Ritm rəqs qrupu İsveçrədə 2 | ESAF Pratteln im Baselbiet | Festival der Trachtentänz | Milli reqsler

ESAF2022 - Eidgenössisches Schwing- und Älplerfest 2022 Pratteln im Baselbiet
‪@esafprattelnimbaselbiet1744‬
‪@AzDiaspora‬
2022-ci il 26-28 Avqust tarixlərində İsveçrənin Pratteln şəhərində Federal Güləş və Alp Festivalında Azərbaycan Respublikasının Diasporla İş üzrə Dövlət Komitəsinin dəstəyi "Azərbaycanın Dostları" Birliyinin təşkilatçılığı ilə ilk dəfə Azərbaycan təmsil olunub.
Festival çərçivəsində rəqs və milli geyimlərin nümayişi hissəsinə dəvət olunan "Ritm" rəqs qrupu ölkəmizi layiqincə təmsil etmişdir. İlk öncə Pratteln şəhərində keçirilən paradda iştirak edən qrupun rəqsləri və musiqi ifası insanlarda böyük maraq doğurmuşdur. Gözoxşayan milli geyimlər, musiqi alətlərinin nümayişi və yürüş zamanı göstərilən qısa rəqs parçaları yolboyu düzülən yerli əhali və qonaqlar tərəfindən böyük həvəslə alqışlanmışdır. Ardından rəqs üçün ayrılmış səhnədə Ritm rəqs qrupu iki dəfə fərqli və rəngarəng çıxışlar etmiş və tamaşaçıların rəğbətini qazanmışdır.
Qeyd edək ki, 1895-ci ildən keçirilən Federal Güləş və Alp Festivalı İsveçrənin milli festivaldır və hər üç ildən bir keçirilir. Bu möhtəşəm tədbir İsveçrədə hami tərəfindən tanınan və ölkə üzrə təmtəraqla keçirilən ən izdihamlı festivallardan biridir. Parada baxmağa gələn saysız hesabsız insanların Prattelnə gələ bilməsi üçün İsveçrə dövləti xüsusi olaraq ölkədaxili 160 qatar reysi təşkil etmişdir.
4000 nəfərin iştirak etdiyi parad canlı olaraq İsveçrə dövlət televiziyasında və başqa kanallarda canlı translyasiya edilmişdir. Ölkəmizin bu möhtəşəm festivalda ilk dəfə təmsil olunması böyük uğurdur və qürurvericidir.
00:00 İgidlər
02:15 Çay kompozisiyası
06:52 Nağara show
09:09 Yallı
Rəqqaslar
Solist : Yusif Məmmədov
Nurlana İbrahimova, Cəmilə Məlikova, Dərya Maslakova, Tunar Əzizli, Firuz Əlövsədov, Seymur Nəbi-zadə, Nəsib Cəbiyev
Geyim üzrə rəssam
Leyla Əliyeva
Ritm rəqs qrupu 2011-ci ildə fəaliyyətə başlamış və indiyə qədər Gürcüstan, Türkiyə, Rusiya, Amerika Birləşmiş Ştatları, Şimali Kipr Türk Respublikası, Çin, Belarus, Monteneqro, İsveçrə, Almaniya kimi xarici ölkələrdə Azərbaycanı layiqincə təmsil etmişdir. Qrupun əsas məqsədi mədəniyyətimizin ən qədim qollarından olan rəqs sənətinin ənənələrini qoruyaraq, müasir nəsilə düzgün şəkildə çatdırmaq və dünyaya təbliğ etməkdir.
Sizin dəstəyiniz bizim üçün çox əhəmiyyətlidir.
▼ Please Suscribe | Zəhmət olmasa abunə olun
kzbin.info/door/S7m...
🔗 Follow us on Social Media | Bizi Sosial Mediyada izlə
▼Facebook: / ritmdancegroup
▼Instagram: / ritmdancegroup
All rights reserved © 2022 | Bütün hüquqlar qorunur © 2022
#esaf #pratteln #diaspora
Ritm Reqs Qrupu / Ritm Rəqs qrupu / Ritm Dance Group

[@nasibjabiyev]

Congrats guys Proud of Azerbaijan