵣⴰⵍⵍⵉⵜ
ⴰⵏⵖ ⵉⵙⵎⵃ ⵕⴱⴱⵉ ⵍⵄⵉⴱ ⵉⵍⵍⴰ ⴳⵉⵜⵏⵖ
ⴰ ⵓⴽⴰⵏ ⵏⵣⵔ ⵣⵉⵏ ⵏ ⵉⵣⵓⵏⴽⴰⴹ ⵏⵜⵍⴼ
ⵓⵔ ⵙⵓⵍ ⵉⵔⵉ ⵉⵣⵔⵉ ⵏⵏⴰⵖ ⴰⴷⴷ ⵓⵔⵔⵉⵏ
ⵜⵜⵓⵖ ⴽⵓⵍⵍⵓ ⴷⴰⵖ ⵍⵃⵙⴰⴱ ⵏⵜⵜⴰ ⴷ ⵍⵎⵓⵜ
ⵣⵉⵏ ⴷ ⵍⵀⴰⵡⴰ ⵢⴰⵏ ⵎⵍⴽⵏ ⵣⵓⴷ ⵉⴼⵉⵙ
ⵓⵔ ⵙⵓⵍ ⵉⵍⵍⵉ ⵎⴰ ⵉⵔⴰⵏ ⴰⵜⵜⵉⴷ ⵉⵔⴰⵔ
ⵓⵔ ⴳⵉⵖ ⵍⵄⵉⴱ ⵉ ⵍⴱⴰⵣ ⵉⵖ ⴰⴷ ⴰⵍⵍⴰⵏ
ⵜⵓⵜ ⵜⵉⵔⵔⵓⵢⵙⴰ ⵉⴳⵔ ⵏⵎ ⴰⵜⵜⵉⴷ ⵍⴽⵎⵏ
ⴰⵏⵖ ⵓⵔ ⵉⵍⴰⵎⵎⴰ ⴽⵔⴰ ⵉⵖ ⵔⴰⴷ ⴰⵍⵍⴰⵖ
ⵉⵖ ⴽⵉⵏⵏ ⵣⵔⵉⵖ ⴰ ⵢⴰ ⵣⵓⵏⴽⴹ ⵏⵏⴰⵖ
ⵉⴳ ⵓⵍ ⵉⵏⵓ ⵣⵓⵏ ⵜⵢⵓⵜ ⵊⴰⵊ ⵉⵜⵍⴼ
ⵉⵖ ⴳⵏⵖ ⴰⵔ ⵏⵜⵜⴰⵡⵣ ⵓⵔ ⴰⴽⴽ ⴰ ⴳⴰⵏⴰⵖ
ⴰⵔⴷ ⵏⴽⵜⵜⵉ ⴹⵔⴱⵜ ⵏ ⵡⴰⵍⵍⵉ ⵣⵔⵔⴰⵖ
ⵉⵔⵣⵎ ⴼⵍⵍⴰ ⵉⵣⵔⵉ ⵏⵙ ⵣⵓⴷ ⵏⵏⴰⵔ
ⴰⵜⵜ ⵢⵓⵜ ⵕⴱⴱⵉ ⵎⴰ ⵉⵔⴰ ⴰⴷ ⵉⵢⵢⵉ ⴷ ⵍⴽⵎⵏ
ⵣⵓⵏⴷ ⴰⵏⵡ ⵏⴽ ⴰⵍⴱⴰⵣ ⵓⵔⵔⴰⴷⴷ ⵉⴼⴼⵓⵖ
ⵢⴰⵏ ⴽ ⵢⵓⵜⵏ ⵀⴰⵏⵏ ⵍⵓⵊⵓⵔ ⴰⴷ ⵉⵡⵉⵏ
ⵎⵏⵛⴽ ⵉ ⵢⴰⵏ ⴰ ⵎⵉ ⵜⴳⴰⵎ ⵙⵙⴱⴰⴱ ⵉⵎⵎⵓⵜ
ⵉⴳⴳⵣ ⴰⴽⴰⵍ ⵉⴼⵍ ⵡⵉⵍⵍⵉⵜ ⵔⴱⴱⴰⵏⵉⵏ
ⵎⵏⵛⴽ ⵏ ⵢⴰⵏ ⴰⵖⵉⴷ ⵜⵃⵔⴳⵎ ⴱⵉⴷⴷⵏ ⵏⵉⵜ
ⴰⵔⴽ ⵉⵜⵜⵎⵏⴰⴷ ⵓⵔ ⴳⵉⵍ ⵉⵙⵙⵓⴳⵔ ⵢⴰⵜ
ⵓⵔⴷ ⴰⴼⵓⴷ ⴰⴷ ⴰⵙⴽ ⵉⴽⴽⵉⵙⵏ ⴷ ⵍⵎⴰⵍ
ⵉⵙ ⴽⵓⵍⵍⵓ ⵜⵍⴼⵏ ⵣⵖ ⵍⵎⵓⵃⵉⴱⴱⴰ ⵏⵏⵓⵏ
ⵉⵙ ⴽⵓⵍⵍⵓ ⵍⴰⵃ ⵍⴰⵃⵔⵓⵣ ⴰ ⵟⵟⵍⴱⴰ ⵏⵏⴰⵖ
ⵣⵓⵏⴷ ⴰⵏⵡ ⵏⴽ ⴰⵍⴱⴰⵣ ⴰⵙⵏⴷ ⴰⵔⴰⵏ
ⴰⵜⵜⵣⵔⵜ ⵎⴷⴷⵏ ⵍⵍⵉ ⴽⵓⵍⵍⵓ ⴽⴰ ⴱⵔⵔⵉⵏ
ⵎⵏⵛⴽ ⴰⴷ ⵜⵜⵉⵢⴰⴳⴰⵙⵏ ⵓⵔ ⵊⵊⵓ ⴷ ⵉⴼⴼⵓⵖ
ⵛⵓⴼ ⵖⴰⵔ ⵏⴽⴽⵉ ⵎⴰⴷⴷ ⴼⵍⵍⴰⵖ ⵉⴳⴳⵓⵔⴰⵏ
ⵎⵏⵛⴽ ⵓⵜⴱⵉⵔ ⴰⴷ ⵉⵡⵉⵖ ⵖ ⵉⴳⵏⵡⴰⵏ
ⵎⵏⵛⴽ ⵓ ⵓⴷⴰⴷ ⴰⴷ ⵉⵡⵉⵖ ⵖ ⵓⵊⴰⵔⵉⴼ
ⵉⵖ ⵔⵉⵖ ⴰⴳⵔⵣⴰⵎ ⵉⵔⴰⵜⵜⵉⴷ ⴰⵡⵉⵖ
ⴰⴱⵍⴰ ⴽⵉⵢⵢⵉⵏ ⵓⵔ ⴳⵉⴽ ⵏⵙⵙⵓⴷⵔ ⵢⴰⵜ
ⵎⴰⵏⵣⴰ ⴽⵓⵍⵍⵓ ⴷⴰⵖ ⵡⵉⵍⵍⵉ ⴷⴷⴰ ⴳⵓⵎⵎⵔⵖ
ⵢⴰⵏ ⴳⵉⵜⵓⵏ ⵉⵃⵔⵛⵏ ⴰⴷ ⵉⵢⵢⵉⴷ ⵍⴽⵎⵏ
ⴰ ⵉⵣⵔ ⵎⴰⴼ ⵓⴽⴰⵏ ⵖⵉⴷ ⴳⴰⵡⵔⵖ
ⵓⵔ ⴳⵉⵏ ⵍⴱⴰⵣ ⴰⵜⵜ ⵏⵓⵜ ⴰⵜⵜⵉⴷ ⵏⵍⵓⵃ
ⵓⵔ ⴳⵉⵏ ⵍⵊⵏⵏ ⴰⵙ ⵏⴰⵔⴰ ⴰⵢⵢⵉⴷ ⵍⴽⵎⵏ
ⴰⵔ ⵓⴽⴰⵏ ⴷⴰⵖ ⴰⵍⵍⴰⵖ ⵜⴰⵙⴰ ⵃⵔⴳⵏ ⴰⵖ
ⴰ ⵡⴰⵍⵍⵉ ⴼ ⵜⵎⴷⴰ ⵚⴰⵃⵜ ⵓⵔ ⴰⵜⵏ ⵣⵔⵔⴰⵖ
ⴰ ⵡⴰⵍⵍⵉ ⴼ ⵜⵓⴹⵏ ⵚⴰⵃⵜ ⵉⵏⵓ ⴽⵓⵔⵀⴰⵏ ⴰⵖ
ⵓⵔ ⵏⵙⴰⵎⵃ ⵉ ⵎⴰⴷ ⴰⵖ ⴷⵉⵙ ⵉⵙⵏⴳⴰⵔⴰⵏ
ⵓⵍⵍⴰⵀ ⴰⵔⴷ ⵏⴽⵔⴼ ⵉⵥⵔⵉ ⵉⵏⵓ ⵍⵍⵉ ⴷⴰⵔⵏⵖ
ⴰ ⴳⴰⵖ ⵉ ⵢ ⵓⴹⴰⵔ ⵉⵏⵓ ⵍⴳⵉⴷ ⵍⵃⵓⴱⴱ ⵉⵎⵎⵓⵜ
ⵎⵇⵇⴰⵔ ⵏⵚⴱⵔ ⴱⵣⵣⵉⵣ ⵏⴰⵙⵉ ⵜⴰⵖⵏⵏⵉⵏⵜ
ⵍⵅⵉⵔ ⵓⵔⵜ ⵉⵡⵉⵖ ⴰⵊⵎⵉⵍ ⵓⵔⵔⴰⴷ ⵉⵍⵉⵏ
ⴰ ⵢⵓⴼ ⵉⵖ ⴽⴰ ⵉⵎⵎⵓⵜ ⵢⴰⵏ ⵉⴳⴳⵯⵉⵣ ⴰⴽⴰⵍ
ⵉⵖ ⵉⵜⵜⵓⵜ ⵙ ⵍⵃⵓⴱⴱ ⵓⵔⵜ ⵉⵔⵉ ⵡⴰⴷ ⴰⵔⴰⵏ
ⴰ ⵜⴰⵎⵓⵏⵜ ⵏ ⵟⵏⵥ ⵓⵔ ⴳⵉⵎ ⵏⵙⵙⵓⴳⵔ ⵢⴰⵜ
ⵍⵎⴰⵍ ⵓⵔⵜ ⵏⵟⵟⴰⴼ ⵉⵅⵡⴰ ⵍⵎⵊⵉⴱⴱ ⵏⵏⴰⵖ
ⵉⴽⴽⴰⵜⵜⵉⵏⵏ ⵢⴰ ⵓⵃⴱⵉⴱ ⵀⴰⵏⵏ ⵉⵍⵍⴰ ⴷⴰⵔⵏⵖ
ⴰ ⴼⵍⵖ ⴰⴽⴽ ⴼⵍⵍⴰⵙ ⵍⴰⵃⴱⴰⴱ ⵍⵍⵉ ⴷⴰⵔⵏⵖ
ⴰⴷ ⴰⵖ ⵉⴼⵍ ⴰ ⵣⵓⴷ ⵉⴼⵍ ⴷⴱⵍⵉⵊ ⴰⴼⵓⵙ
ⵓⵔ ⴰⴽⴽ ⴰⵏⵖ ⵉⵏⵏⵉ ⵖⴰⵢⵔ ⵍⵍⴰⵀ ⵉⵀⵏⵏⵉⴽ
ⴰ ⴼⵓⵖⵖ ⴰⵔ ⴰⵍⵍⴰⵖ ⴰ ⵓⵔ ⴰⵖ ⵉⵃⴰⴹⵔ ⵢⴰⵏ
ⵓⴽⴰⵏ ⴰⵔ ⴳⵉⵙ ⴰⵍⵍⴰⵖ ⵜⴰⵙⴰ ⵜⴰⴷⴷⵓⵎ ⴰⴽⴽ
ⴰ ⵜⴰⴳⴰⵏⵜ ⴰⵙ ⴰⴽⴽ ⵏⴼⵜⴰ ⵏⵊⵍⵓ ⴳⵉⵙⵏⵜ
ⴰ ⵙⵙⵏⴷⵎⵖ ⴽⵓⵍⵍⵓ ⵍⴰⵟⵢⴰⵔ ⵍⵍⵉ ⴳⵉⵙⵏⵜ
ⵉⵖ ⴰⵍⵍⴰⵖ ⵎⵓⵏⵏ ⴰⴽⴽ ⴼⵍⵍⴰ ⵢⴰⴷ ⵏⵏⵓⵏ
ⴰ ⵎⵏⴰⵛⴽ ⴰ ⵜⵜⵏⵖⴰⵎⵜ ⴰ ⵜⴰⴳⵓⴹⵉ ⵏⵏⴰⵖ
ⴰⵍⵍⴰⵀ ⵓⴽⴱⴰⵔ ⵉⵙ ⴰⴽⵓⵏ ⵓⵔ ⵙⵙⵏⴷⴰⵎⴰⵖ
ⴰ ⴳⴰⵔ ⴰⵃⴱⵉⴱ ⴰⴽ ⵉⴽⴽⵙ ⵕⴱⴱⵉ ⵎⴰ ⴷⴷⴰⵔⵓⵏ
14.01.2024 (01.01.2974)
ئزد اد الاغ اركيغ اسّنداماغ
ئتران د تاكًوت د واضو غ ئكنوان
ؤر دارنغ ئلّي زهر غ لحوب نكين
يان دَا موناغ ار كيس نكرز لخير
ار كيغ ئسالا لغيب نتا د لعار
احبيب لموسامح لله ئهنيك
ؤر كيك لحوب نتفاق ئي طنز نون
ئغ سول ؤر ئلي لحوب ئنو كيتون
ؤر كيس لعيب ئغ ديتون نكاراغ
ؤر سول ندرك ئي صبر نون ؤضنغ اك
منشك ن تمارا اغ ضرغ نشّي كيسنت
منشك ؤحبيب اد فلاك نكاراغ
نفل اك اوينو نسمح ئي دارنغ
نجلو غ لغرب نفك ئي لبلاد ن سوس
منشك اد ؤسي ئضارنا س ن تاداليت
حمد ئي ربي هان غيلاد نجي نيت
ؤر سول اغ ئلي لغرض ئنو كيتون
لحورما ن ربي اك ئبلو س لحوب ناغ
غايدا فلاغ ئزرين اكيد لكمن
ار سي تاويت رجا نرول كيتون
اتزرت لحوب ئس نيت ئغلب لموⴰت
يوف نيت ئغ ئتوت يان ئجي داوان
ائزر كولو داغ ويليت ئداوان
اغد ئرار ربي لعاقل فرضان اغ
اؤر نتربو سول تاسا ف لكومان
لاحباب ؤلا تاكًُمات نقنض اسنت
اشكو طمع اد اغ ديس ئسنكاران
يوف يان ئكان اهواوي زود نكين
اركا ئستاو لهموم د تكوضيوين
ئغ داري غار الف ريال ؤدان اغ
ئغ كنغ ئميم اغ ئطس زود اتاي
ؤر سول كصوضاغ يان ايي هولن
كيغ زود لباز نستارا اك ئدوران
كيغ دار لعومال د مدن سوكرنين
منشك ن واضار اضرغ ات نك غ نار
يان كيغ ئسن لكدوب اتيد ئنين
ايك ربي تيسنت ئي ئموريك ناغ
ئكف اغ لقنع انسالا تازاليط
انغ ئسمح ربي لعيب ئلا كيتنغ
اؤكان نزر زين ن ئزنكاض نتلف
ؤر سول ئري ئزريناغ اد ؤرين
توغ كولو داغ لحساب نتا د لموت
زين د لهاوا يان ملكن زود ئفيس
ؤر سول ئلي ما ئران اتيد ئرار
ؤر كيغ لعيب ئي لباز ئغ اد الان
توت تيرويسا ئكرنم اتيد لكمن
انغ ؤر ئلاما كرا ئغ راد الاغ
ئغ كين زريغ ايازونكاض نار
ئك ؤل ئنو زون ت يوت جاج نتلف
ئغ كنغ ار نتاوز ؤر اك اكاناغ
ارد نكتي ضربت ن والي زراغ
ئرزم فلا ئزرينس زود نار
ات يوت ربي مائرا اد ئييد لكمن
زوند اناو نك الباز ؤراد ئفوغ
يان كن يوتن هان لوجور اد ئوين
منشك ئي يان امي تكام سباب ئموت
ئكز اكال ئفل ويليت ربانين
منشك ئييان اغيد تحركم بيدن نيت
تتمة عبر الرابط التالي :
• Post
ئسووري ئواليون ئسكيديت :
محمد وادي