რადიაციის კვლევის, უსაფრთხოებისა და მონიტორინგის სისტემა

გთავაზობთ ვებინარს, რომელზეც წარმოგიდგენთ ათასწლეულის გამოწვევის ფონდი - საქართველო | MCA - Georgia-ს „ათასწლეულის ინოვაციის კონკურსი 2022“-ის გამარჯვებულ პროექტს - „რადიაციის კვლევის, უსაფრთხოებისა და მონიტორინგის სისტემა“.
პროექტის ფარგლებში ავტორთა გუნდის „LIGGA“-ს მიერ შექმნილია ავტონომიური სისტემა, რომელიც რადიაციული საფრთხის შემთხვევაში შეისწავლის განსაზღვრულ ტერიტორიებს, დამოუკიდებლად შეძლებს გარემოში ორიენტირებას, დაისწავლის და გაიმეორებს მარშრუტს, უსაფრთხოდ გადალახავს დაბრკოლებებს, აღმოაჩენს რადიაციის წყაროს, მოახდენს მონაცემების ავტომატიზაციას და ინფორმაციას მიაწვდის მომხმარებელს.
პროექტის გუნდმა კონკურსის მთავარი პრიზი - აშშ-ში NASA-ს საზაფხულო ბანაკში გამგზავრება მოიპოვა.
ვებინარს უძღვებიან:
მასწავლებელთა პროფესიული განვითარების ეროვნული ცენტრის სტემ მიმართულების კონსულტანტი - დავით სონღულაშვილი.
პროექტის გუნდის მენტორები - მარეხ მაზანაშვილი და უტა კილასონია.
ვებინარის სტუმრები - პროექტის გუნდის ,,LIGGA“ წევრები:
ირაკლი ქუცნაშვილი - ქართულ ამერიკული სკოლა „პროგრესი“ (თბილისი);
ლიზი თეთრაშვილი - „მწვანე სკოლა“ (თბილისი);
გეგა შავდათუაშვილი - სერვანტესის სახელობის გიმნაზია „აია-ჯესს“ (თბილისი);
ალექსი კუხიანიძე - ქართულ ამერიკული სკოლა „პროგრესი“ (ქუთაისი);
გიორგი ტყებუჩავა - წმინდა ალექსი შუშანიას სახელობის მართლმადიდებლური სკოლა-გიმნაზია (სენაკი);
გუნდის ინსტრუქტორი - ნატო გოგატიშვილი.