Рет қаралды 8,280
ربيع لينه ١٤٤٢هـ
ذعذع النسناس والخاطر شفاوي
بين حد النازيه واطراف لينه
طربة المقناص وأكبار الهقاوي
مااعرفا من تراكا فالمدينة
للوسم فالنفد واطرافه ملاوي
للخزامى والربل فالنفد عينه
لام سالم في نبانيبه لاعاوي
صوتها يحي هواي الذكرى الحزينة
لاسمعها راعي القلب الهواوي
جاوب الونات من صفقة يمينه
زين شب النار والليل متهاوي
واليماني فالسما يوضي جبينه
شبت تشعم من السمر الرهاوي
للجذوب وشوف عين مسامرينه
والدلال اللي بها طب المداوي
كانها والجمر سجان وسجينه
والنشامى بينهم حلف وعزاوي
كلن يسابق على الخدمة عوينه
سالفتهم من حكيم وصدر راوي
والقصيد اللي ينومس ناضمينه
والطيور اللي تصخر كل غاوي
للهدد فيها طيار خابرينه
ماكر الشاهين والسبق الرهاوي
قاطع الشطين ماجا فالسفينة
لاالشفق والليل في ريشه حراوي
قد بياض الذيل من فرسه سحينه
وقفته فيها كبر شيخ غناوي
والعشا والموت في كفه وعينه
لا الخريش اللي ورا الغيمة جلاوي
من طواريح النوادر منتقينه
قلب ليث وعنق داب ووجه عاوي
عين قرم لااذ من خلفه زبينه
والعذر لاغبت يالحر النداوي
كل طير له هداد عارفينه
كل الشكر لمن شاركنا هذه الرحلات الجميلة
تقبلوا تحياتي
أخوكم سليمان غربي الجنيدي
#لينه #شيله #كشتات