Рет қаралды 822
Koli Kia (José da Costa Soares), 62 ano, 13 mai 2022
Ungauk anung tai tara
Ungauk umang tai tara
Tara leom nia Pok Tutun
Tara leom nea Pok Lolon
***
Patu sapu mu kai mo
Patu lenganmu kai mo
Isu talin Piluli
Ole talin Piluli
O sesapu ti sapu
O memlengan ti mlengan
***
Isinghalin ngemharun
Anahalin ngemharun
Isinghalin Kia Katu
Ananghalin Kia Katu
Ma nelatu au bua
Ma nelatu au malus
Malus tapu ro kiris
Malus tapu ro pelak
Sou nau replai ro
Kiris kmama luri ro pelak
Sapu ene hanau
Klengan ene hanau
***
Poti lehu tapaku
Ra’an lehu tapaku
Isinghalin ngemharu
Anahalin ngemharu
***
Kngote hahan hea kaim mou
Hleri hahan hea kaim mou
O ma ilin rero
O ma hatin rero
O ma sanga imhlerin
O ma sanga im rani
Lu ma modi im hleri
Lu ma modi im rani
Mla’a mo nia o lilin
Mla’a mo nia o hatin
Tilu tetemla ro ne’e
Lamlaek tete mla ron ne’e
Ton hnei ton hnei mahali
Ton hnei ton hnei mahali
Tilu tete ia hali
Ma kla’ek tete ia hali
Temin rodi ingaem nou
Rekngai rodi ingaem
Isinghalin ngemharu
Anahalin ngemharu
Nengnau ia ou ia nunum
Nengnau ia ou ia nunum
Ma tuk souru nekmani
Ma ngauk soru nekmani
Pua hei kaim mou mak mama
Malus hei kaim ou mak mama
Isinghalin eia ou
Anahalin eia ou
Isinghalin ngemharun
Anahalin ngemharun