Репортаж об открытии выставки

Уæрæсейы, Цæгат Ирыстоны æмæ Таджикистаны адæмон артист стыр æвæрæн бахаста аивадмæ. Курдиатджын артист кинойы æмæ театры сценæйы цы сурæттæ сарæзта, уыдон ныры онг хуыздæр ахъазын никæмæн ма бантыст. Уататы Бибойы номыл театралон аивады музейы арæзт æрцыд равдыст. Спектакльтæй æмæ кинонывтæй хуызистытæ, афишæтæ æмæ театралон программæтæ, Бибойы цард æмæ сфæлдыстады æвдисæндартæ. Зындгонд актеры æрымысыдысты йæ хиуæттæ, æмкусджытæ, йæ курдиатæн ын стыр аргъ чи кодта, уыцы адæм.
Гуыбиаты Хъазыбег, Ирон театры аивдон разамонæг: «Сыгъдæг, рæсугъд, бæрзонд, куырыхон æмæ сæ чи фæуыдзæнис нымад, ахæм адæймаг уыдис. Тынг дзæбæх адæймаг уыдис. Мах иумæ уыдыстæм Ташкенты. Æмæ уым фæцæйцыдыстæм, æмæ мæ уырнгæ дæр нæ кодта, фæлæ бирæ адæм иу æрлæууыдысты æмæ йын йæ къухтæн пъатæ кодтой, хъæбыстæ йын кодтой. Уарзтой йæ».