Redi Muçi i ftuar në "Kinotekë n'Sol" për librin "Teknofeudalizmi" nga Yanis Varoufakis

Si teknologjia po formon ekonominë dhe shoqërinë sot?
"Teknofeudalizmi: Çfarë e vrau kapitalizmin", të përkthyer në shqip nga aktivisti i Lëvizja BASHKË dhe pedagogu Redi Muçi.
Varoufakis analizon mënyrën se si gjigantët e teknologjisë - kompanitë më të fuqishme të Silicon Valley - kanë marrë rolin e zotërinjve të rinj feudalë të epokës moderne. Ai tregon se ky transformim rrënjësor nuk është vetëm një ndryshim ekonomik, por edhe një tronditje e thellë sociale dhe politike. Në këtë sistem të ri, teknologjia nuk është më thjesht një mjet që fuqizon individin, por një forcë që skllavëron mendjet tona, shkatërron bazat e demokracisë dhe vendos rregulla të reja për pushtetin global. Kjo çon drejt një bote ku pabarazia thellohet, ndërsa pakica e teknokratëve kontrollon jetën dhe informacionin tonë.
Megjithatë, Varoufakis nënvizon se, pavarësisht nga këto sfida të mëdha, teknofeudalizmi sjell edhe mundësi për të kundërshtuar dhe përmbysur dominimin e tij. Për autorin, është thelbësore që të ndërgjegjësohemi dhe të bashkohemi në përpjekjen për t'u çliruar nga ky "burg dixhital" dhe për të rivendosur kontrollin mbi jetën dhe të ardhmen tonë.
#lëvizjabashkë #redimuçi #yanisvaroufakis #capitalism #technofeudalism #podcast #shqip #jeffbezos #elonmusk #markzuckerberg