感動の佛曲 ༼ཀརྨ་པ།༽༽ཤེར་བསྟན། 噶瑪巴千諾 karmapa Khyenno

#噶瑪巴千諾 # karmapaKhyenno 唱誦：謝旦
ལེན་མཁན། ཤེར་བསྟན།
ཐུགས་རྗེ་འོད་དཀར་འཁྱིལ་བའི་བླ་མ་ཞིག།
ཡངས་པའི་སྔོ་སངས་ལྷ་མོའི་ཞལ་དཀྱིལ་དུ།།
མི་ནུབ་གླིང་བཞིའི་ཁྱོན་དུ་འཛུམ་དང་ལྷན།།
རྫོགས་ལྡན་དགའ་བ་བསུ་བའི་གྲོགས་སུ་གྱུར།།
ཀརྨ་པ།མཁྱེན་ནོ།
ཀརྨ་པ།ང་ཡི་བླ་མ་མཁྱེན་ནོ།
འགྱུར་མེད་སྐུ་ཡི་ས་འཛིན་དཀར་པོ་ལས།།
འགག་མེད་གསུང་གི་བདུད་རྩིའི་ཆུ་རྒྱུན་འབབ།།
འཁྲུལ་མེད་ཐུགས་ཀྱིས་འགྲོ་བའི་གདུང་བ་སེལ།།
རིས་མེད་འགྲོ་བའི་བླ་མ་ཀརྨ་པ།།
ཀརྨ་པ།མཁྱེན་ནོ།
ཀརྨ་པ།ང་ཡི་བླ་མ་མཁྱེན་ནོ།
ཉི་མའི་དྲོད་ཀྱིས་རྩི་ཤིང་ལོ་འབྲས་རྒྱས།།
ཟླ་བའི་འོད་ཀྱིས་གླིང་བཞིའི་མུན་པ་བསལ།།
ཁྱེད་ཀྱི་མཁྱེན་བརྩེས་མི་ཤེས་རྨོངས་ན་སེལ།།
མ་ལུས་འགྲོ་བའི་སྐྱབས་མགོན་ཀརྨ་པ།།
ཀརྨ་པ།མཁྱེན་ནོ།
ཀརྨ་པ།ང་ཡི་བླ་མ་མཁྱེན་ནོ།
མཇལ་ན་མཐོང་གྲོལ་ལྡན་པ་སྐུ་ཡི་ཉམས།།
ཉན་ན་ཐོས་གྲོལ་རང་བཞིན་གསུང་གི་མཐུ།།
བསམ་ན་དྲན་གྲོལ་ངོ་བོ་ཐུགས་ཀྱི་རྩལ།།
དྲན་རིག་སོར་རྟོག་རང་གྲོལ་ཀརྨ་པ།།
ཀརྨ་པ།མཁྱེན་ནོ།
ཀརྨ་པ།ང་ཡི་བླ་མ་མཁྱེན་ནོ།
ཚད་མེད་བྱམས་པའི་ཕྱོགས་དང་རིས་སུ་མེད།།
དཔག་མེད་སྙིང་རྗེས་དགྲ་ཡང་གཉེན་དུ་གཟིགས།།
སྒྲིབ་མེད་མཁྱེན་པས་ཤེས་བྱའི་དེ་ཉིད་རྟོགས།།
ཕྲིན་ལས་མཐའ་ཡས་རྡོ་རྗེ་ཀརྨ་པ།།
🌀加入會員，月一杯咖啡法布施，共享影音善業!
www.youtube.co...