ربعي اقرب من حزامي 🔥 الشاعر مانع بن ناصر - المنشد حسين ال لبيد

جيت في الساحة وحيدُ و بغادرها وحيد
شطر بيتٍ لـ بن ريفه قعدت اردده
مبطيٍ من ساحة الشعر وبيوت القصيد
ومن حياً يحيي ضميري ليا حن رعده
كل يوم اقول للناس ماعندي جديد
الجديد اني ما فكر بكره و بعده
ملتهي في طاعة اللي خلقنا له عبيد
مايخيب المسلم اليا ترجى و عبده
ملتزم في حبل ربي وحبل الله جويد
وكفني يارب من شر نارٍ موقده
لي ثمان شهور واكثر وانا حظي عنيد
مجهدً حالي و مالي و فكري مجهده
صرت مثل العاقل اللي ينادونه بليد
كلمةً تجرح ضميره وكلمة تسعده
بس حظ اللي لقاله على الدنيا عضيد
ايتحزم به لا جات الامور معقده
ايه هذا الليل فرحة وهذا اليوم عيد
و المطر هلّت تباشيره و طاح برده
ارحبو ترحيب ربعي هل المجد التليد
عد من قد زار قبر النبي في مسجده
بسم ابوي وبسم ربعي بكررها و عيد
ارحبو في حفلنا اللي حضرتو بوعده
الشحم و العود الازرق على المبخر يزيد
كل كسرة عود كنها مثل قبضة يده
عند ربعن فـ الملاقا وفـ اليوم الوعيد
القصور مشيّده و السيوف محدده
ال هران الفعايل منزحة الضديد
حدنا نحميه بسيوفنا المتجرده
صيتنا يفخر به العود قدام الوليد
ومجدنا في قمة الرجم محدٍ يجحده
ياسعيد اطرب و شوّش و دندن ياسعيد
ياسمييّ اللي فعوله بـ طيب مخلده
انت اخوي اللي ليا ضقت لايمكن يحيد
حظ منهو حزة الضيق عدك مسنده
كاسبن كل المراجل عسى عمره مديد
و متنقي راسه الكفوْ من خال ولده
ناسب اكبار التواريخ و الفعل الفريد
روس قومن في علوم الوفاء متجوده
ال يحمد بنك الامداح وحزام ورصيد
صيتهم معروف و فعالهم متفرده
ولّا انا جيت بفخر بربعي بستزيد
وكل شاعر لا تعنصر فلا احدٍ ينقده
افتخر في جمع سنحان فـ الوقت الشديد
واالله انحن فـ الحرايب جنود مجنده
ربعي اقرب من حزامي ومن حبل الوريد
يا رصيدي في الشدايد لا ضاعت الارصده
حن حزامٍ للقريّب و درعٍ للبعيد
ينتخي فينا السنافي ويبشر بسعده

[@user-zj3vs6jd4y]

و نعععم مليون يا قحطان ، بد و قبيلة و نعععم والله رجال رجال حي عينكم يا خوالي ❤❤❤❤❤❤❤

[@user-cg5kr6qb6k]

صح لسانك يبو ناصر اشهد انك شاعر مبدع ومتميز 🫡

[@user-cw4mk5jq5z]

ونعم يال محمد بن ظافر

[@user-em7kv7ow3y]

شاعرررر جززززل الكلمات جباره لله درك يبو ناصر

[@user-cd2wz9qz4e]

يسلام يبو ناصر وجعل لسانك يصح .

[@user-xu4im7qm8i]

والله الي كفو بالشاعر ويستاهل سعيد والله يبني بناه

[@user-zj3vs6jd4y]

و الشيلة و الله ان تشوش بقوووة حي عينكم .

[@Gookbeg]

القصيدة كفو والمنشد متميز

[@alialmakrami4363]

ونعم صح السانك حي ذا الصوت ما شاء الله تفوز شيله كفوو يا صبيان ال لبيد ولا هي بغريبه عليكم الغعل الغانم وطيب وخير

[@user-ur2ie1ve9w]

ياسلام

[@raidalqahtani6717]

لله در هالشاعر المميز صح الله لسانه 👌