Рет қаралды 17,662
SOQQY Telegram: t.me/soqqyjanegoal
Бізді іздесеңіздер:
/ alimjanasqar
/ tarazfifa
Есбол Қарағұлдың инстасы: / yesbol_qaragul
Есбол Қарағұлдың ютуб-арнасы: • БАВАРИЯ ӘБДЕН МАЗА БЕР...
"Барселона" командасының басшылары "Атлетикомен" соттасып, шабуылшы Антуан Гризманн үшін 40 миллион еуро талап етпекші. Каталониялық клуб шабуылшыны мадридтік команданың негізгі футболшысы деп санайды.
Қазіргі уақытта шабуылшы "Атлетико" сапында жалда өнер көрсетеді. Екі маусымда Гризманн команданың 50 пайыз ойынында 45 минуттан ойнайтын болса, мадридтіктер оны "Барселонадан" оны 40 миллион еуроға сатып алуға міндетті. Сол үшін соңғы бес ойында Антуан алаңға 60 минуттан кейін шығуда.
Осыған дейін басылымдар осылайша "Атлетико" командасы заң бұзып жатқан жоқ деген ақпарат шықты. Ал оның агенті "Барселонаға" бағаны түсіру туралы ұсыныс жасаған. Бірақ "Барселона" мұнымен келіспеді. Енді олар да заңгер жалдап, соттасуға дайындалуда.
Гризманн "Атлетико" сапында 2014-2019 жылдар аралығында ойнады. Содан соң "Барселонаға" 120 миллион еуроға сатылды. Ал 2021 жылғы маусымда мадридік команда оны жалға алды.
Ал Испания спорт агенттігі ассоциациясының президенті Педро Браво El Chiringuito TV арнасының тікелей эфирінде мадридік "Реалдың" жұлдызы Винисиус Жуниорды нәсілдік тұрғыда мазақ етті.
Бравоға "Реал" шабуылшысы гол соққан соң оны бимен тойлағаны ұнамайды екен.
"Егер сен самбо билегің келсе, би алаңына бар. Бұл жерде сен қарсыластарыңды сыйлау керексің. Өзіңді маймыл сияқты ұстағанды қой", - деді Браво.
Биылғы маусымда Винисиус Испания чемпионатында бес кездесуге қатысып, төрт гол соғып, бір нәтижелі пас берді.
22 жастағы шабуылшы "Реал" сапында 2018 жылдан бері өнер көрсетіп келеді.
"Атлетико" командасының капитаны Коке де мадридтік дерби алдында "Реал" шабуылшысы Винисиус Жуниордың голды тойлауына байланысты пікірін білдірді.
Капитанның айтуынша, "Реал" шабуылшысы "Атлетикоға" қарсы кездесуде гол соғып, билейтін болса, қиындыққа тап болуы мүмкін.
"Оның тойлауын түсінемін бе? Әр футболшы әртүрлі тойлайды. Көңілі қалағанынша. Бірақ ол бізге қарсы билеп тойласа, қиындыққа тап болады деп ойлаймын. Біздің жанкүйерлер оны көтере алмайды. Бұл шындық", - деді Коке.
Айта кетейік, "Атлетико" мен "Реал" арасындағы кездесу Испания біріншілігінің алтыншы туры аясында 18 қыркүйек күні өтеді.