Ramiz Rövşən - Darıxır

İfa: Xəzər Süleymanlı
Şeir müəllifi: Ramiz Rövşən
Bu nə təhər darıxmaqdı,
Axı belə kim darıxır?!
Cibimdə əlim darıxır,
Ağzımda dilim darıxır.
Darıxır qabım-qaşığım,
Darıxır yorğan-döşəyim.
Evdə qalsam, evim-eşiyim.
Yol getsəm, yolum darıxır.
Yoluma qızlar çıxsalar,
Gülüb üzümə baxsalar,
Yaxama bir gül taxsalar,
Yaxamda gülüm darıxır.
Hara atım bu kədəri?
Yox hesabı, yox qədəri,
Görünür məndən ötəri
Hardasa ölüm darıxır.

[@humayismayilova179]

Bravoo..

[@gulnartacl6406]

.....

[@mirselimmiragayev7879]

Mene aidd