Рет қаралды 62,153
#oranews #kuvendikombetaripd #kuvendipd #pd #kuvendi30prillit #saliberisha #berishanekuvendinepd #jozefinatopalli
Kuvendi Kombëtar i mbledhur këtë të shtunë miratoi ndryshimet statutore të PD-së, ndërsa Enkelejd Alibeaj nuk njihet më si kryetar i grupi parlamentar, kësisoj u shpall dhe vakanca për kreun e ri. Menjëherë pas hyrjes në fuqi të këtij Statuti dhe deri në përfundim të zgjedhjes së Kryesisë së PDSH, drejtimi ekzekutiv i partisë bëhet nga Komisioni i Përkohshëm i Rithemelimit. Ndërkohë Kuvendi edhe pse shënoi rikthime të forta duket se nuk i shërbeu bashkimit të demokratëve.
Komisioni i Rithemelimit nuk do të presë vendimin e Gjykatës së Apelit për të zgjidhur se kush do ta drejtojë Partinë Demokratike, pasi me miratim të 1425 delegatëve të Kuvendit Kombëtar i ka hapur rrugë zgjedhjes së kryetarit të ri.
Zgjedhjet për drejtuesin e selisë blu do të mbahen me 22 maj, proces i cili do të zhvillohet në të gjitha degët e partisë.
Përplasja e vazhdueshme me Sali Berishën i ka sjellë Enkelejd Alibeaj edhe shkarkimin nga detyra si kryetar të grupit të PD. "Ngarkohet Këshilli Kombëtar i PD për zgjedhjen dhe caktimin së bashku me nënkryetarët e dhe të kryetarit të Grupit Parlamentar të PD-së", tha Këlliçi.
Pavarësisht pritshmërive Kuvendi Kombëtar i PD nuk arriti dot të bindë shumicën e deputetëve kritikë që t’i bashkohen Komisionit të Rithemelimit.
Të vetmit që u pozicionuan publikisht në krah të Berishës, duke “tradhtuar” Bashën ishin Ina Zhupa dhe Kasëm Mahmutaj.
"Secili nga ne duhet të këtë pas qoftë edhe sedrën personale në shërbim të demokratëve", tha Zhupa.
Por Komisioni i rithemelimit nuk ka mbetur vetëm tek ftesat zyrtare dhe thirrjet publike, pasi Komisioni i Rithemelimit u ka lënë një derë hapur fraksioneve brenda partisë, tashmë të sanksionuar në statut, duke i bërë deputetët demokratë dhe kryetarët e degëve automatikisht pjesë të Këshillit Kombëtar, përveç 150 anëtarëve që do të zgjidhen me votë nga Kuvendi.
Ndërsa disa nuk bindën, të tjerë të larguar prej 5 vitesh nga PD, kundërshtarë të Lulzim Bashës dhe bashkëpunëtorë të Sali Berishës, janë rikthyer në familjen e tyre politike.
Ky rikthim ishte emocionues për Jozefina Topallin, ndërsa për Arben Imamin një proces më autokritika.
"Sikur një Kuvend tjetër në parë të kisha dalë dhe të kisha thënë atë që unë kam thënë gjatë këtyre viteve. Atyre që çojnë partinë e tyre në Gjykatë në mënyrë të palegjitimuar i them boll e keni lënduar këtë parti", tha Topalli.
Për më shumë lexoni në: www.oranews.tv/vendi/enkelejd...
Follow Televizionin Ora News
Website: www.oranews.tv
KZbin bit.ly/2DDddtL
Facebook: bit.ly/2RkUN4s
Instagram / oranewstv
Twitter / oranewsrtv