رايس عمر واهروش _ ⴰⵍⵍⴰⵀ ⴰⵢⵎⵓⵔⵉⴳ ⵏ ⴷⴷⵉⵏ الله ايموريك ن دين ماكن سول ئران (س ئواليون )

#amarg_s_tirra_tamazight #tifinagh_alphabet_song ⴰⵍⵍⴰⵀ ⴰⵢⵎⵓⵔⵉⴳ ⵏ ⴷⴷⵉⵏ ⵎⴰⴽⴽⵯⵏ ⵙⵓⵍ ⵉⵔⴰⵏ
ⴰⵡⴰ ⵍⴰⵢⵏⵏⵉ ⵍⴰⴱⵓⴷⴷ ⴰⴽⴽ ⵄⵎⵎⵔⵖ ⵉⵖ ⵓⴼⵉⵖ
ⴰⵡⴰ ⵍⴰⵢⵏⵏⵉ ⵍⴰⴱⵓⴷⴷ ⴰⴽⴽ ⵄⵎⵎⵔⵖ ⵉⵖ ⵉⴼⵉⵖ
ⴰⴷ ⴰⵖ ⵉⵜⵜⵚⴰⵃⴰ ⵍⴰⵊⵔ ⵏⴽ ⵓⴼⵏ ⵚⴰⵃⴰ ⵏⵏⵓⵏ
ⴰⴽⴽⵯⵏ ⵄⵎⵎⵔⵖ ⵉ ⵡⵉⴷ ⴰⵢ ⵙⵓⵍ ⵉⵍⵍⴰ ⵍⵉⵎⴰⵏ
ⴰⵙⵙⵏⵏ ⵉⵙ ⵔⴰ ⵙⵙⵓⵍ ⵍⴹⵍⵏ ⵖ ⴰⵎⵎⴰⵙ ⵏ ⵡⴰⴽⴰⵍ
ⴰⵍⴰⵃ ⴰⴽⴽⵯ ⵜⵉⴼⴻⵢⵢⵉ ⴷ ⵉⵅⵙⴰⵏ ⵓⵍⴰ ⵙⵙⵎⵄ ⵏⵙ
ⵢⴰⵏ ⵉⵔⴰⵏ ⵍⵊⵏⵜ ⴰⴷⴰⵙ ⵎⵍⵖ ⴰⵖⴰⵔⴰⵙ ⵏⵙ
ⵓⵔ ⵉⵟⵟⴰⴼ ⵍⴱⵉⵔⴰⵊ ⵉⴼⵜⴰ ⴽⵓⵍⵍⵓ ⵏⵉⵛⴰⵏ
ⴰⵀⴰⵏⵏ ⵓⵔ ⴳⵉⵙ ⵉⵎⵓⴷⴰⵍ ⵡⴰⵍⴰ ⵜⴰⵍⴰⵜⵉⵏ
ⴰⵖⴰⵔⴰⵙ ⵏ ⵔⴱⴱⵉ ⴰⵜⵜ ⵉⴳⴰⵏ ⵢⴰⵏ ⵉⵔⴰⵏ ⴰⵜⵜ ⵉⴽⴽ
ⴰ ⵎⴰⵏⵉ ⵜⵔⵉⵜ ⴰ ⵡⴰⴷ ⴰⵡⵔ ⵉⴽⴽⵉⵏ ⴰⵖⴰⵔⴰⵙ ⵏⵙ
ⴰ ⵖⴰⵔ ⵉⴼⴽⴰⵜⵜ ⵉ ⵜⴰⴳⴰⵏⵜ ⵓⴽⴰⵏ ⵓⵔ ⵉⵙⵙⵉⵏ
ⵉⵙ ⴰⵙ ⵉⵎⴷⵉ ⵡⴰⴳⵔⵣⴰⵎ ⵍⵍⵉ ⵔⴰⵜⵏ ⵡⵛ
ⵏⵖ ⴰⵙ ⵉⵎⴷⵉ ⵉⵣⵎ ⵓⵔ ⵉⵍⵉⵏ ⴰⵙⴰⴼⴰⵔ
ⴰⵜⵜ ⵉⴳⴰⵏ ⴷ ⵉⵖⵏⵏ ⵡⴹⵔ ⵖ ⵡⴰⵙⵉⴼ ⵏ ⵖⴰⵢⴰⵏ
ⵓⴽⴰⵏ ⴰⵔ ⴳⵉⵙ ⵉⵃⵃⵔⴳ ⴰⵔⴽⵉⵖⵜ ⴽⵓⵍⵍⵓ ⵍⴰⵃ
ⴰⵖⴰⵔ ⴰⵔ ⴷⴰⵖ ⵜⵏⴷⴰⵎⵖ ⴰⵔ ⵜⵎⵔⵔⴰⵜⴰⵖ
ⵉⵎⵎⴰ ⵚⵚⴰⵃⵜ ⵓⵔⴰⵖ ⵉⴱⴰⵏ ⵎⴰⵙⵜⵜ ⵙⵓⵍ ⵉⵔⴰⵏ
ⵏⵚⵚ ⵉⵢⵎⵓⵙⵍⵎⵏ ⴷⴷⴰⵏ ⵢⵉⵡⵉⵜⵏ ⵛⵉⵟⴰⵏ
ⴰⴳⴳⴰⵎⵎⵉⵏ ⵙⵓⵍ ⴰⴷⴷ ⴰⴹⵓⵏ ⴽⵓⵍⵍⵓ ⵖⴰⵎⴰⵏⵏⵉⵏⵏ
ⵓⵔⴰⴽ ⵉⵅⴼⵉ ⵓⵔⴳⴰⵣ ⵉⵖⵜ ⵡⵙⵙⵅⵙⴻⵔ ⵉⴼⵉⵙ
ⴰ ⵎⴰⴷ ⴰⵙ ⵙⵓⵍ ⵉⵙⵙⵓⴳⵔ ⵡⴰⵏⵏⴰⵜ ⵉⵜⵜⵓⵚⵚⴰⵏ
ⵓⵍⴰ ⵢⴰ ⵢⵔⴰⵏ ⴰⵜⵜⵉⴷ ⵉⵜⵜⵔⴰⵔⴰ ⵙ ⵓⵖⴰⵔⴰⵙ
ⵙⵓⵍ ⴰⵔ ⵉⵜⵜⵄⵔⵔⴰⵛ ⵉⴹⵉⵢⵄ ⵍⵃⵓⵔⵓⵔ
ⵍⵃⵓⵔⵓⵔ ⵍⵡⴰⵍⵉⴷⴰⵢⵏ ⵓⵍⴰ ⵡⵉ ⵡⴰⵔⵔⴰⵡ
ⵓⵍⴰ ⵍⴰⵃⵔⵓⵔ ⵏ ⵟⵟⵍⴱⴰ ⵓⵍⴰ ⵡⵉⵏ ⵍⵄⴰⵍⵉⵎ
ⴰ ⴷ ⵡⵉ ⵡⴰⴷⵊⴰⵔⵏ ⵍⵍⵉ ⴷⵉⵙⵏ ⵉⵛⵔⴽⵏ ⵜⵉⵙⵏⵜ
ⴰⵢⴰⴽ ⴰⴷⵊⴰⵔ ⵍⵃⴰⴷⵉⵜ ⴰⴼⵍⵍⴰⵙ ⵉⵏⵏⴰⵏ
ⴰ ⵣⵓⴷ ⵜⴰⴳⴻⵎⴰⵜⵜ ⴽⵎ ⴰⴳⴳⵉⵡⵏ ⵓⵔ ⴰⵡⵉⵏ ⵍⵄⴰⵔ
ⴰ ⵜⴰ ⵖⴰⵡⵙⴰ ⵏⵏⴰ ⴼ ⵉⴳⴰ ⵉⴼⴰⵙⵙⵏ ⵢⴰⵙⵉⵜⵏⵜ
ⴰ ⵡⴰⵍⴰⵢⵏⵏⵉ ⵜⴰⵏⵏⴰ ⴷⴰⵔⵙ ⵓⴽⴰⵏ ⵓⵔ ⵉⵍⵍⵉⵏ
ⵉⵎⵎⴰ ⵀⴰⵏⵏ ⵜⵉⵏ ⵟⵏⵣ ⵓⵔⵜⵏⵜ ⵉⵙⵙⵓⴽⵉ ⵛⵔⵄ
ⵉⴳⴰ ⵍⵉⵃⵙⴰⵏ ⵍⴼⵔⴹ ⵍⵇⵯⴻⵔⴰⵏ ⴰⵖ ⴰⵙ ⵏⵙⵍⵍ
ⴰⵡⴰ ⵍⴰⵢⵏⵏⵉ ⵙⵄⵜⴰⴷ ⵓⵔ ⵙⵓⵍ ⵉⵍⵍⵉ ⵍⴰⵎⴰⵏ
ⵖⵉⵍⴰⴷ ⴰⴷⵊⴰⵔ ⴰⵔⴰ ⴳⵉⵡⵏ ⵉⵙⵙⵔⵖ ⵍⵄⴰⴼⵉⵜ
ⴰⴽⴽ ⵉⵃⵔⴳ ⵙⵓⵍ ⵉⵣⵓⵣⵣⵔⴽ ⵢⴰⵡⵉⴽⵏ ⵡⴰⵍⵉⵎ
ⴰⴽⴽ ⵉⵃⵔⴳ ⵉⵣⵓⵣⵣⵔⴽ ⵢⴰⵡⵉⴽ ⵓⵥⵎⵎⴻⴷ
ⴰ ⴽⵔⴰ ⵡⴰⴷⵊⴰⵔⵏ ⵣⵓⴷ ⴳⵉⵙⵏ ⵜⵔⵖⴰ ⵜⴰⴽⴰⵜ
ⴰⴷ ⴰⵖ ⵉⵙⵜⵔ ⵔⴱⴱⵉ ⵣⵓⵏ ⵛⵔⴽⵏ ⵜⴰⴼⴼⵉⵡⵉⵏ
ⴰ ⵎⵎⴰⵖⵏ ⵖ ⵉⵢⵢⵉⴹ ⵓⵍⴰ ⴰⵣⴰⵍ ⵎⵉⵡⴰⵏ ⴰⵔ ⵉⴽⴽⴰⵜ
ⴰ ⵎⴰⴼ ⴰⵟⵟⵣⵉⵏ ⵏⵔⴰ ⴰⴷ ⴰⴽⵜ ⴰⵅⵓⵢⴰ ⴼⴰⵙⵔⵖ
ⵓⵔⴰⴽ ⵉⵅⴼⵉ ⵍⴽⴷⵓⴱ ⴰ ⴼⵍⴰⵏ ⵏ ⵜⵎⵖⴰⵔⵉⵏ
ⴰ ⵜⴰⵍⵍⵉ ⵉⵣⴳⵓⵔⵏ ⵔⴰⴷⴷⵉ ⵜⵙⴰⵡⵍ ⵜⵏⵏⴰ ⵢⴰⵙ
16.09.2023
القصيدة طويلة تجاوزت عدد الحروف المسموح بها على يوتوب اليكم رابط القصيدة كاملة تانميرت
www.facebook.c...[0]=AZVMoh65Xc7Zq15GSzPF7BKjW_aN9vL9V3PTveYKW1yNzTrUWFOEtrJ6icHoeizKBq6x8yLqphorKpLokmMWGgZL4Pv7USMHDmuLJPI_JeevFQ&__tn__=%2CO%2CP-R
الله ايموريك ن دين ماكن سول ئران
الله ايموريك ن دين ماكن سول ئران
او لايني لابود اك عمرغ ئغ ؤفيغ
او لايني لابود اك عمرغ ئغ ؤفيغ
اداغ ئتصاحا لاجرنك ؤفن صاحا نون
اكن عمرغ ئي ويد اغ سول ئلا ليمان
اسنّ ئس را سول مضلن غ اماس ؤاكال
الاح اك تيفيي د ئخسان ؤلا سمع نس
يان ئران لجنت اداس ملغ اغاراس نس
ؤر ئطاف لبيراج ئفتا كولو نيشان
اهان ؤر كيس ئمودال والا تالاتين
اغاراس ن ربي ات ئكان يان ئران ات ئك
اماني تريت اواد اؤر ئكين اغاراس
اغار ئفكات ئي تاكانت ؤكان ؤر ئسين
ئس اس ئمدي واكرزام لي راتن سول ئش
نغ اس ئمدي ئزم دا ؤر ئلين اسافار
ات ئكان د ئغن ئضر غ واسيف ن غايان
ؤكان ار كيس ئحرك ار كيغت كولو لاح
اغار ار داغ تنضامغ ار تماراتاغ
ئما صاحت ؤراغ ئبان ماست سول ئران
نص ئيموسلمن دان ييويتن شيطان
اكامين سول اد اضون كولو غامانين
ؤراك ئخفي ؤركاز ئغت ئسخسر يفيس
اماداس سول ئسوكر وانات ئتوصان
ؤلا يايران اتيد ئترارا س ؤغاراس
سول ار ئتعراش ئضيع ؤكان لحوقوق
لحوقوق لواليداين ؤلا وي وارو
ؤلا لاحقوق ن طلبا ؤلا وين لعاليم
اد وي وادجارن لي ديسن ئشركن تيسنت
اياك ادجار لحاديت افلاس ئنان
ازود تاكمات نك اكيون ؤر اوين لعار
اتاغاوسا ناف ئكا ئفاسن ياسيتنت
اتاغاوسا ناف ئكا ئفاسن ياسيت نت
اوالايني تانا دارس ؤكان ؤر ئلين
ئما هان تين طنز ؤرتنت ئسوكي شرع
ئكا ليحسان لفرض لقران اغ اس نسلّ
اوا لايني سعتاد ؤر سول ئلي لامان
غيلاد ادجار ارا كيون ئسرغ لعافيت
اك ئحرك سول ئزوزرك ياويكن واليم
اك ئحرك ئزوزرك ياويك ؤصمّيض
اكرا وادجارن زود كيسن ترغا تاكات
اداغ ئستر ربي زون شركن تافيوين
اماغن غييض ؤلا ازال كيوان ار ئكات
اماف أطزين نراد اكت اكويا فاسرغ
ؤراك ئخفي لكدوب افلان ن تمغارين
اتاني ئزكورن رادي تساول تنا ياس
اماشو نم اداغ ئبين غ ؤفولوس ناغ
اترار اسد لويجاب نس نتات تناياس
اجمافو ئغ ام اك ئبي ؤماشو غ ؤفولوس
واترار اسد لويجاب نس نتات تناياس
اؤلله واحق ربي اركم يوف ؤفولوس
ياسوس ام كولو وازار تيريت لحايات
ئربي سغاس دوا كاست اسول ؤر ئطار
ئميك ن زيت تابلديت ئغت ئي توفيت
اسي وامزاضن كاكيسن ؤكان ئغامان
اتراراسد لويجاب نس نتات تناياس
اوالايني غيكاد ئركا غاياد تلسيت
ؤر جيد اقشاب نم ايكان امان
ئد ئس ام لاح صابون ريغ اييت تينيت
نغد ئزد لعكز اكيم ؤكان ئتيلين
اماغنت س ئفاسن كينت ؤلا تاغوييت
يازلد ؤركاز ن تاد ايس ئنان افولوس
ئفرح ئبليس ئلا دارس لفرح ئكملن
اياماراك اكن بادلغ را نيني واياض
ايان انغ ئسفليدن فكاغ لخاطر نون
اواخا ؤكان تنضامع ار نتيني شرع
ؤلا لاخبار ن ريبا افلاسن ساولغ
الله ئرحم ويليد ئفالن لوصيات
لغوش ات ؤر ئزنزا ؤموسلم ئي واياض
اوالايني غيكاد ؤر سول ئلي لامان
اتاغاوسا ناسندا افغن ئميك اتين
ايات نسنت ئغ ندا س تامنت افاغن
اسوكار كا كيس ئكوتن ئغتن ئرا يان
ايات نسنت تاموديت ئغ تيد تيويت
تادونت د باطاطا اكيس ؤكان ئتيلين
ؤلا لاخبارات ن زيت نساول فلاس
مناصا ئكا تابلديت نص تاروميت
اهان اركان ئلا كيس نص ؤتاي
ؤلا ليسيور ئلاكيس ايان ؤر ئسن
اوالي رات ئخلض ئسن اد سغين اتاي
ئلا نيكرو يوجاد رخا كاس ات ئساغ
ئلا نيكرو يوجاد رخا كاس ات ئساغ
ايات نسنت ئغ ندا س واتاي ات نساغ
لباكيت ئغتيد نسغا ار تخميماغ
مقار اك كيس كراض ئتران ؤلا سموس
اكونس نس وي ؤكضيض ئغتِ تسويت تاحلت
اليقامت ئغ تيد نسغا ار تخميماغ
مناصانس ئكا توكا مناصا غار اكال
ؤكان ار سول تسيكيلت ات تسكرت اتاي
نلكم تي يكزارن دا ؤر ئلين اسافار
اكزار هاتين ئكا لمعلم ئكملن
مقار ن توفيت اضار ن ؤحولي سرسنت
الا بود بالالا اكيس تاويت لحق نك
ؤلا/ تيخسي/ تيلي لابود نس است ئي تاويت
ئسووري ئواليون ئسكيديت :
محمد وادي

[@BrahimHSAINE]

عمر واهروش فنان و مقاوم يستحق التشجيع و التقدير والاحترام على مجهوداته

[@sifaw677]

ⴰⵢⵢⵓⵣ ⴰ ⵙⵙⵉ ⵎⵓⵃⵎⵎⴰⴷ