ЭРДЭНЭБҮРЭНГИЙН УСАН ЦАХИЛГААН СТАНЦ

Эрчим хүчний салбар нь Монгол улсын үндэсний аюулгүй, хараат бус, бие даасан байдлыг хангах стратегийн ач холбогдол бүхий хөгжлийн тэргүүлэх салбарын нэг.
Монгол улсын хэмжээнд цахилгаан эрчим хүч хэрэглэгчдийн тоо сүүлийн жилүүдэд дунджаар 7-8 хувь өссөн бол дотоодын эрчим хүчний үйлдвэрлэлийн хэмжээ ч үүнийг дагаад 6-7 хувиар нэмэгдсэн үзүүлэлттэй байна. Зөвхөн 2020 онд гэхэд эрчим хүчний хэрэглээ 8.851.3 сая кВт цагт хүрч, өмнөх оноос 1.5 хувиар нэмэгджээ. Энэхүү нийт хэрэглээний 80.7 хувийг дотоодын үйлдвэрлэлээс хангасан бол үлдсэн хувийг 14 дэд станцаар дамжуулан ОХУ болон БНХАУ-аас импортоор худалдан авч байна.