Рет қаралды 114,964
ពលរដ្ឋខ្មែរសឹងគ្រប់រូបនៅតែមានកង្វល់ពីគំរោងអភិវឌ្ឍន៍តំបន់ត្រីកោណកម្ពុជា ឡាវ និងវៀតណាម (CLV-DTA) និងមានការបញ្ចេញមតិលើសំណុំរឿងដ៏ចម្រូងចម្រាស និងក្ដៅគគុកមួយនេះ មិនចេះដាច់។ ជាទូទៅ នៅក្នុងការបញ្ចេញមតិលើករណី CLV-DTA ពលរដ្ឋតែងទទួលរងការព្រមាន ឬការបង្ក្រាប ដោយការប្រកាសដាក់ទោសទណ្ឌពីសំណាក់អាជ្ញាធរមានសមត្ថកិច្ច។
ប៉ុន្ដែនៅថ្ងៃទី១៣ ខែសីហា ឆ្នាំ២០២៤ លោកនាយករដ្ឋមន្ដ្រី ហ៊ុន ម៉ាណែត បានសរសេរលើបណ្ដាញសង្គមថា ការបញ្ចេញមតិ ការបង្ហាញអំពីទស្សនៈ ឬកង្វល់របស់ពលរដ្ឋចំពោះបញ្ហាជាតិ ជាសិទ្ធិរបស់ពលរដ្ឋ គឺមិនមានអ្វីខុសនោះទេ។ លោកបានអំពាវឱ្យពលរដ្ឋបន្ដបញ្ចេញមតិថែមទៀត តែត្រូវឈរលើអភិក្រម ដែលមិនបង្កឲ្យមានបញ្ហាអស្ថិរភាពដល់ប្រទេសជាតិ និងរំខានដល់សេចក្តីសុខរបស់ប្រជាពលរដ្ឋទូទៅ ដែលមិនខុសអីពីការដើរហួសព្រំដែននៃសិទ្ធិសេរីភាពក្នុងការបញ្ចេញមតិ។ ការលើកឡើងរបស់ប្រមុខរដ្ឋាភិបាលកម្ពុជាបានធ្វើឱ្យមានការចោទជាសំណួរថា តើពលរដ្ឋគួរតែបញ្ចេញមតិកម្រិតណា ដើម្បីកុំឱ្យហួសគំនូសក្រហមដែលរដ្ឋាភិបាលចាត់ទុកថា លើសពីព្រំដែននៃការបញ្ចេញមតិ?
#តំបន់ត្រីកោណកម្ពុជា ឡាវ និងវៀតណាម (CLV-DTA) #ការបញ្ចេញមតិ
🔔 Please subscribe: rfi.my/YTkm
🌍 ទទួលព័ត៌មាននៅជុំវិញពិភពលោកដោយផ្ទាល់ www.rfi.fr/km/
ភ្ជាប់ជាមួយហ្វេសប៊ុករបស់យើង rfi.my/FBkm
ទទួលព័ត៌មានពីយើងតាម X (ធ្វីតធ័រ) rfi.my/Xkm
ទទួលព័ត៌មានតាមតេឡេក្រាម rfi.my/TGkm