ردية رائعة ين سلطان الهاجري مرسلها لـ ضيدان بن قضعان

ردية رائعة بين سلطان الهاجري
مرسلها لـ ضيدان بن قضعان
بالله
يأهل دبي ولا هل العين
من قال تبشر به عطيته بشارهـ
قرناس
عشر سنين وأربع وعشرين
الله وش فيه من الوفاء والقشارهـ
وأن قام
يدرج عينه يسار ويمين
مثل الخفير الي مداقش خفارهـ
يا شيب
عيني لا كفخ بالجناحين
أسبق من طيار الآباتشي طيارهـ
ما هاجر
الا بين خظر البساتين
في ضيافة الي ما يحسب الخسارهـ
يخلي
مراحين ويملى مراحين
بيمنى من صدوف الليالي مجارهـ
يمنى الكريم
مبدل العسر باللين
نعم نعم فزاع نمر النمارهـ
أشهر أبراج
العام الأول وذالحين
برجين برج أيفل وبرج التجارهـ
وضيدان يكرم
في ضيافة كريمين
كنه من آل مكتوم والدار دارهـ
فندق جميرا
بيتش ومالية حمر عين
من مر منهم قام يمسح جدارهـ
واليوم يا
ضيدان وينك وأنا وين
خليتني مابين تاره وتارهـ
أشيل ما
شالت ظهور البعارين
وأصد غاره وآتصدى لغارهـ

وهذه القصيده التي رد بها
ضيدان على سلطان :
البارحه في
الدور واحد وخمسين
شبيت من راس الفتيل الزقارهـ
وكنيتها لين
أمتلن الشرايين
لعلها تطفي لهيب الحرارهـ
ولفتها
والدمع في محجر العين
والدمع ماسال لكنه رهين الأشارهـ
أقرأ وأعيد
الخط مره وثنتين
وأقول من صدرً تحطم عبارهـ
لبيه يا
سلطان لو نازح البين
يزوي سرابه ويتركز غبارهـ
غربت
حاديني من الفقر والدين
ماحد أبو عرام يجلب قشارهـ
ونصيت ربي
ثم نصيت السلاطين
اللي تحفظ لكل رجل وقارهـ
ومن فضل
رب البيت مابين عدين
بين أحمد وحمدان والعلم سارهـ
في فلةً في
دبي ملكي ودورين
تعلم البدوان فن الحضارهـ
قدامها
لنكون وكدلك ورنجين
وفي البر عزبة وفي المدينه عمارهـ
وأن طعتني
روح علي ياأحمر العين
بشت الغناة ولا بشوت الأمارهـ
ومن لاعشق
له وحدة من هل العين
عز الله أن باقي حياته خسارهـ